ຍາມບ້ານເມືອງວິກິດ ຢ່າຄິດໂລບມາກໂລພາ

ຍາມບ້ານເມືອງວິກິດ ຢ່າຄິດໂລບມາກໂລພາ - 11 1 - ຍາມບ້ານເມືອງວິກິດ ຢ່າຄິດໂລບມາກໂລພາ
ຍາມບ້ານເມືອງວິກິດ ຢ່າຄິດໂລບມາກໂລພາ - AGL banner - ຍາມບ້ານເມືອງວິກິດ ຢ່າຄິດໂລບມາກໂລພາ

ໂດຍ: ທິດກໍ່າ

ທ່ານນາຍົກລັດຖະມົນຕີ ທອງລຸນ ສີສຸລິດ ໄດ້ເວົ້າວ່າ: “ໃຜຫາກມີຈິດໃຈກຸສົນ ຊ່ວຍຄົນຍາກລຳບາກ ຍົກໃຫ້ເປັນຄົນຫາໄດ້ຍາກ ທຸກພາກສ່ວນຄວນເຊີດຊູ, ບຸກຄົນໃດສວຍໂອກາດ ຍາມເມື່ອຊາດວິກິດ ອົດສູ ບຸກຄົນນັ້ນຄືສັດຕູ ພວກທ່ານຮູ້ແລ້ວຈົ່ງປາບປາມ”. ຕໍ່ຄະຕິຄຳຂວັນທີ່ເປັນຄຳພີທີ່ເດັດໆນີ້, ທ່ານນາຍົກ ໄດ້ກ່າວໃນໂອກາດກອງປະຊຸມຄະນະສະເພາະກິດທີ່ຮຽກຮ້ອງໃຫ້ທຸກຄົນຄວນເຊີດຊູປະກອບສ່ວນໃຫ້ສັງຄົມ ແລະ ໃຫ້ພ້ອມປາບປາມຄົນທີ່ສວຍໂອກາດທຸກຮູບແບບຍາມຊາດບ້ານເມືອງຖືກວິກິດໃນໄລຍະເຮັດເສິກສົງຄາມຕ້ານການແຜ່ລະບາດຂອງເຊື້ອພະຍາດໂຄວິດ-19.

ກໍດັ່ງທຸກຄົນໃນທົ່ວປະເທດໄດ້ຮັບຮູ້ ແລະ ເຂົ້າໃນນຳກັນແລ້ວວ່າ: ນັບແຕ່ທ້າຍເດືອນທັນວາ 2019 ເປັນຕົ້ນມາ ໄດ້ເກີດມີໂຣກລະບາດສາຍພັນໃໝ່ເຊື້ອໄວຣັສໂຄໂຣນາ ຫລື ໂຄວິດ-19 ແຜ່ລະບາດສັງຫານຄົນໃນທົ່ວໂລກຢ່າງໜັກໜ່ວງໂຫດຫ້ຽມ ແລະ ໄຮ້ປານີ. ປັດຈຸບັນ ມາຮອດວັນທີ 20 ເມສາ ໄດ້ມີຄົນໃນທົ່ວໂລກຕິດເຊື້ອດັ່ງກ່າວເຖິງ 2.408.304 ຄົນ ໃນນີ້ໄດ້ມີຜູ້ເສຍຊີວິດໄປແລ້ວ 165.105 ຄົນ ແລະ ປິ່ນປົວຫາຍດີ 629.066 ຄົນ. ສ່ວນທີ່ເຫລືອຍັງບໍ່ທັນຮູ້ຊະຕາກຳລະອຽດວ່າຈະຫາຍດີ ແລະ ເສຍຊີວິດໄປຕື່ມອີກຈັກຄົນ. ຈົນມາຮອດໄລຍະນີ້ ສະພາບການແຜ່ລະບາດຂອງເຊື້ອພະຍາດໂຄວິດ-19 ຍັງເພີ່ມທະວີແຜ່ລາມໄປຢ່າງກວ້າງຂວາງໃນ 200 ກວ່າປະເທດທົ່ວໂລກ. ບັນດາປະເທດທີ່ຍັງຕົກຢູ່ໃນສະພາບໜັກໜ່ວງກວ່າໝູ່ກໍແມ່ນສະຫະລັດອາເມລິກາມີຄົນຕິດເຊື້ອເຖິງ 764.265 ຄົນ, ສະເປນ 198.674 ຄົນ, ອິຕາລີ 178.972 ຄົນ, ຝຣັ່ງ 152.894 ຄົນ ແລະ ເຢຍລະມັນ 145.742 ຄົນ ເຫລືອນັ້ນແມ່ນຢັ່ງຢາຍຢູ່ແຕ່ລະປະເທດບ່ອນຫລາຍບ່ອນໜ້ອຍ.

ສຳລັບ ສປປ ລາວ ຂອງພວກເຮົາມາຮອດວັນທີ 20 ເມສາ 2020 ມີພຽງ 19 ຄົນໄດ້ຕິດເຊື້ອ ໃນນີ້ 2 ຄົນໄດ້ປິ່ນປົວຫາຍດີໄປແລ້ວ ແລະ ຍັງອີກ 17 ຄົນພວມປິ່ນປົວຢູ່ໂຮງໝໍ ຄາດວ່າຈະຫາຍດີໃນໄວໆນີ້. ນັບແຕ່ວັນທີ 13 ຫາວັນທີ 20 ເມສາຜ່ານມາ ເຫັນວ່າລາວເຮົາຍັງບໍ່ທັນມີຄົນຕິດເຊື້ອເພີ່ມຂຶ້ນອີກ, ແຕ່ເຮົາກໍບໍ່ຄວນປະໝາດ ຕ້ອງໄດ້ເຝົ້າລະວັງຢ່າງໃກ້ຊິດ ເພາະພະຍາດຊະນິດນີ້ມັນອັນຕະລາຍຮ້າຍກາດ ທັງໄຮ້ຕົນ, ໄຮ້ຕົວ, ໄຮ້ສຽງ ແລະ ອັນສຳຄັນທີ່ສຸດມັນເປັນເຊື້ອພະຍາດທີ່ຕິດຕໍ່ໃສ່ຄົນໄດ້ງ່າຍ.

ຍາມບ້ານເມືອງວິກິດ ຢ່າຄິດໂລບມາກໂລພາ - Wave100S AD to Website 2020 0 - ຍາມບ້ານເມືອງວິກິດ ຢ່າຄິດໂລບມາກໂລພາ

ແນວໃດກໍຕາມ, ອີງໃສ່ການແຜ່ລະບາດຂອງເຊື້ອພະຍາດໂຄວິດ-19 ຍັງບໍ່ທັນມີທ່າທີຫລຸດຜ່ອນ, ຢຸດສະງັກ ແລະ ຫລຸດໜ້ອຍຖອຍລົງ ໂດຍສະເພາະໃນບັນດາປະເທດອ້ອມຂ້າງ ນັບທັງພາກພື້ນ ແລະ ໃນໂລກ, ພັກ ແລະ ລັດຖະບານເຮົາຈຶ່ງຕ້ອງໄດ້ເຍີ້ນເວລາຕ້ານໂຄວິດ-19 ອອກໄປອີກ ຄືຈາກວັນທີ 20 ເມສາໄປຮອດວັນທີ 3 ພຶດສະພາ 2020. ຫລັງຈາກນັ້ນ ທາງລັດຖະບານຈຶ່ງຈະແຈ້ງໃຫ້ຊາບກ່ຽວກັບວາລະໃນຂັ້ນຕໍ່ໄປ.

ເພາະສະນັ້ນ, ເພື່ອຮັບປະກັນໃຫ້ບັ້ນຮົບຕ້ານໂຄວິດ-19 ໄດ້ຮັບໄຊຊະນະ ແລະ ມີຜົນສຳເລັດຢ່າງໃຫຍ່ຫລວງ ວຽກໃຫຍ່ໆອັນໜຶ່ງທີ່ພວກເຮົາຄວນຄຳນຶງ ແລະ ບໍ່ພາກັນເຮັດນັ້ນ ກໍຄືການກັກຕຸນສິນຄ້າ, ສວຍໂອກາດຂຶ້ນລາຄາສິນຄ້າໃນຊ່ວງບ້ານເມືອງພວມເກີດວິກິດການໄລຍະນີ້. ຂໍຮຽກຮ້ອງໃຫ້ທຸກຄົນມີສ່ວນຮ່ວມໃນການເຮັດສົງຄາມຕ້ານໂຄວິດ-19 ຈົນຄົບວາລະທີ່ພັກ ແລະ ລັດຖະບານໄດ້ວາງອອກ. ອັນສຳຄັນທີ່ສຸດຄືພ້ອມກັນເດັດດ່ຽວປະຕິບັດຄຳສັ່ງເລກທີ 06/ນຍ ຂອງນາຍົກລັດຖະມົນຕີ ແລະ ຄຳສັ່ງເລກທີ 07/ຄລພສ ຂອງຄະນະເລຂາທິການສູນກາງພັກໃຫ້ສຸດກົກສຸດປາຍ. ຢ່າເຫັນແກ່ຄວາມມັກງ່າຍ, ຖືເບົາ, ພວກແມ່ຄ້າຊາວຂາຍ, ຜູ້ປະກອບການທຸລະກິດທຸກປະເພດກໍຢ່າພາກັນໂລບມາກໂລພາ, ບໍ່ຄວນເຫັນແກ່ເງິນແສນໄຖ່ແຕ່ບໍ່ເຫັນໄຜ່ແສນເມືອງ. ຖ້າທ່ານໃດ, ກຸ່ມຄົນໃດເຮັດກໍຈະມີເຄາະກຳ ແລະ ຖືກປາບປາມ ຫລື ໃຊ້ມາດຕະການທາງກົດໝາຍ ເພາະສະພາບການລະບາດຂອງເຊື້ອພະຍາດໂຄວິດ-19 ມັນເຮັດໃຫ້ປະເທດຊາດບ້ານເມືອງປະສົບບັນຫາທາງດ້ານເສດຖະກິດຢ່າງໃຫຍ່ຫລວງ. ຍາມວິກິດຄົນລາວຍິ່ງສາມັກຄີຊ່ວຍເຫລືອກັນ ປະເທດຊາດຈຶ່ງພົ້ນໄພໄຮ້ວິກິດໂຄວິດ-19.

ຍາມບ້ານເມືອງວິກິດ ຢ່າຄິດໂລບມາກໂລພາ - WhatsApp Image 2020 05 27 at 5 - ຍາມບ້ານເມືອງວິກິດ ຢ່າຄິດໂລບມາກໂລພາ
ຍາມບ້ານເມືອງວິກິດ ຢ່າຄິດໂລບມາກໂລພາ - WhatsApp Image 2020 05 27 at 5 - ຍາມບ້ານເມືອງວິກິດ ຢ່າຄິດໂລບມາກໂລພາ
error: Alert: ເນື້ອຫາຂ່າວມີລິຂະສິດ !!