ສະ​ຫລຸບ​ເລື່ອງ​ການລົ້ມລະ​ລາຍ​ Virgin Australia ສາຍ​ການ​ບິນ​ອັນ​ດັບ​ສອງ​ໃນ​ປະ​ເທດ ອົດ​ສະ​ຕ​າລີ

- 22345 - ສະ​ຫລຸບ​ເລື່ອງ​ການລົ້ມລະ​ລາຍ​ Virgin Australia ສາຍ​ການ​ບິນ​ອັນ​ດັບ​ສອງ​ໃນ​ປະ​ເທດ ອົດ​ສະ​ຕ​າລີ
- Untitled design - ສະ​ຫລຸບ​ເລື່ອງ​ການລົ້ມລະ​ລາຍ​ Virgin Australia ສາຍ​ການ​ບິນ​ອັນ​ດັບ​ສອງ​ໃນ​ປະ​ເທດ ອົດ​ສະ​ຕ​າລີ

ເປັນ​ຫຍັງ​ເລື່ອງ​ດັ່ງ​ກ່າວ​ຈິ່ງ​ຫນ້າ​ສົນ​ໃຈ? ແລ້ວ​ຈະ​ສົ່ງ​ຜົນ​ມາຮອດ​​ເຮົາ ຫລື ບໍ່?.

(ເກີດ​ອີ​ຫຍັງ​ຂຶ້ນ​ກັບ Virgin Australia)

ຫລັງ​ຈາກ​ປະ​ສົບ​ກັບ​ບັນ​ຫາ​ຂາດ​ທຶນ​ຕໍ່​ເນື່ອງ​ຍາວ​ມາຈົນ​ຮອດ 7 ປີ ພ້ອມ​ກັບ​ຫນີ້​ສິນ​ປະ​ມານ 100.000 ລ້ານ​ບາດ (ສະ​ກຸນ​ເງິນ​ໄທ) ແລ້ວ​ມີ​ຜົນ​​ກະ​ທົບ​ກັບ​ວິດ​ກິດ​ໂຄວິດ-19 ​ນຳອີກ.ສາຍ​ການ​ບິນ Virgin Australia ທີ່​ກຳ​ລັງ​ຂໍ​ກູ້​ຢືມ​ເງິນຈາກ​ລັດ​ຖະ​ບານ ອົດ​ສະ​ຕາ​ລີ ປະ​ມານ 30.000 ລ້ານ​ບາດ (ສະ​ກຸນ​ເງິນ​ໄທ).

ແຕ່​ຄຳ​ຂໍ​ຮ້ອງ​ດັ່ງ​ກ່າວ (ບໍ່​ໄດ້​ຮັບ​ການ​ອະ​ນຸ​ມັດ) ເພາະ​ເລື່ອງນີ້​ມີ​ຄວາ​ມຊັບ​ຊ້ອນ​ຫນ້ອຍ​ຫນຶ່ງ.

ລັດ​ຖະ​ບານ ອົດ​ສະ​ຕາລີ ເປັນ​ຫວ່ງ​ເງິນ​ດັ່ງ​ກ່າວ​ອາດ​ເອົາ​ໄປ​ນຳ​ໃຊ້​ຢ່າງ​ບໍ່​ເຫມາ​ະ​ສົມ ໂດຍ​ສະ​ເພາະ​ Virgin Australia ເປັນ​ເຈົ້າ​ຂອງ​ສາຍ​ການ​ບິນ ແລະ ນັກ​ທຸ​ລະ​ກິດ​ຕ່າງ​ປະ​ເທດ.

ເຈົ້າ​ຂອງ​ທີ່​ແທ້​ຈິງ ຂອງ​ສາຍ​ການ​ບິນນີ້​ກໍ​ຄື Richard Branson ນັກ​ທຸ​ລະ​ກິດ​ຊື່​ດັ່ງ HNA Group ເປັນ​ບໍ​ລິ​ສັດ​ຂອງ​ຈີນ ລວມ​ທັງ​ສາຍ​ການ​ບິນ​ດັງ​ຢາງ Singapore Airlines ແລະ Etihad Airways.

ເຊິ່ງ​ທຸ​ລະ​ກິດ​ດັ່ງ​ກ່າວ​ກໍ​ໄດ້​ຮັບ​ເງິນ​ຊ່ວຍ​ເຫລືອ​ພິ​ເສດ​ຈາກ​ທາງ​ລັດ​ຖະ​ບານ​ຂອງ​ແຕ່​ລະ​ປະ​ເທດ ແຕ່​ເປັນ​ເງິນ​ຊ່ວຍ​ເຫລືອ​ທຸ​ລະ​ກິດ​ໃນ​ປະ​ເທດ​ເທົ່າ​ນັ້ນ ຈິ່ງ​ບໍ່​ສາ​ມາດ​ເອົາ​ເງິນ​ມາ​ຊ່ວຍ Virgin Australia ໄດ້​.

ທາງ​ສາຍ​ການ​ບິນ ຈິ່ງ​ຕ້ອງ​ໄດ້​ເຂົ້າ​ຫາ​ລັດ​ຖະ​ບານ ອົດ​ສະ​ຕາ​ລີ

ແຕ່​ທຸ​ກ​ຢ່າງ​ທີ່​ເວົ້າ​ໄປ​ວ່າ: ລັດ​ຖະ​ບານ​ຈະ​ເບິ່ງວ່າ ເຈົ້າ​ຂອງຄົນ​ເກົ່າ​ບໍ່​ຍອມ​ໃຊ້​ເງິນ​ສ່ວນ​ຕົວ​ມາ​ອຸດ​ຫນູນ​ບ່ອນນີ້ ແລ້ວ​ເປັນ​ຫຍັງ​ຕ້ອງ​ເປັນ​ຫນ້າ​ທີ່​ຂອງ​ພາກ​ລັດ​ທີ່​ຕ້ອງ​ປ່ອຍ​ເງິນ​ກູ້​ໃຫ້?

ໃນ​ທີ່​ສຸດ ເມື່ອ​ຄຳ​ຂໍ​ກູ້​ເງິນ​ຄັ້ງ​ນີ້ ບໍ່​ສຳ​ເລັດ​ຝ່າຍ​ບໍ​ລິ​ຫານ​ຂອງ​ສາຍ​ການ​ບິນ ຈິ່ງ​ຕັດ​ສິນ​ໃຈ​ຂໍ​ເຂົ້າ​ສູ່ຂະ​ບວນ​ການ​ລົ້ມ​ລະ​ລາຍ.

ຈາກນັ້ນ​ບໍ​ລິ​ສັດ​ກໍ​ຖືກ​ສົ່ງ​ຕໍ່​ໃຫ້​ກັບ Deloitte ບໍ​ລິ​ສັດ​ກວດ​ສອບ​ບັນ​ຊີ​ຊື່​ດັງ​ເປັນ​ຜູ້​ຄວບ​ຄຸມ​ເບິ່ງ​.

ດັ່ງ​ນັ້ນ Deloitte ຈະ​ເຮັດ​ການ​ປັບ​ຊຳ​ລະ​ບັນ​ຊີ ເຂົ້າ​ຮ່ວມ​ເຈ​ລະ​ຈາ​ກັບ​ນັກ​ລົງ​ທຶນ ທີ່​ສົນ​ໃຈ​ຈະ​ມາ​ເຊັງ​ທຸ​ລະ​ກິດນີ້ ເຊິ່ງ​ລ່າ​ສຸດ​ກໍ​ມີ​ລາຍ​ງານ​ວ່າ​ມີ​ເຈ​ົ້າ​ຂອງ​ທຸ​ລະ​ກິດ​ຂະ​ຫນາດ​ນ້ອຍ 10 ແຫ່ງ ທີ່​ໃຫ້​ຄວາມ​ສົນ​ໃຈ.

ທາງ​ດ້ານ​ລັດ​ຖະ​ບານ ອົດ​ສະ​ຕາລີ ເຖິງວ່າ​ຈະ​ບໍ່​ໃຫ້​ເງິນ​ກູ້​ຮອບ​ລ່າ​ສຸດ ແຕ່​ກໍ​ມີ​ແນວ​ໂນ້ມ​ທີ່​ຈະ​ສະ​ຫນັບ​ສະ ​ຫນູນ​ເງິນ​ກູ້​ໃຫ້​ກັບ (ເຈົ້າ​ຂອງ​ໃຫມ່).

ຖ້າ Virgin Australia ບໍ່​ມີ​ອີກ ກໍ​ຈະ​ມີແຕ່​ສາຍ​ການ​ບິນ Qantas ເປັນ​ສາຍ​ການ​ບິນ​ໃຫຍ່​ອັນ​ດຽວ

(ຈາກ Virgin Australia ກັບ​ມາ​ເບິ່ງ ການ​ບິນ​ໄທ)

ເຖິງວ່າ​ການ​ລົ້ມ​ລະ​ລາຍ​ຂອງ​ສາຍ​ການ​ບິນ​ໃຫຍ່​ໃນ​ຄັ້ງ​ນີ້ ຄາດ​ວ່າ​ຈະ​ສົ່ງ​ຜົນ​ກະ​ທົບ​ຕໍ່​ອ​ຸດ​ສະ​ຫະ​ກຳ​ການ​ບິນ ໃນ​ອົດ​ສະ​ຕ​າລີ, ແຕ່ Virgin Australia ແລະ ການ​ບິນ​ໄທ ມີ​ເລື່ອງ​ທີ່​ຄ້າຍ​ຄື​ກັນ ຢ່າງ​ຫນຶ່ງ​ກໍ​ຄື ບໍ​ລິ​ສັດ​ຂາດ​ທຶນ​ຕໍ່​ເນື່ອງ​ໃນ​ໄລ​ຍະ​ຫລາຍ​ປີ​ກ່ອນ.

ໃນ​ຮອບ 10 ປີ​ທີ່​ຜ່ານ​ມາ ສາຍ​ການ​ບິນ​ອັນ​ດັບ​ສອງ​ຂອງ​ແດນ​ຈິງ​ໂຈ້ ຂາດ​ທຶນ​ຕໍ່​ເນື່ອງ​ມາ​ຮອດ 7 ປີ​ແລ້ວແລະ ຫາກ​ເຮົາ​ຈະ​ປ່ຽບ​ທຽບ​ໃນ​ໄລ​ຍະ​ເວ​ລາ 2 ປີ ທີ່​ຜ່ານ​ມາ ຈະ​ເຫັນ​ວ່າ:

- Wave100S AD to Website 2020 0 - ສະ​ຫລຸບ​ເລື່ອງ​ການລົ້ມລະ​ລາຍ​ Virgin Australia ສາຍ​ການ​ບິນ​ອັນ​ດັບ​ສອງ​ໃນ​ປະ​ເທດ ອົດ​ສະ​ຕ​າລີ

Virgin Australia ໃນ​ປີ 2018 ມີ​ລາຍ​ຮັບ 111.000 ລ້ານ​ບາດ, ຂາດ​ທຶນ 13.400ລ້ານ​ບາດ (ສະ​ກຸນ​ເງິນ​ໄທ),ໃນ​ປີ 2019​ ມີ​ລາຍ​ຮັບ 120.000 ລ້ານ​ບາດ , ຂາດ​ທຶນ 6.400 ລ້ານ​ບາດ(ສະ​ກຸນ​ເງິນ​ໄທ).

ການ​ບິນ​ໄທ:ໃນ​ປີ 2018 ມີ​ລາຍ​ຮັບ 200.000 ລ້ານ​ບາດ , ຂາດ​ທຶນ 11.000 ລ້ານ​ບາດ(ສະ​ກຸນ​ເງິນ​ໄທ) ແລະ ໃນ​ປີ 2019 ມີ​ລາຍ​ຮັບ 188.000 ລ້ານ​ບາດ, ຂາດ​ທຶນ 12.000 ລ້ານ​ບາດ (ສະ​ກຸນ​ເງິນ​ໄທ).

ຕົວ​ເລກ​ທີ່​ຫນ້າ​ສົນ​ໃຈ​ກໍ​ຄື (ສ່ວນ​ຂອງ​ຜູ້​ຖື​ຫຸ້ນ) ຂອງ​ການ​ບິນ​ໄທ (ຍອດ​ຊັບ​ສິນ ລົບ​ກັບ ຫນີ້​ສິນ) ລຸດ​ລົງ​ເຫລືອ​ພຽງ 1 ໃນ 3 ເທົ່າ​ນັ້ນ​ໃນ​ໄລ​ຍະ 3 ປີ​ຜ່ານ​ມາ.

ຈາກ​ສ່ວນ​ຂອງ​ຜູ້​ຖື​ຫຸ້ນ​ປະ​ມານ 30.000 ລ້ານ​ບາດ (ສະ​ກຸນ​ເງິນ​ໄທ) ໃນ​ປີ 2017 ເຫລືອ​ປະ​ມານ 11.000 ລ້ານ​ບາດ ໃນ​ປີ​ລ່າ​ສຸດ.

ການ​ລາຍ​ງານ​ຂ່າວ​ກ່ອນ​ຫນ້ານີ້ ໃຫ້​ຮູ້​ວ່າ: ການ​ບິນ​ໄທ​ເຫລືອ​ເງິນ​ສົດ​ປະ​ມານ 10.000 ລ້ານ​ບາດ ເຊິ່ງ​ສາ​ມາດ​ໃຊ້​ຈ່າຍ​ໄດ້​ພຽງ​ແຕ່​ເດືອນ​ດຽວ​ເທົ່າ​ນັ້ນ ແລະ ຕອນນີ້​ເງິນ​ສົດ​ແມ່ນ​ຂາດມື.ເຊິ່ງ​ມັນ​ຖືກ​ກັບ​ຂ່າວ​ທີ່​ອອກ​ມາ​ໃນ​ເດືອນ​ມີ​ນາ​ວ່າ ການ​ບິນ​ໄທ​ສະ​ເຫນີ​ແຜນ​ວຽກ​ກູ້​ຢືມ​ເງິນ 50.000 ລ້ານ ແຕ່​ຖືກ​ກະ​ຊວງ​ຄົມ​ມະ​ນາ​ຄົມ​ຕີ​ກັບ​ຄືນ ເພາະ​ລາຍ​ລະ​ອຽດ​ຂອງ​ແຜນ​ຍັງ​ບໍ່​ຈະ​ແຈ້ງ.

ບໍ​ລິ​ສັດ​ຈິ່ງ​ຕ້ອງ​ກັບ​ມາ​ທົບ​ທວນ​ແຜນ ເພື່ອ​ເຮັດ​ເລື່ອງ​ຂໍ​ຄ້ຳ​ປະ​ກັນ​ເງິນ​ກູ້​ຈາກ​ລັດ​ຖະ​ບານ​ໃຫມ່​ອີກ​ເທື່ອ ຫລື ບໍ່​ຕ້ອງ​ເບິ່ງ​ຫາ​ເງິນ​ຈາກ​ນັກ​ລົງ​ທຶນ​ລາຍ​ອື່ນໆ.

ກ່ອນ​ຫນ້ານີ້​ມີ​ຂ່າວ​ສື​ອອກ​ມາ​ວ່າ ອາດ​ຈະ​ມີ​ການ​ລົງ​ທຶນ​ເພີ່ມ​ໃນ​ການ​ບິນ​ໄທ ຈາກ​ກຸ່ມ​ທຶນ​ໃຫຍ່​ຂອງ​ປະ​ເທດ ບໍ່​ວ່າ​ຈະ​ເປັນ ທ່ານ ຈະ​ເລີນ ກຸ່ມ ປ​ຕ​ທ ລວມ​ທັງ AOT ແຕ່​ສຸດ​ທ້າຍ​ກໍ​ເປັນ​ພຽງ​ຂ່າວ​ລື​ເທົ່າ​ນັ້ນ. ເຮົາ​ຕ້ອງ​ຕິດ​ຕາມ​ກັນ​ວ່າ​ການ​ບິນ​ໄທ ຈະ​ສາ​ມາດ​ເບິ່ງ​ຫາ​ທາງ​ອອກ​ຈາກວິ​ກິດນີ້​ໄດ້​ແບບ​ໃດ?

ນີ້​ອາ​ດ​ເປັນ​ພຽງ​ຈຸດ​ເລີ່ມ​ຕົ້ນ.

ກ່ອນ​ຫນ້ານີ້ ຫນ່ວຍ​ງານ​ວິ​ເຄາະ​ດ້ານ​ກາ​ນ​ບິນ CAPA ໄດ້​ອອກ​ມາ​ປະ​ເມີນ​ວ່າ ວິ​ກິດ​ໂຄວິດ-19 ທີ່​ກຳ​ລັງ​ທຳ​ລາຍ​ທຸ​ລະ​ກິດ​ການ​ບິນ​ໂດຍ​ກົງ ຈະ​ເຮັດ​ໃຫ້​ສາຍ​ການ​ບິນ​ຫລາຍ​ແຫ່ງ​ລົ້ມ​ລະ​ລາຍ​ໄປ​ໃນ​ປີ ນີ້.

ເຊິ່ງ​ການ​ປະ​ເມີນນີ້ ກໍ​ໄປ​ກົງ​ກັບ​ລາຍ​ງານ​ສະ​ມາ​ຄົມ​ຂົນ​ສົ່ງ​ທາງ​ອາ​ກາດ​ລະ​ຫວ່າງ​ປະ​ເທດ ທີ່​ລະ​ບຸ​ວ່າ ອຳ​ນາດ​ຂອງ​ພະ​ນັກ​ງານ​ສາຍ​ການ​ບິນ​ທົ່ວ​ໂລກ 25 ລ້ານ​ຄົນ ກຳ​ລັງ​ຢູ່​ກັບ​ຄວາມ​ສ່ຽງ.ພວກ​ເຂົາ​ຍັງ​ເນັ້ນ​ວ່າ (ໂດຍ​ສະ​ເພາະ​ສາຍ​ການ​ບິນ​ພູ​ມີ​ພາກ​ອາ​ຊຽນປາ​ຊີ​ຟິກ)

ວິ​ກິດ​ຄັ້ງ​ນີ້ Virgin Australia ຄື​ສາຍ​ການ​ບິນ​ລາຍ​ໃຫຍ່​ເປັນ​ເຈົ້າ​ທຳ​ອິດ​ເຂົ້າ​ສູ່​ລະ​ບົບ​ການ​ລົ້ມ​ລະ​ລາຍ.

ນີ້​ອາດ​ບໍ່​ແມ່ນ​ຈຸດ​ສິ້ນ​ສຸດ​ຂອ​ງວິ​ກິດ ແຕ່​ອາດ​ຈະ​ເປັນ​ພຽງ​ຈຸດ​ເລີ່ມ​ຕົ້ນ​ເທົ່າ​ນັ້ນ.

ເຮົາ​ອາດ​ບໍ່​ຕ້ອງ​ຖາມ​ວ່າ ຈະ​ເກີດ​ການ​ລົ້ມ​ລະ​ລາຍ​ຕາມ​ມາ​ອີກ​ຫລື ບໍ່​ເພາະ​ຫນ້າ​ຈະ​ເກີດ​ຂຶ້ນ​ຕາມ​ມາ​ໃນ​ບໍ່​ຊ້າ.

ຄຳ​ຖາມ​ຄື ຈະ​ມີ​ອີກ​ຈັກ​ສາຍ​ກິນ​ບິນ ຫລື ມີ​ສາຍ​ການ​ບິນ​ໃຫຍ່​ລາຍ​ໃຫມ່​ທີ່​ຈະ​ຕ້ອງ​ເຂົ້າ​ສູ່​ຂະ​ບວນ​ການ (ລົ້ມ​ລະ​ລາຍ) ໃນ​ອະ​ນາ​ຄົດ​ອັນ​ໃກ້​ຄຽງ.

- WhatsApp Image 2020 05 27 at 5 - ສະ​ຫລຸບ​ເລື່ອງ​ການລົ້ມລະ​ລາຍ​ Virgin Australia ສາຍ​ການ​ບິນ​ອັນ​ດັບ​ສອງ​ໃນ​ປະ​ເທດ ອົດ​ສະ​ຕ​າລີ
- WhatsApp Image 2020 05 27 at 5 - ສະ​ຫລຸບ​ເລື່ອງ​ການລົ້ມລະ​ລາຍ​ Virgin Australia ສາຍ​ການ​ບິນ​ອັນ​ດັບ​ສອງ​ໃນ​ປະ​ເທດ ອົດ​ສະ​ຕ​າລີ
error: Alert: ເນື້ອຫາຂ່າວມີລິຂະສິດ !!