ຈີນຄາດມີຜູ້ຕິດເຊື້ອໂຄວິດ-19 ບໍ່ສະແດງອາການເປັນຈຳນວນຫລາຍ

- 93835515 2920680914644761 4621220923133919232 n - ຈີນຄາດມີຜູ້ຕິດເຊື້ອໂຄວິດ-19 ບໍ່ສະແດງອາການເປັນຈຳນວນຫລາຍ
- Untitled design - ຈີນຄາດມີຜູ້ຕິດເຊື້ອໂຄວິດ-19 ບໍ່ສະແດງອາການເປັນຈຳນວນຫລາຍ

ທາງການຈີນລາຍງານຕົວເລກຜູ້ຕິດເຊື້ອໂຄໂຣນາໄວຣັສສາຍພັນໃໝ່ທີ່ບໍ່ສະແດງອາການທີ່ບົ່ງບອກວ່າ: ອາດຈະມີຜູ້ປ່ວຍທີ່ເປັນພາຫະໂຄວິດ-19 ກະຈາຍຢູ່ໄປທົ່ວໃນປັດຈຸບັນ.

ສຳນັກຂ່າວບລູມເບີກ ລາຍງານວ່າ: ລັດຖະບານຈີນຢືນຢັນໃນວັນທີ 15 ເມສາວ່າ: ຜົນກວດຜູ້ຕ້ອງສົງໄສຕິດເຊື້ອໂຄວິດ-19 ຫລ້າສຸດຈຳນວນ 6.764 ຄົນ ພົບວ່າມີພຽງ 1.297 ຄົນເທົ່ານັ້ນທີ່ມີອາການປ່ວຍ ສ່ວນທີ່ເຫລືອບໍ່ມີການສະແດງອາການໃດໆ ແລະ ຖືກຈັດໃຫ້ເປັນຜູ້ປ່ວຍແລ້ວທັງໝົດ.

ທ່ານ ຫມີ່ເຟິງ ໂຄສົກຄະນະກຳມະການສາທາລະນະສຸກແຫ່ງຊາດຈີນ ເປີດເຜີຍລະຫວ່າງການຖະແຫລງຂ່າວວ່າ: ຜູ້ປ່ວຍຈຳນວນ 1.023 ຄົນຖືກກັກຕົວເພື່ອເຝົ້າຕິດຕາມວ່າຈະມີອາການໃດໆ ຫລື ບໍ່. ຂະນະທີ່ອີກ 4.444 ຄົນນັ້ນ ແພດໃຫ້ອອກຈາກກຸ່ມເຝົ້າລະວັງຫລັງອາການດີຂຶ້ນ.
ເຖິງວ່ານັກວິໄຈເຄີຍບອກໄວ້ກ່ອນໜ້ານີ້ວ່າ: ຜູ້ຕິດເຊື້ອຈະຕ້ອງສະແດງອາການໃນຈຸດໜຶ່ງ ການທີ່ຂໍ້ມູນຈາກຈີນລະບຸວ່າ: ມີຜູ້ຕິດເຊື້ອຈຳນວນບໍ່ໜ້ອຍທີ່ບໍ່ສະແດງອາການ ແລະ ຍັງສາມາດແຜ່ເຊື້ອໄດ້ ກາຍມາເປັນຄວາມທ້າທາຍສຳລັບການຄວບຄຸມສະຖານະການ ແລະ ເຮັດໃຫ້ເກີດຄວາມກັງວົນວ່າ: ສະພາບການລະບາດຈະເກີດເປັນວົງກວ້າງ ແລະ ວ່ອງໄວກວ່າທີ່ຄິດ.

- Wave100S AD to Website 2020 0 - ຈີນຄາດມີຜູ້ຕິດເຊື້ອໂຄວິດ-19 ບໍ່ສະແດງອາການເປັນຈຳນວນຫລາຍ

ປັດຈຸບັນເຊື່ອກັນວ່າຈຳນວນຜູ້ຕິດເຊື້ອໂຄວິດ-19 ທີ່ບໍ່ສະແດງອາການຢູ່ຈີນອາດຈະສູງກວ່າ 6.764 ຄົນ. ຂະນະທີ່ທາງການຈີນຍັງບໍ່ເປີດເຜີຍວ່າ: ອາການປ່ວຍໃດທີ່ແມ່ນໃນການປະເມີນການຕິດເຊື້ອ. ໜັງສືພິມ ຫູເປີຍ ເດລີ ລາຍງານວ່າ: ລັດຖະບານທ້ອງຖິ່ນໃນ 10 ມົນທົນ ເຊິ່ງລວມທັງຫູເປີຍ ເຊິ່ງເປັນທີ່ຕັ້ງຂອງເມືອງອູ່ຮັ່ນ ກຳລັງສຳຫລວດປະຊາຊົນເພື່ອຫາກໍລະນີຜູ້ຕິດເຊື້ອບໍ່ສະແດງອາການ ແລະ ຫາ Antibody ຫລື ສານພູມຕ້ານທານ ໂດຍໃນເມືອງອູ່ຮັ່ນເອງ ມີແຜນສຳຫລວດ 11.000 ຄົນທີ່ຈະສຸ່ມມາຈາກພື້ນທີ່ 10 ເຂດໃນເມືອງ.

- WhatsApp Image 2020 05 27 at 5 - ຈີນຄາດມີຜູ້ຕິດເຊື້ອໂຄວິດ-19 ບໍ່ສະແດງອາການເປັນຈຳນວນຫລາຍ
- WhatsApp Image 2020 05 27 at 5 - ຈີນຄາດມີຜູ້ຕິດເຊື້ອໂຄວິດ-19 ບໍ່ສະແດງອາການເປັນຈຳນວນຫລາຍ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!