ພາຣານອຍ ຫລື ຄິດຫລາຍໄປເອງ ມາກວດເບິ່ງອາການທີ່ເປັນເຂົ້າໃຈໂຕເອງໃຫ້ຫລາຍຂຶ້ນ

- 36 1 - ພາຣານອຍ ຫລື ຄິດຫລາຍໄປເອງ ມາກວດເບິ່ງອາການທີ່ເປັນເຂົ້າໃຈໂຕເອງໃຫ້ຫລາຍຂຶ້ນ
- Untitled design - ພາຣານອຍ ຫລື ຄິດຫລາຍໄປເອງ ມາກວດເບິ່ງອາການທີ່ເປັນເຂົ້າໃຈໂຕເອງໃຫ້ຫລາຍຂຶ້ນ

ໄລຍະນີ້ຫາກມີຄວາມຮູ້ສຶກຫວາດລະແວງໄປກັບທຸກສິ່ງອ້ອມໆໂຕ ລອງກວດເບິ່ງວ່າເຮົາພຽງແຕ່ຄິດຫລາຍໄປເອງ ຫລື ມີອາການຂອງພາຣານອຍແບບຈິງຈັງ.

ຕັ້ງແຕ່ມີການລະບາດຂອງພະຍາດ COVID – 19 ກໍເລີ່ມລະແວງແນ່ແລ້ວວ່າແຕ່ລະມື້ທີ່ຕື່ນມາ ເຮົາຈະມີອາການປ່ວຍບໍ່ ? ຕິດພະຍາດ COVID – 19 ແລ້ວຫລືຍັງ ? ແລະ ຄວາມຫວາດລະແວງທີ່ເກີດຂຶ້ນນີ້ ທີ່ເຮັດໃຫ້ເກີດອາການກັງວົນໃຈຕະຫລອດໄລຍະທີ່ຜ່ານມາ ຍິ່ງມີກະແສກັກຕຸນອາຫານ ກໍຍິ່ງເຮັດໃຫ້ຄິດຫລາຍຂຶ້ນຕື່ມອີກ. ສະນັ້ນ, ມາລອງກວດເບິ່ງນຳກັນດີກ່ວາ.

(Paranoid) ພາຣານອຍ ແມ່ນອາການຫວາດລະແວງ ແລະ ຄວາມຮູ້ສຶກຢ້ານທີ່ມີຫລາຍຈົນເກີນໄປ ໂດຍອາການພາຣານອຍອາດຈະເກີດຕັ້ງແຕ່ລະດັບນ້ອຍໆໄປຈົນເຖິງຂັ້ນຮຸນແຮງ ແລະ ອາດນຳໄປສູ່ອາການຈິດຫລົງຜິດ ເຊິ່ງເປັນອາການທາງຈິດຊະນິດໜຶ່ງ ເຊັ່ນ : ຄິດວ່າຕົນເອງຈະຖືກທຳຮ້າຍ, ຖືກຂ້າ.

ອາການທາງຈິດ, ມັກຫວາດລະແວງ, ເຊື່ອຫຍັງແປກໆ ອາການນີ້ຕ້ອງປິ່ນປົວ. ທັງນີ້, ດຣ. ດານຽວ ຟຣີແມນ ຈາກມະຫາວິທະຍາໄລອັອກຟອດ ແລະ ຜູ້ຂຽນໜັງສື Paranoia : The 21st Century Fear ໄດ້ແບ່ງອາການພາຣານອຍ ອອກເປັນ 2 ແບບ ຄື :

- Wave100S AD to Website 2020 0 - ພາຣານອຍ ຫລື ຄິດຫລາຍໄປເອງ ມາກວດເບິ່ງອາການທີ່ເປັນເຂົ້າໃຈໂຕເອງໃຫ້ຫລາຍຂຶ້ນ
  1. Non – Clinical : ແມ່ນຄວາມຫວາດລະແວງທີ່ພົບໄດ້ໃນຊີວິດປະຈຳວັນ ຫລື ຄວາມລະມັດລະວັງໂຕ ເຊິ່ງສິ່ງທີ່ເປັນນີ້ຈະບໍ່ກໍ່ໃຫ້ເກີດອຸປະສັກໃນການໃຊ້ຊີວິດຫລາຍປານໃດ ໂດຍອາດຈະມີອາການດັ່ງນີ້ :
  • ວິຕົກກັງວົນຫລາຍກ່ວາຄົນທົ່ວໄປ.
  • ມີຄວາມຮູ້ສຶກບໍ່ໄວ້ໃຈໃຜງ່າຍໆ.
  • ລະແວງວ່າຄົນອື່ນຈະບໍ່ເປັນມິດກັບເຮົາ ແລະ ອາດຈະຢ້ານກົວໄພອັນຕະລາຍທີ່ຢູ່ໃກ້ໂຕເຮົາ.
  • ຮູ້ສຶກຄືຖືກຈັບຜິດຫລາຍກ່ວາຄົນອື່ນໆ.
  1. Clinical : ອາການພາຣານອຍແບບນີ້ຈະມີອາການທີ່ເຂົ້າຂັ້ນອາການທາງຈິດ ໝາຍຄວາມວ່າ ຄວາມຮູ້ສຶກນຶກຄິດມີຜົນກະທົບຕໍ່ການໃຊ້ຊີວິດປະຈຳວັນ ເຊັ່ນ :
  • ຄິດໄປເອງວ່າຈະມີຄົນມາທຳຮ້າຍ.
  • ຫູແວ້ວ ໄດ້ຍິນໄປເອງ.
  • ມັກຈະແຍກໂຕຈາກຜູ້ອື່ນ.
  • ບໍ່ສາມາດໄຈ້ແຍກຄວາມເປັນຈິງກັບຈິນຕະນາການໄດ້.
  • ການໃຊ້ເຫດຜົນ ແລະ ຄວາມຈື່ຈຳເສື່ອມຖອຍ.
  • ຫວາດລະແວງເລື່ອງຕ່າງໆ ໂດຍບໍ່ຢູ່ເທິງພື້ນຖານຄວາມເປັນຈິງ ເຊັ່ນ : ມຸດໄປນອນຢູ່ກ້ອງໂຕະ ຍ້ອນຢ້ານແຜ່ນດິນໄຫວ ໂດຍທີ່ບໍ່ມີສັນຍານແຜ່ນດິນໄຫວໃດໆເກີດຂຶ້ນ.

ແນວໃດກໍຕາມ, ອາການພາຣານອຍໃນກຸ່ມທຳອິດ ຫລື ກຸ່ມ Non – Clinical ມັກຈະເກີດຂຶ້ນໂດຍອັດຕະໂນມັດເມື່ອເຮົາຕ້ອງປັບໂຕຕໍ່ສະຖານະການທີ່ອາດເປັນອັນຕະລາຍຕໍ່ໂຕເຮົາເອງ ເຊິ່ງຖ້າເບິ່ງອີກດ້ານໜຶ່ງກໍເປັນສິ່ງທີ່ດີ ທີ່ໜ້າຈະຊ່ວຍຫຸດຄວາມສ່ຽງຕ່າງໆໄດ້ຫລາຍກ່ວາການບໍ່ລະມັດລະວັງຫຍັງເລີຍ.

ແຕ່ທັງນີ້ ຫາກມີອາການລະແວງຫລາຍເກີນໄປ ຈົນສົ່ງຜົນກະທົບຕໍ່ຊີວິດປະຈຳວັນ, ນອນບໍ່ຫລັບ, ເຄັ່ງຄຽດຫລາຍ, ຊີວິດໄຮ້ເຊິ່ງພະລັງບວກຕ່າງໆ ອາດຕ້ອງປຶກສາແພດ ຫລື ຈິດຕະແພດ.

ບາງຄົນຄິດຫລາຍຈົນຮູ້ສຶກເບື່ອໂຕເອງ, ລະແວງສິ່ງນັ້ນ, ຢ້ານສິ່ງນີ້ໄດ້ຕະຫລອດ. ສະນັ້ນ, ພວກເຮົາຈຶ່ງມີວິທີແກ້ອາການຄິດໄປເອງໃນເບື້ອງຕົ້ນມາແນະນຳ ດັ່ງນີ້ :

  • ຈັດການກັບສິ່ງທີ່ຄ້າງຄາໃຈ : ຖ້າສິ່ງທີ່ເຮົາວິຕົກກັງວົນ ມີທາງອອກທີ່ພໍເຮັດໄດ້ ເຮົາກໍຄວນຈັດການກັບສິ່ງນັ້ນໃຫ້ສຳເລັດລຸລ່ວງໄປ ຈະໄດ້ບໍ່ຄ້າງຄາໃຈຈົນຕ້ອງເອົາມາຄິດຫລາຍອີກ ເຊັ່ນ : ຫາກກັງວົນວ່າຈະເຈັບປ່ວຍຫລືບໍ່, ຈະຕິດພະຍາດ COVID-19 ຈາກໃຜຫລືບໍ່ ? ເຮົາກໍຫລຸດຄວາມສ່ຽງທີ່ອາດຈະເກີດຂຶ້ນໃນທຸກກໍລະນີ ແລະ ດູແລໂຕເອງໃຫ້ດີທີ່ສຸດເທົ່າທີ່ຈະເຮັດໄດ້ ຫລື ຫາກບໍ່ຢາກອອກຈາກເຮືອນຕະຫລອດ ຍ້ອນຢ້ານພະຍາດ ກໍໄປກຽມຊື້ສິນຄ້າ, ອາຫານແຫ້ງ ເກັບໄວ້ຫລາຍໆ ເພື່ອຄວາມສະບາຍໃຈ.
  • ປ່ອຍວາງແນ່ : ໃນສິ່ງທີ່ເກີນຄວາມຄວບຄຸມຂອງເຮົາ ບໍ່ວ່າຈະດ້ານໃດ ພະຍາຍາມປ່ອຍວາງໃຫ້ໄດ້ຈະດີທີ່ສຸດ ເພາະກັງວົນໄປກໍບໍ່ໄດ້ເຮັດໃຫ້ອັນໃດດີຂຶ້ນ.
  • ບໍ່ເຊື່ອໃຈໃຜ,​ ແຕ່ຕ້ອງເຊື່ອໃຈໂຕເອງ : ຫາກລະແວງຄົນອ້ອມໂຕຈົນບາງເທື່ອຮູ້ສຶກລຳຄານໂຕເອງ ໃຫ້ລອງເນັ້ນມາໃສ່ແຕ່ໂຕເອງ, ເຖິງວ່າຄົນອື່ນໆຈະບໍ່ໜ້າໄວ້ວາງໃຈ, ບໍ່ໜ້າເຂົ້າໃກ້ດ້ວຍເຫດຜົນອື່ນໃດກໍຕາມ ແຕ່ຫາກເຮົາຮູ້ຈັກປ້ອງກັນໂຕເອງ, ຫລີກເວັ້ນການເຂົ້າໃກ້ຄົນອື່ນໆໄດ້ ກໍໜ້າຈະຊ່ວຍໃຫ້ຮູ້ສຶກສະບາຍໃຈຂຶ້ນ.
  • Social Distancing ສັງຄົມເວັ້ນໄລຍະຫ່າງ ຕ້ອງເຮັດແນວໃດແນ່ ? ຢູ່ກັບໂຕເອງຈັກໄລຍະ, ຫລົບຫລີກຄວາມແອອັດວຸ້ນວາຍທີ່ພົບໃນແຕ່ລະມື້, ມາຫາເວລາຢູ່ຄົນດຽວຈັກໄລຍະ, ໃຫ້ເຮົາໄດ້ເວັ້ນໄລຍະຫ່າງຈາກຄວາມຮູ້ສຶກຄິດຫລາຍໄປເອງ ແລະ ໃຊ້ເວລານີ້ທົບທວນໂຕເອງຢ່າງງຽບໆ ວິທີນີ້ຈະຊ່ວຍຫລຸດຄວາມຄິດຫລາຍໄປເອງ ຫລື ພາຣານອຍໄດ້ອີກທາງໜຶ່ງ.
- WhatsApp Image 2020 05 27 at 5 - ພາຣານອຍ ຫລື ຄິດຫລາຍໄປເອງ ມາກວດເບິ່ງອາການທີ່ເປັນເຂົ້າໃຈໂຕເອງໃຫ້ຫລາຍຂຶ້ນ
- WhatsApp Image 2020 05 27 at 5 - ພາຣານອຍ ຫລື ຄິດຫລາຍໄປເອງ ມາກວດເບິ່ງອາການທີ່ເປັນເຂົ້າໃຈໂຕເອງໃຫ້ຫລາຍຂຶ້ນ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!