AIIB ເພີ່ມວົງເງິນຊ່ວຍເຫລືອ ກູ້ວິກິດໂຄວິດ 10.000 ລ້ານໂດລາ

- 181 - AIIB ເພີ່ມວົງເງິນຊ່ວຍເຫລືອ ກູ້ວິກິດໂຄວິດ 10.000 ລ້ານໂດລາ
- Untitled design - AIIB ເພີ່ມວົງເງິນຊ່ວຍເຫລືອ ກູ້ວິກິດໂຄວິດ 10.000 ລ້ານໂດລາ

     ທະນາຄານເພື່ອການລົງທຶນໃນໂຄງລ່າງພື້ນຖານແຫ່ງອາຊີ ກຽມວົງເງິນກູ້ເພີ່ມຂຶ້ນ 2 ເທົ່າ ຫລື ສູງເຖິງ 10.000 ລ້ານໂດລາ ຊ່ວຍປະເທດສະມາຊິກຝ່າວິກິດໂຄວິດ-19.

ທະນາຄານເພື່ອການລົງທຶນໃນໂຄງລ່າງພື້ນຖານແຫ່ງອາຊີ (AIIB) ອອກຖະແຫລງການວ່າ: ທະນາຄານໄດ້ກຽມເງິນສຳລັບກອງທຶນຊ່ວຍເຫລືອເພື່ອຮັບມືວິກິດໄວຣັສໂຄໂຣນາສາຍພັນໃໝ່ (ໂຄວິດ-19) ໄວ້ເພີ່ມອີກ 2 ເທົ່າ 10.000 ລ້ານໂດລາ ເນື່ອງຈາກລູກຄ້າມີຄວາມຕ້ອງການເພີ່ມຂຶ້ນ.

ການຕັດສິນໃຈຄັ້ງນີ້ ເກີດຂຶ້ນຫລັງຈາກທີ່ມີລູກຄ້າເຂົ້າມາຂໍກູ້ເງິນເປັນມູນຄ່າລວມກັນເກີນກວ່າວົງເງິນຊ່ວຍເຫລືອສຸກເສີນທີ່ທາງທະນາຄານໄດ້ຈັດສັນໄວ້ຈຳນວນ 5.000 ລ້ານໂດລາ ໂດຍລູກຄ້າຕ່າງຕ້ອງການການຊ່ວຍເຫລືອຕ່າງໆໃນທັນທີ ໂດຍສະເພາະເລື່ອງໂຄງລ່າງພື້ນຖານທາງສາທາລະນະສຸກ ແລະ ການກຽມຄວາມພ້ອມສຳລັບການລະບາດໃຫຍ່ ເພື່ອບັນເທົາແຮງກົດດັນດ້ານການເບິ່ງແຍງສຸຂະພາບ.

ປັດຈຸບັນ ທະນາຄານກຳລັງກວດສອບໂຄງການຕ່າງໆຂອງສະມາຊິກ ພາຍໃຕ້ການຮ່ວມມືກັບທະນາຄານ ລວມທັງ ໂຄງການຢູ່ອິນເດຍ ເຊິ່ງໄດ້ຍື່ນກູ້ເພື່ອຈັດຊື້ອຸປະກອນກວດຫາເຊື້ອ ແລະ ເສີມຄວາມແຂງແຮງໃຫ້ລະບົບສຸຂະພາບແຫ່ງຊາດອິນເດຍ ມູນຄ່າ 500 ລ້ານໂດລາ.

- Wave100S AD to Website 2020 0 - AIIB ເພີ່ມວົງເງິນຊ່ວຍເຫລືອ ກູ້ວິກິດໂຄວິດ 10.000 ລ້ານໂດລາ

ນອກຈາກນີ້ ຍັງມີຕວກກີຍື່ນຂໍສິນເຊື່ອວົງເງິນ 500 ລ້ານໂດລາ ໃຫ້ທະນາຄານເພື່ອການພັດທະນາ 2 ແຫ່ງໃນປະເທດ ເພື່ອນຳໄປໃຊ້ໃນການບັນເທົາບັນຫາການຂາດເຂີນເງິນທຶນໝູນວຽນ ແລະ ຊົດເຊີຍຜົນກະທົບດ້ານສະພາບຄ່ອງ ອັນເນື່ອງມາຈາກການແຜ່ລະບາດໂຄວິດ-19. ຂະນະດຽວກັນ ອິນໂດເນເຊຍໄດ້ຂໍກູ້ເງິນ 250 ລ້ານໂດລາ ເພື່ອໃຊ້ໃນການກຽມໂຮງໝໍໃຫ້ພ້ອມຮັບມື ແລະ ປັບປຸງປະສິດທິພາບການກວດຫາເຊື້ອໂຄວິດ-19 ໃຫ້ດີຂຶ້ນ.

- WhatsApp Image 2020 05 27 at 5 - AIIB ເພີ່ມວົງເງິນຊ່ວຍເຫລືອ ກູ້ວິກິດໂຄວິດ 10.000 ລ້ານໂດລາ
- WhatsApp Image 2020 05 27 at 5 - AIIB ເພີ່ມວົງເງິນຊ່ວຍເຫລືອ ກູ້ວິກິດໂຄວິດ 10.000 ລ້ານໂດລາ
error: Alert: ເນື້ອຫາຂ່າວມີລິຂະສິດ !!