ດື່ມກາເຟແນວໃດໃຫ້ໄດ້ປະໂຫຍດສູງສຸດ

- 75 1 - ດື່ມກາເຟແນວໃດໃຫ້ໄດ້ປະໂຫຍດສູງສຸດ
- Untitled design - ດື່ມກາເຟແນວໃດໃຫ້ໄດ້ປະໂຫຍດສູງສຸດ

ກາເຟມີປະໂຫຍດຫຍັງຕໍ່ຮ່າງກາຍ ແລະ ດື່ມກາເຟແລ້ວຊ່ວຍໃຫ້ເຊົາງ່ວງນອນແທ້ຫລືບໍ່, ກາເຟມີໂທດຕໍ່ຮ່າງກາຍແນວໃດແດ່ ?

  • ດື່ມກາເຟແນວໃດໃຫ້ໄດ້ປະໂຫຍດ ? : ໃນກາເຟນັ້ນມີທັງປະໂຫຍດ ແລະ ໂທດ ຫາກບໍລິໂພກຫລາຍເກີນໄປກໍຈະໃຫ້ໂທດຕໍ່ຮ່າງກາຍ ສະນັ້ນ ອົງການອາຫານ ແລະ ຢາ ປະເທດສະຫະລັດອາເມລິກາ ຈຶ່ງໄດ້ກຳນົດປະລິມານຄ່າຂອງກາເຟອີນທີ່ບໍ່ມີໂທດຕໍ່ຮ່າງກາຍຫາກດື່ມບໍ່ເກີນ 300 ມິນລີກຣາມຕໍ່ມື້ ຫລື ບໍ່ຄວນເກີນ 3 ຈອກຕໍ່ມື້ນັ້ນເອງ. ກາເຟອີນມີຜົນໂດຍກົງຕໍ່ຮ່າງກາຍ ຫາກດື່ມ 50 – 200 ມິນລີກຣາມ ຈະຊ່ວຍເຮັດໃຫ້ຮ່າງກາຍຮູ້ສຶກຕື່ນໂຕ ແລະ ສົດຊື່ນຫ້າວຫັນຂຶ້ນໄດ້, ແຕ່ຫາກດື່ມໃນປະລິມານ 200 – 500 ມິນລີກຣາມ ຫລື ເອີ້ນວ່າຂະໜາດປານກາງ ອາດເຮັດໃຫ້ຮ່າງກາຍເກີດຄວາມເຄັ່ງຄຽດ, ເຈັບຫົວ ໃຈສັ່ນ, ກະວົນກະວາຍ ໄປຈົນເຖິງນອນບໍ່ຫລັບໄດ້ ຍິ່ງຖ້າດື່ມໃນປະລິມານທີ່ຫລາຍຂຶ້ນເຖິງ 000 ມິນລີກຣາມຕໍ່ມື້ຂຶ້ນໄປ ກາເຟອີນຍິ່ງຈະກາຍເປັນພິດໃຫ້ໂທດຕໍ່ຮ່າງກາຍທັນທີ ຈະເຮັດໃຫ້ຮ່າງກາຍເລີ່ມສັບສົນກະວົນກະວາຍ, ຫົວໃຈເຕັ້ນໄວ, ວິນຫົວປຸ້ນທ້ອງປວດຮາກ, ເບື່ອອາຫານ ແລະ ຍ່ຽວຫລາຍເທື່ອ.

- 031504 2020 300x225 - ດື່ມກາເຟແນວໃດໃຫ້ໄດ້ປະໂຫຍດສູງສຸດ

ສະນັ້ນ, ຖ້າຢາກດື່ມກາເຟໃຫ້ເກີດປະໂຫຍດ ຫລື ແກ້ງ່ວງນອນ ແນະນຳໃຫ້ດື່ມກາເຟເທື່ອລະໜ້ອຍໆເພື່ອກະຈາຍການດື່ມອອກໄປໃນແຕ່ລະເທື່ອ ຫລື ຈອກນ້ອຍໆ ແຕ່ສາມາດດື່ມໄດ້ເລື້ອຍໆ ຄ່ອຍໆຈິບດື່ມໄປເທື່ອລະໜ້ອຍ ເພາະກາເຟຈະອອກລິດຫລັງຈາກດື່ມເຂົ້າໄປແລ້ວ 15 ນາທີ ແລະ ການດື່ມແບບນີ້ກໍຈະຊ່ວຍໃຫ້ຮ່າງກາຍຂອງເຮົາຕື່ນໂຕໄດ້ຍາວນານກ່ວາການດື່ມຫລາຍໆເທື່ອດຽວ, ແຕ່ຂໍ້ສຳຄັນໃຫ້ປະລິມານຂອງກາເຟອີນລວມກັນແລ້ວບໍ່ເກີນ 300 ມິນລີກຣາມຕໍ່ມື້ຈະດີທີ່ສຸດ ແລະ ຜົນເສຍອີກຢ່າງໜຶ່ງສຳລັບຄົນມັກດື່ມກາເຟກໍແມ່ນມັກດື່ມກາເຟຕອນທ້ອງວ່າງ.

- 021504 2020 300x197 - ດື່ມກາເຟແນວໃດໃຫ້ໄດ້ປະໂຫຍດສູງສຸດ

- Wave100S AD to Website 2020 0 - ດື່ມກາເຟແນວໃດໃຫ້ໄດ້ປະໂຫຍດສູງສຸດ

ກາເຟອີນໃນກາເຟຈະເລັ່ງຫລັ່ງກົດໃນກະເພາະອາຫານອອກມາ ເຊິ່ງຈະເຮັດໃຫ້ກະເພາະອາຫານຂອງເຮົາລະຄາຍເຄືອງຢູ່ຕະຫລອດຈົນກາຍເປັນພະຍາດກະເພາະອາຫານໄດ້ໃນທີ່ສຸດ. ສະນັ້ນແລ້ວ ຈຶ່ງບໍ່ຄວນດື່ມກາເຟຕອນທ້ອງວ່າງ ຢ່າງນ້ອຍໆກໍຄວນຈະມີເຂົ້າໜົມກິນຄູ່ກັບກາເຟນຳຈະດີກ່ວາ ຫລື ຄ່ອຍໆຈິບຫລັງຈາກກິນເຂົ້າແລ້ວດີກ່ວາ ແລະ ສິ່ງສຳຄັນອີກຢ່າງໜຶ່ງການດື່ມກາເຟໃນປະລິມານຫລາຍໆເພື່ອຫວັງຈະກະຕຸ້ນໃຫ້ເຮັດວຽກໄດ້ຫລາຍໆ ຈົນອົດຫລັບອົດນອນ ຍິ່ງເຮັດໃຫ້ຮ່າງກາຍຕໍ່ຕ້ານ ສະໝອງຂອງເຮົາກໍຈະຍິ່ງໄດ້ຮັບຜົນກະທົບດ້ານລົບຈົນຫລຸດປະສິດທິພາບໃນການຮັບຮູ້ລົງໄດ້ໃນທີ່ສຸດ. ສຳລັບຄົນມັກດື່ມກາເຟທີ່ດື່ມຢູ່ເປັນປະຈຳ ແນະນຳໃຫ້ກິນອາຫານທີ່ມີແຫ່ລງທາດການຊຽມຫລາຍໆ ເພື່ອໄປທົດແທນທາດການຊຽມທີ່ສູນເສຍໄປກັບການຍ່ຽວທີ່ມີຈຳນວນເທື່ອຫລາຍຂຶ້ນເມື່ອທ່ານດື່ມກາເຟ ເພື່ອຊ່ວຍຫລຸດຄວາມສ່ຽງຕໍ່ການເປັນພະຍາດກະດູກຜ່ອຍ ຫລື ຖ້າເປັນໄປໄດ້ຄວນໃຊ້ນົມ ແທນຄຣີມທຽມຈະດີກ່ວາ ແລະ ຂໍ້ສຳຄັນອີກຢ່າງໜຶ່ງໃນຂະບວນການຜະລິດກາເຟຈະມີອະນຸມູນອິດສະລະເກີດຂຶ້ນ ສະນັ້ນ ເຮົາຄວນກິນຜັກ – ໝາກໄມ້ ເພື່ອກຳຈັດອະນຸມູນອິດສະລະອອກຈາກຮ່າງກາຍທີ່ມາກັບກາເຟ ພ້ອມທັງດື່ມນຳ້ໃຫ້ຫລາຍຂຶ້ນເພື່ອຊົດເຊີຍນຳ້ທີ່ສູນເສຍໄປກັບນຳ້ຍ່ຽວ.

- WhatsApp Image 2020 05 27 at 5 - ດື່ມກາເຟແນວໃດໃຫ້ໄດ້ປະໂຫຍດສູງສຸດ
- WhatsApp Image 2020 05 27 at 5 - ດື່ມກາເຟແນວໃດໃຫ້ໄດ້ປະໂຫຍດສູງສຸດ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!