ນັກວິໄຈຈີນ ພົບໂຄວິດກາຍພັນເຖິງ 33 ສາຍພັນ ຊະນິດຮ້າຍແຮງສຸດຢູ່ເອີຣົບ

ນັກວິໄຈຈີນ ພົບໂຄວິດກາຍພັນເຖິງ 33 ສາຍພັນ ຊະນິດຮ້າຍແຮງສຸດຢູ່ເອີຣົບ - 231 1 - ນັກວິໄຈຈີນ ພົບໂຄວິດກາຍພັນເຖິງ 33 ສາຍພັນ ຊະນິດຮ້າຍແຮງສຸດຢູ່ເອີຣົບ
ນັກວິໄຈຈີນ ພົບໂຄວິດກາຍພັນເຖິງ 33 ສາຍພັນ ຊະນິດຮ້າຍແຮງສຸດຢູ່ເອີຣົບ - Untitled design - ນັກວິໄຈຈີນ ພົບໂຄວິດກາຍພັນເຖິງ 33 ສາຍພັນ ຊະນິດຮ້າຍແຮງສຸດຢູ່ເອີຣົບ

    ນັກວິທະຍາສາດຢູ່ຈີນຄົ້ນພົບການກາຍພັນຂອງໄວຣັສໂຄວິດ-19 ສູງເຖິງ 33 ສາຍພັນ ເຊິ່ງອາດເປັນສາເຫດທີ່ເຮັດໃຫ້ມັນລະບາດຢ່າງຮຸນແຮງໃນບາງພື້ນທີ່ຂອງໂລກ, ແຕ່ບາງແຫ່ງພັດລະບາດບໍ່ຫລາຍ.

ສຳນັກຂ່າວສະກາຍນິວ ລາຍງານໃນວັນທີ 22 ເມສານີ້ ວ່າ: ທີມນັກວິໄຈຈາກມະຫາວິທະຍາໄລ ເຈີ້ຈຽງ ເຊິ່ງລວມທັງສາສະດາຈານ ຫລີ່ ຫລານຈວນ ໜຶ່ງໃນນັກວິທະຍາສາດລະດັບຕົ້ນໆຂອງຈີນ ແລະ ເປັນຄົນທຳອິດທີ່ສະເໜີໃຫ້ລັອກດາວເມືອງອູ່ຮັ່ນ ສະຖານທີ່ທຳອິດທີ່ໂຄວິດ-19 ລະບາດ ລະບຸວ່າ: ພວກເຂົາມີຫລັກຖານວ່າ: ໄວຣັສຊະນິດນີ້ສາມາດກາຍພັນປ່ຽນແປງຄວາມສາມາດໃນການສ້າງພະຍາດຂອງຕົນເອງໄດ້ຫລາຍແບບ.

ຜົນການສຶກສາລະບຸວ່າ: ການວິໄຈໃຊ້ຕົວຢ່າງຈາກຄົນໄຂ້ 11 ຄົນ ເຊິ່ງປິ່ນປົວຢູ່ໂຮງໝໍຕ່າງໆໃນເມືອງຫາງໂຈ ຫາງຈາກເມືອງອູ່ຮັ່ນປະມານ 470 ໄມ ລະຫວ່າງວັນທີ 22 ກຸມພາ – 4 ມີນາ ເຊິ່ງເປັນໄລຍະທຳອິດຂອງການລະບາດ ພວກເຂົາສາມາດຈຳແນກສາຍພັນຂອງໄວຣັສ ‘ຊາຣ໌-ໂຄວີ-2’ ຫລື ‘ໂຄວິດ-19’ ໄດ້ເຖິງ 33 ສາຍພັນ ໃນຈຳນວນນີ້ມີ 19 ສາຍພັນທີ່ບໍ່ເຄີຍພົບມາກ່ອນ.

ໄວຣັສສາຍພັນຮຸນແຮງທີ່ສຸດທີ່ພົບໃນຕົວຢ່າງທົດລອງ ຍັງຖືກພົບໃນຄົນໄຂ້ສ່ວນຫລາຍທົ່ວເອີຣົບ. ຂະນະທີ່ສາຍພັນຄວາມຮຸນແຮງໜ້ອຍກວ່າ ເປັນຊະນິດດຽວກັບທີ່ພົບໃນຫລາຍພື້ນທີ່ຂອງອາເມລິກາເຊັ່ນ: ລັດວໍຊິງຕັນ. ນອກຈາກນີ້ ຍັງມີສາຍພັນໜຶ່ງທີ່ພົບໃນຕົວຢ່າງຂອງຄົນໄຂ້ 5 ຄົນ ເປັນຊະນິດດຽວກັບທີ່ພົບໃນກ່ອນໜ້ານີ້ໃນຄົນໄຂ້ຢູ່ອົດສະຕຣາລີພຽງຄົນດຽວເທົ່ານັ້ນ.

ທີມນັກວິໄຈເຕືອນວ່າ: ການຄົ້ນພົບນີ້ຊີ້ໃຫ້ເຫັນວ່າ: ພວກເຮົາຍັງບໍ່ເນັ້ນໜັກເຖິງຄວາມຫລາກຫລາຍທີ່ແທ້ຈິງຂອງໄວຣັສຊະນິດນີ້ ແລະ ການພັດທະນາວັກແຊງໃດໆ ຈຳເປັນຕ້ອງຄຳນຶງເຖິງຜົນກະທົບຈາກການກາຍພັນເຫລົ່ານີ້ນຳອີກ ເພື່ອຫລີກລ່ຽງກັບດັກທີ່ອາດແຝງຕົວຢູ່.

ນັກວິໄຈຈີນ ພົບໂຄວິດກາຍພັນເຖິງ 33 ສາຍພັນ ຊະນິດຮ້າຍແຮງສຸດຢູ່ເອີຣົບ - Wave100S AD to Website 2020 0 - ນັກວິໄຈຈີນ ພົບໂຄວິດກາຍພັນເຖິງ 33 ສາຍພັນ ຊະນິດຮ້າຍແຮງສຸດຢູ່ເອີຣົບ

ບັນດານັກວິທະຍາສາດຍັງສຶກສາເລື່ອງ ‘ໄວຣັສ ໂຫລດ’ (viral load) ຫລື ປະລິມານໄວຣັສ ທີ່ຢູ່ໃນຈຸລັງຂອງມະນຸດຫລັງຈາກເວລາຜ່ານໄປ 1, 2, 4 ແລະ 8 ຊົ່ວໂມງ ແລະ 1 ວັນ ແລະ 48 ຊົ່ວໂມງນຳອີກ ໂດຍພົບວ່າ: ໄວຣັສຊະນິດຮຸນແຮງທີ່ສຸດສ້າງຕົນເອງໃນຈຸລັງຂອງມະນຸດຫລາຍກວ່າສາຍພັນທີ່ເບົາທີ່ສຸດເຖິງ 270 ເທົ່າ ແລະ ຍິ່ງມີ ໄວຣັສ ໂຫລດ ສູງ ອັດຕາການຕາຍຂອງຈຸລັງຈະເພີ່ມຂຶ້ນໄປນຳ.

ທັງນີ້ ຜູ້ປ່ວຍທັງ 11 ຄົນທີ່ມີສ່ວນໃນການວິໄຈຄັ້ງນີ້ ປະກອບມີຜູ້ຊາຍ 8 ຄົນ, ຍິງ 3 ຄົນ ມີອາຍຸລະຫວ່າງ 4 ເດືອນເຖິງ 71 ປີ ມີອາການປ່ວຍໂຣກຕິດເຊື້ອໂຄວິດ-19 ໃນລະດັບປານກາງເຖິງຮຸນແຮງ. ເຖິງຢ່າງໃດກໍຕາມ, ຕອນນີ້ທັງໝົດໄດ້ຮັບການປິ່ນປົວຈົນຫາຍດີແລ້ວ.

ນັກວິໄຈຈີນ ພົບໂຄວິດກາຍພັນເຖິງ 33 ສາຍພັນ ຊະນິດຮ້າຍແຮງສຸດຢູ່ເອີຣົບ - WhatsApp Image 2020 05 27 at 5 - ນັກວິໄຈຈີນ ພົບໂຄວິດກາຍພັນເຖິງ 33 ສາຍພັນ ຊະນິດຮ້າຍແຮງສຸດຢູ່ເອີຣົບ
ນັກວິໄຈຈີນ ພົບໂຄວິດກາຍພັນເຖິງ 33 ສາຍພັນ ຊະນິດຮ້າຍແຮງສຸດຢູ່ເອີຣົບ - WhatsApp Image 2020 05 27 at 5 - ນັກວິໄຈຈີນ ພົບໂຄວິດກາຍພັນເຖິງ 33 ສາຍພັນ ຊະນິດຮ້າຍແຮງສຸດຢູ່ເອີຣົບ
error: Alert: ເນື້ອຫາຂ່າວມີລິຂະສິດ !!