ຂໍ້ດີຂອງການຍົກເຫວດນຳ້ໜັກເບົາ ບໍ່ຕ້ອງໜັກກໍສ້າງກ້າມຊີ້ນໄດ້

- 357 - ຂໍ້ດີຂອງການຍົກເຫວດນຳ້ໜັກເບົາ ບໍ່ຕ້ອງໜັກກໍສ້າງກ້າມຊີ້ນໄດ້
- Untitled design - ຂໍ້ດີຂອງການຍົກເຫວດນຳ້ໜັກເບົາ ບໍ່ຕ້ອງໜັກກໍສ້າງກ້າມຊີ້ນໄດ້

ຂໍ້ດີຂອງການຍົກເຫວດນຳ້ໜັກເບົາ ຍົກເຫວດດ້ວຍນຳ້ໜັກທີ່ເບົາກໍໄດ້ຜົນດີຄືກັນ ມີຂໍ້ດີຫລາຍຢ່າງເມື່ອປຽບທຽບກັບການເນັ້ນຍົກນຳ້ໜັກຫລາຍ.

ຫລາຍທ່ານອາດຈະເຂົ້າໃຈກັນມາຕະຫລອດວ່າ ໃນການອອກກຳລັງກາຍແບບຍົກເຫວດ ຫລື ຍົກນຳ້ໜັກນັ້ນ ຍິ່ງຍົກໜັກໆກໍຈະຍິ່ງໄດ້ຜົນດີຫລາຍຂຶ້ນ ເຮັດໃຫ້ຫລາຍທ່ານພະຍາຍາມທີ່ຈະຍົກເຫວດໃຫ້ໄດ້ນຳ້ໜັກຫລາຍໆທີ່ສຸດເພື່ອຜົນທີ່ໜ້າເພິງພໍໃຈ, ແຕ່ໃນຄວາມເປັນຈິງແລ້ວນັ້ນ ການຍົກເຫວດບໍ່ຈຳເປັນຕ້ອງຍົກນຳ້ໜັກຫລາຍໆສະເໝີໄປ ເພາະການຍົກນຳ້ໜັກເບົາໆອາດໄດ້ຫຍັງຫລາຍກ່ວາທີ່ທ່ານຄິດ ແລະ ນີ້ແມ່ນຂໍ້ດີຂອງການຍົກເຫວດນຳ້ໜັກເບົາເມື່ອປຽບທຽບກັບການຍົກດ້ວຍນຳ້ໜັກຫລາຍ.

- 011304 2020 300x207 - ຂໍ້ດີຂອງການຍົກເຫວດນຳ້ໜັກເບົາ ບໍ່ຕ້ອງໜັກກໍສ້າງກ້າມຊີ້ນໄດ້

  1. ຍົກໄດ້ຕໍ່ເນື່ອງ ແລະ ດົນກ່ວາ : ມີຜົນວິໄຈບົ່ງບອກວ່າ ການສ້າງກ້າມຊີ້ນນັ້ນເກີດຈາກການອອກແຮງຫລາຍໆເທື່ອຢ່າງຕໍ່ເນື່ອງ ເຊັ່ນ : ການຍົກເຫວດນຳ້ໜັກເບົາ, ແຕ່ຍົກຕໍ່ເນື່ອງໄປຈົນກ່ວາຈະໝົດແຮງ ເຊິ່ງຈະເຮັດໃຫ້ສາມາດສ້າງກ້າມຊີ້ນ ແລະ ຄວາມແຂງແຮງໄດ້ເທົ່າໆກັນ ຫລື ອາດດີກ່ວາການຍົກນຳ້ໜັກຫລາຍໆ, ແຕ່ຍົກໄດ້ພຽງບໍ່ເທົ່າໃດເທື່ອເທົ່ານັ້ນ.
  2. ແຂນໄດ້ເຄື່ອນໄຫວຫລາຍກ່ວາ : ການຍົກເຫວດດ້ວຍນຳ້ໜັກເບົາຈະເຮັດໃຫ້ເຮົາມີແຮງທີ່ຈະຍົກໄດ້ເຕັມທີ່ກ່ວາ ຄື ກະດູກຂໍ້ແຂນໄດ້ເຄື່ອນໄຫວຫລາຍກ່ວາ ເຊິ່ງຕ່າງຈາກການຍົກເຫວດນຳ້ໜັກຫລາຍໆທີ່ມັກຈະອອກແຮງຍົກໄດ້ບໍ່ຫລາຍ ແລະ ແນ່ນອນວ່າການທີ່ແຂນໄດ້ເຄື່ອນໄຫວອອກກຳລັງກາຍຫລາຍກ່ວານັ້ນກໍຊ່ວຍສ້າງກ້າມຊີ້ນໄດ້ດີກ່ວານັ້ນເອງ.
  3. ບໍລິຫານກ້າມຊີ້ນໄດ້ສົມສ່ວນກ່ວາ : ການຍົກເຫວດດ້ວຍນຳ້ໜັກເບົານັ້ນຈະເຮັດໃຫ້ກ້າມຊີ້ນແຕ່ລະພາກສ່ວນສາມາດບໍລິຫານການອອກແຮງຍົກໄດ້ດີກ່ວາ ເຮັດໃຫ້ສ້າງກ້າມຊີ້ນໄດ້ສົມສ່ວນ ຕ່າງຈາກການຍົກເຫວດດ້ວຍນຳ້ໜັກຫລາຍເກີນໄປ ທີ່ອາດເຮັດໃຫ້ກ້າມຊີ້ນບໍລິເວນກົກບ່າໄຫລ່ໃຫຍ່ກ່ວາກົກແຂນ ເພາະໃຊ້ແຮງຫລາຍກ່ວາ ເຊິ່ງຄົງບໍ່ແມ່ນສິ່ງທີ່ຫລາຍຄົນຕ້ອງການປານໃດ.
  4. ຫລຸດຄວາມສ່ຽງທີ່ເຮັດໃຫ້ເກີດການບາດເຈັບ : ການຫັກໂຫມ ຫລື ພະຍາຍາມຍົກເຫວດດ້ວຍນຳ້ໜັກທີ່ຫລາຍເກີນກ່ວາທີ່ຮ່າງກາຍຈະຮັບໄຫວນັ້ນ ມີຄວາມສ່ຽງທີ່ເຮັດໃຫ້ກ້າມຊີ້ນ ຫລື ບາງສ່ວນຂອງຮ່າງກາຍເກີດການບາດເຈັບໄດ້ ແລະ ຖ້າຫາກມັນເກີດຂຶ້ນແລ້ວ ອະນາຄົດກໍຈະມີໂອກາດເກີດການບາດຢູ່ບໍລິເວນເກົ່າໄດ້ອີກ ສະນັ້ນ ການຍົກເຫວດທີ່ມີນຳ້ໜັກເບົາຍ່ອມມີຄວາມປອດໄພຫລາຍກ່ວາ.
  5. ສ້າງກ້າມຊີ້ນໄດ້ມີປະສິດທິພາບກ່ວາ : ການຍົກເຫວດທີ່ມີນຳ້ໜັກຫລາຍເກີນໄປນັ້ນຈະເຮັດໃຫ້ການຍົກແຕ່ລະເທື່ອອອກແຮງກ້າມຊີ້ນຫລາຍເກີນໄປ ເຊິ່ງສຳລັບຜູ້ທີ່ຢາກສ້າງກ້າມຊີ້ນແຂນຢ່າງມີປະສິດທິພາບທີ່ສຸດນັ້ນ ຄວນຍົກເຫວດທີ່ມີນຳ້ໜັກເບົາ ຫລື ພໍດີກັບທີ່ຮ່າງກາຍຈະຮັບໄຫວ ບໍ່ໜັກຫລາຍຈົນເກີນໄປ.

- 031304 2020 1 - ຂໍ້ດີຂອງການຍົກເຫວດນຳ້ໜັກເບົາ ບໍ່ຕ້ອງໜັກກໍສ້າງກ້າມຊີ້ນໄດ້-                    1 300x179 - ຂໍ້ດີຂອງການຍົກເຫວດນຳ້ໜັກເບົາ ບໍ່ຕ້ອງໜັກກໍສ້າງກ້າມຊີ້ນໄດ້

- Wave100S AD to Website 2020 0 - ຂໍ້ດີຂອງການຍົກເຫວດນຳ້ໜັກເບົາ ບໍ່ຕ້ອງໜັກກໍສ້າງກ້າມຊີ້ນໄດ້

ຈາກຂໍ້ດີດັ່ງກ່າວຂ້າງເທິງ ກໍໜ້າຈະເຮັດໃຫ້ຫລາຍທ່ານເຂົ້າໃຈໄດ້ແລ້ວວ່າ ການອອກກຳລັງກາຍດ້ວຍການຍົກເຫວດເພື່ອສ້າງກ້າມຊີ້ນນັ້ນ ຄວາມຄິດທີ່ວ່າ ຍິ່ງໜັກ ຍິ່ງດີ ອາດບໍ່ຖືກຕ້ອງສະເໝີໄປ ເພາະໃນຄວາມເປັນຈິງແລ້ວການຍົກເຫວດດ້ວຍນຳ້ໜັກເບົາກໍອາດໃຫ້ຜົນດີບໍ່ຕ່າງກັນ ຫລື ອາດຈະດີກ່ວາກໍມີ, ແຕ່ແນວໃດກໍດີ ຕ້ອງເລືອກນຳ້ໜັກທີ່ບໍ່ເບົາເກີນໄປນຳ ເພາະບໍ່ດັ່ງນັ້ນຈະເຮັດໃຫ້ກ້າມຊີ້ນແຂນບໍ່ຄ່ອຍໄດ້ອອກແຮງຫລາຍພໍ ເຮັດໃຫ້ຕ້ອງໃຊ້ເວລາໃນການສ້າງກ້າມຊີ້ນ ແລະ ຄວາມແຂງແຮງດົນຂຶ້ນຕື່ມອີກ.

- 021304 2020 1 300x200 - ຂໍ້ດີຂອງການຍົກເຫວດນຳ້ໜັກເບົາ ບໍ່ຕ້ອງໜັກກໍສ້າງກ້າມຊີ້ນໄດ້

- WhatsApp Image 2020 05 27 at 5 - ຂໍ້ດີຂອງການຍົກເຫວດນຳ້ໜັກເບົາ ບໍ່ຕ້ອງໜັກກໍສ້າງກ້າມຊີ້ນໄດ້
- WhatsApp Image 2020 05 27 at 5 - ຂໍ້ດີຂອງການຍົກເຫວດນຳ້ໜັກເບົາ ບໍ່ຕ້ອງໜັກກໍສ້າງກ້າມຊີ້ນໄດ້
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!