ຂົນຂີ້ແຮ້ເຮັດໃຫ້ໂຕເໝັນແທ້ຫລືບໍ່ ?

- 35 2 -  ຂົນຂີ້ແຮ້ເຮັດໃຫ້ໂຕເໝັນແທ້ຫລືບໍ່ ?
- Untitled design -  ຂົນຂີ້ແຮ້ເຮັດໃຫ້ໂຕເໝັນແທ້ຫລືບໍ່ ?

ກິ່ນຂີ້ແຮ້ ຫລື ກິ່ນເຕົ່ານັ້ນສາມາດເກີດຂຶ້ນໄດ້ກັບທຸກສະຖານະການ ເຊັ່ນ : ອາກາດຮ້ອນ, ຂະນະອອກກຳລັງກາຍ, ເຮັດວຽກອອກແຮງງານ, ເວລາຮູ້ສຶກຕື່ນເຕັ້ນ ເປັນຕົ້ນ ເຊິ່ງກິ່ນໂຕນັ້ນເປັນເລື່ອງສຳຄັນຕໍ່ບຸກຄະລິກກະພາບ ແລະ ຄວາມໝັ້ນໃຈຂອງຄົນທຸກຄົນ ສະນັ້ນ ນອກຈາກກິ່ນໂຕຈະບໍ່ເປັນທີ່ປາຖະໜາຂອງຄົນອ້ອມຂ້າງແລ້ວ ບາງເທື່ອອາດຈະບໍ່ເປັນທີ່ປາຖະໜາກັບໂຕເຮົາເອງນຳ.

  • ສາເຫດການເກີດກິ່ນໂຕ : ຄວາມເປັນຈິງແລ້ວ ສາເຫດຕົ້ນຕໍທີ່ກໍ່ໃຫ້ເກີດກິ່ນໂຕກໍແມ່ນເຊື້ອແບັກທີເຣຍ ເຊິ່ງນັກວິທະຍາສາດໄດ້ກ່າວໄວ້ວ່າ : ຂີ້ແຮ້ເປັນໜຶ່ງໃນອະໄວຍະວະທີ່ຮ້ອນທີ່ສຸດໃນຮ່າງກາຍ ຈຶ່ງເຮັດໃຫ້ບໍລິເວນນີ້ຜະລິດເຫື່ອອອກມາຫລາຍກ່ວາບໍລິເວນອື່ນໆ ແລະ ຍ້ອນສາເຫດນີ້ເອງທີ່ເປັນແຫ່ລງທີ່ເຮັດໃຫ້ແບັກທີເຣຍດຳລົງຊີວິດຢູ່ໄດ້ດ້ວຍສານອາຫານຈາກເຫື່ອທີ່ຖືກໄລ່ອອກມາ ໂດຍທຳມະຊາດແລ້ວຮ່າງກາຍມີຕ່ອມທີ່ສ້າງເຫື່ອດ້ວຍກັນ 2 ຊະນິດ ອັນທີໜຶ່ງແມ່ນ (Eccrene Glands) ແລະ (Apocrine).
  • ຕ່ອມເຫື່ອ (Eccrene Glands) ຕ່ອມຊະນິດນີ້ມີໜ້າທີ່ໃນການຜະລິດເຫື່ອເພື່ອເຮັດໃຫ້ຮ່າງກາຍເຢັນລົງ ເຊັ່ນ : ເວລາອາກາດຮ້ອນ ຫລື ຂະນະອອກກຳລັງກາຍ, ແຕ່ວ່າເຫື່ອ (Eccrene Glands) ນັ້ນ ເຮັດໃຫ້ຮ່າງກາຍມີກິ່ນໄດ້ບໍ່ຫລາຍ.
  • ຕ່ອມເຫື່ອ (Apocrine)ເປັນເຫື່ອທີ່ຮ່າງກາຍຜະລິດອອກມາກ້ອງຂີ້ແຮ້ ຫລື ຕາມຂໍ້ພັບຕ່າງໆ ເຊັ່ນ : ງ່າມມື, ງ່າມຕີນ ເຊິ່ງ (Apocrine)ມີໂປຣຕິນ ແລະ ໄຂມັນເປັນສ່ວນປະກອບຢູ່ ແລະ ນັ້ນກໍເປັນອາຫານຢ່າງດີສຳລັບເຊື້ອແບັກທີເຣຍ ແລະ ຕ່ອມເຫື່ອນີ້ເອງຈະສົ່ງກິ່ນແຮງກ່ວາຊະນິດທຳອິດ.

ສະນັ້ນ ນອກຈາກເຫື່ອທັງ 2 ຊະນິດທີ່ວ່າມານັ້ນຍັງມີກົດແລັກຕິກ ແລະ ກົດຢູເຣຍປະສົມຢູ່ນຳ ເມື່ອທັງ 4 ຢ່າງນັ້ນປະສົມເຂົ້າກັນກໍຈະເຮັດໃຫ້ແບັກທີເຣຍນັ້ນດຳລົງຢູ່ໄດ້ແລ້ວກໍສ້າງກິ່ນທີ່ຮຸນແຮງ ຫລື ກິ່ນອັນບໍ່ເພິງປະສົງອອກມາຈາກຈາກກ້ອງຂີ້ແຮ້ຂອງເຮົານັ້ນເອງ.

- Wave100S AD to Website 2020 0 -  ຂົນຂີ້ແຮ້ເຮັດໃຫ້ໂຕເໝັນແທ້ຫລືບໍ່ ?
  • ຂົນຂີ້ແຮ້ເຮັດໃຫ້ໂຕເໝັນແທ້ຫລືບໍ່ ?

ຄວາມເປັນຈິງແລ້ວ ການມີຂົນກ້ອງຂີ້ແຮ້ບໍ່ໄດ້ເປັນສາເຫດຕົ້ນຕໍຂອງການເກີດກິ່ນໂຕແຕ່ຢ່າງໃດ ແລະ ນອກຈາກນີ້ ຂົນຂີ້ແຮ້ຍັງສາມາດຊ່ວຍຫລຸດກິ່ນໂຕໄດ້ ຍ້ອນເຫື່ອທີ່ອອກມານັ້ນຈະໄປຈັບຢູ່ຂົນຂີ້ແຮ້ແທນການໄປຈັບຢູ່ເທິງຜິວໜັງ. ການທີ່ເຫື່ອໄປຈັບຢູ່ຂົນນັ້ນເຮັດໃຫ້ເຫື່ອນັ້ນແຫ້ງໄວກ່ວາຈັບຢູ່ເທິງຜິວໜັງ ກໍຈະເຮັດໃຫ້ກິ່ນໂຕໜ້ອຍລົງໄດ້ນຳອີກ.

- WhatsApp Image 2020 05 27 at 5 -  ຂົນຂີ້ແຮ້ເຮັດໃຫ້ໂຕເໝັນແທ້ຫລືບໍ່ ?
- WhatsApp Image 2020 05 27 at 5 -  ຂົນຂີ້ແຮ້ເຮັດໃຫ້ໂຕເໝັນແທ້ຫລືບໍ່ ?
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!