ອັດຕາຄວາມຮ້າຍແຮງຂອງພະຍາດໂຄວິດ-19 ເພີ່ມເປັນ 6,67%

- r4 - ອັດຕາຄວາມຮ້າຍແຮງຂອງພະຍາດໂຄວິດ-19 ເພີ່ມເປັນ 6,67%
- Untitled design - ອັດຕາຄວາມຮ້າຍແຮງຂອງພະຍາດໂຄວິດ-19 ເພີ່ມເປັນ 6,67%

ຄະນະສະເພາະກິດ ເພື່ອປ້ອງກັນ ແລະ ແກ້ໄຂ ພະຍາດ COVID-19 ໄດ້ຖະແຫລງຕໍ່ສື່ມວນຊົນໃນວັນທີ 17 ເມສານີ້ໃຫ້ຮູ້ວ່າ: ສະພາບການລະບາດຂອງພະຍາດ COVID-19 ໃນທົ່ວໂລກ, ຍັງສືບຕໍ່ຮ້າຍແຮງຄືໄລ່ມາຮອດ 6:00 ໂມງເຊົ້າ ຂອງວັນທີ 17 ເມສານີ້ ທົ່ວໂລກມີການລາຍງານການລະບາດ ທັງໝົດ 210 (ປະເທດ/ເຂດ), ມີກໍລະນີຢັ້ງຢືນ ຜູ້ຕິດເຊື້ອ 2.178.848 (ໃໝ່ 103.316), ມີຜູ້ເສຍຊິວິດ 145.359 (ໃໝ່ 11.073),ສາມາດ ປີ່ນປົວຫາຍດີ 546.743 ຄົນ (ໃໝ່ 37.166ຄົນ) ,ມີບາງປະເທດ ພຽງມື້ດຽວ ມີຜູ້ຕິດເຊື້ອສູງເຖິງ 29.561 ຄົນ ແລະ ເສຍຊີວິດຫຼາຍກວ່າ 2.171 ຄົນ ຕໍ່ມື້, ໂດຍສະເລ່ຍມີອັດຕາຄວາມຮ້າຍແຮງເພີ້ມຂື້ນເປັນ 6.67% (ມື້ວານນີ້ 6.46%).

ດັ່ງນັ້ນຈິ່ງຂໍຮຽກຮ້ອງໃຫ້ທຸກໆຄົນ ເອົາໃຈໃສ່ຮ່ວມມື ໃນການຈັດຕັ້ງປະຕິບັດ ຄຳສັ່ງ ເລກທີ 06/ ນຍ ທີ່ໄດ້ເນັ້ນໜັກ, ຈຳກັດການເດີນທາງ, ຈຳກັດການອອກເຮືອນ ຖ້າບໍ່ມີຄວາມຈຳເປັນ, ໃຫ້ມີການຮັກສາໄລຍະຫ່າງ, ຫຼີກລ້ຽງ ງານຊຸມແຊວເປັນກຸ່ມ, ການປະກອບວຽກງານ ທາງສາສະໜາກໍ່ຄວນປະຕິບັດ ແບບ ບໍ່ມີການລວມກຸ່ມໃຫຍ່.

ສະເພາະຢູ່ ປະເທດເຮົາມາຮອດມື້ນີ້ເປັນມື້ທີ່ 5 ທີ່ບໍ່ມີຜູ້ຕິດເຊື້ອລາຍໃຫມ່, ຍັງຢູ່ທີ 19 ກໍລະນີ ແລະ ໃນນັ້ນມີ 2 ກໍລະນີ ແມ່ນສາມາດອອກໂຮງຫມໍໄດ້ແລ້ວ. ແຕ່ເຖິງຢ່າງໃດລາວເຮົາກໍໄດ້ເພີ່ມຄວາມເຂັ້ມງວດໃນການສະກັດກັ້ນ ແລະ ປ້ອງກັນພະຍາດຮ້າຍນີ້ ແລະ ລັດຖະບານກໍໄດ້ຢືດເວລາກັກກັນຕົວອອກໄປອີກຮອດວັນທີ 3 ພຶດສະພາ, ຖ້າສະພາບປົກກະຕິຈິ່ງຈະໄດ້ຜ່ອນຄາຍບັນດາມາດຕະການຕ່າງໆດັ່ງກ່າວ. ໄລ່ມາຮອດເຊົ້າວັນທີ 6 ເມສານີ້ມີຈໍານວນຜູ້ເດີນທາງເຂົ້າມາປະເທດເຮົາ ທັງໝົດ 1.110 ຄົນ, ໃນນັ້ນຜູ້ເດີນທາງ ຜ່ານດ່ານລາວ-ໄທມີ 395 ຄົນ, ໃນນັັ້ນ ເປັນແຮງງານລາວທີ່ກັບມາແຕ່ໄທ 5 ຄົນ, ສ່ວນເຫຼືອແມ່ນ ພະນັກງານຂັບລົດບັນທຸກສິນຄ້າ, ຜູ້ເດີນທາງ ຜ່ານດ່ານລາວ-ຈີນ ມີ 240 ຄົນ, ທັງໝົດ ແມ່ນພະນັກງານຂັບລົດບັນທຸກສິນຄ້າ,ຜູ້ເດີນທາງ ຜ່ານດ່ານລາວ-ຫວຽດມີ 475 ຄົນ, ທັງໝົດແມ່ນພະນັກງານຂັບລົດບັນທຸກສິນຄ້າເຊັ່ນກັນ,ບໍ່ມີຜູ້ເດີນທາງ ຜ່ານສະໜາມບິນ , ໃນທຸກໆດ່ານດັ່ງກ່າວ ແມ່ນໄດ້ກວດວັດ ອຸນຫະພູມຮ່າງກາຍ ແລະ ບໍ່ມີຄົນເປັນໄຂ້, ໃນວັນທີ 16 ເມສາຜ່ານມາ ໄດ້ເກັບຕົວຢ່າງມາກວດທັງໝົດ 10 ຄົນ, ໃນນີ້ ຢູ່ນະຄອນຫຼວງວຽງຈັນມີ 8 ຄົນ ແລະ ສະຫວັນນະເຂດ 2 ຄົນ ເຊິ່ງແມ່ນແຮງງານລາວທີ່ກັບມາແຕ່ໄທ.ຜົນກວດທັງ 10 ກໍລະນີ ບໍ່ພົບເຊື້ອ. ໝາຍວ່າ5 ມື້ແລ້ວທີ່ລາວເຮົາບໍມີກໍລະນີຜູ້ຕິດເຊື້ອໃຫມ່.

ສຳລັບ ການຈຳກັດບໍລິເວນ ແລະ ຜູ້ຈຳກັດ ຢູ່ເຮືອນ ໃນທົ່ວປະເທດ ໄດ້ເລີ່ມແຕ່ວັນທີ 20 ມີນາເປັນຕົ້ນມາມີແຮງງານລາວຈໍານວນຫຼວງຫຼາຍ ຈາກປະເທດໄທໄດ້ກັບມາລາວ ຕາມຈຸດຜ່ານແດນຕ່າງໆ ມີທັງໝົດ 113.404 ຄົນ, ໂດຍໄດ້ມີການຈັດຕຽມສະຖານທີຈໍາກັດບໍລິເວນໃນແຕ່ລະເມືອງ, ກຸ່ມບ້ານຢູ່່ທົ່ວປະເທດມີ 2.142 ສູນ ເຊິ່ງຮອງຮັບແຮງງານທັງໝົດ 68.534 ຄົນ ແລະ ໄດ້ຈໍາກັດບໍລິເວນຕົນເອງຢູ່ເຮືອນ 44.870 ຄົນ. ຊຶ່ງມາຮອດວັນທີ 16 ເມສາທົ່ວປະເທດ ຍັງມີ 1.483 ສູນ, ມີຜູ້ຈຳກັດບໍລິເວນ 41.105 ຄົນ, ຈໍາກັດບໍລິເວນຢູ່ເຮືອນ 14.298 ຄົນ, ເກັບຕົວຢ່າງມາກວດວິເຄາະຫາເຊື້ອ ມີທັງໝົດ 119 ຄົນ. ທັງໝົດບໍ່ພົບເຊື້ອແຕ່ຢ່າງໃດ. ສຳລັບການຕິດຕາມປີ່ນປົວຄົນເຈັບຢູ່ໂຮງໝໍ ປະຈຸບັນຍັງມີຜູ້ຕິດເຊື້ອນອນຢູ່ໂຮງໝໍ 17 ຄົນ,ໃນນັ້ນ3 ຄົນຢູ່ໂຮງໝໍແຂວງຫຼວງພະບາງ ແລະ 14 ຄົນຢູ່ໂຮງໝໍມິດຕະພາບ ເຫັນວ່າທັງຫມົດມີອາການຄົງຕົວ ຂັ້ນເບົາບາງ ຍັງຕິດຕາມການກວດຫາເຊື້ອຕໍ່ໄປເພື່ອຢັ້ງຢືນໃນຂັ້ນຕໍ່ໄປ.

- Wave100S AD to Website 2020 0 - ອັດຕາຄວາມຮ້າຍແຮງຂອງພະຍາດໂຄວິດ-19 ເພີ່ມເປັນ 6,67%
- WhatsApp Image 2020 05 27 at 5 - ອັດຕາຄວາມຮ້າຍແຮງຂອງພະຍາດໂຄວິດ-19 ເພີ່ມເປັນ 6,67%
- WhatsApp Image 2020 05 27 at 5 - ອັດຕາຄວາມຮ້າຍແຮງຂອງພະຍາດໂຄວິດ-19 ເພີ່ມເປັນ 6,67%
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!