3 ສິ່ງທີ່ຄວາມລັງເລໃຈມັກຫລອກໃຫ້ທ່ານເຊື່ອ ຈົນຊີວິດການເຮັດວຽກບໍ່ກ້າວໜ້າ

3 ສິ່ງທີ່ຄວາມລັງເລໃຈມັກຫລອກໃຫ້ທ່ານເຊື່ອ ຈົນຊີວິດການເຮັດວຽກບໍ່ກ້າວໜ້າ - 65 1 - 3 ສິ່ງທີ່ຄວາມລັງເລໃຈມັກຫລອກໃຫ້ທ່ານເຊື່ອ ຈົນຊີວິດການເຮັດວຽກບໍ່ກ້າວໜ້າ
3 ສິ່ງທີ່ຄວາມລັງເລໃຈມັກຫລອກໃຫ້ທ່ານເຊື່ອ ຈົນຊີວິດການເຮັດວຽກບໍ່ກ້າວໜ້າ - Untitled design - 3 ສິ່ງທີ່ຄວາມລັງເລໃຈມັກຫລອກໃຫ້ທ່ານເຊື່ອ ຈົນຊີວິດການເຮັດວຽກບໍ່ກ້າວໜ້າ

ຢ່າປ່ອຍໃຫ້ຄວາມສົງໄສໃນຄວາມສາມາດຂອງຕົນເອງມາຫລຸດທອນຄວາມແຂງແກ່ນຂອງຈິດໃຈທ່ານຈົນໝົດ, ລະວັງຄວາມຄິດຂອງທ່ານໃຫ້ດີ ການຄິດວ່າ “ຂ້ອຍຄິດວ່າຂ້ອຍເຈລະຈາທຸລະກິດເທື່ອນີ້ບໍ່ສຳເລັດແທ້ໆ” ຫລື “ຂ້ອຍຕ້ອງເຮັດຫຍັງຂາຍໜ້າຕໍ່ໜ້າຄົນອື່ນແນ່ນອນ” ອາດສົ່ງຜົນໃຫ້ທ່ານຮູ້ສຶກບໍ່ດີຈົນກະທົບກັບການເຮັດວຽກ ແລະ ອາດຈະລົ້ມເຫລວແທ້ໆຄືກັບທີ່ຄິດໄວ້ເລີຍກໍເປັນໄດ້.

ໂຕຢ່າງເຊັ່ນ : ຖ້າທ່ານຂໍຂຶ້ນເງິນເດືອນກັບຫົວໜ້າ ໂດຍທີ່ຍັງບໍ່ໝັ້ນໃຈໃນໂຕເອງເລີຍວ່າເໝາະສົມກັບເງິນເດືອນທີ່ສູງຂຶ້ນຫລືບໍ່ ທ່ານອາດສະແດງຄວາມບໍ່ໝັ້ນໃຈນີ້ອອກມາໂດຍບໍ່ຮູ້ໂຕຈົນເຮັດໃຫ້ຫົວໜ້າເອງກໍລັງເລທີ່ຈະບໍ່ຂຶ້ນເງິນເດືອນໃຫ້ທ່ານຄືກັນ ຫລື ຖ້າທ່ານເມົາແຕ່ຢ້ານວ່າໂຕເອງຄົງບໍ່ດີພໍຈົນບໍ່ກ້າສົບຕາໃຜເລີຍໃນເວລາພົບປະຜູ້ຄົນໃນງານຕ່າງໆ ທ່ານກໍອາດຕ້ອງເສຍໂອກາດໃນການສ້າງຄວາມສຳພັນໃໝ່ໆໄປ ເຊິ່ງມັນກໍຈະຍິ່ງເນັ້ນຍຳ້ໃຫ້ທ່ານເຊື່ອວ່າໂຕເອງຍັງບໍ່ດີພໍແທ້ໆ.

ແຕ່ສິ່ງໜຶ່ງທີ່ໜ້າສົນໃຈກ່ຽວກັບຄວາມແຄງໃຈໃນໂຕເອງກໍຄື ມັນມັກມາຈາກຄວາມຄິດລົບທີ່ເກີນຈິງ ແລະ ໄຮ້ຄວາມເປັນເຫດເປັນຜົນ ແຕ່ຄົນເຮົາກໍມັກຫລົງເຊື່ອຄວາມຄິດເຫລົ່ານີ້ໄດ້ຢ່າງງ່າຍດາຍ ແລະ ນີ້ແມ່ນໂຕຢ່າງ 3 ສິ່ງສຳຄັນໆທີ່ຄວາມຂ້ອງໃຈໃນໂຕເອງມັກຫລອກໃຫ້ທ່ານເຊື່ອຈົນເຮັດໃຫ້ຊີວິດການເຮັດວຽກຂອງທ່ານບໍ່ກ້າວໜ້າຈັກເທື່ອ.

  1. ຄົນອື່ນໆລ້ວນແຕ່ໝັ້ນໃຈໃນໂຕທ່ານທັງໝົດ : ຫາກທ່ານຄິດວ່າມີແຕ່ທ່ານເທົ່ານັ້ນທີ່ກຳລັງຕໍ່ສູ້ໃນສົງຄາມຄວາມບໍ່ແນ່ນອນນີ້ ຍ້ອນຄົນອື່ນໆກໍຈະຈັດການສະຖານະການໄດ້ດີທັງໝົດ, ແຕ່ຄວາມຈິງກໍຄື ທຸກຄົນລ້ວນເຄີຍປະສົບກັບຄວາມບໍ່ໝັ້ນໃຈໃນໂຕເອງຄືກັນໝົດ ຄົນອ້ອມໆໂຕຂອງທ່ານກໍກຳລັງຕັ້ງຄຳຖາມກັບໂຕເອງຢູ່ຄືກັນວ່າ ພວກເຂົາເບິ່ງໜ້າສົນໃຈ, ສະຫລາດ ຫລື ດີພໍທີ່ຈະປະສົບຄວາມສຳເລັດໄດ້ຫລືບໍ່ ເຖິງວ່າຈາກພາຍນອກພວກເຂົາອາດເບິ່ງໝັ້ນໃຈໃນໂຕເອງກໍຕາມ. ສະນັ້ນແລ້ວ ຢ່າປ່ອຍໃຫ້ຄວາມບໍ່ໝັ້ນໃຈນີ້ຫລອກທ່ານໄດ້ ວ່າທ່ານບໍ່ເໝາະສົມ ຫລື ບໍ່ພ້ອມພໍ, ເຕືອນໂຕເອງໄວ້ວ່າບໍ່ວ່າໃຜກໍຕ້ອງໃຊ້ຄວາມພະຍາຍາມເພື່ອຈະສ້າງຄວາມໝັ້ນໃຈໃນໂຕເອງໃຫ້ໄດ້ທັງໝົດ ແມ່ນແຕ່ຄົນທີ່ປະສົບຄວາມສຳເລັດແລ້ວກໍຕາມ.
  2. ຄວາມຄິດລົບແມ່ນສິ່ງທີ່ສັນຊາດຕະຍານພະຍາຍາມບອກທ່ານ : ການຄິດລົບທີ່ເກີດຈາກຄວາມບໍ່ໝັ້ນໃຈໃນໂຕເອງອາດເຮັດໃຫ້ທ່ານຄິດວ່າ ມັນເປັນຍ້ອນສັນຊາດຕະຍານເລິກໆຂອງທ່ານທີ່ບອກວ່າທ່ານບໍ່ຄວນເຮັດສິ່ງນີ້, ແຕ່ທຸກເທື່ອທີ່ທ່ານຈະເຮັດສິ່ງທີ່ຢູ່ນອກພື້ນທີ່ປອດໄພຂອງໂຕເອງ ຄວາມບໍ່ໝັ້ນໃຈນີ້ກໍຈະໂດດເຂົ້າມາຂັດຂວາງທ່ານສະເໝີ. ບໍ່ມີສິ່ງໃດຮັບປະກັນວ່າທ່ານຈະປະສົບຄວາມສຳເລັດເມື່ອຕ້ອງເຮັດສິ່ງໃດເທິງຄວາມສ່ຽງ ເຖິງຈະພິຈາລະນາມາຢ່າງດີແລ້ວ ແຕ່ມັນກໍບໍ່ໄດ້ໝາຍຄວາມວ່າທ່ານຕ້ອງປ່ອຍໃຫ້ຄວາມຢ້ານ ຫລື ຄວາມບໍ່ແນ່ນອນມາຢຸດທ່ານໄວ້. ສັນຊາດຕະຍານໃນການລະແວດລະວັງບັນຫາ ແລະ ພິຈາລະນາໂຕເອງເປັນສິ່ງທີ່ຄວນມີ, ແຕ່ຄວາມແຄງໃຈໃນໂຕເອງນັ້ນຕ້ອງອອກໄປ ມັນແມ່ນສຽງທີ່ຈອບຈະຫລອກລໍ້ໃຫ້ທ່ານຍອມແພ້ ແລະ ເຮັດໃຫ້ທ່ານເຊື່ອວ່ານີ້ແມ່ນສິ່ງທີ່ສັນຊາດຕະຍານກຳລັງບອກ.
  3. ຄວາມແຄງໃຈແມ່ນສິ່ງທີ່ບົ່ງບອກວ່າທ່ານບໍ່ມີທາງກ້າວໜ້າໄດ້ : ການຄິດວ່າໂຕເອງຈະເຮັດບໍ່ໄດ້ ບໍ່ໄດ້ໝາຍຄວາມວ່າທ່ານບໍ່ສາມາດປະສົບຄວາມສຳເລັດໄດ້ ຫລື ບໍ່ຄວນພະຍາຍາມຕໍ່, ແຕ່ຄວາມຈິງແລ້ວ ຄວາມຮູ້ສຶກແບບນີ້ກໍມີຂໍ້ດີຢູ່ຄືກັນ ຫາກຢູ່ໃນປະລິມານທີ່ພໍດີພໍງາມ. ມີວຽກງານການວິໄຈຫລາຍເທື່ອທີ່ສະເໜີວ່ານັກກິລາລະດັບແຖວໜ້າທັງຫລາຍກໍໄດ້ປະໂຫຍດຈາກຄວາມຮູ້ສຶກແບບນີ້ຄືກັນ ເພາະມັນສົ່ງຜົນໃຫ້ພວກເຂົາລະມັດລະວັງຫລາຍເປັນພິເສດ ຈຶ່ງສ້າງສີມືໄດ້ດີກ່ວານັກກິລາທີ່ໝັ້ນໃຈໃນໂຕເອງເຕັມທີ່ ແລະ ຄືກັນ ນັກຮຽນທີ່ບໍ່ຄ່ອຍໝັ້ນໃຈໃນໂຕເອງກໍມັກສອບເສັງໄດ້ຄະແນນສູງກ່ວານັກຮຽນທີ່ໝັ້ນໃຈວ່າໂຕເອງຕ້ອງເຮັດໄດ້ດີ.

ເຕືອນໂຕເອງວ່າທ່ານກໍສາມາດໃຊ້ປະໂຫຍດຈາກຄວາມແຄງໃຈໃນໂຕເອງມາຊຸກຍູ້ໃຫ້ເຮັດວຽກໄດ້ດີຂຶ້ນເຊັ່ນກັນ, ຄວາມວິຕົກກັງວົນເລັກໆນ້ອຍໆຈະຊ່ວຍໃຫ້ທ່ານພະຍາຍາມຫລາຍຂຶ້ນ, ຮຽນຫລາຍຂຶ້ນ ຫລື ບໍ່ກໍມີສະມາທິຫລາຍຂຶ້ນໄດ້.

3 ສິ່ງທີ່ຄວາມລັງເລໃຈມັກຫລອກໃຫ້ທ່ານເຊື່ອ ຈົນຊີວິດການເຮັດວຽກບໍ່ກ້າວໜ້າ - Wave100S AD to Website 2020 0 - 3 ສິ່ງທີ່ຄວາມລັງເລໃຈມັກຫລອກໃຫ້ທ່ານເຊື່ອ ຈົນຊີວິດການເຮັດວຽກບໍ່ກ້າວໜ້າ

ລອງລົມກັບສຽງດ້ານລົບໃນໃຈໂຕເອງເບິ່ງ ສະໝອງຈະພະຍາຍາມຈອບອອຍໃຈໃຫ້ທ່ານເຊື່ອວ່າໂຕເອງເຮັດບໍ່ສຳເລັດ ເພາະມັນບໍ່ຢາກໃຫ້ທ່ານອອກຈາກພື້ນທີ່ປອດໄພຂອງໂຕເອງ ເຊິ່ງຖ້າທ່ານຫລົງເຊື່ອຕາມສຽງນັ້ນ ທ່ານກໍຈະບໍ່ມີທາງສະແດງສັກກະຍະພາບທີ່ມີອອກມາໄດ້ເຕັມທີ່ ຈົ່ງແຍກໃຫ້ອອກວ່າຄວາມຄິດໃດທີ່ແທ້ ແລະ ຄວາມຄິດໃດທີ່ປຸງແຕ່ງຂຶ້ນມາເອງ ເຊັ່ນ : ຖ້າທ່ານຄິດວ່າທ່ານບໍ່ໜ້າຈະເລືອກໃບຫວຍທີ່ຖືກລາງວັນດອກ ກໍມີຄວາມເປັນໄປໄດ້ສູງວ່າທ່າຄິດຖືກ, ແຕ່ຖ້າທ່ານຄິດວ່າໂຕເອງຄົງບໍ່ສາມາດກ້າວໜ້າໃນໜ້າທີ່ວຽກງານໄດ້ ມັນກໍອາດຈະບໍ່ແມ່ນເລື່ອງຈິງສະເໝີໄປດອກ.

ທ່ານບໍ່ຈຳເປັນຕ້ອງກຳຈັດຄວາມແຄງໃຈໃນໂຕເອງໄປຈົນໝົດ ຫາກຢາກປະສົບຄວາມສຳເລັດ, ແຕ່ຕ້ອງເຊົາຫລົງເຊື່ອເລື່ອງຫລອກລວງທີ່ສະໝອງພະຍາຍາມປ້ອນໃຫ້ທ່ານເທົ່ານັ້ນ ການພິຈາລະນາສຽງເຫລົ່ານີ້ໃຫ້ເລິກເຊິ່ງ ແລະ ລະອຽດຖີ່ຖ້ວນ ຈະຊ່ວຍເສີມຄວາມແຂງແກ່ນຂອງຈິດໃຈ ແລະ ເຮັດໃຫ້ທ່ານສະແດງສັກກະຍະພາບຂອງໂຕເອງອອກມາໄດ້ໃນທີ່ສຸດ.

3 ສິ່ງທີ່ຄວາມລັງເລໃຈມັກຫລອກໃຫ້ທ່ານເຊື່ອ ຈົນຊີວິດການເຮັດວຽກບໍ່ກ້າວໜ້າ - WhatsApp Image 2020 05 27 at 5 - 3 ສິ່ງທີ່ຄວາມລັງເລໃຈມັກຫລອກໃຫ້ທ່ານເຊື່ອ ຈົນຊີວິດການເຮັດວຽກບໍ່ກ້າວໜ້າ
3 ສິ່ງທີ່ຄວາມລັງເລໃຈມັກຫລອກໃຫ້ທ່ານເຊື່ອ ຈົນຊີວິດການເຮັດວຽກບໍ່ກ້າວໜ້າ - WhatsApp Image 2020 05 27 at 5 - 3 ສິ່ງທີ່ຄວາມລັງເລໃຈມັກຫລອກໃຫ້ທ່ານເຊື່ອ ຈົນຊີວິດການເຮັດວຽກບໍ່ກ້າວໜ້າ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!