ຜູ້ນຳອາຊຽນ ເຫັນດີສືບຕໍ່ຮ່ວມມືກັນ ໃນການຮັບມືກັບພະຍາດໂຄວິດ-19

- 98 1 - ຜູ້ນຳອາຊຽນ ເຫັນດີສືບຕໍ່ຮ່ວມມືກັນ ໃນການຮັບມືກັບພະຍາດໂຄວິດ-19
- Untitled design - ຜູ້ນຳອາຊຽນ ເຫັນດີສືບຕໍ່ຮ່ວມມືກັນ ໃນການຮັບມືກັບພະຍາດໂຄວິດ-19

ບັນດາຜູ້ນຳ 10 ປະເທດສະມາຊິກອາຊຽນ ໄດ້ເຫັນດີສືບຕໍ່ຮ່ວມມືກັນໃນວຽກງານສຳຄັນຕ່າງໆ ໃນການຮັບມືກັບການແຜ່ລະບາດຂອງພະຍາດໂຄວິດ-19 ໂດຍສະເພາະເຫັນດີສືບຕໍ່ໃນການແລກ ປ່ຽນຂໍ້ມູນຂ່າວສານ ແລະ ບົດຮຽນອັນດີ ກ່ຽວກັບມາດຕະການໃນການສະກັດກັ້ນ, ຄວບຄຸມ, ປິ່ນປົວ ແລະ ແກ້ໄຂການລະບາດຂອງພະຍາດໂຄວິດ-19 ແລະ ເຫັນດີໃຫ້ການຊ່ວຍເຫລືອເຊິ່ງກັນ ແລະ ກັນ.

ການຕົກລົງສືບຕໍ່ຮ່ວມມືດັ່ງກ່າວ ໄດ້ມີຂຶ້ນໃນກອງປະຊຸມສຸດຍອດທາງໄກ (Video Conference) ສະໄໝພິເສດ ຂອງຜູ້ນຳອາຊຽນ ກ່ຽວກັບການລະບາດຂອງພະຍາດໂຄວິດ-19 ທີ່ໄດ້ຈັດຂຶ້ນໃນເຊົ້າວັນທີ 14 ເມສານີ້. ບັນດາຜູ້ນຳ ໄດ້ພ້ອມກັນເຫັນດີຕໍ່ຂໍ້ສະເໜີ ສ້າງກອງທຶນສຸກເສີນເພື່ອຮັບມືກັບພະຍາດໂຄວິດ-19, ການສ້າງຄັງແຮສຸກເສີນອຸປະກອນ ແລະ ເຄື່ອງມີການແພດທີ່ຈຳເປັນ, ການຮັກ ສາການສະໜອງແບບຕ່ອງໂສ້ ດ້ານຄົມມະນາຄົມຂົນສົ່ງ, ການບໍລິການ ແລະ ການສະໜອງສິນຄ້າອຸ ປະໂພກ-ບໍລິໂພກ, ຢາປົວພະຍາດ ແລະ ອຸປະກອນການແພດທີ່ຈຳເປັນ. ໃນຂະນະດຽວກັນ ກໍເຫັນດີຮ່ວມມືກັນເພືອສະກັດກັ້ນ ແລະ ຫລີກລ້ຽງຂ່າວປອມ ຫລື ຂ່າວທີ່ບໍ່ມີມູນຄວາມຈິງ ເຊິ່ງຈະເຮັດໃຫ້ມີການແຕກຕື່ນ ແລະ ຂາດຄວາມເຊື່ອໝັ້ນ.

ນອກຈາກນັ້ນ, ຍັງໄດ້ເຫັນດີຮ່ວມກັນໃນການວາງແຜນຟື້ນຟູເສດຖະກິດທີ່ໄດ້ຮັບຜົນກະທົບຄືນໃໝ່ ພາຍຫລັງສິ້ນສຸດການແຜ່ລະບາດຂອງພະຍາດໂຄວິດ-19.

- Wave100S AD to Website 2020 0 - ຜູ້ນຳອາຊຽນ ເຫັນດີສືບຕໍ່ຮ່ວມມືກັນ ໃນການຮັບມືກັບພະຍາດໂຄວິດ-19
- WhatsApp Image 2020 05 27 at 5 - ຜູ້ນຳອາຊຽນ ເຫັນດີສືບຕໍ່ຮ່ວມມືກັນ ໃນການຮັບມືກັບພະຍາດໂຄວິດ-19
- WhatsApp Image 2020 05 27 at 5 - ຜູ້ນຳອາຊຽນ ເຫັນດີສືບຕໍ່ຮ່ວມມືກັນ ໃນການຮັບມືກັບພະຍາດໂຄວິດ-19
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!