ເລື່ອງໜ້າຮູ້ກ່ຽວກັບວິທະຍາສາດຂອງກີຕ້າ

- 08 1 - ເລື່ອງໜ້າຮູ້ກ່ຽວກັບວິທະຍາສາດຂອງກີຕ້າ
- Untitled design - ເລື່ອງໜ້າຮູ້ກ່ຽວກັບວິທະຍາສາດຂອງກີຕ້າ

ເລື່ອງໜ້າຮູ້ກ່ຽວກັບວິທະຍາສາດຂອງກີຕ້າ ສຳລັບຜູ້ທີ່ມັກໃນສຽງດົນຕີຈະຕ້ອງຮູ້ຈັກກັບເຄື່ອງດົນຕີຊະນິດນີ້ແນ່ນອນ ນັ້ນກໍແມ່ນກີຕ້າ ເຊິ່ງກີຕ້າເປັນເຄື່ອງດົນຕີສາກົນປະເພດເຄື່ອງສາຍທີ່ໄດ້ຮັບຄວາມນິຍົມກັນຢ່າງແຜ່ຫລາຍ.

  • ສ່ວນປະກອບ ແລະ ຫລັກການເກີດສຽງຂອງກີຕ້າ : ກີຕ້ານັ້ນຈະມີ 6 ສາຍ ແລະ ຈະມີສ່ວນປະກອບຫລັກໆດ້ວຍກັນ 3 ພາກສ່ວນ ຄື : ສ່ວນຫົວ ເປັນສ່ວນທີ່ມີຊຸດລູກບິດຕິດຢູ່ເພື່ອໃຊ້ໃນການປັບສຽງຂອງກີຕ້າ, ຕໍ່ມາແມ່ນສ່ວນຄໍ ຫລື ແປ້ນວາງນິ້ວມືໃຊ້ໃນການຈັບຂອດເພື່ອຫລິ້ນໂນ໊ດຕ່າງໆ ແລະ ສຸດທ້າຍກໍແມ່ນພາກສ່ວນຂອງລຳໂຕ ໄດ້ແກ່ : ທາງໜ້າ, ທາງຫລັງ ແລະ ທາງຂ້າງ ເຊິ່ງຈະມີສ່ວນປະກອບສຳຄັນຄື : ໂພງສຽງ ແລະ ຂົວສຽງ. ກີຕ້າມີຫລັກການເກີດສຽງງ່າຍໆ ໂດຍຈະນຳເອົາສາຍລວດນັ້ນມາດຶງໃຫ້ເຄັ່ງແລ້ວກໍໃຊ້ນິ້ວມືດີດເຮັດໃຫ້ເກີດສຽງ ຫລັກການເກີດສຽງຂອງກີຕ້າເກີດສຽງຂຶ້ນຈາກການສັ່ນຟ້ອງ ຫລື ທີ່ເອີ້ນກັນວ່າ : ເຣໂຊແນນ(resonance) ໂດຍສິ່ງທີ່ເກີດຂຶ້ນແມ່ນ ເມື່ອດີດສາຍກີຕ້າຈະສັງເກດເຫັນໄດ້ວ່າສາຍຂອງກີຕ້ານັ້ນຈະເກີດການສັ່ນສະເທືອນ.

ການສັ່ນສະເທືອນຂອງສາຍລວດ ແລະ ແຜ່ນໄມ້ຂອງກີຕ້ານັ້ນເຮັດໃຫ້ເກີດການປະທະກັບໂມເລກຸນຂອງອາກາດ ເຮັດໃຫ້ເກີດການເຄື່ອນທີ່ເຂົ້າກັນ ຫລື ແຍກອອກຈາກກັນ ສົ່ງຜົນໃຫ້ຄື້ນໂມເລກຸນຂອງອາກາດທີ່ເກີດການອັດໂຕເປັນລຳດັບຢ່າງຕໍ່ເນື່ອງນີ້ເອງ ຈຶ່ງເກີດເປັນຄື້ນສຽງ ແລະ ຄື້ນທີ່ອັດໂຕຢູ່ພາຍໃນໂຕຂອງກີຕ້າສ່ວນຫລາຍນັ້ນກໍຈະເຮັດໃຫ້ສຽງນັ້ນສົ່ງອອກມາຈາກ ຮູທີ່ຢູ່ກາງຂອງໜ່ວຍກີຕ້າ ແລະ ເຄື່ອນທີ່ໄປຍັງຫູຂອງເຮົາ ຈາກນັ້ນມັນກໍຈະຖືກສົ່ງຕໍ່ໄປຍັງເສັ້ນປະສາດເພື່ອນຳໄປແປຄວາມໝາຍຢູ່ສະໝອງ ຈາກນັ້ນກໍຈະກາຍເປັນສຽງເພງທີ່ທຸກຄົນໄດ້ຍິນກັນນັ້ນເອງ.

- Wave100S AD to Website 2020 0 - ເລື່ອງໜ້າຮູ້ກ່ຽວກັບວິທະຍາສາດຂອງກີຕ້າ
  • ສຽງສູງສຽງຕໍ່າຂອງກີຕ້າເກີດຂຶ້ນໄດ້ແນວໃດ ? ການເກີດສຽງຂອງກີຕ້ານັ້ນຈະມີທັງສຽງສູງ ແລະ ສຽງຕໍ່າ ໂດຍປັດໄຈທີ່ເຮັດໃຫ້ເກີດສຽງສູງ ແລະ ສຽງຕໍ່ານັ້ນກໍຄື ຄວາມເຄັ່ງຂອງສາຍກີຕ້າ ເຊິ່ງຄວາມເຄັ່ງຂອງສາຍກີຕ້ານີ້ເອງເຮັດໃຫ້ເກີດສຽງທີ່ແຕກຕ່າງກັນ ໂດຍສາຍກີຕ້າທີ່ເຄັ່ງກ່ວາຈະສົ່ງຜົນໃຫ້ມີລະດັບສຽງທີ່ສູງກ່ວາສາຍກີຕ້າທີ່ຍານກ່ວາ ແລະ ສຽງຂອງກີຕ້າຈະມີສຽງທີ່ດີ ແລະ ມີຫລາຍປັດໄຈທີ່ແຕກຕ່າງກັນອອກໄປ ທັງໃນພາກສ່ວນຂອງເນື້ອໄມ້ທີ່ເອົາມາໃຊ້ໃນການເຮັດໂຕກີຕ້າ, ການຂຶ້ນໂຄງຂອງໂຕກີຕ້າ, ໄລຍະຄວາມຍາວຂອງຄໍກີຕ້າ ສິ່ງເຫລົ່ານີ້ລ້ວນມີສ່ວນກ່ຽວຂ້ອງກັບຄຸນນະພາບຂອງສຽງຂອງກີຕ້າທັງໝົດ.
- WhatsApp Image 2020 05 27 at 5 - ເລື່ອງໜ້າຮູ້ກ່ຽວກັບວິທະຍາສາດຂອງກີຕ້າ
- WhatsApp Image 2020 05 27 at 5 - ເລື່ອງໜ້າຮູ້ກ່ຽວກັບວິທະຍາສາດຂອງກີຕ້າ
  • 1096 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!