ຍ້ອນຫຍັງສະຫະລັດອາເມລິກາ ຈຶ່ງກາຍເປັນເຂດລະບາດພະຍາດໃຫ່ຍສຸດໃນໂລກ?

ຍ້ອນຫຍັງສະຫະລັດອາເມລິກາ ຈຶ່ງກາຍເປັນເຂດລະບາດພະຍາດໃຫ່ຍສຸດໃນໂລກ? - 46 1 - ຍ້ອນຫຍັງສະຫະລັດອາເມລິກາ ຈຶ່ງກາຍເປັນເຂດລະບາດພະຍາດໃຫ່ຍສຸດໃນໂລກ?
ຍ້ອນຫຍັງສະຫະລັດອາເມລິກາ ຈຶ່ງກາຍເປັນເຂດລະບາດພະຍາດໃຫ່ຍສຸດໃນໂລກ? - Untitled design - ຍ້ອນຫຍັງສະຫະລັດອາເມລິກາ ຈຶ່ງກາຍເປັນເຂດລະບາດພະຍາດໃຫ່ຍສຸດໃນໂລກ?

ໂດຍ: ລູກເມືອງພວນ

ໃນເມື່ອ ເຊື້ອໄວຣັສໂຄວິດ-19 ຫາກໍ່ເກີດຂຶ້ນ, ທຣຳ ຖືເບົາຄວາມອັນຕະລາຍຂອງມັນ, ເຂົາເຊື່ອວ່າ ຮອດເດືອນເມສາ ພະຍາດມັນຫາກຊິຫາຍໄປເອງ.

ແຕ່ບໍ່ເປັນຈັ່ງວ່າ, ຕົກມາເຖິງເດືອນມີນາ ສະຫະລັດໄດ້ກາຍເປັນເຂດລະບາດໃຫ່ຍທີ່ສຸດໃນໂລກ ແລະ ໃນຂະນະນີ້ ກຳລັງກາຍເປັນເຂດຫາຍຍະນະທີ່ໃຫ່ຍທີ່ສຸດຂອງໂລກ, ມີເຖິງ 760.000 ຄົນຕິດເຊື້ອ ແລະ ໃນນັ້ນມີຫຼາຍກວ່າ 40.000 ຄົນເສຍຊີວິດ.

ຕົນອາເມລິກາ ແລະ ທຳນຽບຂາວບໍ່ເຫັນໄດ້ຄວາມຮຸນແຮງຂອງບັນຫາ, ເຖິງແມ່ນວ່າ ໃນວັນທີ 2 ມັງກອນ ທ່ານ Robert Redfield ຜູ້ອຳນວຍການໃຫ່ຍສູນຄວບຄຸມ ແລະ ປ້ອງກັນພະຍາດ(CDC) ໄດ້ປະສານງານກັບສະພາຄວາມໝັ້ນຄົງແຫ່ງຊາດ ເພື່ອປຶກສາຫາລືກ່ຽວກັບສະພາບພະຍາດທີ່ລຶກລັບເກີດຂຶ້ນຢູ່ໃນຈີນ. ຫຼັງຈາກນັ້ນ 10 ວັນຈີນກໍມີຜູ້ຕິດເຊື້ອເສຍຊີວິດລາຍທຳອິດເກີດຂຶ້ນ.

ການແຜ່ລະບາດຢ່າງໄວວາຂອງພະຍາດໂຄວິດ-19 ບໍ່ຕ່າງຫຍັງກັບໄຟໄໝ້ລາມຄັງຫຍ້າແຫ້ງ. ສະຫະລັດມີຜູ້ຕິດເຊື້ອລາຍທຳອິດໃນວັນທີ 21 ມັງກອນ. ຫຼັງຈາກນັ້ນ ທຣຳ ຈຶ່ງໄດ້ຕັ້ງຄະນະສະເພາະກິດພິເສດຂຶ້ນ ເພື່ອປ້ອງກັນພະຍາດ. ແຕ່ໃນເມື່ອປະກາດຕໍ່ໜ້າສາທາລະນະຊົນ ທຣຳ ແລະ ຜູ້ຊ່ຽວຊານ ກ່າວວ່າ ສະພາບລະບາດຂອງພະຍາດຖືກຄວບຄຸມໄວ້ແລ້ວ. ທຣຳ ໄດ້ປິດການເຂົ້າມາໃນສະຫະລັດຂອງຄົນຈີນແຕ່ຕົ້ນເດືອນກຸມພາເປັນຕົ້ນມາ.

ຍ້ອນຫຍັງສະຫະລັດອາເມລິກາ ຈຶ່ງກາຍເປັນເຂດລະບາດພະຍາດໃຫ່ຍສຸດໃນໂລກ? - Wave100S AD to Website 2020 0 - ຍ້ອນຫຍັງສະຫະລັດອາເມລິກາ ຈຶ່ງກາຍເປັນເຂດລະບາດພະຍາດໃຫ່ຍສຸດໃນໂລກ?

ຕະຫຼອດສອງເດືອນຕົ້ນປີນີ້, ທຣຳ ກ່າວວ່າ ການກ່າວເຕືອນກ່ຽວກັບພະຍາດໂຄວິດນັ້ນ ມັນເປັນເລື່ອງ ຫຼອກລວງຂອງພັກ ປະຊາທິປັດ ແລະ ຂອງສື່ຂ່າວມວນຊົນ. ໃນເມື່ອ ອົງການຈັດຕັ້ງອານາໄມໂລກ ໄດ້ປະກາດພາວະສຸກເສີນທາງການແພດໃນວັນທີ 30 ມັງກອນ, ແຕ່ ທຣຳ ກໍຍັງປອບໃຈປະຊາຊົນວ່າ: “ພະຍາດໂຄວິດຖືກຄວບຄຸມເປັນຢ່າງດີແລ້ວ”. ທາງການສະຫະລັດມີຄວາມເຊື່ອໝັ້ນຈົນເຖິງຂັ້ນວ່າ ລັດຖະມົນຕີກະຊວງການຕ່າງປະເທດ Mike Pompeo, ວັນທີ 7 ກຸມພາປະກາດວ່າ ເຂົາເອງຂົນສົ່ງຜ້າອັດປາກ-ດັງຈຳນວນ 18 ໂຕນ ພ້ອມຊຸດຄຸ້ມກັນເຊື້ອໄວຣັດ ແລະ ອຸປະກອນການແພດໄປຊ່ວຍຈີນ.

ທຣຳ ຫາກໍມາຕື່ນ ຄວາມຮຸນແຮງຂອງພະຍາດໃນລະຫວ່າງ ທ້ານເດືອນກຸມພາມານີ້ເປັນຕົ້ນມາ. ວັນທີ 25 ກຸມພາ, ບັນດານັກຊ່ຽວຊານໃນສູນຄວບຄຸມ ແລະ ປ້ອງກັນພະຍາດຂອງສະຫະລັດໄດ້ກ່າວເຕືອນວ່າ  ພະຍາດໂຄວິດກຳລັງແຜ່ລະບາດຢ່າງໄວວາໃນປະເທດຕ່າງໆໃນໂລກ ແລະ ກະຕວງວ່າ ຊີວິດການເປັນຢູ່ຂອງປະຊາຊົນອາດຈະບໍ່ສະດວກ ນັບທັງຈະຕ້ອງໄດ້ປິດໂຮງຮຽນ ແລະ ພາກທຸລະກິດ.

ວັນທີ 26 ກຸມພາ, ທຣຳ ໄດ້ຊີ້ນຳໃຫ້ຮອງປະທານາທິບໍດີຜູ້ຮັບຜິດຊອບຕ້ານພະຍາດໂຄວິດ-19ວ່າ “ຈົ່ງເຮັດໃຫ້ຜູ້ຕິດເຊືຫຼຸດລົງເຖິງ 0” ແຕ່ສະຖານະການກັບປີ້ນຄືນ. ຕົ້ນເດືອນມີນາທີ່ຜ່ານມາ, ສະຫະລັດມີຜູ້ຕິດເຊື້ອຫຼາຍກວ່າ 1.000 ຄົນ. ອົງການອານາໄມໂລກໄດ້ປະກາດໃຫ້ການລະບາດເປັນໄພພິບັດໃຫ່ຍ.

ໃນຫວ່າງມໍ່ໆມານີ້, ທຣຳ ພະຍາຍາມຊອກຫາຊ່ອງທາງ ຖິ້ມໂທດໃສ່ອົງການອານາໄມໂລກ. ໃນຂະນະດຽວກັນຫຼາຍຝ່າຍຄັດຄ້ານຕໍ່ການຕັດງົບປະມານຂອງ ທຣຳ ໃຫ້ກັບ ອົງການອານາໄມໂລກ ແຕ່ກໍມີຫຼາຍຝ່າຍກໍມີຄວາມສົງໄສຄວາມບໍ່ສະເໝີພາບຂອງອົງການອານາໄມໂລກເຊັ່ນດຽວກັບ ທຣຳ.

ຍ້ອນຫຍັງສະຫະລັດອາເມລິກາ ຈຶ່ງກາຍເປັນເຂດລະບາດພະຍາດໃຫ່ຍສຸດໃນໂລກ? - WhatsApp Image 2020 05 27 at 5 - ຍ້ອນຫຍັງສະຫະລັດອາເມລິກາ ຈຶ່ງກາຍເປັນເຂດລະບາດພະຍາດໃຫ່ຍສຸດໃນໂລກ?
ຍ້ອນຫຍັງສະຫະລັດອາເມລິກາ ຈຶ່ງກາຍເປັນເຂດລະບາດພະຍາດໃຫ່ຍສຸດໃນໂລກ? - WhatsApp Image 2020 05 27 at 5 - ຍ້ອນຫຍັງສະຫະລັດອາເມລິກາ ຈຶ່ງກາຍເປັນເຂດລະບາດພະຍາດໃຫ່ຍສຸດໃນໂລກ?
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!