YAHOO ກຽມປິດທຸລະກິດອິນເຕີເນັດ

- advert banner 728 90 728x90 - YAHOO ກຽມປິດທຸລະກິດອິນເຕີເນັດ

- 103346055 GettyImages 461332591 - YAHOO ກຽມປິດທຸລະກິດອິນເຕີເນັດ

- new3 - YAHOO ກຽມປິດທຸລະກິດອິນເຕີເນັດ

YAHOO ຈະ​ປິດ​ການ​ເປັນ​ບໍລິສັດ​ອິດ​ສະລະ ພາຍຫລັງ​ສ້າງຕັ້ງຂຶ້ນ​ໃນ​ປີ 1994 ​ໂດຍ​ນັກ​ສຶກສາ​ມະຫາວິທະຍາ​ໄລ​ສະ​ແຕນ​ຟອດ 2 ຄົນ ຄື ​ເດ​ວິດ ຟິ​ໂລ ​ແລະ ​ເຈີຣີ ຢາງ ​ເນື່ອງ​ຈາກ​ຜູ້​ຖື​ຮຸ້ນ​ອະນຸມັດ​ໃຫ້​ຈຳໜ່າຍ​ທຸລະ​ກິດ​ອິນ​ເຕີ​ເນັດ ​ເຊິ່ງ​ເປັນ​ທຸລະ​ກິດ​ຫລັກ​ຂອງ​ບໍລິສັດ​ໃນ​ລາຄາ 4.480 ລ້ານ​ໂດ​ລາ​ສະຫະລັດ ຈາກ​ເຄີຍ​ມີ​ມູນ​ຄ່າ​ຕະຫລາດ​ສູງ​ສຸດ​ເຖິງ 125.000 ລ້ານ​ໂດ​ລາ​ສະຫະລັດ ​ໃນ​ປີ 2000, ສ່ວນ​ທຸລະ​ກິດ​ອື່ນໆ​ຂອງ YAHOO ຈະ​ປ່ຽນ​ຊື່​ເປັນ​ອໍ​ຕາ​ບາ (Altaba). ສື່​ໃນ​ອາ​ເມ​ລິ​ກາ​ຄາດ​ວ່າ: ຈະ​ມີ​ການ​ເລີກ​ຈ້າງ​ພະນັກງານ​ໃນ YAHOO ​ແລະ ​ເອ​ໂອ​​ແອ​ລ​ໃນ​ຕຳ​ແໜ່​ງງານ​ທີ່​ຊ້ຳຊ້ອນ​ລົງ​ກວ່າ 1.000 ຕຳ​ແໜ່​ງ ​ເພື່ອ​ຄວບ​ເປັນ​ບໍລິສັດ​ໃໝ່​ຊື່​ Oath.

- 555x312 758657 1496963453 - YAHOO ກຽມປິດທຸລະກິດອິນເຕີເນັດ

ນັກວິ​ເຄາະ​ເບິ່ງ​ວ່າ: ກໍລະນີ​ທີ່​ນາງ ມາຣິສຊາ ​ເມ​ເຍີ ປະທານ​ເຈົ້າໜ້າ​ທີ່​ບໍລິຫານ YAHOO ອາຍຸ 42 ປີ ກວາດ​ຊື້ກິດຈະການສະຕາຣອັບ ​ແລະ ​ເລີກ​ຈ້າງ​ພະນັກງານ​ໄປ​ກວ່າ​ພັນ​ຕຳ​ແໜ່​ງ​ເປັນ​ພຽງ​ການ​ຊື້​ເວລາ​ທີ່​ບໍ່​ສາມາດ​ແກ້​ໄຂ​ບັນຫາ​ໄດ້​ຢ່າງ​ແທ້​ຈິງ. ຄະນະ​ກຳມະການ​ບໍລິຫານ YAHOO ຜິດ​ເອງ​ທີ່​ແຕ່ງຕັ້ງນາງ​ເປັນ​ຜູ້​ບໍລິຫານ​ໃນ​ປີ 2012 ທັງ​ທີ່​ບໍ່​ມີ​ຄວາມ​ເໝາະ​ສົມ, ​ເຖິງ​ວ່າ​ນາງ​ເຄີ​ຍ​ເປັນ​ພະນັກງານ Google ຮຸ່ນ​ບຸກ​ເບີກ​ມາ​ແຕ່​ປີ 1999 ກໍ​ຕາມ. ຜົນສຳ​ຫລວດ​ໃນ​ເດືອນ​ກ່ອນ​ຊີ້​ວ່າ: ນາງ​ເປັນ​ຜູ້​ບໍລິຫານ​ທີ່​ພະນັກງານ​ຊັງ​ຫລາຍ​ທີ່​ສຸດ​, ຮອງ​ຈາກ​ທ່ານ ອອສກາ ມູນ​ອສ ຜູ້​ບໍລິຫານ​ສາຍ​ການບິນ​ຢູ​ໄນ​ເຕັດ​ແອ​ລາຍ. ນັກວິ​ເຄາະ​ຊີ້​ວ່າ: YAHOO ​ເປັນ​ຜູ້​ລິ​ເລີ່​ມ​ແນວ​ຄິດ​ການຄົ້ນຫາ​ໃນ​ອິນ​ເຕີ​ເນັດ ​ໂດຍ​ການ​ເປັນ​ເວ​ບຈັດ​ໝວດ​ໝູ່​ການຄົ້ນຄວ້າ, ຈາກ​ນັ້ນຂະຫຍາຍ​ເນື້ອ​ໃນ​ໄປ​ຢ່າງ​ຫລວງຫລາຍ​ຈົນ​ລືມ​ທຸ້ມ​ເທ​ຊັບພະຍາກອນ​ດ້ານ​ວິສະວະກຳ​ໃຫ້​ແກ່​ການ​ຄົ້ນຫາ ​ແລະ ຖືກ Google ທີ່​ຕັ້ງຂຶ້ນ​ໃນ​ປີ 2011 ຊີງ​ຕຳ​ແໜ່​ງ​ໄປ.

- lattana 1 - YAHOO ກຽມປິດທຸລະກິດອິນເຕີເນັດ

- gettyimages 493360993 - YAHOO ກຽມປິດທຸລະກິດອິນເຕີເນັດ

error: Content is protected !!