ໃນ​ໄລ​ຍະ​ວິ​ກິດ​ໂຄວິດ-19 ຫລາຍ​ຄົນ​ອາດ​ຈະ​ໄດ້​ຍິນ​ຄຳ​ວ່າ “New Normal” ຄຳ​ສັບ​ໃຫມ່​ທີ່​ພາ​ກັນ​ເວົ້າ​ຫລາຍ​ຂຶ້ນ

- 888 1 - ໃນ​ໄລ​ຍະ​ວິ​ກິດ​ໂຄວິດ-19 ຫລາຍ​ຄົນ​ອາດ​ຈະ​ໄດ້​ຍິນ​ຄຳ​ວ່າ “New Normal” ຄຳ​ສັບ​ໃຫມ່​ທີ່​ພາ​ກັນ​ເວົ້າ​ຫລາຍ​ຂຶ້ນ
- Untitled design - ໃນ​ໄລ​ຍະ​ວິ​ກິດ​ໂຄວິດ-19 ຫລາຍ​ຄົນ​ອາດ​ຈະ​ໄດ້​ຍິນ​ຄຳ​ວ່າ “New Normal” ຄຳ​ສັບ​ໃຫມ່​ທີ່​ພາ​ກັນ​ເວົ້າ​ຫລາຍ​ຂຶ້ນ

ຄຳ​ດັ່ງ​ກ່າວ ມັກ​ຖືກ​ນຳ​ມາ​ໃຊ້​ອະ​ທິ​ບາຍ​ພຶດ​ຕະ​ກຳໃຫມ່​ຂອງ​ຜູ້​ບໍ​ລິ​ໂພກ​ທີ່​ປ່ຽນ​ໄປ ຫລັງ​ຈາກ​ໂຣກ​ລະ​ບາດ​ຄັ້ງ​ນີ້​ຈົບ​ລົງ.

New Normal” ມີ​ທີ່​ມາ​ຈາກໃສ? ແລ້ວ​ຫມາຍ​ຄວາມ​ວ່າ​ຈັງ​ໃດ​? ແນະ​ນຳ​ໃຫ້​ຮູ້​ຈັກ​ໃນ​ບົດ​ຄວາມນີ້.

1. ທີ່​ມາ​ຂອງ​ຄຳ​ວ່າ “New Normal”

ຈາກ​ຂໍ້​ມູນ​ເຫັນ​ວ່າ “New Normal” ຖືກ​ນຳ​ມາ​ໃຊ້​ໂດຍ Bill Gross ຜູ້​ສ້າງ​ຕັ້ງ​ບໍ​ລິ​ສັດ​ບໍ​ລິ​ຫານ​ສິນ​ຄ້າ​ ຊາວ​ອາ​ເມ​ລິ​ກາ.ໂດຍ​ໃຊ້​ອະ​ທິ​ບາຍ​ສະ​ພາ​ວະ​ເສດ​ຖະ​ກິດ​ໂລກ ຫລັງ​ຈາກ​ເກີດ​ວິ​ກິດ​ເສດ​ຖະ​ກິດ​ແຮມ​ເບີ​ເກີ ໃນ​ສະ​ຫະ​ລັດ ໄລ​ຍະ​​ໃນ​ປີ 2007-2009.

ສາ​ເຫດ​ທີ່​ເຂົາ​ຕ້ອງ​ໃຊ້​ຄຳ​ວ່າ “New Normal” ນັ້ນ​ກໍ​ເພາະ​ແຕ່​ເກົ່າ ວິ​ກິດ​ເສດ​ຖະ​ກິດ​ຈະ​ມີ​ຮູບ​ແບບ​ຄ່ອຍ​ຂ້າງ​ຈະ​ແຈ້ງ.

ເມື່ອ​ເສດ​ຖະ​ກິດ​ເຕີບ​ໃຫຍ່ ໄປ​ໄດ້​ໄລ​ຍະ​ຫນຶ່ງ ຈະ​ມີ​ປັດ​ໄຈ​ທີ່​ເຮັດ​ໃຫ້​ເກີດ​ຟອງ​ສະ​ບູ ແລ້ວ​ກໍ​ເກີດ​ເປັນ​ວິ​ກິດ​ທາງ​ເສດ​ຖະ​ກິດ​ຕໍ່​ມາ.

ຫລັງ​ຈາກ​ເກີດ​ວິ​ກິດ​ເສດ​ຖະ​ກິດ ບໍ່​ດົນ​ເສດ​ຖະ​ກິດ​ກໍ​ຈະ​ເລີ່ມ​ຟື້ນ​ຟູ ແລ້ວ​ກໍ​ກັບ​ມາ​ເຕີບ​ໃຫຍ່ ໄດ້​ອີກ​ໃນ​ໄລ​ຍະ​ເວ​ລາ​ບໍ່​ດົນ.

ສິ່ງ​ເຫລົ່າ​ນີ້​ຄື​ສິ່ງ​ທີ່​ເກີດ​ຂຶ້ນ​ເປັນ​ປົກ​ກະ​ຕິ ຈະ​ເອີ້ນ​ວ່າ “ Normal” ກະ​ໄດ້.

ແຕ່​ຫລັງ​ຈາກ​ການ​ເກີດ​ວິ​ກິດ​ໃນ​ຄັ້ງ​ນີ້ ຫລາຍ​ຄົນ​ເບິ່ງວ່າ​ເສດ​ຖະ​ກິດ​ໂລກ​ຈະ​ບໍ່​ສາ​ມາດ​ກັບ​ໄປ​ເຕີບ​ໃຫຍ່ ໄດ້​ດີ​ຄື​ເກົ່າເຊັ່ນ:ການ​ພະ​ຍາ​ຍາມ​ກະ​ຕຸ້ນ​ເສດ​ຖະ​ກິດ​ຫລາຍ​ເກີນ​ໄປ ທີ່​ຫລາຍ​ປະ​ເທດ​ມີ​ຫນີ້​ ສາ​ທາລະ​ນະ​ຫລາຍ.ການ​ມີ​ຫນ່ວຍ​ງານ​ກຳ​ກັບ​ເບິ່ງ​ແຍງ​ທີ່​ເຂັ້ມ​ງວດ ເຮັດ​ໃຫ້​ນັກ​ລົງ​ທຶນ​ໄດ້​ຜົນ​ຕອບ​ແທນ​ລຸດ​ລົງ.ການ​ຍືມ​ເງິນ​ໃນ​ອາ​ນາ​ຄົດ ເພື່ອ​ແລກ​ປ່ຽນ​ກັບ​ໂຕ​ເລກ​ເຕີບ​ໃຫຍ່​ທາງ​ເສ​ດ​ຖະ​ກິດ ໃນ​ມື້ນີ້ ຈະ​ສົ່​ງ ຜົນ​ໃຫ້​ເຕີບ​ໃຫຍ່​ໄດ້​ລຸດ​ລົງ​ໃນ​ອະ​ນາ​ຄົດ.

ຈາກນັ້ນ​ເປັນ​ຕົ້ນ​ມາ ຄຳ​ວ່າ “New Normal” ມັກ​ຈະ​ຖືກ​ນຳ​ມາ​ໃຊ້​ເອີ້ນ​ວ່າ​: ການ​ເຕີບ​ໃຫຍ່​ທາງ​ເສ​ດ​ຖະ​ກິດ​ທີ່​ທົດ​ຖອຍ​ລົງ ແລະ ອາດ​ຈະ​ບໍ່​ມີ​ວັນ​ໃຫຍ່​ໄດ້​ໃນ​ລະ​ດັບ​ແບບ​ເກົ່າ​ອີກ​ແລ້ວ.

2. ຕົວ​ຢ່າງ​ຂອງ “New Normal”ຄຳ​ນີ້​ຈະ​ເກີດ​ຈາກ​ປະ​ຊາ​ຊົນ​ອາ​ເມ​ລິ​ກາ ແຕ່​ຖ້າ​ຈະ​ໃຫ້​ເຫັນ​ພາບ​ຂອງ​ຄຳ​ວ່າ “New Normal” ໄດ້​ຈະ​ແຈ້ງ​ທີ່​ສຸດ ມັນຕ້ອງຍົກ​ຕົວ​ຢ່າງ​ການ​ເຕີບ​ໃຫຍ່​ທາງ​ເສດ​ຖະ​ກິດ​ຂອງ​ຈີນ.

ຕັ້ງ​ແຕ່​ປີ 2002 ຈົນ​ຮອດ 2007 ກ່ອນ​ເກີດ​ວິ​ກິດ​ການ​ເງິນ​ໃນ​ສະ​ຫະ​ລັດ ​ເສດ​ຖະ​ກິດ​ຈີນຂະ​ຫຍາຍ​ຕົວ​ໃນ​ອັດ​ຕາ​ຫລາຍກວ່າ 10% ມາ​ໂດຍ​ຕະ​ຫລອດ.ພໍ​ມາ​ຮອດ​ປີ 2008 ເສດ​ຖະ​ກິດ​ຂອງ​ຈີນ​ເລີ່ມ​ມີ​ຕົວ​ເລກ​ການ​ເຕີບ​ໃຫຍ່​ລຸດ​ລົງເລື້ອຍໆ ແລະ ຫລ​ັງຈາກ​ປີ 2014 ເປັນ​ຕົ້ນ​ມາ ເສດ​ຖະ​ກິດ​ຈີນນັ້ນ​ຍັງ​ບໍ່​ຄ່ອຍ​ໃຫຍ່​ຫລາຍກວ່າ 7%ອີກ.

ປະ​ທາ​ນາ​ທິ​ບໍ​ດີ ສີ​ຈິ້ນ​ຜິງ ອອກ​ມາ​ຍອມ​ຮັບ​ວ່າ​ການ​ເຕ​ີບ​ໃຫຍ່ 7% ແທນ​ທີ່​ຈະ​ເປັນ 10% ຄື​ແຕ່​ຄັ້ງ​ກ່ອນ​ ບໍ່​ແມ່ນ​ການ​ທົດ​ຖອຍ​ທາງ​ເສດ​ຖະ​ກິດ.ພຽງ​ແຕ່​ເປັນ “New Normal” ຂອງ​ຈີນ ໃນ​ອະ​ນາ​ຄົດ ເຊິ່ງ​ເມື່ອ​ໃຫຍ່​ຂຶ້ນ​ມາ​ເຖິງ​ລະ​ດັບ​ນີ້ ຈະ​ໃຫ້​ໂຕ​ເລກ​ທາງ​ເສດ​ຖະ​ກິດ​ກັບ​ໄປ​ໃຫຍ່​ແບບ​ໄວໆ ຄົງ​ເປັນ​ໄປ​ບໍ່​ໄດ້.

- Wave100S AD to Website 2020 0 - ໃນ​ໄລ​ຍະ​ວິ​ກິດ​ໂຄວິດ-19 ຫລາຍ​ຄົນ​ອາດ​ຈະ​ໄດ້​ຍິນ​ຄຳ​ວ່າ “New Normal” ຄຳ​ສັບ​ໃຫມ່​ທີ່​ພາ​ກັນ​ເວົ້າ​ຫລາຍ​ຂຶ້ນ

3. “New Normal” ກັບ​ວິ​ກິດ​ໂຄວິດ-19

ຈາກ​ເດີມ “New Normal” ເປັນ​ຄຳ​ທີ່​ໃຊ້​ອະ​ທິ​ບາຍ​ການ​ຂະ​ຫຍາ​ຍ​ໂຕ​ທາງ​ເສດ​ຖະ​ກິດ​ທີ່​ບໍ່​ຄື​ເກົ່າ ວ່າ​ເປັນ ຄວາມ​ປົກ​ກະ​ຕິ​ແບບ​ໃຫມ່ ທີ່​ຕ້ອງຍອມ​ຮັບ​ໃຫ້​ໄດ້.

ປັດ​ຈຸ​ບັນ​ເຮົາ​ຈະ​ໄດ້​ເຫັນ​ການ​ເວົ້າ​ເຖິງ​ຄຳ​ວ່າ “New Normal” ໃນ​ແບບ​ຂອງ​ທຸ​ລະ​ກິດ ການ​ຕະ​ຫລາດ​ຫລາຍ​ຂຶ້ນ.ເພື່ອ​ອະ​ທິ​ບາຍ “ສິ່ງ​ທີ່​ບໍ່​ເຄ​ີຍເກີດ​ຂຶ້ນ​ກ່ອນ​ຫນ້ານີ້ ອາດ​ຈະ​ກາຍ​ເປັນ​ເລື່ອງ​ປົກ​ກະ​ຕິ​ຫລັງ​ຈາກນີ້ກໍເປັນໄດ້”

ໂດຍ​ສະ​ເພາະ​ການ​ປ່ຽບ​ທຽບ​ພຶດ​ຕະ​ກຳ​ຜູ້​ບໍ​ລິ​ໂພກ ທີ່​ຈະ​ປ່ຽນ​ໄປ​ຫລັງ​ຈາກ​ເກີດ​ໂຣກ​ລະ​ບາດ​ຄັ້ງ​ໃຫຍ່ ວ່າ​ຈະ​ເກີດ​​ຫຍັງ​ຂຶ້ນ​ໄດ້​ແດ່? ແລະ ທຸ​ລະ​ກິດ​ຈະ​ຕ້ອງ​ປັບ​ຕົວ​ເພື່ອ​ຮັບ​ມື​ແບບ​ໃດ?ຕົວ​ຢ່າງ​ເຊັ່ນ:

ການ Work from Home ອາດ​ຈະ​ໄດ້​ຮັບ​ຄວາມ​ນິ​ຍົມ​ຫລາຍ​ຂຶ້ນ​ຈາກ​ຫລາຍ​ກິດ​ຈະ​ການ ຈົນ​ເຮັດ​ໃຫ້​ຜູ້​ໃຫ້​ບໍ​ລິ​ການ​ເຊົ່າ ບໍ​ລິ​ສັດ ບໍ່​ມີ​ລາຍ​ໄດ້​ດີ​ຄື​ເກົ່າ.

ເມື່ອ​ຄົນ​ເຮັດ​ວຽກ​ຢູ່​ບ້ານ​ຫລາຍ​ຂຶ້ນ ບໍ​ລິ​ສັດ​ສ້າງ​ຄອນ​ໂດເຮືອນ ກໍ​ອາດ​ຈະ​ຕ້ອງ​ເນັ້ນ​ການ​ນຳ​ສະ​ເຫນີ ຫ້ອງ​ເຮັດ​ວຽກ ຫລາຍ​ຂຶ້ນກວ່າ​ເກົ່າ ຈາກ​ທີ່​ເຄີຍ​ເນັ້ນ​ແຕ່​ຂາຍ​ຄວາມ​ສະ​ດວກ​ສະ​ບາຍ​ຂອງ​ຫ້ອງ​ນັ່ງ​ຫລິ້ນ​ເຮືອນ​ຄົວ ຫລື ຫ້ອງນອນ.

ກາຍ​ເປັນ​ວ່າ ຖ້າ​ເຮັດ​ວຽກ​ຢູ່​ບ້ານ​ໄດ້ ການ​ຢູ່​ນະ​ຄອນ​ຫລວງ ອາດ​ຈະ​ບໍ່​ຈຳ​ເປັນອີກ? ແບບ​ຄອນ​ໂດຍ​ນ້ອຍໆ ໃຈ​ກາງ​ນະ​ຄອນ​ຫລວງ ກຳ​ລັງ​ຖືກວິ​ກິດ ຫລື ບໍ່​? ເຮົາ​ຫນ້າ​ຈະ​ໄດ້​ຄຳ​ຕອບ​ຈ​ະ​ແຈ້ງ​ຂຶ້ນ​ຫລັງ​ຈາກນີ້.

ຄວາມ​ສຳ​ຄັນ​ຂອງ ຫນ້າ​ຮ້ານ ອາດ​ຈະ​ລຸດ​ລົງ ເມື່ອ​ຄົນ​ສາ​ມາດ​ເລືອກວິ​ທີ​ອອນ​ລາຍ ຫລື ສັ່ງ​ອາ​ຫານ​ຜ່ານ​ບໍ​ລິ​ການ​ສົ່ງ​ອາ​ຫານ​ໄດ້​ຫລາຍ​ຂຶ້ນ.

ເຮົາ​ອາດ​ຈະ​ເຫັນ ທຸ​ລະ​ກິດ​ເພງ ແລະ ດົນ​ຕ​ຣີ ມີ​ການ​ຈັດ​ສະ​ແດງ​ຮູບ​ແບບ​ໃນ​ອື່ນໆ​ມາ​ເພື່ອ​ສ້າງ​ລາຍ​ໄດ້​ເຊັ່ນ ການ​ໃຫ້​ສິ​ລະ​ປິນ ສະ​ແດງ​ຄອນ​ເສີດ ຜ່ານ​ລະ​ບົບ​ອອນ​ລາຍ​ສົດ ແລ້ວ​ໃຫ້​ຄົນ​ຈ່າຍ​ເງິນ​ເພື່ອ​ເຂົ້າ​ມາ​ເບິ່ງ.

ໂຮງ​ແຮມ ແລະ ຫໍ​ພັກ ກໍ​ອາດ​ມີ​ການ​ປ່ຽນ​ແປງ​ໃນ​ອະ​ນາ​ຄົດ ພຶດ​ຕິ​ກຳ ການ​ກິນ​ເຂົ້າ​ແທນ​ທີ່​ຈະ​ຕ້ອງ​ໄປ​ກິນ​ລວມ​ກັນ​ໃນ​ຫ້ອງ​ອາ​ຫານ ກໍ​ອາດ​ຈະ​ປ່ຽນ​ມາ​ເປັນ​ການ​ເສີບ​ຢູ່​ຫ້ອງ​ທີ່​ກາຍ​ເປັນ​ມາດ​ຕະ​ຖານ​ໃຫມ່.

ສິ່ງ​ເຫລົ່າ​ນີ້​ຄື​ຕົວ​ຢ່າງ​ບາງ​ສ່ວນ​ຂອງ “New Normal” ໃນ​ດ້ານ​ຂອງ​ພຶດ​ຕະ​ກຳ ຜູ້​ບໍ​ລິ​ໂພກ ທີ່​ອາດ​ຈະ​ປ່ຽນ​ໄປ​ເທົ່າ​ນັ້ນ ເຊິ່ງ​ເປັນ​ການ​ຍົກ​ຂຶ້ນ​ມາ ໃຫ້​ເຫັນ​ພາບ​ຄ້າວໆ ແລະ ອາດ​ຈະ​ບໍ່​ຄົບ​ຖ້ວນ​ສົມ​ບູນ​ໃນ​ທຸ​ລະ​ກິດ.ເພາະ​ສະ​ນັ້ນ ຫລັງ​ຈາກ​ອ່ານ​ຈົບ​ແລ້ວ ລອງ​ມາ​ຄິດ ແລະ ເວົ້າ​ກັນ​ຫລິ້ນໆ ວ່າ​ສຳ​ລັບ​ເຈົ້າ​ແລ້ວ ຄວາມ​ປົກ​ກະ​ຕິ​ແບບ​ໃຫມ່ ທີ່​ກຳ​ລັງ​ຈະ​ເກີດ​ຂຶ້ນ​ຢູ່​ປະ​ເທດ ແລະ ທົ່ວ​ໂລກ​ຂອງ​ເຮົາ​ນັ້ນ ຈະ​ເປັນ​ຮູບ​ແບບ​ໃດ​ໄດ້​ອີກ​ແດ່.?

- WhatsApp Image 2020 05 27 at 5 - ໃນ​ໄລ​ຍະ​ວິ​ກິດ​ໂຄວິດ-19 ຫລາຍ​ຄົນ​ອາດ​ຈະ​ໄດ້​ຍິນ​ຄຳ​ວ່າ “New Normal” ຄຳ​ສັບ​ໃຫມ່​ທີ່​ພາ​ກັນ​ເວົ້າ​ຫລາຍ​ຂຶ້ນ
- WhatsApp Image 2020 05 27 at 5 - ໃນ​ໄລ​ຍະ​ວິ​ກິດ​ໂຄວິດ-19 ຫລາຍ​ຄົນ​ອາດ​ຈະ​ໄດ້​ຍິນ​ຄຳ​ວ່າ “New Normal” ຄຳ​ສັບ​ໃຫມ່​ທີ່​ພາ​ກັນ​ເວົ້າ​ຫລາຍ​ຂຶ້ນ
error: Alert: ເນື້ອຫາຂ່າວມີລິຂະສິດ !!