ຊົມເຊີຍລາວຄວບຄຸມ COVID-19ດີ ມື້ທີ 6 ແລ້ວ ບໍ່ມີຜູ້ຕິດເຊື້ອໃຫມ່

- 42 1 - ຊົມເຊີຍລາວຄວບຄຸມ COVID-19ດີ ມື້ທີ 6 ແລ້ວ ບໍ່ມີຜູ້ຕິດເຊື້ອໃຫມ່
- Untitled design - ຊົມເຊີຍລາວຄວບຄຸມ COVID-19ດີ ມື້ທີ 6 ແລ້ວ ບໍ່ມີຜູ້ຕິດເຊື້ອໃຫມ່

ຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດອັກເສບປອດສາຍພັນໃໝ່ COVID-19, ໄດ້ຖະແຫລງຕໍ່ສື່ມ່ວນຊົນໃນວັນທີ 18 ເມສານີ້ວ່າ:ມື້ນີ້ເປັນມື້ທີ່ 6 ແລ້ວ ທີ່ລາວບໍ່ມີຜູ້ຕິດເຊື້ອພະຍາດໂຄວິດເພີ່ມໃຫມ່, ຊຶ່ງຍັງຢູ່ພຽງໂຕເລກ 19 ກໍລະນີເທົ່ານັ້ນ ແລະ ໃນນັ້ນສາມາດປົວດີແລ້ວ 2 ກໍລະນີ, ສິ່ງນີ້ຢືນຢັນໃຫ້ເຫັນວ່າລາວເຮົາສາມາດຄວບຄຸມການແຜ່ລະບາດຂອງພະຍາດດັ່ງກ່າວມີຄວາມເຂັ້ມງວດດີ, ໂດຍສະເພາະການກັກກັນຕົນເອງຂອງພົນລະເມືອງຢູ່ໃນເຮືອນຊານຂອງຕົນໄດ້ເຂັ້ມງວດ ແລະ ການກັກກັນຜູ້ຕ້ອງສົງໃສ, ແຮງງານລາວນັບເປັນແສນຈາກປະເທດທີ່ມີການລະບາດຂອງພະຍາດເຂົ້າກໍໄດ້ຄວບຄຸມໃຫ້ມີການແກປ່ຽວຕິດຕາມອາການ 14 ມື້ຫລືຫລາຍກ່ວານັ້ນຕາມຫລັກການການແພດໄດ້ເປັນຢ່າງດີຄື: ມາຮອດ 5ໂມງແລງຂອງວັນທີ 17 ເມສານີມີຜູ້ເດີນທາງເຂົ້າມາປະເທດເຮົາທັງໝົດ 1.002 ຄົນ,ໃນນັ້ນມາຜ່ານດ່ານລາວ-ໄທ ມີ 310 ຄົນ, ໃນນັັ້ນ ມີແຮງງານລາວທີ່ກັບປະເທດ 6 ຄົນຜ່ານດ່ານຊ່ອງເມັກ, ເຫຼືອນັ້ນແມ່ນ ພະນັກງານຂັບລົດບັນທຸກຂົນສິນຄ້າ, ສ່ວນຜູ້ຜ່ານດ່ານລາວ-ຈີນ ມີ 250 ຄົນ, ແລະ ຜ່ານດ່ານລາວ-ຫວຽດມີ 442 ຄົນ, ທັງໝົດແມ່ນພະນັກງານຂັບລົດບັນທຸກຂົນສົ່ງສິນຄ້າ, ຊຶ່ງໃນທຸກດ່ານ ແມ່ນໄດ້ກວດວັດ ອຸນຫະພູມຮ່າງກາຍ ແລະ ບໍ່ມີຄົນເປັນໄຂ້, ສຳລັບແຮງງານລາວທີ່ເຂົ້າມາໃໝ່ແມ່ນໄດ້ສົ່ງໄປຕິດຕາມຢູ່ສູນຈຳກັດບໍລິເວນທີ່ໄດ້ກຳນົດໄວ້ໃຫ້ຄົບ 14 ວັນ. ໃນວັນທີ 17 ເມສານີ້, ໄດ້ເກັບຕົວຢ່າງມາກວດທັງໝົດ 27ກໍລະນີ, ໃນນີ້ຢູ່ນະຄອນຫຼວງວຽງຈັນມີ 23 ຄົນ, ຫຼວງພະບາງ 1 ຄົນ, ສະຫວັນນະເຂດ 3 ຄົນແມ່ນແຮງງານລາວທີ່ກັບມາແຕ່ໄທ. ຜົນກວດທັງ 27 ກໍລະນີ ບໍ່ພົບເຊື້ອ. ໝາຍວ່າມາຮອດໃນວັນທີ 17ເມສາຊຶ່ງເປັນມື້ທີ່ 6 ແລ້ວບໍ່ມີກໍລະນີຕິດເຊື້ອໃໝ່.

ປັດຈຸບັນຍັງສືບຕໍ່ຕິດຕາມ ຜູ້ສໍາຜັດໃກ້ຊິດທັງໝົດ 50 ຄົນ ໃນນີ້ ຢູ່ນະຄອນຫຼວງວຽງຈັນມີ 24 ຄົນ (ໃນນັ້ນ 13 ຄົນ ແມ່ນຕິດຕາມຢູ່ໂຮງໝໍ 103, ຕິດຕາມຢູ່ເຮືອນ 10 ຄົນ ແລະ ອີກ 1 ຄົນ ແມ່ນຕິດຕາມຢູ່ເຮືອນສວນ (ໂດຍສະເລ່ຍຍັງອີກ 7ມື້ ຈີ່ງຄົບກຳນົດຕິດຕາມ 14 ວັນ).ສ່ວນແຂວງ ໄຊສົມບູນມີ 26 ຄົນ ໄດ້ຕິດຕາມຢູ່ ແຄັມພູຄຳ (ຍັງອີກ 1 ມື້ຈະໝົດກຳນົດ).

- Wave100S AD to Website 2020 0 - ຊົມເຊີຍລາວຄວບຄຸມ COVID-19ດີ ມື້ທີ 6 ແລ້ວ ບໍ່ມີຜູ້ຕິດເຊື້ອໃຫມ່

ຜູ້ຖະແຫລງຂ່າວໃຫ້ຮູ້ອີກວ່າ: ມາຮອດວັນທີ 17 ເມສານີ້ທົ່ວປະເທດ ຍັງມີ 1.399 ສູນ, ມີຜູ້ຈຳກັດບໍລິເວນຢູ່ສູນ 17.775 ຄົນ, ຈໍາກັດບໍລິເວນຢູ່ເຮືອນ 9.031 ຄົນ ແລະ ໄດ້ເກັບຕົວຢ່າງມາກວດວິເຄາະຫາເຊື້ອ ມີທັງໝົດ 122 ຄົນ. ທັງໝົດບໍ່ພົບເຊື້ອ. ສ່ວນຜູ້ຕິດເຊື້ອນອນຢູ່ໂຮງໝໍ 17 ຄົນນັ້ນເຫັນວ່າມີອາການຄົງຕົວ ຂັ້ນເບົາບາງ ແລະ ຍັງຕິດຕາມການກວດຫາເຊື້ອເພື່ອຢັ້ງຢືນຕື່ມອີກ. ແຕ່ເຖິງວ່າ ສະພາບການຕິດເຊື້ອຢູ່ປະເທດຂອງເຮົາ ໄດ້ເວັ້ນໄລຍະຫ່າງມາໄດ້ 6 ວັນແລ້ວ ແລະ ຜູ້ຕິດເຊື້ອ 2 ຄົນໝໍ ໄດ້ຫາຍດີ ແລະ ກໍ່ອອກໂຮງໝໍ ແລ້ວ ແຕ່ພວກເຮົາ ຈະບໍ່ໄດ້ລົດລະການເຝົ້າລະວັງ ຕິດຕາມຄົ້ນຫາ ຜູ້ສົງໄສທີ່ຈະຕິດເຊື້ອ ໂດຍສະເພາະຜູ້ທີ່ຍັງຈຳກັດບໍລິເວນຕົນເອງຢູ່ສູນ ແລະ ຢູ່ເຮືອນ ລວມທັງຜູ້ເດີນທາງຜ່ານຊາຍແດນເຂົ້າມາໃໝ່ ເພື່ອມາກວດວິເຄາະ ຢັ້ງຢືນພະຍາດໃຫ້ໄດ້ໄວ ແລະ ປິ່ນປົວຢ່າງທັນການ. ຜ່ານມາຄະນະສະເພາະກິດພວກເຮົາໄດ້ສືກສາຮ່ວມກັບອົງການອະນາໄມໂລກເຫັນວ່າ ຂະບວນການລະບາດຂອງປະເທດໃກ້ຄຽງ ຫຼັງຈາກມີການຕິດເຊື້ອຄັ້ງທຳອິດຮອດ ມື້ທີ່ 40 ຈະແມ່ນມື້ທີ່ມີການລະບາດສູງສຸດ, ສະເພາະລາວເຮົາ ມາຮອດມື້ນີ້ກໍ່ເປັນມື້ທີ່ 26 ເຊີ່ງຈະຕ້ອງໄດ້ສືບຕໍ່ເຝົ້າລະວັງຢ່າງເຂັ້ມງວດ, ອີກບັນຫາໜື່ງ ປະຈຸບັນນີ້ ປະເທດທີ່ມີການລະບາດຜ່ອນຄາຍລົງແລ້ວນັ້ນ ກໍ່ຍັງກັບມາມີຜູ້ຕິດເຊື້ອຄືນໃໝ່ເຊີ່ງມີການວິເຄາະວ່າເຊື້ອອາດຈະຍັງຢູ່ນຳຄົນເຈັບທີ່ບໍ່ມີອາການສະແດງອອກ ໃນ 49 ວັນສະນັ້ນ, ຈີ່ງຮຽກຮ້ອງໃຫ້ປະຊາຊົນບັນດາເຜົ່າ ຈົ່ງສືບຕໍ່ຮ່ວມໄມ້ຮ່ວມມືເປັນເຈົ້າການຮ່ວມກັນປະຕິບັດຄຳສັ່ງ ເລກທີ 06/ນຍ ແລະ ບັນດາຂໍ້ແນະນຳຕ່າງໆຢ່າງເຂັ້ມງວດ ເພື່ອໃຫ້ສະພາບການລະບາດຂອງພະຍາດໂຄວິດຜ່ອນຄາຍລົງ ຈິ່ງຈະສາມາດກັບມາດຳລົງຊີວິດຕາມປົກກະຕິໄດ້. ຍ້ອນວ່າສະພາບການລະບາດທົ່ວໂລກຍັງສືບຕໍ່ ມີຜູ້ຕິດເຊື້ອ ແລະ ເສຍຊີວິດເພິ່ມຂຶ້ນເປັນປະຈຳແຕ່ລະວັນຄື:ມາຮອດເວລາ 6:00 ໂມງເຊົ້າ ຂອງວັນທີ 18 ເມສານີ້, ທົ່ວໂລກມີການລາຍງານການລະບາດ ທັງໝົດ 210 (ປະເທດ/ເຂດ). ມີກໍລະນີຢັ້ງຢືນ ຕິດເຊື້ອ COVID-19 ຫລາຍກ່ວາ2,24 ລ້ານຄົນແລ້ວ (ໃໝ່ມີ 85.292), ມີຜູ້ເສຍຊິວິດ 154.086 ຄົນ (ໃໝ່ 8.615), ປີ່ນປົວຫາຍດີ 546.743 ຄົນ (ໃໝ່ 23.680),ມີບາງປະເທດ ພຽງມື້ດຽວ ມີຜູ້ຕິດເຊື້ອຫລາຍເຖິງ 31253 ຄົນ ແລະ ເສຍຊີວິດຫຼາຍກວ່າ 2.478 ຄົນ ຕໍ່ມື້, ມາຮອດດຽວນີ້ເຫັນວ່າ ອັດຕາຄວາມຮ້າຍແຮງເພີ້ມຂື້ນເປັນ 6.85% (ມື້ວານນີ້ 6.67%).

- WhatsApp Image 2020 05 27 at 5 - ຊົມເຊີຍລາວຄວບຄຸມ COVID-19ດີ ມື້ທີ 6 ແລ້ວ ບໍ່ມີຜູ້ຕິດເຊື້ອໃຫມ່
- WhatsApp Image 2020 05 27 at 5 - ຊົມເຊີຍລາວຄວບຄຸມ COVID-19ດີ ມື້ທີ 6 ແລ້ວ ບໍ່ມີຜູ້ຕິດເຊື້ອໃຫມ່
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!