ຈີນກຳລັງໃກ້ຈະພັດທະນາວັກແຊງ ຕ້ານໄວຣັສໂຄໂຣນາໄດ້ແລ້ວ

- 151 - ຈີນກຳລັງໃກ້ຈະພັດທະນາວັກແຊງ ຕ້ານໄວຣັສໂຄໂຣນາໄດ້ແລ້ວ
- AGL - ຈີນກຳລັງໃກ້ຈະພັດທະນາວັກແຊງ ຕ້ານໄວຣັສໂຄໂຣນາໄດ້ແລ້ວ

     ກະຊວງວິທະຍາສາດ ແລະ ເຕັກໂນໂລຊີຂອງຈີນ ເປີດເຜີຍວ່າ: ວັກແຊງທີ່ພັດທະນາໂດຍທີມວິໄຈຈີນໄດ້ຜ່ານຂັ້ນຕອນການຄັດກອງຄວາມປອດໄພໃຫ້ສາມາດທົດລອງທາງຄລີນິກໄດ້ມາແຕ່ເດືອນມີນາ ແລະ ຖືເປັນວັກແຊງຕ້ານໄວຣັສໂຄໂຣນາຊະນິດທຳອິດຂອງໂລກທີ່ໄດ້ເລື່ອນຂັ້ນສູ່ໄລຍະສອງຈາກການທົດລອງທາງຄລີນິກ 3 ໄລຍະ ໂດຍວັກແຊງທີ່ກຳລັງພັດທະນານີ້ອອກແບບມາໃຫ້ໃຊ້ໄວຣັສໂຕອື່ນໃນການຖ່າຍທອດສານພັນທຸກຳ.

     ທີມວິໄຈດັ່ງກ່າວ ນຳໂດຍ ນັກວິໄຈຈາກສະຖາບັນເວດຊະສາດການທະຫານ ສັງກັດສະຖາບັນວິທະຍາສາດການທະຫານຂອງຈີນ ແລະ ປັດຈຸບັນ ທາງສະຖາບັນກຳລັງເຊີນຊວນໃຫ້ປະຊາຊົນທີ່ຕ້ອງການເປັນອາສາສະໝັກ ເຂົ້າຮ່ວມໃນການພັດທະນາວັກແຊງໃນຂັ້ນຕອນຕໍ່ໄປ ໂດຍໃນໄລຍະທີສອງຈະເນັ້ນຕີລາຄາປະສິດທິພາບຂອງວັກແຊງເປັນຫລັກ.

     ຂະນະດຽວກັນຍັງມີອີກ 2 ໜ່ວຍງານຂອງຈີນ ຄືສະຖາບັນຜະລິດຕະພັນຊີວະພາບອູ່ຮັ່ນ ເຊິ່ງເປັນສະຖາບັນຂອງລັດ ແລະ ບໍລິສັດວິໄຈ ແລະ ພັດທະນາຊິໂນແວກ (Sinovac) ເຊິ່ງເປັນບໍລິສັດເອກະຊົນ ທີ່ກຳລັງພັດທະນາວັກແຊງເຊັ່ນກັນ ຫລັງໄດ້ຮັບອະນຸມັດຈາກລັດຖະບານຈີນໃຫ້ສາມາດທົດລອງທາງຄລີນິກໄດ້ໃນເດືອນນີ້. ຂະນະທີ່ກະຊວງວິທະຍາສາດ ແລະ ເຕັກໂນໂລຊີຂອງຈີນ ເປີດເຜີຍວ່າ: ຍັງມີອີກຫລາຍໜ່ວຍງານທີ່ກຳລັງກຽມຈະຍື່ນຂໍອະນຸມັດຈາກລັດຖະບານເຊັ່ນກັນ.

- lattana banner - ຈີນກຳລັງໃກ້ຈະພັດທະນາວັກແຊງ ຕ້ານໄວຣັສໂຄໂຣນາໄດ້ແລ້ວ
- lattana banner 1 - ຈີນກຳລັງໃກ້ຈະພັດທະນາວັກແຊງ ຕ້ານໄວຣັສໂຄໂຣນາໄດ້ແລ້ວ
-    AD conten website - ຈີນກຳລັງໃກ້ຈະພັດທະນາວັກແຊງ ຕ້ານໄວຣັສໂຄໂຣນາໄດ້ແລ້ວ
error: Alert: ເນື້ອຫາຂ່າວມີລິຂະສິດ !!