ຈີນເປີດໂຮງໄຟຟ້າພະລັງງານແສງຕາເວັນໃຫຍ່ສຸດໃນໂລກ

- 96437683 039991731 - ຈີນເປີດໂຮງໄຟຟ້າພະລັງງານແສງຕາເວັນໃຫຍ່ສຸດໃນໂລກ
- Untitled design - ຈີນເປີດໂຮງໄຟຟ້າພະລັງງານແສງຕາເວັນໃຫຍ່ສຸດໃນໂລກ
- 96437823 gettyimages 498011204 1 - ຈີນເປີດໂຮງໄຟຟ້າພະລັງງານແສງຕາເວັນໃຫຍ່ສຸດໃນໂລກ
ຄວັນຈາກໂຮງງານເຫລັແຫ່ງໜຶ່ງທີ່ໃຊ້ເຊື້ອໄຟຖ່ານຫີນໃນເຂດອຸດສາຫະກຳແຂວງເຫີເປຍ

​ໂຮງ​ໄຟຟ້າ​ຂະໜາດ 40 ​ເມ​ກາ​ວັດ ​ແຫ່ງ​ນີ້​ຢູ່​ໃນ​ແຂວງ​ອານ​ຮຸຍ ​ມີ​ແຜງ​ເຊ​ວ​ແສງຕາ​ເວັນ 160.000 ​ແຜງ ລອຍ​ຮັບ​ແສງຕາ​ເວັນ​ຢູ່​ໃນ​ທະ​ເລ​ສາບ ທີ່​ເກີດ​ຂຶ້ນພາຍຫລັງ​ບໍ່​ຖ່ານ​ຫີນ​ແຫ່ງ​ໜຶ່ງ​ຍຸບ​ຕົວ​ລົງ.

ນີ້​ເປັນຄວາມ​ພະຍາຍາມ​ຂອງ​ຈີນ​ໃນ​ການ​ຫລຸດ​ການ​ອາ​ໄສ​ພະລັງງານ​ຈາກ​ເຊື້ອ​ໄຟ​ຟອສຊິ​ລ ​ເຊິ່ງ​ເຮັດ​ໃຫ້​ຈີນ​ເປັນ​ປະ​ເທດ​ປ່ອຍ​ແກັສກາກ​ບອນ​ໄດ​ອົກ​ໄຊ​ລາຍ​ໃຫຍ່​ທີ່​ສຸດ​ຂອງ​ໂລກ, 2 ​ໃນ 3 ຂອງ​ພະລັງງານ​ໄຟຟ້າ​ໃນ​ຈີນ​ມາ​ຈາກ​ເຊື້ອ​ໄຟ​ຖ່ານ​ຫີນ.

 

+ ສະຫະພາບເອີຮົບ-ຈີນ ບໍ່ສົນໃຈ ທຣຳ ກຽມຖະແຫລງ ຈຸດຢືນເດີນໜ້າຂໍ້ຕົກລົງຫລຸດໂລກຮ້ອນ

+ ທຣຳ ປະກາດຖອນຕົວຈາກຂໍ້ຕົກລົງຫລຸດໂລກຮ້ອນແລ້ວ

 

- Wave100S AD to Website 2020 0 - ຈີນເປີດໂຮງໄຟຟ້າພະລັງງານແສງຕາເວັນໃຫຍ່ສຸດໃນໂລກ

​ໂຮງ​ໄຟຟ້າ​ພະລັງ​ແສງຕາ​ເວັນ​ແຫ່ງ​ນີ້​ເລີ່​ມ​ເປີດ​ໃຊ້​ໄລ່​ລຽງ​ກັບ​ໄລຍະ​ທີ່​ປະທານາທິບໍດີ ​ໂດ​ນັນ ທຣຳ ຂອງ​ອາ​ເມ​ລິ​ກາ ປະກາດ​ຖອນ​ຕົວ​ຈາກ​ຂໍ​້ຕົກລົງ​ປາຣີ ​ໃນ​ວັນ​ທີ 2 ມິຖຸນາ.

ຄຳ​ປະກາດ​ຂອງ​ຜູ້ນຳ​ອາ​ເມ​ລິ​ກາ ​ເຮັດ​ໃຫ້​ປະຊາ​ຄົມ​ໂລກ​​ເລັ່ງຈຸດ​ສົນ​ໃຈ​ໃສ່​ຈີນ​ວ່າ​ພ້ອມ​ຈະ​ສະ​ແດງ​ບົດບາດຜູ້ນຳ​ໃນ​ການ​ຕໍ່ສູ້​ກັບ​ບັນຫາ​ໂລກ​ຮ້ອນ ຫລື ບໍ່.

- 96437825 039991732 - ຈີນເປີດໂຮງໄຟຟ້າພະລັງງານແສງຕາເວັນໃຫຍ່ສຸດໃນໂລກ
ແຜງເຊລແສງຕາເວັນ ຢູ່ໂຮງໄຟຟ້າພະລັງແສງຕາເວັນໃຫຍ່ທີ່ສຸດໃລກ ຢູ່ແຂວງອານຮຸຍ

ພາຍຫລັງ​ທ່ານ ທຣຳ ປະກາດ​ຖອນ​ຕົວ​ຈາກ​ຂໍ້​ຕົກລົງ​ປາຣີ, ຈີນ​ເປັນ​ເຈົ້າພາບ​ຈັດ​ກອງ​ປະຊຸມ​ສາກົນ​ເລື່ອງ​ພະລັງງານ​ສະອາດ. ກອງ​ປະຊຸມ​ນີ້​ເປັນ​ໂອກາດ​ໃຫ້​ຈີນ ​ເຊິ່ງຜະລິດ​ແຜງ​ພະລັງ​ແສງຕາ​ເວັນ​ຫລາຍ​ທີ່​ສຸດ​ໃນ​ໂລກ ປະມານ 2 ​ໃນ 3 ຂອງ​ການ​ຜະລິດ​ໃນ​ໂລກ ​ໄດ້​ປະກາດ​ເຈດ​ຕະນາ​ຈະ​ເລັ່ງລົງທຶນ ​ແລະ ປະຕິ​ຮູບ​ການ​ໃຊ້​ພະລັງງານ​ໝູນວຽນ.

ສຳນັກ​ຂ່າວ​ບລູມ​ເບີກ​ລາຍ​ງານ​ວ່າ: ນັບ​ແຕ່​ປີ 2012 ຈີນ​ກາຍ​ເປັນ​ປະ​ເທດ​ທີ່​ລົງທຶນ​ເລື່ອງ​ພະລັງງານ​ສະອາດ​ລາຍ​ໃຫຍ່​ທີ່​ສຸດ​ຂອງ​ໂລກ ​ໂດຍ​ໄດ້​ລົງທຶນ​ໃນ​ພະລັງງານ​ລົມ ​ແລະ ​ແສງຕາ​ເວັນ​ແລ້ວ​ປະມານ 720 ຕື້ກີບ.

- 96437828 039991730 - ຈີນເປີດໂຮງໄຟຟ້າພະລັງງານແສງຕາເວັນໃຫຍ່ສຸດໃນໂລກ
ຈີນຜະລິດແຜງເຊລແສງຕາເວັນ 2 ໃນ 3 ຂອງການຜະລິດໃນໂລກ

​ໃນ​ປີ 2016 ປະສິ​ດທິພາ​ບ​ເລື່ອງ​ພະລັງງານ​ແສງຕາ​ເວັນ​ຂອງ​ຈີນ​ເພີ່ມ​ຂຶ້ນ​ທົບ​ໜຶ່ງ, ລັດຖະບານ​ຕັ້ງ​ເປົ້າວ່າ​ພາຍ​ໃນ​ປີ 2030 ການ​ຜະລິດ​ໄຟຟ້າ 20% ຈະ​ຕ້ອງ​ມາ​ຈາກ​ເຊື້ອ​ໄຟ​ທີ່​ປ່ອຍ​ແກັສ​​ເຮືອນ​ແກ້ວ​ໃນ​ປະລິມານ​ຕໍ່າ ​ເຊິ່ງລວມທັງ​ຈາກ​ໂຮງ​ໄຟຟ້າ​ນິວ​ເຄຼຍ ​ໂດຍ​ປັດຈຸບັນ​ນີ້ ການ​ຜະລິດ​ໄຟຟ້າ​ຈາກ​ເຊື້ອ​ໄຟ​ດັ່ງກ່າວ​ມີ​ອັດຕາ​ສ່ວນ​ພຽງ 11%.

- WhatsApp Image 2020 05 27 at 5 - ຈີນເປີດໂຮງໄຟຟ້າພະລັງງານແສງຕາເວັນໃຫຍ່ສຸດໃນໂລກ
- WhatsApp Image 2020 05 27 at 5 - ຈີນເປີດໂຮງໄຟຟ້າພະລັງງານແສງຕາເວັນໃຫຍ່ສຸດໃນໂລກ
error: Alert: ເນື້ອຫາຂ່າວມີລິຂະສິດ !!