ເບິ່ງກົດໝາຍໃໝ່ໆໃນຕ່າງປະເທດ

- advert banner 728 90 728x90 - ເບິ່ງກົດໝາຍໃໝ່ໆໃນຕ່າງປະເທດ

- Untitled 1 3 - ເບິ່ງກົດໝາຍໃໝ່ໆໃນຕ່າງປະເທດໂດຍ: ວິ​ເສດ ສະ​ແຫວ​ງສຶກສາ

- new3 - ເບິ່ງກົດໝາຍໃໝ່ໆໃນຕ່າງປະເທດ

ຄໍລຳປະຈຳວັນນີ້ມີເລື່ອງສະພານິຕິບັນຍັດແຫ່ງຊາດໄທ ພິຈາລະນາຮ່າງກົດໝາຍຄວບຄຸມຢາສູບສະບັບໃໝ່, ກົດ  ໝາຍທີ່ກຳນົດປະຕິບັດໂທດປະຫານຄືນໃໝ່ຢູ່ຟີລິບປິນ ແລະ ສຸດທ້າຍແມ່ນເລື່ອງກົດໝາຍອາຊະຍາກຳທາງເພດສະບັບ ປັບປຸງຂອງຍີ່ປຸ່ນ.

ສຳລັບຢູ່ປະເທດໄທ, ຂ່າວຕ່າງປະເທດໃນຕົ້ນເດືອນມີນາປີນີ້ໃຫ້ຊາບວ່າ: ສະພານິຕິບັນຍັດແຫ່ງຊາດໄທພວມຢູ່ໃນ ຂັ້ນຕອນພິຈາລະນາຮ່າງກົດໝາຍຄວບຄຸມຢາສູບສະບັບໃໝ່ທີ່ຈະປັບຂຶ້ນອາຍຸຜູ້ມີສິດສູບຢາຈາກ 18 ປີ ໃນປັດຈຸບັນ ເປັນ 20 ປີ. ທັງນີ້ກໍເພື່ອຫລຸດຜ່ອນບັນຫາຊາວໜຸ່ມຕິດຢາສູບ ໄປພ້ອມໆກັບກຳນົດໂທດຜູ້ລະເມີດກົດໝາຍໜັກຂຶ້ນ  ກວ່າເກົ່າ. ຕົວຢ່າງໃຜກໍຕາມທີ່ຈຳໜ່າຍຢາສູບໃຫ້ເຍົາວະຊົນທີ່ບໍ່ທັນບັນລຸນິຕິພາວະອາດໄດ້ຮັບໂທດຈຳຄຸກເປັນເວລາ 3 ເດືອນ ຫລື ເສຍຄ່າປັບໄໝ 30.000 ບາດ ຫລື ທັງຈຳຄຸກທັງປັບ. ພາຍໃຕ້ກົດໝາຍສະບັບປັບປຸງ, ຜູ້ທີ່ມີສິດຂາຍຢາ ສູບຕ້ອງມີອາຍຸຢ່າງຕໍ່າ 18 ປີ, ຢາສູບທີ່ຂາຍຕ້ອງບັນຈຸຢູ່ຊອງໃນຈຳນວນ 20 ກອກ ແລະ ຫ້າມຂາຍຢາສູບເປັນ  ກອກເດັດຂາດ, ການຈຳໜ່າຍຢາສູບຜ່ານເຄືອຂ່າຍອອນລາຍຖືກເກືອດຫ້າມ, ສ່ວນສະຖານທີ່ສຳລັບຂາຍຢາສູບຕ້ອງ ໄດ້ຮັບອະນຸຍາດຈາກທາງການກ່ຽວຂ້ອງກ່ອນ. ນອກນັ້ນ ຍັງມີການເກືອດຫ້າມການຈັດກິດຈະກຳຕ່າງໆ ເພື່ອໂຄສະ ນາຈຳໜ່າຍຢາສູບ, ຜູ້ລະເມີດອາດໄດ້ຮັບໂທດຈຳຄຸກເປັນເວລາ 1 ເດືອນ ຫລື ເສຍຄ່າປັບໄໝເປັນຈຳນວນເງິນ 500.000 ບາດ, ຜູ້ຈຳໜ່າຍຢາສູບບໍ່ສາມາດຫລຸດລາຄາຢາສູບ ຫລື ແຈກໂຊກ ເພື່ອໂຄສະນາຢາສູບ. ກົດໝາຍສະ  ບັບນີ້ຍັງໄດ້ກຳນົດຄວບຄຸມຜະລິດຕະພັນທຸກຊະນິດທີ່ມີທາດນິໂກຕິນນຳດ້ວຍ. ສຳລັບຢູ່ຟີລິບປິນ, ສະພາຜູ້ແທນ ລາສະດອນ ໄດ້ລົງມະຕິຜ່ານຮ່າງກົດໝາຍນຳໂທດປະຫານຊີວິດມາໃຊ້ຄືນໃໝ່ ພາຍຫລັງໄດ້ລະງັບໄປເປັນເວລາ 11 ປີ. ຮ່າງກົດໝາຍທີ່ຮັບຜ່ານໃໝ່ນີ້ໄດ້ຜະເຊີນກັບສຽງຄັດຄ້ານຈາກອົງການຈັດຕັ້ງຂອງຊາວຄຣິດສະຕຽນນິກາຍໂຣມັນ ກາໂຕລິກ. ໂທດປະຫານຊີວິດດັ່ງກ່າວ ໃນເບື້ອງຕົ້ນໄດ້ມີການສະເໜີໃຫ້ປະຕິບັດກັບໂທດອາຍາທີ່ຮ້າຍແຮງເຊັ່ນ: ຂົ່ມ ຂືນ, ລັກພາຕົວຮຽກຄ່າໄຖ່, ປຸ້ນຊັບ, ສໍ້ໂກງຊາດ ແຕ່ສຸດທ້າຍໄດ້ຕົກລົງນຳໃຊ້ສະເພາະໂທດຄະດີຢາເສບຕິດຂັ້ນຮ້າຍ ແຮງເທົ່ານັ້ນ. ສ່ວນຢູ່ປະເທດຍີ່ປຸ່ນນັ້ນ, ລັດຖະບານໄດ້ປະກາດແຜນປັບປຸງກົດໝາຍວ່າດ້ວຍອາຊະຍາກຳທາງເພດ ເພາະກົດໝາຍທີ່ຍັງໃຊ້ຢູ່ໃນປັດຈຸບັນນີ້ແມ່ນສະບັບປີ 1907 ເຊິ່ງມີອາຍຸ 110 ປີ. ສັງຄົມຍີ່ປຸ່ນຕ່າງກໍວິພາກວິຈານວ່າ: ກົດໝາຍສະບັບນີ້ຫລ້າສະໄໝ ແລະ ກຳນົດໂທດອາຊະຍາກຳທາງເພດເບົາບາງເກີນໄປ. ໃນຮ່າງກົດໝາຍສະບັບປັບ ປຸງໄດ້ມີການກຳນົດໂທດຄະດີຂົ່ມຂືນໜັກຂຶ້ນ ຄືຈາກໂທດຕິດຄຸກ 3 ປີ ເປັນ 5 ປີ ໂດຍທີ່ຜູ້ຖືກເຄາະຮ້າຍບໍ່ຈຳເປັນຍື່ນ  ຄຳຮ້ອງຟ້ອງເອງອີກຕໍ່ໄປ. ກົດໝາຍສະບັບປັບປຸງກຳນົດສິດປົກປ້ອງຜູ້ຕົກເປັນເຫຍື່ອການຂົ່ມຂືນທັງຍິງ ແລະ ຊາຍ.

error: Content is protected !!