ເມືອງສິງ ລົງແກ້ໄຂຜູ້ລະເມີດຄຳສັ່ງຂອງນາຍົກລັດຖະມົນຕີ ໃນການເປັນເຈົ້າການຕ້ານໂຄວິດ-19

- 7u - ເມືອງສິງ ລົງແກ້ໄຂຜູ້ລະເມີດຄຳສັ່ງຂອງນາຍົກລັດຖະມົນຕີ ໃນການເປັນເຈົ້າການຕ້ານໂຄວິດ-19
- Untitled design - ເມືອງສິງ ລົງແກ້ໄຂຜູ້ລະເມີດຄຳສັ່ງຂອງນາຍົກລັດຖະມົນຕີ ໃນການເປັນເຈົ້າການຕ້ານໂຄວິດ-19

ໃນວັນທີ 15 ເມສາຜ່ານມານີ້, ເມືອງສິງ ແຂວງຫລວງນໍ້າທາໄດ້ລົງແກ້ໄຂຜູ້ລະເມີດບໍ່ປະຕິບັດຕາມ ຄຳສັ່ງເລກທີ 06 ຂອງນາຍົກລັດຖະມົນຕີ ວ່າດ້ວຍການເພີ່ມທະວີປ້ອງກັນ ແລະ ສະກັດກັ້ນພະຍາດໂຄວິດ-19 ທີ່ພວມແຜ່ລະບາດຮ້າງແຮງໄປທົ່ວໂລກ ແລະ ລາວເຮົາກໍໄດ້ຮັບຜົນກະທົບຫນັກຫນ່ວງເຊັ່ນກັນ, ໂດຍສະເພາະພາຍຫລັງລາວເຮົາມີຜູ້ຕິດເຊື້ອ, ດັ່ງນັ້ນຈິ່ງຮຽກຮ້ອງໃຫ້ທຸກຂະແຫນງການ ແລະ ທ້ອງຖິ່ນເອົາໃຈໃສ່ຕໍ່ການຕ້ານພະຍາດດັ່ງກ່າວ ດ້ວຍມາດຕະການຕ່າງໆ ແລະ ຫນຶ່ງໃນນັ້ນກໍແມ່ນການຈຳກັດບໍລິເວນຢູ່ເຮືອນຊານຂອງຕົນ, ຫລຸດຜ່ອນການໄປມາຫາສູ່ກັນທີ່ບໍ່ຈຳເປັນ, ຫ້າມຊຸມແຊວ ແລະ ຈັດກິດຈະກຳຕ່າງໆທີ່ມີຫລາຍຄົນ, ໂດຍສະເພາະແມ່ນໃນຊ່ວງໄລຍະປີໃຫມ່ລາວນີ້ໃຫ້ຢຸດຕິການຂາຍເຫລົ້າຂາຍເບຍຊຸມແຊວທີ່ຈະກໍ່ໃຫ້ເກີດການຕິດເຊື້ອພະຍາດດັ່ງກ່າວ ແລະ ໃນໄລຍະປີໃຫມ່ນີ້ຢູ່ ເມືອງສິງ ແຂວງຫລວງນໍ້າທາກໍມີກຸ່ມຄົນຈຳນວນຫນຶ່ງທີ່ບໍ່ຮູ້ເທົ່າເຖິງການອອກບ້ານເຮືອນໄປຈັດກິດຈະກຳກິນດື່ມຊຸມແຊວທີ່ມີຈຳນວນຫລາຍເຖິງ 40 ກ່ວາຄົວ, ພ້ອມກັນຕັ້ງວົງເຫລົ້າວົງເບຍຂຶ້ນໃນເຂດທ່ອງທ່ຽວຂອງເມືອງອັນເປັນການລະເມີດຄຳສັ່ງຂອງນາຍົກລັດຖະມົນຕີກໍຄືມາດຕະການຕ່າງໆທີ່ລັດຖະບານວາງອອກ. ດັ່ງນັ້ນ ປກສ ເມືອງສິງ ຈຶ່ງໄດ້ແຕ່ງຕັ້ງອ້າຍນ້ອງລົງໄປກວດກາ ແລະ ແກ້ໄຂສະພາບການດັ່ງກ່າວດ້ວຍການອະທິບາຍໃຫ້ເຂົາເຈົ້າຮັບຮູ້ ແລະ ເຫັນໄດ້ເຖິງຄວາມອັນຕະລາຍຂອງພະຍາດໂຄວິດ ແລະ ບັນດາມາດຕະການທີ່ຈຳເປັນເພື່ອໄດ້ເປັນເຈົ້າການປະກອບສ່ວນເຂົ້າໃນວຽກງານປ້ອງກັນ ແລະ ສະກັດກັ້ນພະຍາດຮ້າຍດັ່ງກ່າວໃຫ້ມີຜົນ ແລະ ກໍໄດ້ນຳສົ່ງຜູ້ລະເມີດດັ່ງກ່າວກັບສູ່ບ້ານເຮືອນ ແລະ ກັກກັນຕົນເອງຢູ່ຕາມສູນຕ່າງໆເພື່ອຄອຍຕິດຕາມອາການຕາມຫລັກການການແພດທີ່ລະບຸໄວ້. ໃນນີ້ຢູ່ບ້ານ ສົບອິໃໝ່ ມີ 20 ຄົນ, ບ້ານ ຊຽງຍືນ 19 ຄົນ, ແລະ ບ້ານອື່ນໆອີກບ່ອນລະເລັກລະຫນ້ອຍເພື່ອຮັບປະກັນຄວາມປອດໄພ.

- Wave100S AD to Website 2020 0 - ເມືອງສິງ ລົງແກ້ໄຂຜູ້ລະເມີດຄຳສັ່ງຂອງນາຍົກລັດຖະມົນຕີ ໃນການເປັນເຈົ້າການຕ້ານໂຄວິດ-19
- WhatsApp Image 2020 05 27 at 5 - ເມືອງສິງ ລົງແກ້ໄຂຜູ້ລະເມີດຄຳສັ່ງຂອງນາຍົກລັດຖະມົນຕີ ໃນການເປັນເຈົ້າການຕ້ານໂຄວິດ-19
- WhatsApp Image 2020 05 27 at 5 - ເມືອງສິງ ລົງແກ້ໄຂຜູ້ລະເມີດຄຳສັ່ງຂອງນາຍົກລັດຖະມົນຕີ ໃນການເປັນເຈົ້າການຕ້ານໂຄວິດ-19
  • 1096 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!