19 ເມ​ສາ 1995 ເຫດ​ວິ​ນາດ​ຕະ​ກຳ​ ​ສະຖານທີ່ເຮັດວຽກຂອງລັດຖະບານອາເມລິກາ ໃນລັດໂອກລາໂຮມາ

- 199999 - 19 ເມ​ສາ 1995 ເຫດ​ວິ​ນາດ​ຕະ​ກຳ​ ​ສະຖານທີ່ເຮັດວຽກຂອງລັດຖະບານອາເມລິກາ ໃນລັດໂອກລາໂຮມາ
- Untitled design - 19 ເມ​ສາ 1995 ເຫດ​ວິ​ນາດ​ຕະ​ກຳ​ ​ສະຖານທີ່ເຮັດວຽກຂອງລັດຖະບານອາເມລິກາ ໃນລັດໂອກລາໂຮມາ

ເຫດ​ການ​ວັນ​ນີ້​ໃນ​ອະ​ດີດ

ການ​ກໍ່​ການ​ຮ້າຍ​ໃນ​ປະ​ເທດ​ ທີ່​ມີ​ຜູ້ກໍ່​ເຫດ​ເປັນ​ພົນ​ລະ​ເມືອງ​ອາເມລິ​ກາທີ່​ເປັນ​ຜູ້​ກໍ່​ເຫດຮ້າຍ​ແຮງ​ທີ່​ສຸດ​ໃນ​ປະ​ຫວັດ​ສາດ​ຂອງ​ສະ​ຫະ​ລັດ.

25 ປີ​​ກ່ອນ​ເກີດ​ເຫດ​ວາງ​ລະ​ເບີດ​ຖະ​ຫລົ່​ມ​ສະ​ຖານ​ທີ່​ເຮັດ​ວຽກ​ຂອງລັດ​ຖະ​ບານ. ອັ​ລ​ເຟ​ຣດ​ພີ. ເມີ​ຣາ ຢູ່​ເມືອງ ໂອກ​ລາ​ໂຮ​ມາ ແຂວງ​ໂອກ​ລາ​ໂຣ​ມາ ສະ​ຫະ​ລັດ​ອາ​ເມ​ລິ​ກາ, ເຮັດ​ໃຫ້​ມີ​ຜູ້ເສ​ຍ​ຊີ​ວິດ​ຫລາຍກວ່າ 168 ຄົນ.

ທຳ​ອິດ​ຕຳ​ຫລວດ​ກໍ່​ປັກ​ໃຈ​ເຊື່ອ​ວ່າ ການກໍ່​ການ​ຮ້າຍ​ຄັ້ງ​ນີ້​ເປັນ​ສີມື​ຂອງ​ຜູ້​ກໍ່​ການ​ຮ້າຍ​ຂ້າມ​ຊາດ ແຕ່​ເມື່ອ​ສືບ​ໄປ ​ສ​ືບ​ມາ​ພົບ​ວ່າ​ເປັນ​ຄົນ​ອາ​ເມ​ລິ​ກາ ເປັນຜູ້​ທີ່ມີ​ແນວ​ຄິດ​​ຄັດ​ຄ້າຍ​ກັບ​ລັດ​ຖະ​ບານ.

ເຫດ​ການ​ລະ​ເບີດ​ເກີດ​ຂຶ້ນ​ໃນ​ເວ​ລາ 9:02 ນາ​ທີ​ຂອງວັນ​ທີ 19 ເມ​ສາ 1995 ເຮັດ​ໃຫ້​ມີ​ຜູ້​ເສຍ​ຊີ​ວິດ 168 ຄົນ ແລະ ບາດ​ເຈັບ​ຫລາຍກວ່າ 680 ຄົນ. ຢູ່​ບໍ​ລິ​ເວນ​ທາງ​ຫນ້າ​ຂອງ​ອາ​ຄານ​ແມ່ນ​ເປ່​ເພ​ເສຍ​ຫາຍ​ທັງ​ຫມົດ​ຂອງ​ແຮງ​ລະ​ເບີດ, ທີ່​ສ້າງ​ຄວາມ​ເສຍ​ຫາຍ​ໃຫ້​ແກ່​​ອາຄານຫລາຍເຖິງ 16 ຕຶກ ໂດຍ​ລາມ​ໄປ​ທັງ​ຫມົດ​ປະ​ມານ 342 ອາ​ຄານ. ເຊິ່ງ​ມີ​ອາ​ຄານ​ໃກ້​ຄຽງ​ທີ່​ຖືກ​ຜົນ​ກະ​ທົບ​ແກ້ວ​ແຕກ​ກະ​ຈ່າຍ​ໄປ​ປະ​ມານ 258 ຫລັງ​ແລະ ທຳ​ລາຍ​ລົດ​ໄປ​ອີກ​ຫລາຍກວ່າ 86 ຄັນ ກໍ່​ໃຫ້​ເກີດ​ຄວາມ​ເສຍ​ຫາຍ​ເປັນ​ມູນ​ຄ່າຫລາຍກວ່າ 652 ລ້ານ​ໂດ​ລາ​ສະ​ຫະ​ລັດ.

- ggtt9999 1 207x300 - 19 ເມ​ສາ 1995 ເຫດ​ວິ​ນາດ​ຕະ​ກຳ​ ​ສະຖານທີ່ເຮັດວຽກຂອງລັດຖະບານອາເມລິກາ ໃນລັດໂອກລາໂຮມາ

ເຫດ​ການ​ຄັ້ງ​ນີ້ ຖື​ເປັນ​ເຫດ​ການ​ກໍ່​ການ​ຮ້າຍ​ທີ່​ຮຸນ​ແຮງ​ທີ່​ສຸດ​ໃນ​ປະ​ຫວັດ​ສາດ​ສະ​ຫະ​ລັດ ກ່ອນ​ທີ່​ຈະ​ເກີດ​ເຫດ​ວິ​ນາດ​ຕະ​ກຳ 11 ກັນ​ຍາ ປີ 2001 ທີ່​ມີ​ຜູ້​ເສຍ​ຊີ​ວິດ​ຫລາຍກວ່າ 2.977 ຄົນ ແລະ ຍັງ​ຖື​ເປັນ​ເຫດ​ກໍ່​ການ​ຮ້າຍ​ໃນ​ປະ​ເທດ​ທີ່​ມີ​ຜູ້​ກໍ່​ເຫດ​ເປັນ​ພົນ​ລະ​ເມືອງ​ອາ​ເມ​ລິ​ກາ ທີ່​ີມີຄວາມຮ້າຍ​ແຮງ​ທີ່​ສຸດໃນ​ປະ​ຫວັດ​ສາດ​ຂອງ​ປະ​ເທດ.

ຜູ້​ກໍ່​ເຫດ​ແມ່ນ ທ້າວ ທິ​ໂມ​ຣີ ແມັດ​ເວ ​ອະ​ດີດ​ທະ​ຫາ​ນຜ່ານ​ສົງ​ຄາມ​ຂອງ​ສະ​ຫະ​ລັດ ແລະ ເປັນ​ພະ​ນັກ​ງານ​ຮັກ​ສາ​ຄວາມ​ປອດ​ໄພ ລາວຖືກ​ຂໍ້​ຫາ​ວາງ​ລະ​ເບີດ​ອາ​ຄານ ອັ​ຣ​ເຟ​ຣດ​ພີ. ເມີ​ຣາ ສ່ວນ​ສາ​ເຫດ​ຄື​ເພື່ອ​ແກ້​ແຄ້ນ​ລັດ​ຖະ​ບານ​ທີ່​ຮັກ​ຫລັງ​ລາວ  ແລະ ຕອບໂຕ້ໃນຄະດີການໂອບລ້ອມສັງຫານຫມູ່ກຸ່ມນິຍົມລັດທິບຣານ ດາວິດຽນ.

- Wave100S AD to Website 2020 0 - 19 ເມ​ສາ 1995 ເຫດ​ວິ​ນາດ​ຕະ​ກຳ​ ​ສະຖານທີ່ເຮັດວຽກຂອງລັດຖະບານອາເມລິກາ ໃນລັດໂອກລາໂຮມາ

ທ້າວ​ແມັດ​ເວ ເກີດ​ໃນ​ວັນ​ທີ 23 ເມ​ສາ 1968 ຢູ່​ນິວ​ຢອກ ຄອບ​ຄົວ​ຂອງ​ລາວ​ເປັນ ຄາ​ໂຕ​ລິກ, ແມັດ​ເວ​ເລີ່ມ​ມີ​ຄວາມ​ເຊື່ອ​ຫມັ້ນ​ລັດ​ຖະ​ບານ​ອາ​ເມ​ລິ​ກາ ລາວ​ເຊື່ອ​ວ່າ​ລ​ັດ​ຖະ​ບານ​​ຄືທຸກ​ສິງ​ທຸກ​ຢ່າງ​ຂອງ​ລາວ ກ່ອນ​ທີ່​ລາວ​ຈະ​ໄປ​ສະ​ມັກ​ເຂົ້າເປັນທະ​ຫານ​ໃນ​ປີ 1988 ໃນ​ອາ​ຍຸ 20 ປີ ຊຶ່ງໄລ​ຍະ​ນັ້ນ​ລາວ​ເລີ່ມ​ສົນ​ໃຈ​ເລື່ອງວັດ​ຖຸ​ລະ​ເບີດ ແລະ ຖືກ​ສົ່ງ​ຕົວ​ໄປ​ສູ້​ຮົບ​ໃນ​ສົງ​ຄາມ​ອ່າວ​ເບີ​ເຊຍ ໃນ​ຕຳ​ແຫນ່ງ​ນາຍ​ພົນ ປະ​ຈຳ​ລົດ​ຫຸ້ມ​ເກາະ ກ່ອນ​ປະ​ຕິ​ບັດ​ການ​ພາ​ຍຸ​ທະ​ເລ​ຊາຍ ແລະ ລາວ​ໄດ້​ສ້າງວິ​ລະ​ກຳ​ໄວ້​ຈົນ​ໄດ້​ຮັບ​ຫລຽນ​ໄຊ້​ກ້າ​ຫານ.

ຈາກນັ້ນ​ລາວ​ກໍ​ກັບ​ບ້ານ ແລະ ຂໍ​ຍ້າຍ​ໄປ​ປະ​ຈຳ​ຫນ່ວຍ​ສູ້​ຮົບ​ພິ​ເສດ,​ ແຕ່​ຫລັງ​ຈາກ​ລາວ​ໄດ້​ເຂົ້າ​ 2 ມື້ ລາວ​ກໍ​ຂໍ​ລາ​ອອກ​ຈາກກອງ​ທັບ ໂດຍ​ອ້າງວ່າ​ມີ​ປັນ​ຫາ​ດ້ານ​ສຸ​ຂ​ະ​ພາບ ແຕ່​ເຫດ​ຜົນ​ທີ່​ແທ້​ຈິງ​ແມ່ນ​ບໍ່​ມີ​ໃຜ​ຮູ້​ສາ​ເຫດ ຈົນ​ຖືກ​ປົດ​ອອກ​ຈາກກອງ​ທັບ​ໃນ​ເດືອນພຶດ​ສະ​ພາປີ 1992.

ຫລັງ​ຈາກນັ້ນ​ລາວ​ເລີ່ມ​ມີ​ຄວາມ​ຄິດ​ຄຽດ​ແຄ້ນ ແລະ ຕໍ່​ຕ້ານ​ລ​ັດ​ຖະ​ບານ ລາວ​ໄດ້​ຂຽນ​ຈົດ ​ຫມາຍ​ເຖິງ​ສະ​ມາ​ຊິກ​ສະ​ພາ​ເພື່ອ​ຂໍ​ຮ້ອງ​ເລື່ອງ​ພາ​ສີ ແລະ ມີ​ຫລັກ​ຖານ​ວ່າ ທ້າວ​ແມັດ​ເວ ເປັນ​ສະ​ມາ​ຊິກ​ຂອງ​ ມິ​ຊີ​ແກນ ມີ​ລີ​ເທຍ (Michigan Militia) ຫນ່ວຍ​ອາ​ສາ​ສະ​ມັກ​ໃຕ້​ດິນ​ຫົວ​ຮ້າຍ​ແຮງ​ທີ່​ຕໍ່​ຕ້ານ​ນະ​ໂຍ​ບາຍ​ຂອງ​ລັດ​ທີ່​ມີ​ສະ​ມາ​ຊິກນຳກັນ​ປະ​ມານ 10.000 ຄົນ​ທົ່ວ​ປະ​ເທດ.

ແມັດ​ເວ ເລີ່ມ​ມີ​ຄວາມ​ຄ​ິດ​ຕຽມ​ວາງ​ລະ​ເບີດ​ອາ​ຄານ ອັ​ລ​ເຟ​ຣດ ພີ. ເມີ​ຣາ ຕັ້ງ​ແຕ່​ປ​ີ 1994 ລາວ​ໄດ້​ມີ​ຄວາມກຽມ​ພ້ອມ​ຕ່າງໆ​ບໍ່​ວ່າ​ຈະ​ເປັນ​ການ​ຈັດ​ຫາ​ວັດ​ຖຸ​ອຸ​ປະ​ກອນ​ເຮັດ​ລະ​ເບີດ​ຈາກ​ແຫລ່ງ​ຕ່າງ​ໆ​ເຊັ່ນ: ແອມ​ໂມ​ເນຍ ໃນ​ເຕ​ຣ ຈາກ​ເມືອງ ແມັດ​ເຟ​ີ​ສັນ, ລັດ​ເທັກ​ຊັ​ສ ແລະ ນ້ຳ​ມັນ​ເຊື້​ອ​ເພິງ​ຈາກ​ສະ​ຫນາມ​ແຂງ​ລົດ​ຢູ່​ເທັກ​ຊັ​ສ, ໃນ​ວັນ​ທີ 14 ເມ​ສາ 1995 ແມັດ​ເວ ຊື້​ລົດ​ເມີ​ຄິວ​ປີ 1977 ເພື່ອ​ໃຊ້​ເປັນ​ພາ​ຫະ​ນະ​ສຳ​ລັບ​ການ​ລົບ​ຫນີ.

ວັນ​ທີ 16 ເມ​ສາ1995 ລາວ​ພາ​ທ້າວ ເທີ​ຣີ ນິ​ໂຄ ຜູ້​ສົມ​ຮູ້​ຮ່ວມ​ຄິດ ໄປ​ເຊົ່າ​ລົດ​ບັນ​ທຸກ ເພື່ອ​ໃຊ້​ບັນ​ທຸກ​ຖັງ​ລະ​ເບີດ​ຢູ່​ຟາມ​ຂອງ ທ້າວເທີ​ຣີ ​ນິ​ໂຄ ໃນ​ວັນ​ທີ 18 ເມ​ສາ , ສ່ວນ​ໃນ​ວັນ​ທີ 19 ເມ​ສາ ທ້າວ ແມັດເວ ກໍ່​ນຳ​ລົດ​ບັນ​ທຸກນັ້ນ​ວາງ​ລະ​ເບີດ ອາ​ຄານ​ອັ​ລ​ເຟ​ຣດ​ພີ ເມີ ໂດຍ​ຈອດ​ໄວ້​ໃກ້​ໆ ຕຶກ​ສ່ວນ​ລາວ​ລົບ​ຫນີ​ກັບ​ລົດ​ເມີ​ຄິວ​ຣີ.

ສານ​ໄດ້​ຕັດ​ສິນ​ ປະ​ຫາ​ນ​ຊີ​ວິດ​ທ້າວ​ແມັດ​ເວໃນ​ປີ 1997 ແຕ່​ແມັດ​ເວ ຂໍ​ຕໍ່​ສູ້​ໃນ​ຊັ້​ນ​ສານ ຈົນ​ກະ​ທັ້ງ​ສານ​ອີ​ກາ​ ຍືນ​ຕາມ​ຄຳ​ພິ​ພາກ​ສາ ໃຫ້​ປະ​ຫານ​ຊີ​ວິດ ແມັດ​ເວ ດ້ວຍ​ການ​ຊັກ​ຢາ​ໃນ​ວັນ​ທີ 11 ມິ​ຖຸ​ນາປີ 2001 ສ່ວນ​ທ້າວ ເທີ​ຣີ ນິ​ໂຄ​ລ ຖືກ​ສານ​ຕັດ​ສິນ​ຈຳ​ຄຸກ​ຕະ​ຫລອດ​ຊີ​ວິດ​ໃນ​ປີ 1998.

- WhatsApp Image 2020 05 27 at 5 - 19 ເມ​ສາ 1995 ເຫດ​ວິ​ນາດ​ຕະ​ກຳ​ ​ສະຖານທີ່ເຮັດວຽກຂອງລັດຖະບານອາເມລິກາ ໃນລັດໂອກລາໂຮມາ
- WhatsApp Image 2020 05 27 at 5 - 19 ເມ​ສາ 1995 ເຫດ​ວິ​ນາດ​ຕະ​ກຳ​ ​ສະຖານທີ່ເຮັດວຽກຂອງລັດຖະບານອາເມລິກາ ໃນລັດໂອກລາໂຮມາ
error: Alert: ເນື້ອຫາຂ່າວມີລິຂະສິດ !!