ເຈົ້າຄືວິລະຊົນໃນດວງໃຈ ຂອງປະຊາຊົນລາວທັງຊາດ

- ut - ເຈົ້າຄືວິລະຊົນໃນດວງໃຈ ຂອງປະຊາຊົນລາວທັງຊາດ
- Untitled design - ເຈົ້າຄືວິລະຊົນໃນດວງໃຈ ຂອງປະຊາຊົນລາວທັງຊາດ

ໂດຍ: ລູກເມືອງພວນ

ສົງຄາມໂລກຄັ້ງນີ້ເກີດຂຶ້ນໂດຍບໍ່ມີສຽງປືນແຕກ, ໂດຍບໍ່ເຫັນໂຕຕົນຂອງສັດຕູ. ນັກຮົບປະຈັນບານຜູ້ກ້າແກ່ນ ແລະ ສ່ຽງເປັນສ່ຽງຕາຍກວ່າໝູ່ໃນຂອງກອງທັບປະຊາຊົນລາວ ກໍຄືທະຫານໃນທົ່ວໂລກເວລານີ້ ກໍຄື “ນັກຮົບຊຸດຂາວ” ນັ້ນເອງ.

ພວກເຮົາຢາກເອົາຊະນະກັບສັດຕູໂຄວິດຄັ້ງນີ້ໄດ້, ນອກຈາກກຳລັງແຮງສັງລວມຂອງທົ່ວປວງຊົນລາວທັງຊາດທີ່ໃຫ້ການສະໜັບສະໜູນ, ໃຫ້ການຮ່ວມໄມ້ຮ່ວມມືຈັດຕັ້ງປະຕິບັດຄຳສັ່ງເບກທີ 06 ຂອງລັດຖະບານຢ່າງເຂັ້ມງວດແລ້ວ, ກຳລັງຕົ້ນຕໍ ແລະ ສຳຄັນທີ່ສຸດທີ່ຈະເອົາຊະນະກັບພວກມັນໄດ້ ຫຼື ບໍ່ ແມ່ນຂຶ້ນຢູ່ກັບ” ນັກຮົບຊຸດຂາວ ” ຊຶ່ງເປັນກຳລັງປະຈັນບານຢູ່ໃນແຖວໜ້າຂອງບັ້ນຮົບໃນຂະນະນີ້. ພວກເຂົາເປັນກຳລັງທີ່ສ່ຽງເປັນສ່ຽງຕາຍກວ່າໝູ່ໃນສັງຄົມ ເພາະແຕ່ລະມື້ພວກເຂົາຕ້ອງໄດ້ປະເຊີນໜ້າກັບສັດຕູໂຄວິດຢູ່ຕະຫຼອດເວລາ, ຄໍ່າບໍ່ໄດ້ຢືນ ຄືນບໍ່ໄດ້ຢູ່ ເຮັດໜ້າທີ່ປະຈຳການຕະຫຼອດ 24 ຊົ່ວໂມງ, ເປັນຜູ້ເບິ່ງແຍງດູແລ, ໃກ້ສິດຕິດແທດ, ສຳຜັດກັບຄົນເຈັບເປັນປະຈຳ. ນີ້ແຫຼະຄືຈຸດສ່ຽງຂອງນັກຮົບພວກເຮົາ. ເຂົາເຈົ້າບໍ່ຮູ້ວ່າເມື່ອໃດຕົນເອງຈະຕິດເຊື້ອ, ຕ້ອງເອົາຊີວິດແລກນາທີຕໍ່ນາທີ.
ພວກເຮົາທຸກຄົນຈົ່ງເຫັນໃຈພວກເຈົາເຈົ້າ, ຈົ່ງສົ່ງກຳລັງໃຈໃຫ້ຖັນແຖວ “ນັກຮົບຊຸດຂາວ ” ຢ່າງເຕັມທີ່ ເພື່ອໃຫ້ເຂົາມີກຳລັງໃຈຕໍ່ສູ້, ມີກຳລັງໃຈເຮັດວຽກ ແລະ ເສຍສະຫຼະເພື່ອຊາດເພື່ອປະຊາຊົນ ເພື່ອເອົາຊະນະໂຄວິດໃຫ້ໄດ້.

ຂໍຊົມເຊີຍການເສຍສະຫຼະຂອງພະນັກງານແພດໝໍລາວ ທີ່ໄດ້ທຸ່ມເທເຫື່ອແຮງ ແລະຈິດໃຈເພື່ອພາລະກິດປະຕິວັດຕີເອົາຊະນະໂຄວິດ-19 ໃນຄັ້ງນີ້ຢ່າງສຸດໃຈ. ຢືນຢູ່ຕໍ່ໜ້າການສ່ຽງເປັນສ່ຽງຕາຍຄືແນວນີ້ ພາວັນນາໃຫ້ພວກທ່ານຈົ່ງມີສຸຂະພາບພະລະນາໄມທີ່ເຂັ້ມແຂງ, ມີພະລັງຈິດທີ່ກ້າແກ່ນ ແລະ ຈົ່ງມີສະຕິລະວັງຕົວໃຫ້ສູງ ເພື່ອຄວາມປອດໄພຕໍ່ຊີວິດຂອງພວກທ່ານ, ຕີເອົາຊະນະກັບຄືນມາສູ່ປະຊາຊົນລາວທັງຊາດໂດຍໄວ, ຊຶ່ງຍັງມີຜູ້ຄອງຄອຍ ແລະ ໃຫ້ກຳລັງໃຈພວກທ່ານຢູ່ສະເຫມີ.

- Wave100S AD to Website 2020 0 - ເຈົ້າຄືວິລະຊົນໃນດວງໃຈ ຂອງປະຊາຊົນລາວທັງຊາດ
- WhatsApp Image 2020 05 27 at 5 - ເຈົ້າຄືວິລະຊົນໃນດວງໃຈ ຂອງປະຊາຊົນລາວທັງຊາດ
- WhatsApp Image 2020 05 27 at 5 - ເຈົ້າຄືວິລະຊົນໃນດວງໃຈ ຂອງປະຊາຊົນລາວທັງຊາດ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!