7 ວິທີຊ່ວຍຫລຸດຄວາມເຄັ່ງຄຽດ ສາເຫດທີ່ເຮັດໃຫ້ທ່ານເຖົ້າໄວ

7 ວິທີຊ່ວຍຫລຸດຄວາມເຄັ່ງຄຽດ ສາເຫດທີ່ເຮັດໃຫ້ທ່ານເຖົ້າໄວ - 87 3 - 7 ວິທີຊ່ວຍຫລຸດຄວາມເຄັ່ງຄຽດ ສາເຫດທີ່ເຮັດໃຫ້ທ່ານເຖົ້າໄວ
7 ວິທີຊ່ວຍຫລຸດຄວາມເຄັ່ງຄຽດ ສາເຫດທີ່ເຮັດໃຫ້ທ່ານເຖົ້າໄວ - Untitled design - 7 ວິທີຊ່ວຍຫລຸດຄວາມເຄັ່ງຄຽດ ສາເຫດທີ່ເຮັດໃຫ້ທ່ານເຖົ້າໄວ

ຄົງບໍ່ມີໃຜຢາກເຖົ້າໄວດອກແມ່ນບໍ່ ? ແລ້ວທ່ານຮູ້ສຶກຫລືບໍ່ວ່າຄວາມເຄັ່ງຄຽດ ແລະ ຄວາມຢ້ານຈະເຮັດໃຫ້ທ່ານເຖົ້າໄວຂຶ້ນ ? ລອງໃຊ້ 7 ວິທີຕໍ່ໄປນີ້ເພື່ອຊ່ວຍຫລຸດຄວາມເຄັ່ງຄຽດຕົ້ນເຫດຂອງຄວາມເຖົ້າໄວ:

  1. ປ່ອຍວາງເລື່ອງຕ່າງໆຖິ້ມໄປ : ທ່ານຕ້ອງລອງປ່ຽນທັດສະນະຄະຕິລອງເບິ່ງ ຫລາຍຄົນມັກເສຍເວລາໄປກັບການຮູ້ສຶກຜິດທີ່ບໍ່ສາມາດຮັກສາຄວາມດຸ່ນດ່ຽງຂອງຊີວິດໄດ້ດີພໍ, ແຕ່ເຊື່ອບໍ່ວ່າຄວາມຈິງແລ້ວ ທ່ານຈະບໍ່ຮູ້ສຶກວ່າຊີວິດມັນດີຢູ່ແລ້ວ ຕາບໃດທີ່ທ່ານຍັງມີເປົ້າໝາຍ ແລະ ຄວາມຝັນຢູ່ໃນໃຈ ນັ້ນກໍຍ້ອນວ່າທ່ານຍັງມີຫລາຍສິ່ງຫລາຍຢ່າງທີ່ຕ້ອງລົງມືເຮັດ, ຕ້ອງຮຽນຮູ້ ແລະ ຕ້ອງບັນລຸໃຫ້ໄດ້. ດັ່ງນັ້ນ, ສິ່ງຕ່າງໆທີ່ບໍ່ເປັນດັ່ງຫວັງຈຶ່ງບໍ່ແມ່ນເລື່ອງທີ່ຕ້ອງເກັບມາຄິດຫລາຍ ຫລື ກັງວົນຈົນເກີນໄປ.
  2. ຄຳນຶງໄວ້ສະເໝີວ່າ ພຽງແຕ່ເຮັດໃຫ້ດີ ກໍພຽງພໍແລ້ວ : ເຊົາເສຍເວລາໄປກັບການເຮັດທຸກຢ່າງໃຫ້ສົມບູນແບບ ບໍ່ວ່າຈະເປັນການສະເໜີວຽກ ຫລື ກະທັ້ງການຫາຂອງຂັວນໃຫ້ລູກຫລານ ຫລື ເຮັດຄວາມສະອາດສິ່ງຂອງພາຍໃນເຮືອນ ການເຮັດໃຫ້ດີໄດ້ປະມານ 80% ນັ້ນກໍຖືວ່າພຽງພໍແລ້ວ ເພື່ອທີ່ຈະໄດ້ມີເວລາໄປເຮັດວຽກຢ່າງອື່ນກັນຕໍ່ໄປ ເພາະບໍ່ດັ່ງນັ້ນເວລາໃນຊີວິດຂອງທ່ານຄົງສູນເສຍໄປກັບການພະຍາຍາມເຮັດມັນເຕັມຮ້ອຍ, ແຕ່ກໍບໍ່ເຕັມຮ້ອຍຈັກເທື່ອນັ້ນເອງ.
  3. ຈະເຊືອບຫລັບ ຫລື ຈະຍອມແພ້ : ຄົນບ້າວຽກມັກຄິດວ່າ “ຂ້ອຍຈະຫລັບເມື່ອຂ້ອຍຕາຍເທົ່ານັ້ນ”, ແຕ່ປະເດັນແມ່ນ ການບໍ່ຫລັບນັ້ນລະທີ່ຈະເຮັດໃຫ້ທ່ານຕາຍບໍ່ຊ້າກໍໄວນີ້ແນ່ນອນ. ຄວາມອິດເມື່ອຍອ່ອນເພຍບໍ່ແມ່ນລາງວັນກຽດຕິຍົດ ຫາກບໍ່ນອນຫລັບພັກຜ່ອນໃຫ້ເຕັມອີ່ມ ທ່ານກໍເຮັດປະໂຫຍດຫຍັງໃຫ້ໂຕເອງ ແລະ ຄົນອ້ອມຂ້າງໄດ້ບໍ່ເຕັມທີ່ເຊັ່ນກັນ. ການນອນເດິກເພື່ອທີ່ຈະເຮັດວຽກໃຫ້ແລ້ວ ຫລື ມັກເຮັດຫຍັງຈົນນອນເດິກໆດື່ນໆ ມັກເຮັດໃຫ້ທ່ານສູນເສຍຫລາຍກ່ວາເລື່ອງສຸຂະພາບ ເພາະມັນອາດເຮັດໃຫ້ທ່ານຫງຸດຫງິດງ່າຍ, ຂີ້ຫລົງລືມ, ເຈັບປ່ວຍ, ມີການຕັດສິນໃຈດ້ອຍລົງ ແລະ ມັກຈະເຮັດຜິດພາດຫລາຍເທື່ອ ຈົນໄປເຖິງນຳ້ໜັກເພີ່ມຂຶ້ນ.
  4. ພຽງແຕ່ຫລຸດເວລາເດີນທາງ ກໍຫລຸດຄວາມເຄັ່ງຄຽດໄດ້ : ຫາກຕ້ອງເລືອກທ່ານໝໍ, ທັນຕະແພດ ຫລື ຊ່າງຕັດຜົມຄົນໃໝ່ ກໍໃຫ້ຫາຄົນທີ່ຢູ່ໃກ້ບ້ານຂອງທ່ານທີ່ສຸດເທົ່າທີ່ຈະເປັນໄປໄດ້ ເພາະຜົນກຳໄລທີ່ທ່ານຈະໄດ້ກໍຄື ທ່ານຈະໄດ້ປະຢັດເວລາ ແລະ ນຳ້ມັນໄປໄດ້ຫລາຍ ຄືກັນກັບການເລືອກກິດຈະກຳທີ່ເຮັດຮ່ວມກັບຄົນໃນຄອບຄົວ ທ່ານກໍຄວນເລືອກຢູ່ພື້ນທີ່ຊຸມຊົນໃກ້ໆ, ສ່ວນພວກໂຮງຮຽນ, ສະໂມສອນບານເຕະ, ກຸ່ມຮຽນພິເສດ ອາດຕ້ອງໃຊ້ເວລາເດີນທາງອ່າວດົນ ສະນັ້ນ ທ່ານຄວນຄິດໃຫ້ຮອບຄອບວ່າສິ່ງທີ່ທ່ານເລືອກນັ້ນກຸ້ມຄ່າກັບການເດີນທາງໃນຊ່ວງເວລາທີ່ລົດຕິດ ຫລື ການຕື່ນແຕ່ເຊົ້າຫລືບໍ່ ເພາະຫາກບໍ່ວາງແຜນ ແລະ ເລືອກເຟັ້ນການເດີນທາງຢ່າງຊານສະຫລາດ ທ່ານອາດເສຍເວລາ ແລະ ພາດໂອກາດຫລາຍຈົນເປັນເຫດໃຫ້ເກີດຄວາມເຄັ່ງຄຽດສະສົມໄດ້.
  5. ປະຕິເສດຄົນອື່ນເພື່ອໂຕເຮົາເອງແດ່ : ທ່ານກຳລັງຖືກຂໍຮ້ອງໃຫ້ຮ່ວມງານສັງຄົມ ຈົນບໍ່ມີເວລາວ່າງໃຫ້ຄົນໃນຄອບຄົວຢູ່ຫລືບໍ່ ? ການປະຕິເສດຄົນອື່ນນັ້ນບໍ່ໄດ້ເຮັດໃຫ້ທ່ານເບິ່ງເປັນຄົນເຫັນແກ່ໂຕດອກຖ້າທ່ານຢາກໃຫ້ເວລາກັບໂຕເອງແດ່ ເພາະເຖິງວ່າຈະບໍ່ມີທ່ານ ກິດຈະກຳ, ງານລ້ຽງສັງສັນ ຫລື ງານຕ່າງໆ ກໍຍັງດຳເນີນຕໍ່ໄປໄດ້. ໃຫ້ລອງຄິດວ່າການຫາຍໄປນັ້ນຈະເຮັດໃຫ້ໂຕທ່ານໜ້າສົນໃຈ ແລະ ມີຄຸນຄ່າຂຶ້ນເມື່ອທ່ານປະກົດໂຕ.
  6. ປິດເຄື່ອງ ແລ້ວປ່ອຍວາງ : ວິທີທີ່ໄວທີ່ສຸດໃນການພັກຜ່ອນແມ່ນການປິດໂທລະສັບມືຖື, ໂທລະພາບ, ຄອມພິວເຕີ ແລະ ມີຄວາມສຸກກັບຊີວິດທີ່ປາສະຈາກສິ່ງລົບກວນຕ່າງໆ, ມີບາງຄົນທີ່ມັກຮູ້ສຶກກັງວົນ ບໍ່ມີຄວາມສຸກເມື່ອບໍ່ມີເວລາເບິ່ງລາຍການໂທລະພາບສຸດມັກ ເຊິ່ງຄວາມຈິງແລ້ວທ່ານອາດບໍ່ຈຳເປັນຕ້ອງຮູ້ກໍໄດ້ວ່າເນື້ອໃນຂອງລາຍການໂທລະພາບນັ້ນຈະອອກມາເປັນແນວໃດ. ບາງຄົນອາດບອກວ່າການເບິ່ງໂທລະພາບຊ່ວຍຄາຍຄຽດໄດ້, ແຕ່ເຊື່ອເລີຍວ່າມັນຍິ່ງເຮັດໃຫ້ທ່ານນັ້ນຕິດເປັນນິໄສຫລາຍກ່ວາ ໂທລະພາບນັ້ນເຮັດໃຫ້ທ່ານເຊື່ອງຊ້າ, ເສີຍຊາ ແລະ ເມື່ອລາຍການຈົບລົງ ຄວາມຮູ້ສຶກກົດດັນນັ້ນກໍຈະໂດດຂຶ້ນມາໃໝ່ອີກຄັ້ງ ຄືກັນກັບຄອມພິວເຕີ ບາງເທື່ອມັນກໍເປັນເລື່ອງທີ່ດີທີ່ເຮົາຈະຕິດຕໍ່ກັບໝູ່ເກົ່າໆຜ່ານເຟສບຸກ, ແຕ່ທ່ານຈຳເປັນຕ້ອງຮູ້ແທ້ບໍ່ວ່າພວກເຂົາກິນຫຍັງເປັນເຂົ້າແລງ ? ດັ່ງນັ້ນ, ແທນທີ່ທ່ານຈະຕິດຢູ່ກັບໜ້າຈໍ ລອງຈັບໜັງສືທີ່ທ່ານບໍ່ເຄີຍເປີດ, ໂທຫາໝູ່ສະໜິດ, ດື່ມເຄື່ອງດື່ມສຸດມັກ ແລະ ມີຄວາມສຸກກັບມື້ດີໆຂອງທ່ານຈະດີກ່ວາ.
  7. ເປີດໃຈຮັບຄວາມຫຍຸ້ງໆແດ່ : ຄົນເຈົ້າລະບຽບມັກຄິດວ່າ ທຸກໆຢ່າງຕ້ອງມີບ່ອນມີທີ່ຂອງມັນ ແລະ ຈະຕ້ອງຢູ່ໃນບ່ອນທີ່ມັນຄວນຈະຢູ່ສະເໝີ ແມ່ນແຕ່ຣີໂໝດໂທລະພາບກໍຕ້ອງວາງໄວ້ບ່ອນເກົ່າ, ໝອນຖືກວາງໄວ້ຢ່າງເປັນລະບຽບເທິງໂຊຟາ ແລະ ເຄົາເຕີ້ໃນເຮືອນຄົວກໍຕ້ອງສະອາດ ບໍ່ມີຈານວາງຢາຍທົ່ວທີບ, ແຕ່ຈົ່ງເປີດໃຈຍອມຮັບຄວາມຫຍຸ້ງໆແດ່ ເພາະມັນມັກມາພ້ອມປະສົບການ ແລະ ຍັງໝາຍຄວາມວ່າຊີວິດຂອງທ່ານກຳລັງຖືກຕື່ມເຕັມດ້ວຍສິ່ງໃໝ່ໆ ແລະ ສິ່ງທີ່ຢາກເຮັດຫລວງຫລາຍ ເຊິ່ງແນ່ນອນວ່າທ່ານກໍບໍ່ແມ່ນມະນຸດຫຸ່ນຈັກ ຫລື ຄົນທີ່ຈະຕ້ອງເຮັດຕາມແບບແຜນຢ່າງເຄັ່ງຄັດໄປຕະຫລອດຢູ່ແລ້ວ ດັ່ງນັ້ນ ເປີດໃຈກັບເລື່ອງຕ່າງໆໃຫ້ຫລາຍຂຶ້ນ. ເມື່ອທຸກຢ່າງເບິ່ງຄືຈະລົ້ມເຫລວ ຈົ່ງຈື່ໄວ້ສະເໝີວ່າທ່ານນັ້ນໂຊກດີເກີນກ່ວາທີ່ຈະກັງວົນ ຫລື ເຄັ່ງຄຽດໄປກັບມັນ ເມື່ອທ່ານຮູ້ສຶກວ່າທຸກຢ່າງກຳລັງສຸມເຂົ້າມາໃນຊີວິດ ໃຫ້ລອງສືບຫາຍໃຈເຂົ້າເລິກໆ, ຕັ້ງສະຕິ ຈາກນັ້ນໃຫ້ຄິດເຖິງແຕ່ເລື່ອງດີໆທີ່ເກີດຂຶ້ນໃນຊີວິດທ່ານໄວ້ ເຊື່ອໄດ້ເລີຍວ່າມັນໄດ້ຜົນທຸກເທື່ອທີ່ເຮັດ.
7 ວິທີຊ່ວຍຫລຸດຄວາມເຄັ່ງຄຽດ ສາເຫດທີ່ເຮັດໃຫ້ທ່ານເຖົ້າໄວ - Wave100S AD to Website 2020 0 - 7 ວິທີຊ່ວຍຫລຸດຄວາມເຄັ່ງຄຽດ ສາເຫດທີ່ເຮັດໃຫ້ທ່ານເຖົ້າໄວ
7 ວິທີຊ່ວຍຫລຸດຄວາມເຄັ່ງຄຽດ ສາເຫດທີ່ເຮັດໃຫ້ທ່ານເຖົ້າໄວ - WhatsApp Image 2020 05 27 at 5 - 7 ວິທີຊ່ວຍຫລຸດຄວາມເຄັ່ງຄຽດ ສາເຫດທີ່ເຮັດໃຫ້ທ່ານເຖົ້າໄວ
7 ວິທີຊ່ວຍຫລຸດຄວາມເຄັ່ງຄຽດ ສາເຫດທີ່ເຮັດໃຫ້ທ່ານເຖົ້າໄວ - WhatsApp Image 2020 05 27 at 5 - 7 ວິທີຊ່ວຍຫລຸດຄວາມເຄັ່ງຄຽດ ສາເຫດທີ່ເຮັດໃຫ້ທ່ານເຖົ້າໄວ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!