ສະຖານະການ ໂຄວິດ ຢູ່ລາວຈະເປັນແນວໃດ ອົດໃຈຮອດວັນທີ 3

ສະຖານະການ ໂຄວິດ ຢູ່ລາວຈະເປັນແນວໃດ ອົດໃຈຮອດວັນທີ 3 - 68 - ສະຖານະການ ໂຄວິດ ຢູ່ລາວຈະເປັນແນວໃດ ອົດໃຈຮອດວັນທີ 3
ສະຖານະການ ໂຄວິດ ຢູ່ລາວຈະເປັນແນວໃດ ອົດໃຈຮອດວັນທີ 3 - Untitled design - ສະຖານະການ ໂຄວິດ ຢູ່ລາວຈະເປັນແນວໃດ ອົດໃຈຮອດວັນທີ 3

ໂດຍ: ລຸກເມືອງພວນ

ລັດຖະບານກໍຄືຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂພະຍາດອັກເສບປອດທີ່ເກີດຈາກເຊື້ອຈຸຣະໂຣກສາຍພັນໃໝ່ ໂຄວິດ-19 ໄດ້ຕິດຕາມສະຖານະການແຜ່ລະບາດຂອງເຊື້ອພະຍາດດັ່ງກ່າວນາທີຕໍ່ນາທີເຫັນວ່າຍັງມີຄວາມຮຸນແຮງເປັນວົງກ້ວາງໄປໃນທົ່ວໂລກ 210 ປະເທດ ແລະ ເຂດແຄວ້ນ. ຊຶ່ງມາເຖິງວັນທີ 19 ເມສານີ້ ມີຜູ້ຕິດເຊື້ອທັງໝົດຫຼາຍກວ່າ 2 ລ້ານຄົນ, ໃນນັ້ນມີຜູ້ເສຍຊີວິດຫຼາຍກວ່າ 1 ແສນຄົນ. ບາງປະເທດມີຄວາມຮຸນແຮງຈົນໜ້າວິຕົກ, ພຽງວັນດຽວມີຜູ້ຕິດເຊື້ອຫຼາຍກວ່າ 27 ພັນຄົນ ແລະ ເສຍຊີວິດຫຼາຍກວ່າ 1 ພັນຄົນ.

ສຳລັບຢູ່ລາວເຮົາ ສະຖານະການແຜ່ລະບາດຂອງເຊື້ອໄວຣັດ ໂຄໂຣນ່າ ຕະຫຼອດ 7-8 ວັນມາຜ່ານມາ ບໍ່ພົບຜູ້ຕິດເຊື້ອລາຍໃໝ່, ໝາຍຄວາມວ່າຕົວເລກຜູ້ຕິດເຊື້ອຍັງຢຸດຈຶ້ງຢູ່ທີ່ຕົວເລກ 19 ເໝືອນເດີມ ແລະ ສຸຂະພາບຂອງຜູ້ຕິດເຊື້ອເຫຼົ່ານັ້ນກໍມີແນວໂນ້ມດີຂຶ້ນຕາມລຳດັບ.

ສະຖານະການດີຂຶ້ນຄືແນວນັ້ນເນື່ອງມາຈາກລັດຖະບານ ກໍຄືຄະນະສະເພາະກິດ ມີຄວາມເຂັ້ມງວດ ແລະ ເອົາໃຈໃສ່ໃນ ການຕິດຕາມກວດກາ ນຳຫາກໍລະນີສົງໄສ ແລະ ແຍກປ່ຽວຜູ້ທີ່ມາຈາກຕ່າງປະເທດທີ່ມີການລະບາດຂອງພະຍາດຢ່າງເຄັ່ງຄັດ. ປັດໄຈທີ່ສຳຄັນອັນໜຶ່ງອີກກໍຄືປະຊາຊົນໃຫ້ການສະໜັບສະໜູນ, ໃຫ້ການຮ່ວມໄມ້ຮ່ວມມື, ເຊື່ອຟັງ ແລະ ປະຕິດບັດມາດຕະການຕ້ານໂຄວິດຂອງລັດຖະບານໄດ້ເປັນຢ່າງດີ. ລາວເປັນປະເທດໜຶ່ງທີ່ມີຄວາມເຂັ້ມງວດກວ່າໝູ່ໃນບັນດາປະເທດອາຊຽນ ໃນການເຝົ້າລະວັງພະຍາດດັ່ງກ່າວ, ຊຶ່ງແຕກຕ່າງກັບບັນດາປະເທດຈຳນວນໜຶ່ງໃນອາຊີທີ່ບໍ່ມີການປິດປະເທດເຊັ່ນ: ຍີ່ປຸ່ນ, ເກົາຫຼີໄຕ້, ສິງກະໂປ…

ສະຖານະການ ໂຄວິດ ຢູ່ລາວຈະເປັນແນວໃດ ອົດໃຈຮອດວັນທີ 3 - Wave100S AD to Website 2020 0 - ສະຖານະການ ໂຄວິດ ຢູ່ລາວຈະເປັນແນວໃດ ອົດໃຈຮອດວັນທີ 3

ເຖິງຢ່າງໃດກໍດີ, ສະຖານະການແຜ່ລະບາດຂອງພະຍາດຢູ່ປະເທດເຮົາຈະເປັນໄປໃນທິດທາງໃດນັ້ນ, ພວກເຮົາຈົ່ງອົດໃຈລໍເຖິງວັນທີ 3 ພຶດສະພາ ເບິ່ງວ່າລັດຖະບານຈະປະເມີນສະຖານະການແນວໃດ? ຈະຜ່ອນຜັນຫຍັງແດ່? ຫຼື ຈະເຂັ້ມງວດກວ່າເກົ່າ? ທັງນີ້ກໍເພື່ອບໍ່ໃຫ້ຄື່ນໂຄວິດກັບຄືນມາອີກຄັ້ງໃໝ່. ຊຶ່ງມາເຖິງປັດຈຸບັນ ບັນດານັກວິທະຍາສາດໃຫ້ຄຳເຫັນວ່າ ຄື່ນໂຄວິດໄດ້ຂຶ້ນສູ່ຈຸດສູງສຸດແລ້ວ ແລະ ຕໍ່ໄປນີ້ເສັ້ນສະແດງກໍຈະມີທ່າອ່ຽງກົ່ງລົງຕາມລຳດັບ.

ເຖິງຢ່າງໃດກໍຕາມ, ເພື່ອໃຫ້ປະເທດລາວພວກເຮົາພົ້ນຜ່ານວິກິດການຄັ້ງນີ້ໄປໄດ້ດີ ພວກເຮົາທຸກຄົນຈົ່ງອົດທົນອົດກັ້ນ ແລະ ພ້ອມກັນປະຕິບັດມາດຕະການຂອງລັດຖະບານໃຫ້ດີທີ່ສຸດກໍແລ້ວກັນເນາະ. ເຖິງຢ່າງໃດກໍຕາມຂໍໃຫ້ພະຍາດໂລຄາຫ່າງຫາຍອອກຈາກປະເທດລາວໂດຍໄວ. ເພື່ອປະຊາຊົນຈະໄດ້ກັບຄືນມາໃຊ້ຊີວິດປົກກະຕິເໝືອນເດີມ.

ສະຖານະການ ໂຄວິດ ຢູ່ລາວຈະເປັນແນວໃດ ອົດໃຈຮອດວັນທີ 3 - WhatsApp Image 2020 05 27 at 5 - ສະຖານະການ ໂຄວິດ ຢູ່ລາວຈະເປັນແນວໃດ ອົດໃຈຮອດວັນທີ 3
ສະຖານະການ ໂຄວິດ ຢູ່ລາວຈະເປັນແນວໃດ ອົດໃຈຮອດວັນທີ 3 - WhatsApp Image 2020 05 27 at 5 - ສະຖານະການ ໂຄວິດ ຢູ່ລາວຈະເປັນແນວໃດ ອົດໃຈຮອດວັນທີ 3
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!