‘ອູ່ຮັ່ນ’ ປັບຈຳນວນຜູ້ເສຍຊີວິດໂຄວິດ ເພີ່ມ 1.290 ຄົນ ຢືນຢັນຄວາມໂປ່ງໃສ

- 183 - ‘ອູ່ຮັ່ນ’ ປັບຈຳນວນຜູ້ເສຍຊີວິດໂຄວິດ ເພີ່ມ 1.290 ຄົນ ຢືນຢັນຄວາມໂປ່ງໃສ
- Untitled design - ‘ອູ່ຮັ່ນ’ ປັບຈຳນວນຜູ້ເສຍຊີວິດໂຄວິດ ເພີ່ມ 1.290 ຄົນ ຢືນຢັນຄວາມໂປ່ງໃສ

“ອູ່ຮັ່ນ” ປັບຈຳນວນຜູ້ເສຍຊີວິດເພີ່ມ 1.290 ຄົນ ຫລື ກວ່າ 1 ເທົ່າຈາກເກົ່າ ຢືນຢັນຄວາມໂປ່ງໃສໃນສະຖານະການໂຄວິດ-19.

ສຳນັກຂ່າວຊິນຮົວລາຍງານວ່າ: ສຳນັກງານປ້ອງກັນ ແລະ ຄວບຄຸມໂຣກແຫ່ງເທສະບານເມືອງອູ່ຮັ່ນ ໄດ້ປັບຕົວເລກຈຳນວນຜູ້ເສຍຊີວິດ ແລະ ຜູ້ຕິດເຊື້ອຈາກໄວຣັສໂຄໂຣນາສາຍພັນໃໝ່ (ໂຄວິດ-19) ໃນວັນທີ 16 ເມສາ ໂດຍໄດ້ມີການເພີ່ມຜູ້ຕິດເຊື້ອອີກ 325 ຄົນ ເປັນ 50.333 ຄົນ ແລະ ເພີ່ມຜູ້ເສຍຊີວິດອີກ 1.290 ຄົນ ເປັນ 3.869 ຄົນ.

ກ່ອນໜ້ານີ້ ເມືອງອູ່ຮັ່ນ ເຄີຍຖືກລະບຸວ່າເປັນສູນກາງການແຜ່ລະບາດຂອງໂຄວິດ-19 ໃນປະເທດຈີນ.

ເຖິງຢ່າງໃດກໍຕາມ, ໃນຖະແຫລງການຈາກສຳນັກງານປ້ອງກັນ ແລະ ຄວບຄຸມໂຣກແຫ່ງເທສະບານເມືອງອູ່ຮັ່ນ ລະບຸວ່າ: ການປັບຕົວເລກຜູ້ເສຍຊີວິດ ແລະ ຜູ້ຕິດເຊື້ອໃນຄັ້ງນີ້ ມີຈຸດປະສົງເພື່ອໃຫ້ສອດຄ່ອງກັບຂໍ້ກົດໝາຍ ແລະ ກົດລະບຽບ ລວມທັງຫລັກການໃນການສະແດງຄວາມຮັບຜິດຊອບຕໍ່ປະຫວັດສາດ, ປະຊາຊົນ ແລະ ຜູ້ເສຍຊີວິດ ແລະ ຢືນຢັນວ່າ: ການດຳເນີນງານດັ່ງກ່າວເຮັດໃຫ້ໝັ້ນໃຈໄດ້ວ່າຂໍ້ມູນກ່ຽວກັບການແຜ່ລະບາດຂອງໂຄວິດ-19 ຂອງອູ່ຮັ່ນນັ້ນເປີດກວ້າງ ແລະ ໂປ່ງໃສ ແລະ ຂໍ້ມູນນັ້ນຖືກຕ້ອງ.

- Wave100S AD to Website 2020 0 - ‘ອູ່ຮັ່ນ’ ປັບຈຳນວນຜູ້ເສຍຊີວິດໂຄວິດ ເພີ່ມ 1.290 ຄົນ ຢືນຢັນຄວາມໂປ່ງໃສ

ສຳນັກຂ່າວຊິນຮົວຂອງທາງການຈີນ ລະບຸວ່າ: ສາເຫດຂອງການປັບຕົວເລກດັ່ງກ່າວມີ 4 ປະການຄື:

  1. ຈຳນວນຜູ້ຕິດເຊື້ອທີ່ເພີ່ມຂຶ້ນໃນໄລຍະທຳອິດຂອງການແຜ່ລະບາດ ເປັນໄລຍະທີ່ຊັບພະຍາກອນທາງການແພດເປັນທີ່ຕ້ອງການຢ່າງສູງ ແລະ ຄວາມສາມາດໃນການຮັບຜູ້ຕິດເຊື້ອຂອງສະຖາບັນການແພດມີຈຳກັດ ເຮັດໃຫ້ມີຜູ້ປ່ວຍບາງຄົນເສຍຊີວິດຢູ່ເຮືອນ ໂດຍບໍ່ໄດ້ຮັບການປິ່ນປົວຢູ່ໂຮງໝໍ.
  2. ໃນໄລຍະທີ່ຈີນເລັ່ງເຮັດວຽກເພື່ອປິ່ນປົວຜູ້ຕິດເຊື້ອ ໂຮງໝໍຫລາຍແຫ່ງດຳເນີນງານເກີນຂີດຄວາມສາມາດ ແລະ ເຈົ້າໜ້າທີ່ທາງການແພດຕັ້ງໃຈໃນການປິ່ນປົວ ສົ່ງຜົນໃຫ້ມີການລາຍງານຊັກຊ້າ, ຜິດພາດ ແລະ ຄາດເຄື່ອນເກີດຂຶ້ນ.
  3. ເນື່ອງຈາກໂຮງໝໍຫລາຍແຫ່ງຢູ່ຈີນຖືກປ່ຽນເປັນໂຮງໝໍສຳລັບການປິ່ນປົວຜູ້ຕິດເຊື້ອໂຄວິດ-19 ໂດຍສະເພາະວ່ອງໄວ ທັງໂຮງໝໍທີ່ບໍລິຫານໂດຍກະຊວງ, ມົນທົນຫູເປີຍ, ເມືອງອູ່ຮັ່ນ ແລະ ເຂດຕ່າງໆຢູ່ອູ່ຮັ່ນ, ໂຮງໝໍໃນເຄືອ ບໍລິສັດຕ່າງໆ ເຊັ່ນດຽວກັບໂຮງໝໍເອກະຊົນ ແລະ ໂຮງໝໍຊົ່ວຄາວ ເຊິ່ງມີໂຮງໝໍຈຳນວນໜຶ່ງທີ່ບໍ່ໄດ້ເຊື່ອມຕໍ່ກັບເຄືອຂ່າຍຂໍ້ມູນການແຜ່ລະບາດ ແລະ ບໍ່ສາມາດລາຍງານຂໍ້ມູນໄດ້ຢ່າງທັນທີ.
  4. ຂໍ້ມູນຂອງຜູ້ຕິດເຊື້ອທີ່ເສຍຊີວິດບາງຄົນບໍ່ໄດ້ຮັບການລົງທະບຽນໂດຍສົມບູນ ອີກທັງມີການໃສ່ຂໍ້ມູນຊ້ຳ ແລະ ການຂັດຂ້ອງບາງປະການໃນການລາຍງານ.

ເຈົ້າໜ້າທີ່ສຳນັກງານປ້ອງກັນ ແລະ ຄວບຄຸມໂຣກແຫ່ງເທສະບານເມືອງອູ່ຮັ່ນ ໃຫ້ສຳພາດວ່າ: ມີການຈັດຕັ້ງກຸ່ມຂໍ້ມູນຂະໜາດໃຫຍ່ທີ່ກ່ຽວຂ້ອງກັບການແຜ່ລະບາດ ແລະ ການສອບສວນທາງລະບາດວິທະຍາ ໃນທ້າຍເດືອນມີນາ ເຊິ່ງກຸ່ມດັ່ງກ່າວອ້າງອີງຂໍ້ມູນຈາກລະບົບອອນລາຍ ແລະ ລວບລວມຂໍ້ມູນທັງໝົດຈາກສະຖານທີ່ກ່ຽວຂ້ອງກັບການແຜ່ລະບາດທຸກແຫ່ງ ເພື່ອໃຫ້ແນ່ໃຈວ່າໄດ້ຂໍ້ມູນແທ້ກ່ຽວກັບຜູ້ປ່ວຍທຸກຄົນ ລວມທັງໄດ້ຕົວເລກທີ່ແນ່ນອນ ແລະ ຖືກຕ້ອງ.

- WhatsApp Image 2020 05 27 at 5 - ‘ອູ່ຮັ່ນ’ ປັບຈຳນວນຜູ້ເສຍຊີວິດໂຄວິດ ເພີ່ມ 1.290 ຄົນ ຢືນຢັນຄວາມໂປ່ງໃສ
- WhatsApp Image 2020 05 27 at 5 - ‘ອູ່ຮັ່ນ’ ປັບຈຳນວນຜູ້ເສຍຊີວິດໂຄວິດ ເພີ່ມ 1.290 ຄົນ ຢືນຢັນຄວາມໂປ່ງໃສ
error: Alert: ເນື້ອຫາຂ່າວມີລິຂະສິດ !!