ທົ່ວໂລກຍົກຍ້ອງຜູ້ນຳນິວຊີແລນ ພາປະເທດພົ້ນວິກິດໂຄວິດ

ທົ່ວໂລກຍົກຍ້ອງຜູ້ນຳນິວຊີແລນ ພາປະເທດພົ້ນວິກິດໂຄວິດ - 215 - ທົ່ວໂລກຍົກຍ້ອງຜູ້ນຳນິວຊີແລນ ພາປະເທດພົ້ນວິກິດໂຄວິດ
ທົ່ວໂລກຍົກຍ້ອງຜູ້ນຳນິວຊີແລນ ພາປະເທດພົ້ນວິກິດໂຄວິດ - Untitled design - ທົ່ວໂລກຍົກຍ້ອງຜູ້ນຳນິວຊີແລນ ພາປະເທດພົ້ນວິກິດໂຄວິດ

ນິວຊີແລນ ກຽມເປີດປະເທດ ສື່ຕ່າງປະເທດຍົກຍ້ອງໃຫ້ທ່ານ ນາງ ຈາຊິນດາ ອາຣເດິນ ນາຍົກລັດຖະມົນຕີນິວຊີແລນ ທີ່ໃຫ້ຄວາມສຳຄັນຕໍ່ສຸຂະພາບຂອງປະຊາຊົນມາກ່ອນເສດຖະກິດ.

ວິກິດໂຄວິດ-19 ທີ່ກາຍເປັນບົດທົດສອບສຳຄັນສຳລັບຜູ້ນຳທົ່ວໂລກຍັງບໍ່ຈົບງ່າຍໆ, ແຕ່ສຳລັບທ່ານ ນາງ ຈາຊິນດາ ອາຣເດິນ ຜູ້ນຳຈາກນິວຊີແລນ ອາຍຸ 39 ປີ ກຳລັງຂຽນບົດສະຫລຸບແບບທົດສອບໃນຄັ້ງນີ້ ແລະ ກຽມນຳພາພົນລະເມືອງຂອງທ່ານກັບສູ່ການໃຊ້ຊີວິດໃນແບບທີ່ພວກເຂົາເຄີຍເປັນ.

ໃນເດືອນຜ່ານມາ ນິວຊີແລນໄດ້ບັງຄັບໃຊ້ມາດຕະການປິດປະເທດທີ່ເອີ້ນໄດ້ວ່າເຂັ້ມງວດທີ່ສຸດໃນໂລກ ເຮັດໃຫ້ຜູ້ທີ່ເດີນທາງເຂົ້າປະເທດນິວຊີແລນທຸກຄົນຕ້ອງກັກຕົວ 14 ວັນ ກ່ອນຈະປະກາດລັອກດາວປະເທດ ເຊິ່ງການເຄື່ອນໄຫວຢ່າງວ່ອງໄວ ແລະ ຈິງຈັງ ເຮັດໃຫ້ການແຜ່ລະບາດຂອງໂຄວິດ-19 ຢຸດລົງ.

ການທີ່ນິວຊີແລນເປັນເກາະ ແລະ ບໍ່ມີຊາຍແດນຕິດປະເທດໃດໆ ຖືເປັນຜົນດີຕໍ່ການຄວບຄຸມການແຜ່ລະບາດ ແຕ່ກໍບໍ່ສາມາດປະຕິເສດໄດ້ວ່າຂໍ້ຄວາມທີ່ເດັດຂາດຈາກລັດຖະບານມີສ່ວນສຳຄັນໃນການຢັບຢັ້ງໄວຣັສມໍລະນະ, ໃນຂະນະທີ່ປະເທດຕ່າງໆໄດ້ປະກາດສົງຄາມສູ້ໂຄວິດ-19 ດ້ວຍທ່າທີແຂງແກ່ນ, ແຕ່ຜູ້ນຳຍິງຄົນນີ້ເລືອກທີ່ຈະສົ່ງຂໍ້ຄວາມໃຫ້ຊາວນິວຊີແລນລວມໃຈກັນເປັນໜຶ່ງດຽວເພື່ອຕໍ່ສູ້ກັບວິກິດໂຄວິດ-19 ໂດຍໃຊ້ຄຳເວົ້າເອີ້ນພົນລະເມືອງນິວຊີແລນວ່າ: “ທີມທີ່ມີ 5 ລ້ານຄົນຂອງພວກເຮົາ” ເຮັດໃຫ້ນັກວິຊາການລະບຸວ່າ: ທ່ານ ນາງ ອາຣເດິນ ມີວິທີສື່ສານກັບປະຊາຊົນຢ່າງໄດ້ຜົນຜ່ານການໃຊືວາທະສິນ ທີ່ແອບແຝງດ້ວຍຄວາມເຂັ້ມແຂງຂອງຜູ້ນຳໃນການປອບໂຍນປະຊາຊົນທ່າມກາງສະຖານະການວິກິດ, ພ້ອມກັບອະທິບາຍສະຖານະການດ້ານສາທາລະນະສຸກໄດ້ຢ່າງເຂົ້າໃຈງ່າຍ ຈົນເຮັດໃຫ້ປະຊາຊົນປະຕິບັດຕາມມາດຕະການຂອງລັດຢ່າງເຕັມສ່ວນ.

ຫລັງຈາກປະກາດລັອກດາວ, ທ່ານ ນາງ ອາຣເດິນ ໄດ້ຖ່າຍທອດສົດໃນເຟສບຸກເຈລະຈາ ແລະ ຕອບຄຳຖາມຂອງປະຊາຊົນ ເຮັດໃຫ້ນາງມີພາບພົດທີ່ເຂົ້າເຖິງງ່າຍ ເທົ່ານັ້ນຍັງບໍ່ພໍ ນາງປະກາດຕັດເງິນເດືອນຂອງຕົນເອງ ລວມທັງລັດຖະມົນຕີທີ່ດຳລົງຕຳແໜ່ງໃນລັດຖະບານປັດຈຸບັນ 20% ເປັນເວລາ 6 ເດືອນຕໍ່ຈາກນີ້ ເພື່ອຊ່ວຍຮັກສາເສດຖະກິດທີ່ໄດ້ຮັບຜົນກະທົບຈາກແຜ່ລະບາດຂອງໂຄວິດ-19.

ທົ່ວໂລກຍົກຍ້ອງຜູ້ນຳນິວຊີແລນ ພາປະເທດພົ້ນວິກິດໂຄວິດ - Wave100S AD to Website 2020 0 - ທົ່ວໂລກຍົກຍ້ອງຜູ້ນຳນິວຊີແລນ ພາປະເທດພົ້ນວິກິດໂຄວິດ

ເຖິງວ່າທາງການນິວຊີແລນຈະໄດ້ຮັບຄຳຍ້ອງຍໍ, ແຕ່ກໍມີສຽງຈາກນັກຂ່າວທີ່ວິຈານການຖະແຫລງການໂຄວິດ-19 ຂອງນິວຊີແລນ ທີ່ບໍ່ໃຫ້ເວລາຖາມຄຳຖາມ ຫລື ໃຫ້ຄວາມຈະແຈ້ງຂອງຂໍ້ມູນເທົ່າທີ່ຄວນ. ນອກຈາກນີ້ ຍັງບໍ່ມີຄວາມຈະແຈ້ງກ່ຽວກັບແຫລ່ງແຜ່ເຊື້ອໃນປະເທດ ເຮັດໃຫ້ນິວຊີແລນມີຜູ້ຕິດເຊື້ອໂຄວິດ-19 ເຖິງ 230 ຄົນ ທີ່ບໍ່ສາມາດລະບຸທີ່ມາໄດ້ ເຮັດໃຫ້ຖືກຕັ້ງຄຳຖາມເຖິງຄວາມໂປ່ງໃສຂອງຂໍ້ມູນ.

ນິວຊີແລນກຽມຫລຸດຜ່ອນມາດຕະການລັອກດາວໃນປະເທດໃນວັນທີ 27 ເມສາ ແລະ ຈະຫລຸດລະດັບການແຈ້ງເຕືອນເປັນລະດັບ 3 ຈາກທັງໝົດ 4 ລະດັບ ໂດຍພົບຜູ້ຕິດເຊື້ອທົ່ວປະເທດ 1.440 ຄົນ ແລະ ເສຍຊີວິດ 12 ຄົນ.

ທ່ານ ນາງ ອາຣເດິນ ເປີດເຜີຍວ່າ: ເຖິງວ່າຕົວເລກຜູ້ເສຍຊີວິດໃນນິວຊີແລນຖືວ່າໜ້ອຍເມື່ອທຽບໃສ່ປະເທດອື່ນໆ, “ແຕ່ພວກເຮົາຕ້ອງບໍ່ລືມວ່າທຸກຄົນອາດເປັນພໍ່, ເປັນແມ່, ຍາດຕິພີ່ນ້ອງ ຫລື ໝູ່ເພື່ອນຂອງໃຜບາງຄົນ ແລະ ເປັນຜູ້ທີ່ເຮົາຮ່ວມມືກັນເພື່ອປົກປ້ອງ ແລະ ຊ່ວຍເຫລືອ” ເຊິ່ງຂໍ້ຄວາມທີ່ສະແດງໃຫ້ເຫັນເຖິງຄວາມເຂົ້າໃຈ ແລະ ເປັນທີ່ເພິ່ງຂອງຄົນໃນປະເທດ ບວກກັບການໃຫ້ຄວາມສຳຄັນຕໍ່ສຸຂະພາບຂອງປະຊາຊົນມາເປັນອັນດັບໜຶ່ງໄດ້ສົ່ງຜົນໃຫ້ຜູ້ນຳຍິງຄົນນີ້ໄດ້ຮັບການຍົກຍ້ອງໃນການຕໍ່ສູ້ກັບວິກິດໂຣກລະບາດມໍລະນະ.

ທົ່ວໂລກຍົກຍ້ອງຜູ້ນຳນິວຊີແລນ ພາປະເທດພົ້ນວິກິດໂຄວິດ - WhatsApp Image 2020 05 27 at 5 - ທົ່ວໂລກຍົກຍ້ອງຜູ້ນຳນິວຊີແລນ ພາປະເທດພົ້ນວິກິດໂຄວິດ
ທົ່ວໂລກຍົກຍ້ອງຜູ້ນຳນິວຊີແລນ ພາປະເທດພົ້ນວິກິດໂຄວິດ - WhatsApp Image 2020 05 27 at 5 - ທົ່ວໂລກຍົກຍ້ອງຜູ້ນຳນິວຊີແລນ ພາປະເທດພົ້ນວິກິດໂຄວິດ
error: Alert: ເນື້ອຫາຂ່າວມີລິຂະສິດ !!