ຈີນກຽມມອບຜ້າອັດປາກໃຫ້ອາຊຽນ 100 ລ້ານອັນ

- 154 - ຈີນກຽມມອບຜ້າອັດປາກໃຫ້ອາຊຽນ 100 ລ້ານອັນ
- Untitled design - ຈີນກຽມມອບຜ້າອັດປາກໃຫ້ອາຊຽນ 100 ລ້ານອັນ

     ລັດຖະບານຈີນປະກາດຕໍ່ກອງປະຊຸມອາຊຽນບວກສາມ ວ່າດ້ວຍສະຖານະການໂຄວິດ-19 ກຽມມອບຜ້າອັດປາກ 100 ລ້ານອັນ ແລະ ເຄື່ອງມືແພດອີກຈຳນວນຫລາຍ ໃຫ້ກຸ່ມປະເທດໃນອາຊີຕາເວັນອອກສຽງໃຕ້ ເພື່ອໃຊ້ຕໍ່ສູ້ກັບວິກິດໂຣກລະບາດຄັ້ງນີ້.

     ສຳນັກຂ່າວຕ່າງປະເທດລາຍງານວ່າ: ນາຍົກລັດຖະມົນຕີ ຫລີ ເຄີ້ສຽງ ກ່າວຕໍ່ກອງປະຊຸມອາຊຽນບວກສາມ ເຊິ່ງເປັນການຫາລືຮ່ວມກັບຜູ້ນຳ 10 ປະເທດສະມາຊິກສະມາຄົມປະຊາຊາດແຫ່ງອາຊີຕາເວັນອອກສຽງໃຕ້ ກັບປະທານາທິບໍດີ ມຸນ ແຈອິນ ຜູ້ນຳ ສ.ເກົາຫລີ ແລະ ນາຍົກລັດຖະມົນຕີ ຊິນໂຊ ອາເບະ ຜູ້ນຳຍີ່ປຸ່ນ ໂດຍເປັນການຫາລືຜ່ານລະບົບເທເລຄອນເຟີເຣນ ເຊິ່ງຫວຽດນາມເຮັດໜ້າທີ່ເຈົ້າພາບໃນຖານະປະທານໝູນວຽນຂອງອາຊຽນປະຈຳປີນີ້.

     ແນ່ນອນວ່າບັນຫາສຳຄັນຂອງກອງປະຊຸມກ່ຽວຂ້ອງກັບສະຖານະການການແຜ່ລະບາດຂອງໂຄວິດ-19 ເຊິ່ງໃນສ່ວນຂອງຈີນນັ້ນ, ທ່ານ ຫລີ ເຄີ້ສຽງ ກ່າວວ່າ: ສະຖານະການທີ່ກຳລັງເກີດຂຶ້ນເປັນໄພຄຸກຄາມດ້ານສາທາລະນະສຸກລະດັບໂລກ ສົ່ງຜົນກະທົບຕໍ່ຄຸນນະພາບຊີວິດ ແລະ ຄວາມປອດໄພຂອງຊາວໂລກ ອີກທັງຍັງສ້າງຄວາມເຄັ່ງຄຽດຢ່າງໜັກໃຫ້ແກ່ກົນໄກເສດຖະກິດສາກົນ.

     ທັງນີ້ ອາຊຽນເປັນໜຶ່ງໃນພາກພື້ນທີ່ຜະເຊີນການແຜ່ລະບາດຂອງໂຄວິດ-19 ໃນລະດັບຮ້າຍແຮງ ເຊິ່ງລັດຖະບານປັກກິ່ງພ້ອມເພີ່ມການຊ່ວຍເຫລືອ ດ້ວຍການແຈກຢາຍຜ້າອັດປາກທາງການແພດໃຫ້ທຸກປະເທດລວມກັນ 100 ລ້ານອັນ, ຊຸດປ້ອງກັນສ່ວນບຸກຄົນ (ພີພີອີ) ອີກ 10 ລ້ານອັນ, ອຸປະກອນການແພດ ແລະ ຢາທີ່ຈຳເປັນ ໂດຍການສົ່ງມອບຈະເກີດຂຶ້ນຜ່ານຊ່ອງທາງການຄ້າຢ່າງເປີດເຜີຍ.

- Wave100S AD to Website 2020 0 - ຈີນກຽມມອບຜ້າອັດປາກໃຫ້ອາຊຽນ 100 ລ້ານອັນ

     ນອກຈາກນີ້, ທ່ານ ຫລີ ເຄີ້ສຽງ ຍັງຮຽກຮ້ອງໃຫ້ກອງປະຊຸມອາຊຽນບວກສາມ ເພີ່ມການສະໜັບສະໜູນໃຫ້ການດຳເນີນງານຂອງອົງການອະນາໄມໂລກ (WHO) ເຊິ່ງກຳລັງຜະເຊີນແຮງກົດດັນຢ່າງໜັກຈາກອາເມລິກາ.

- WhatsApp Image 2020 05 27 at 5 - ຈີນກຽມມອບຜ້າອັດປາກໃຫ້ອາຊຽນ 100 ລ້ານອັນ
- WhatsApp Image 2020 05 27 at 5 - ຈີນກຽມມອບຜ້າອັດປາກໃຫ້ອາຊຽນ 100 ລ້ານອັນ
error: Alert: ເນື້ອຫາຂ່າວມີລິຂະສິດ !!