20 ລາຍການອາຫານທີ່ບໍ່ຄວນເອົາແຊ່ໄວ້ໃນຕູ້ເຢັນ ເພາະອາດເຮັດໃຫ້ເກີດຜົນເສຍຫລາຍກ່ວາຜົນດີ

- 435 - 20 ລາຍການອາຫານທີ່ບໍ່ຄວນເອົາແຊ່ໄວ້ໃນຕູ້ເຢັນ ເພາະອາດເຮັດໃຫ້ເກີດຜົນເສຍຫລາຍກ່ວາຜົນດີ
- Untitled design - 20 ລາຍການອາຫານທີ່ບໍ່ຄວນເອົາແຊ່ໄວ້ໃນຕູ້ເຢັນ ເພາະອາດເຮັດໃຫ້ເກີດຜົນເສຍຫລາຍກ່ວາຜົນດີ

ຕູ້ເຢັນ ຖືເປັນອຸປະກອນເຄື່ອງໃຊ້ໄຟຟ້າທີ່ຈຳເປັນຫລາຍໆສຳລັບທຸກເຮືອນໃນປັດຈຸບັນ ເອີ້ນວ່າຂາດບໍ່ໄດ້ເລີຍ ຫລາຍຄົນລຶ້ງເຄີຍກັບການເອົາອາຫານທຸກຢ່າງເຂົ້າແຊ່ໃນຕູ້ເຢັນ ເພື່ອຫວັງໃຫ້ຊ່ວຍຮັກສາຄຸນນະພາບຂອງອາຫານໄວ້ດົນຫລາຍຂຶ້ນ ເປັນເລື່ອງຈິງທີ່ຄວາມເຢັນຊ່ວຍຮັກສາຄຸນນະພາບຂອງອາຫານໄວ້ໄດ້, ແຕ່ບໍ່ແມ່ນກັບອາຫານທຸກຊະນິດ ເພາະຍັງມີອາຫານອີກຫລາຍຊະນິດທີ່ບໍ່ຄວນແຊ່ໄວ້ໃນຕູ້ເຢັນເລີຍ ເພາະເຮັດໃຫ້ເກີດຜົນເສຍຫລາຍກ່ວາຜົນດີ ລວມທັງອາຫານບາງຊະນິດກໍບໍ່ຈຳເປັນທີ່ຈະຕ້ອງແຊ່ໃນຕູ້ເຢັນໃຫ້ສິ້ນເປືອງພື້ນທີ່, ອາຫານຊະນິດໃດແດ່ທີ່ບໍ່ຄວນແຊ່ໃນຕູ້ເຢັນ ມາເບິ່ງນຳກັນເລີຍ :

  1. ມັນຝຣັ່ງ : ຄວາມໜາວເຢັນຈະເຮັດໃຫ້ແປ້ງໃນມັນຝຣັ່ງກາຍເປັນຊີ້ນແຫລວ ລວມເຖິງສູນເສຍຄວາມຫວານໄປ ເຮັດໃຫ້ມັນຝຣັ່ງເສຍລົດຊາດທີ່ດີ. ດັ່ງນັ້ນ ຄວນເກັບມ້ຽນມັນຝຣັ່ງໄວ້ໃນຖົງເຈ້ຍ ແລະ ເກັບໄວ້ໃນບ່ອນແຫ້ງ ແລະ ເຢັນ ຫລື ເກັບໄວ້ໃນລີ້ນຊັກ ຈຶ່ງເປັນທາງເລືອກທີ່ດີກ່ວາ.
  2. ນຳ້ເຜິ້ງ : ຫາກເກັບມ້ຽນນຳ້ເຜິ້ງໄວ້ໃນຕູ້ເຢັນ ນຳ້ເຜິ້ງຈະຈັບກັນເປັນກ້ອນແຂງເມື່ອຢູ່ໃນອຸນຫະພູມທີ່ໜາວເຢັນ ດັ່ງນັ້ນ ພຽງແຕ່ຕັ້ງແກ້ວນຳ້ເຜິ້ງໄວ້ນອກຕູ້ເຢັນ ແລະ ເກັບໄວ້ໃຫ້ພົ້ນຈາກແສງແດດ ໃນອຸນຫະພູມທຳມະດາ ຈະໄດ້ເກັບຮັກສາສານໃຫ້ຄວາມຫວານຕາມທຳມະຊາດນີ້ໄດ້ຢ່າງສົມບູນ.
  3. ໝາກເລັ່ນ : ຄວາມເຢັນໃນຕູ້ເຢັນຈະເຮັດໃຫ້ໝາກເລັ່ນເສຍລົດຊາດ ຈົນໃນທີ່ສຸດໝາກເລັ່ນຈະສຸກຫລາຍ ແລະ ຫ່ຽວໄວຂຶ້ນ. ດັ່ງນັ້ນ, ໃຫ້ເກັບມ້ຽນໝາກເລັ່ນໄວ້ທາງນອກ ບ່ອນແຫ້ງ ແລະ ຫ່າງຈາກແສງແດດຈະເໝາະສົມກ່ວາ.
  4. ໝາກແອັບເປິ້ນ : ເຫດຜົນດຽວກັນກັບໝາກເລັ່ນ ຫາກເກັບໄວ້ໃນຕູ້ເຢັນຈະເຮັດໃຫ້ເສຍລົດຊາດ, ແຕ່ຖ້າຢາກຈະກິນໃຫ້ໄດ້ລົດຊາດຫວານເຢັນ ກໍພຽງແຕ່ປອກເປືອກແລ້ວເອົາໄປແຊ່ຕູ້ເຢັນປະມານ 30 ນາທີກ່ອນຈະເອົາມາກິນ.
  5. ໝາກແຕງ : ເກັບໄວ້ເທິງເຄົາເຕີ້ເພື່ອລົດຊາດທີ່ດີສຸດ ຈຳພວກໝາກແຕງແຄນຕາລູບ, ໝາກແຕງໄຮ່ ຫາກເກັບໄວ້ໃນອຸນຫະພູມທຳມະດາຈະບໍ່ເຮັດໃຫ້ສູນເສຍສານຕ້ານອະນຸມູນອິດສະລະ ແລະ ເມື່ອຊອຍເປັນຕ່ອນກໍຄວນເກັບໄວ້ໃນຕູ້ເຢັນໄວ້ໄດ້ປະມານ 3 – 4 ມື້.
  6. ຫົວຜັກບົ່ວ : ຫົວຜັກບົ່ວທີ່ຍັງບໍ່ທັນໄດ້ປອກເປືອກ ຫລື ຊອຍ ບໍ່ຄວນເອົາໄປໄວ້ໃນຕູ້ເຢັນ ຈະເຮັດໃຫ້ເກີດເປັນເຊື້ອລາ, ອ່ອນ ແລະ ເລະ ແລະ ກິ່ນຂອງມັນຈະເຮັດໃຫ້ອາຫານອື່ນມີກິ່ນຕິດໄປນຳ. ບ່ອນທີ່ເໝາະສົມກັບການເກັບມ້ຽນຫົວຜັກບົ່ວແມ່ນເອົາໃສ່ໃນຖົງເຈ້ຍ ໄວ້ໃນບ່ອນແຫ້ງ ແລະ ເຢັນ ຫລື ເກັບໄວ້ໃນລີ້ນຊັກ. ສຳລັບຫົວຜັກບົ່ວທີ່ຊອຍແລ້ວກໍໃຫ້ເອົາໃສ່ຖົງຢາງເກັບໄວ້ໃນຊ່ອງເກັບມ້ຽນຜັກໃນຕູ້ເຢັນໄດ້.
  7. ນຳ້ມັນ : ໂດຍທົ່ວໄປແລ້ວຄວນວາງໄວ້ໃນອຸນຫະພູມທຳມະດາຫລາຍກ່ວາ ແຕ່ສຳລັບນຳ້ມັນປະເພດທີ່ມີກົດໄຂມັນອີ່ມໂຕຕໍ່າ ເຊັ່ນ : ນຳ້ມັນດອກຄຳຝອຍ ຫລື ນຳ້ມັນດອກຕາເວັນ ກໍຈະດີກ່ວາຖ້າເກັບໄວ້ໃນອຸນຫະພູມທີ່ເຢັນ ເຊັ່ນ : ຕຳແໜ່ງຂອງປະຕູຕູ້ເຢັນ.
  8. ນຳ້ຊ໊ອດໝາກເລັ່ນ ແລະ ຊ໊ອດໝາກເຜັດ : ບໍ່ຈຳເປັນຕ້ອງເກັບໄວ້ໃນຕູ້ເຢັນ ເນື່ອງຈາກມີນຳ້ສົມສາຍຊູຈຳນວນຫລາຍທີ່ປ້ອງກັນການເຕີບໃຫຍ່ຂອງແບັກທີເຣຍຢູ່ແລ້ວ ໂດຍສະເພາະນຳ້ຊ໊ອດໝາກເຜັດ ຄວາມເຜັນຮ້ອນຂອງໝາກເຜັດຈະມີສັກກະຍະພາບຫລາຍທີ່ສຸດເມື່ອຢູ່ໃນອຸນຫະພູມທຳມະດາ ດັ່ງນັ້ນ ຄວນເກັບໄວ້ຢູ່ໃນຕູ້ໃສ່ອາຫານກໍພໍແລ້ວ.
  9. ໝາກໂມ : ມີສານຕ້ານອະນຸມູນອິດສະລະຫລາຍ ຍ້ອນມີນຳ້ຫລາຍ ເປັນແຫ່ລງວິຕາມິນອາ ແລະ ວິຕາມິນເຊ, ແຕ່ການເອົາໝາກໂມໄປແຊ່ໃນຕູ້ເຢັນຈະເຮັດໃຫ້ໝາກໂມສູນເສຍສານເຫລົ່ານີ້ທີ່ມີປະໂຫຍດຕໍ່ຮ່າງກາຍໄປຢ່າງໜ້າເສຍດາຍ ທັງນີ້ເມື່ອມັນຢູ່ໃນຕູ້ເຢັນກໍມີໂອກາດທີ່ມັນຈະແຕກ ແລະ ກາຍເປັນຈຸດໆ. ດີທີ່ສຸດແມ່ນຄວນເກັບໄວ້ນອກຕູ້ເຢັນ,​ ແຕ່ຖ້າຊອຍເປັນປ່ຽງແລ້ວກໍສາມາດເອົາໄປແຊ່ຕູ້ເຢັນໄວ້ໄດ້.
  10. ກາເຟ : ບໍ່ຄວນແຊ່ໄວ້ໃນຕູ້ເຢັນ ເພາະຈະເຮັດໃຫ້ກາເຟເສຍລົດຊາດທີ່ຄວນຈະເປັນ ທັງຍັງເຮັດໃຫ້ກິ່ນຂອງກາເຟນັ້ນປ່ຽນໄປ, ບໍ່ຫອມເທົ່າທີ່ຄວນ ເພາະກາເຟໄດ້ດູດກິ່ນຈາກຕູ້ເຢັນເຂົ້າມາເກັບໄວ້ນັ້ນເອງ. ທາງທີ່ດີຄວນເອົາໃສ່ກ່ອງ, ຈອກ ຫລື ກະຕຸກທີ່ມີຝາປິດແໜ້ນຈະດີກ່ວາ.
  11. ຖົ່ວ : ອຸນຫະພູມທີ່ເຢັນອາດຈະຊ່ວຍປ້ອງກັນການເໝັນຂິວຈາກນຳ້ມັນທຳມະຊາດໃນຖົ່ວໄດ້, ແຕ່ກໍສາມາດກຳຈັດລົດຊາດຖົ່ວໄດ້ຄືກັນ. ນອກຈາກນີ້, ເປືອກຖົ່ວກໍຍັງສາມາດດູດຊຶມກິ່ນທີ່ບໍ່ເພິງປະສົງອື່ນໆໃນຕູ້ເຢັນໄວ້ນຳ. ທາງທີ່ດີຄວນເກັບມ້ຽນໃນພາຊະນະທີ່ປິດແໜ້ນໃນຕູ້ອາຫານ ຫາກມີຖົ່ວຈຳນວນຫລາຍໃນຕູ້ເຢັນກໍຄວນຂົ້ວຖົ່ວໃນກະທະກ່ອນທີ່ຈະເອົາມາໃຊ້.
  12. ຜັກທຽມ : ການເອົາຜັກທຽມໄປແຊ່ໃນຕູ້ເຢັນຈະເຮັດໃຫ້ຜັກທຽມງອກເປັນຕົ້ນຂຶ້ນມາ ແລະ ຕົກໂໝະເປັນເຊື້ອລາໄດ້ງ່າຍ ທັງຍັງເຮັດໃຫ້ຊີ້ນຂອງຜັກທຽມຫົດຫ່ຽວໄວຂຶ້ນນຳ. ທ່ານສາມາດຮັກສາລົດຊາດຂອງຜັກທຽມໄດ້ໂດຍການເກັບໄວ້ໃນພາຊະນະທີ່ແຫ້ງ, ເຢັນ ແລະ ມີອາກາດຖ່າຍເທ ເມື່ອມີການປອກຜັກທຽມອອກກໍຄວນໃຊ້ໃຫ້ໝົດພາຍໃນ 10 ມື້.
  13. ຜັກບົວລະພາ ແລະ ຜັກກະເພົາ : ເພາະຈະເຮັດໃຫ້ໃບຜັກສອງຊະນິດນີ້ແຫ້ງ ແລະ ຫ່ຽວໄວ, ທັງນີ້ຜັກສອງຊະນິດຍັງດູດເອົາກິ່ນຈາກຕູ້ເຢັນນຳອີກ.
  14. ເຂົ້າໜົມປັງ : ການເກັບມ້ຽນເຂົ້າໜົມປັງໄວ້ໃນຕູ້ເຢັນຈະເຮັດໃຫ້ເຂົ້າໜົມປັງແຂງຈົນເກີນໄປ ດັ່ງນັ້ນ ເກັບໄວ້ນອກຕູ້ເຢັນຈະໄດ້ລົດຊາດທີ່ດີກ່ວາ ຫລື ຫາກມີເຂົ້າໜົມປັງຈຳນວນຫລາຍສາມາດເກັບໄວ້ໃນຕູ້ເຢັນໄດ້ໂດຍໃຊ້ຜ້າຂາວບາງຫໍ່ກ່ອນທີ່ຈະເອົາໄປໄວ້ໃນຕູ້ເຢັນ.
  15. ໝາກກ້ວຍ : ຖ້າໝາກກ້ວຍຍັງມີເປືອກສີເຫລືອງຕາມປົກກະຕິໃຫ້ວາງໝາກກ້ວຍໄວ້ໃນອຸນຫະພູມທຳມະດາ, ແຕ່ເມື່ອມັນປ່ຽນເປັນສີນຳ້ຕານກໍສາມາດແຊ່ໃນຊ່ອງແຊ່ເຢັນໄດ້.
  16. ເຫລົ້າ : ເຄື່ອງດື່ມອານກໍຮໍທຸກຊະນິດ ລວມເຖິງເຫລົ້າທີ່ໄວ້ໝັກຊີ້ນສັດຕ່າງໆ ຫລື ປຸງອາຫານ ບໍ່ຄວນເອົາເຫລົ້າໄປແຊ່ຕູ້ເຢັນ ເພາະສີ ແລະ ລົດຊາດປ່ຽນໄປແນ່ນອນ ຄວນວາງໄວ້ໃນອຸນຫະພູມປົກກະຕິກໍພໍແລ້ວ.
  17. ໝາກອຶ : The Canadian Produce Marketing Association (CPMA) ບອກໄວ້ວ່າ : ວິທີເກັບຮັກສາຜັກ – ໝາກໄມ້ສົດ ເຊັ່ນ : ໝາກອຶ ຕ້ອງເກັບໄວ້ໃນບ່ອນທີ່ມີອາກາດຖ່າຍເທໄດ້ດີ, ເນັ້ນພື້ນທີ່ແຫ້ງໆ, ບໍ່ຖືກແດດ, ບໍ່ຮ້ອນເອົ້າ ຈຶ່ງຈະຊ່ວຍຍືດອາຍຸໝາກອຶໄດ້ດີ.
  18. ໝາກກ້ຽງ : ບໍ່ຄວນເກັບໄວ້ໃນຕູ້ເຢັນ, ແຕ່ຄວນວາງໄວ້ໃນອຸນຫະພູມທຳມະດາ ໂດຍໃສ່ຖົງມັດປາກໃຫ້ແໜ້ນ ເນື່ອງຈາກເມື່ອພວກມັນຢູ່ໃນຕູ້ເຢັນມັນຈະສ່ຽງເປັນເຊື້ອລາໄດ້ງ່າຍ.
  19. ຜັກກາດດອງ : ເປັນອາຫານທີ່ີມີສານຕ້ານອະນຸມູນອິດສະລະ ແລະ ນຳ້ສົ້ມສາຍຊູປະລິມານຫລາຍ ດັ່ງນັ້ນຈຶ່ງບໍ່ຈຳເປັນຕ້ອງແຊ່ຕູ້ເຢັນ, ແຕ່ກໍສາມາດເອົາໄປແຊ່ຕູ້ເຢັນໄດ້ ແນະນຳໃຫ້ວາງໄວ້ໃນຕູ້ເຢັນບໍລິເວນປະຕູຕູ້ເຢັນກໍພໍ.
  20. ນຳ້ຊ໊ອດຖົ່ວເຫລືອງ : ເຄື່ອງປຸງລົດຊາດອາຫານອີກປະເພດໜຶ່ງທີ່ມີສານກັນບູດ ແລະ ເກືອ. ດັ່ງນັ້ນ, ຈຶ່ງບໍ່ຈຳເປັນຕ້ອງແຊ່ໄວ້ໃນຕູ້ເຢັນ.
- Wave100S AD to Website 2020 0 - 20 ລາຍການອາຫານທີ່ບໍ່ຄວນເອົາແຊ່ໄວ້ໃນຕູ້ເຢັນ ເພາະອາດເຮັດໃຫ້ເກີດຜົນເສຍຫລາຍກ່ວາຜົນດີ
- WhatsApp Image 2020 05 27 at 5 - 20 ລາຍການອາຫານທີ່ບໍ່ຄວນເອົາແຊ່ໄວ້ໃນຕູ້ເຢັນ ເພາະອາດເຮັດໃຫ້ເກີດຜົນເສຍຫລາຍກ່ວາຜົນດີ
- WhatsApp Image 2020 05 27 at 5 - 20 ລາຍການອາຫານທີ່ບໍ່ຄວນເອົາແຊ່ໄວ້ໃນຕູ້ເຢັນ ເພາະອາດເຮັດໃຫ້ເກີດຜົນເສຍຫລາຍກ່ວາຜົນດີ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!