ເຕັກນິກການນຳໃຊ້ໂລກອອນລາຍຢ່າງຊານສະຫລາດ

- 87 2 - ເຕັກນິກການນຳໃຊ້ໂລກອອນລາຍຢ່າງຊານສະຫລາດ
- Untitled design - ເຕັກນິກການນຳໃຊ້ໂລກອອນລາຍຢ່າງຊານສະຫລາດ

ເຊື່ອຫລືບໍ່ວ່ານັກຮຽນສາມາດທີ່ຈະໃຊ້ Facebook ຫລື Twitter ເພື່ອປັບປຸງປະສົບການການຮຽນໃນມະຫາວິທະຍາໄລໄດ້ ເຊິ່ງໂລກອອນລາຍໃຫ້ປະໂຫຍດຫລາຍກ່ວາທີ່ຄິດ ມັນສາມາດຊ່ວຍເຮົາໃນການຊອກວຽກໄດ້ ຫລື ແມ່ນແຕ່ທຳລາຍວຽກກໍໄດ້ເຊັ່ນກັນ ແລະ ນີ້ແມ່ນສິ່ງທີ່ຈະບອກວ່າອັນໃດແມ່ນສິ່ງທີ່ຄວນເຮັດ ຫລື ບໍ່ຄວນເຮັດໃນໂລກອອນລລາຍ.

  • ສິ່ງທີ່ຄວນເຮັດ :
  1. ສະແດງໂຕຕົນ : ພະຍາຍາມອັບເດດໂປຣໄຟລ໌ຂອງເຮົາເພື່ອໃຫ້ຄົນອື່ນເຂົ້າໃຈຄວາມເປັນເຮົາ ແລະ ເລືອກເຮົາດ້ວຍເຫດຜົນທີ່ແມ່ນ, ໃຊ້ໂປຣໄຟລ໌ ແລະ ທຸກໆສິ່ງ, ກິດຈະກຳທີ່ເຮັດໃຫ້ເປັນປະໂຫຍດ ເຊັ່ນ : ກົດ Like page ທີ່ໜ້າສົນໃຈ ແລະ ເຊື່ອມຕໍ່ກັບສາຍວຽກທີ່ຕ້ອງການ, ເລືອກ tweet ຂໍ້ຄວາມດີໆ ແລະ ເຂົ້າຮ່ວມ LinkedIn.
  2. ເປັນໝູ່ກັບຄົນທີ່ແມ່ນ : ແນມຫາ ແລະ ເປັນໝູ່ກັບຄົນທີ່ເຮັດວຽກໃນວົງການ ຫລື ສາຍວຽກທີ່ຢາກຈະເຮັດ, ເຂົ້າໄປ Comment, ໂອ້ລົມ ຫລື ແບ່ງປັນວຽກຂອງພວກເຂົາໄວ້ເທິງໜ້າໂປຣໄຟລ໌ຂອງໂຕເອງ. ນອກຈາກນີ້ຄວນຈະໂອ້ລົມ ແລະ ຕິດຕໍ່ກັບອາຈານ ແລະ ຄູຝຶກຕ່າງໆ ເພື່ອໃຫ້ເຂົາແນະນຳເຮົາໄດ້ໃນ LinkedIn  ແລະ ນີ້ຍັງເປັນການພິສູດນຳວ່າເຮົາເປັນຄົນເຮັດວຽກທີ່ມີປະສິດທິພາບ, ມີທັກສະ ແລະ ມີຄວາມຮູ້ຢ່າງທີ່ເຂົາຕ້ອງການ.
  3. ຕັ້ງຄ່າ privacy settings ຢ່າງຖືກຕ້ອງ : ຄວນເຂົ້າໄປຫາປຸ່ມ “Activity Log” ຢູ່ເບື້ອງຂວາ ແລ້ວເລືອກ “View as”   ເພື່ອເບິ່ງວ່າຄົນອື່ນໆແນມເຫັນໜ້າໂປຣໄຟລ໌ຂອງເຮົາເປັນແນວໃດ ແລະ ຈາກນັ້ນກໍຕັ້ງຄ່າໃຫ້ຂໍ້ມູນທີ່ເຮົາຕ້ອງການຈະສະແດງ ເພາະຢ່າລືມວ່ານາຍຈ້າງມັກຈະເຂົ້າມາເບິ່ງຢູ່ໜ້າ Facebook ປະກອບການພິຈາລະນາຈ້າງວຽກສະເໝີ.
  4. ເຂົ້າຮ່ວມສັງຄົມອອນລາຍຂອງມະຫາວິທະຍາໄລ : ການເຂົ້າຮ່ວມນີ້ຈະເຮັດໃຫ້ເຮົາຮັບຮູ້ຂ່າວສານ, ການສຳມະນາ ແລະ ກິດຈະກຳຕ່າງໆຂອງມະຫາວິທະຍາໄລ ທັງຍັງສ້າງຄວາມສຳພັນກັບສະຖາບັນການສຶກສາອື່ນໆໄດ້ນຳອີກ. ດັ່ງນັ້ນ, ຄວນສະໝັກ Facebook  ຫລື Twitter ກ່ອນທີ່ຈະເຂົ້າຮຽນມະຫາວິທະຍາໄລ ເພື່ອເປັນການສ້າງໂອກາດໃນການຕິດຕໍ່ກັບເຄືອຂ່າຍທີ່ຕ້ອງການ. ນອກຈາກນີ້ຄວນເຂົ້າຮ່ວມກັບ Page ຂອງຫໍພັກ ຫລື ຂອງກຸ່ມກິດຈະກຳຕ່າງໆຂອງມະຫາວິທະຍາໄລນຳ.
  5. ສ້າງໂຕຕົນອອນລາຍ : ຈິນຕະນາການເບິ່ງວ່າເມື່ອມີຜູ້ເຂົ້າສະໝັກເຮັດວຽກ 2 ຄົນ ທີ່ມີປະຫວັດການເຮັດວຽກ ແລະ ປະສົບການທີ່ຄືກັນ, ແຕ່ຄົນໜຶ່ງມີ followers ໃນ Twitter ຫລາຍກ່ວາ 500 ຄົນ ແລະ ມີບົດຄວາມກ່ຽວກັບວຽກທີ່ເຮັດອີກຫລາຍກ່ວາ 100 ຜົນງານ ຄິດວ່າເຂົາຈະເລືອກໃຜ ?
  • ບໍ່ຄວນເຮັດ :
  1. ເປີດໜ້າ Facebook ປະຖິ້ມໄວ້ໃນຂະນະບໍ່ຢູ່ : ເຖິງວ່າຈະມີການຕັ້ງຄ່າຄວາມເປັນສ່ວນໂຕທີ່ແໜ້ນໜາຫລາຍປານໃດ, ແຕ່ມັນກໍບໍ່ມີປະໂຫຍດຖ້າເຮົາເປີດໜ້າ Facebook ປະໄວ້ຂະນະບໍ່ຢູ່ ໂດຍສະເພາະກັບເຄື່ອງຄອມພິວເຕີສາທາລະນະ ຫລື ໂນດບຸກລວມສຳລັບນັກຮຽນ ເພາະເຮົາອາດຈະຖືກໝູ່ມາຢອກໂພສສະຖາແຮງໆພຽງເພື່ອຄວາມມ່ວນຊື່ນເຮຮາກໍເປັນໄດ້.
  2. ແບ່ງປັນຮູບອັນບໍ່ສົມຄວນ : ບໍ່ວ່າຈະແມ່ນຮູບ ຫລື ກິດຈະກຳໃດໆກໍຕາມທີ່ຜິດກົດໝາຍ ຫລື ມີຄວາມຫລໍ່ແຫລມ ບໍ່ຄວນຈະມີການແບ່ງປັນໃດໆທັງໝົດ ແນ່ນອນວ່າວິທີທີ່ດີສຸດແມ່ນຢ່າເຂົ້າໄປມີສ່ວນໃນການຖ່າຍຮູບຄັ້ງນັ້ນຕັ້ງແຕ່ທຳອິດຈະດີທີ່ສຸດ ໂດຍສະເພາະກ້ອງໃນໂທລະສັບມືຖືແບບສະມາດໂຟນທີ່ມີການແບ່ງປັນຮູບຖ່າຍໄດ້ທັນທີ.
  3. ເຮັດໃຫ້ໂລກອອນລາຍ ແລະ ໂລກແຫ່ງຄວາມຈິງຊ້ອນທັບກັນເກີນໄປ : ເພາະທຸກຄົນສາມາດເບິ່ງເຫັນສິ່ງທີ່ເຮົາຂຽນ ຫລື ໂພສໄວ້ຕັ້ງແຕ່ອະດີດໄດ້ ຕັ້ງແຕ່ກ່ອນທີ່ຈະເປັນໝູ່ກັບຄົນເຫລົ່ານັ້ນ ໂດຍສະເພາະກັບຫົວໜ້າ ຫລື ນາຍຈ້າງ. ດັ່ງນັ້ນ,​ ບາງຂໍ້ຄວາມເຮົາກໍໄດ້ແຕ່ພາວະນາວ່າພວກເຂົາຈະບໍ່ເປີດຍ້ອນໄປເຫັນມັນ.
  4. ໃຊ້ລະຫັດລັບດຽວກັນກັບທຸກສິ່ງຢ່າງ : ເມື່ອໃດກໍຕາມທີ່ເຮົາຖືກແຮັກ ບັນຫາໃຫຍ່ຍ່ອມເກີດຂຶ້ນແນ່ນອນ ໂດຍສະເພາະຂໍ້ມູນທີ່ມີຄວາມສຳຄັນ.
  5. ເມົາແລ້ວໂພສ : ນີ້ຖືວ່າເປັນເລື່ອງທີ່ບໍ່ສົມຄວນເຮັດຢ່າງຍິ່ງ ອີກຢ່າງ ການມານຳແກ້ໄຂບັນຫາໃນພາຍຫລັງນັ້ນກໍໃຊ້ເວລາດົນກ່ວາການໂພສດ້ວຍຄວາມຄຶກຄະນອງພຽງສ້ຽວວິນາທີ. ດັ່ງນັ້ນແລ້ວ ຈົ່ງຈື່ໄວ້ສະເໝີວ່າ ຄິດກ່ອນທີ່ຈະໂພສຫຍັງລົງໄປໃນໂລກອອນລາຍ.
- Wave100S AD to Website 2020 0 - ເຕັກນິກການນຳໃຊ້ໂລກອອນລາຍຢ່າງຊານສະຫລາດ
- WhatsApp Image 2020 05 27 at 5 - ເຕັກນິກການນຳໃຊ້ໂລກອອນລາຍຢ່າງຊານສະຫລາດ
- WhatsApp Image 2020 05 27 at 5 - ເຕັກນິກການນຳໃຊ້ໂລກອອນລາຍຢ່າງຊານສະຫລາດ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!