ສປປລາວ ຮັບມື ໂຄວິດ 19 ໄດ້ດີ

- 44 4 - ສປປລາວ ຮັບມື ໂຄວິດ 19 ໄດ້ດີ
- Untitled design - ສປປລາວ ຮັບມື ໂຄວິດ 19 ໄດ້ດີ

ໂດຍ:​ ມຶກບໍ່ແຫ້ງ

ຕອນພະຍາດໂຄວິດລະບາດໃໝ່ໆ ໃຜກໍຄິດວ່າ ສປປລາວຍັງມີຄວາມສາມາດອ່ອນນ້ອຍທີ່ຈະຮັບມືກັບການລະບາດ ພະຍາດໂຄວິດ 19 ນີ້ ແຕ່ມາຮອດປັດຈຸບັນ ລັດຖະບານພວກເຮົາ ມີບາດກ້າວໃນການປ້ອງກັນ, ຮັບມື ແລະຄວບຄຸມ ການແຜ່ເຊື້ອລະບາດຂອງພະຍາດໂຄວິດໄດ້ດີ.

ການລະບາດຂອງພະຍາດໂຄວິດ 19 ຖືວ່າເປັນວິກິດທາງດ້ານສາທາລະນະສຸກຂອງໂລກ ໂດຍຊ່ຽວຊານຫຼາຍທ່ານ ກໍມີທັດສະນະວ່າ ບັນດາປະເທດທີ່ທຸກຍາກ ທີ່ມີຄວາມອ່ອນນ້ອຍທາງດ້ານຄວາມອາດສາມາດ ຂອງຂະແໜງສາທາລະນະສຸກນັ້ນ ມີຄວາມສ່ຽງສູງທີ່ຈະເຮັດໃຫ້ການລະບາດຂອງພະຍາດດັ່ງກ່າວ ແຜ່ຂະຫຍາຍເປັນວົງກວ້າງຢ່າງໄວວາ.

ສປປລາວ ຖືໄດ້ວ່າ ເປັນປະເທດທີ່ມີຄວາມສ່ຽງສູງສົມຄວນ ດ້ວຍວ່າ ມີຊາຍແດນຕິດຈອດກັບຫຼາຍປະເທດ ໂດຍສະເພາະ ສປ ຈີນ ທີ່ພະຍາດໂຄວິດ 19 ລະບາດຂຶ້ນກ່ອນໝູ່ ແລະ ພວກເຮົາກໍຍອມຮັບວ່າ ຄວາມອາດສາມາດທາງດ້ານສາທາລະນະສຸກ ອາດຍັງບໍ່ທັນເຂັ້ມແຂງທຽບເທົ່າຫຼາຍປະເທດໃນພາກພື້ນ ບວກໃສ່ຍັງຂາດບົດຮຽນໃນການຮັບມື ກັບພະຍາດລະບາດທີ່ຮ້າຍແຮງ.

ຍ້ອນແນວນັ້ນ ສປປລາວ ໃນສາຍຕາຂອງໂລກ ຈຶ່ງຖືກເບິ່ງວ່າ ມີຄວາມສ່ຽງສູງ ແລະ ສື່ບາງປະເທດ ກໍເຂົ້າທາງສົບປະມາດເຖິງລະບົບສາທາລະນະສຸກຂອງປະເທດເຮົາອີກດ້ວຍ.

ເຖິງຄວາມທັນສະໄໝທາງການແພດເຮົາອາດຍັງບໍ່ທັນທຽບເທົ່າຫຼາຍປະເທດໃນພາກພື້ນກໍດີ ແຕ່ສະຕິ ແລະ ຄວາມສະດຸ້ງໄວຂອງລັດຖະບານເຮົາແມ່ນບໍ່ໜ້ອຍໜ້າໃຜໝົດ, ສປປລາວ ເລີ່ມປິດປະເທດແຕ່ຕົ້ນເດືອນເມສາ 2020 ໂດຍ ສະຖາບັນການສຶກສາ, ການຄົມມະນາຄົມຂົນສົ່ງ, ການເດີນທາງ ເຂົ້າ ແລະ ອອກປະເທດ ແລະ ການບໍລິການອື່ນໆ ແມ່ນໄດ້ຍຸຕິລົງທັນທີ, ສົ່ງເສີມການເຮັດວຽກຢູ່ ເຮືອນ, ຍຸຕິການຊຸມນຸມຕ່າງໆ ເພື່ອປ້ອງກັນ ແລະ ຄວບຄຸມການແຜ່ລະບາດຂອງພະຍາດ ໂຄວິດ 19 ຢ່າງຫັດກຸມ.

 

- Wave100S AD to Website 2020 0 - ສປປລາວ ຮັບມື ໂຄວິດ 19 ໄດ້ດີ

ຍ້ອນເຫັນວ່າ “ກັນດີກວ່າແກ້” ເຖິງວ່າຄົບກຳນົດ ການປິດເມືອງເປັນເວລາ 20 ວັນແລ້ວ ລັດຖະບານ ເພິ່ນຍັງສືບຕໍ່ປິດຕື່ມ 2​ ອາທິດ ເຖິງວ່າ ບໍ່ພົບຜູ້ຕິດເຊື້ອເພີ່ມ ເປັນເວລາຫຼາຍວັນຕິດຕໍ່ກັນ ເຊິ່ງເປັນການຕັດສິນໃຈຢ່າງເໝາະສົມທີ່ສຸດ ດ້ວຍການຮຽນຮູ້ຈາກປະເທດອື່ນ ເຊັ່ນ ຍີ່ປຸ່ນ, ສິງກະໂປ, ຮົງກົງ ທີ່ຢຸດການປິດເມືອງໄວເກີນໄປ ເຮັດໃຫ້ຜູ້ຕິດເຊື້ອເພີ່ມຂຶ້ນຢ່າງໄວວາ.

ດ້ວຍເຫດນັ້ນ, ການສຶກສາຂອງ ມະຫາວິທະຍາໄລ ອ໋ອກສະຟອດ ຂອງ ປະເທດອັງກິດ ທີ່ຕິດຕາມມາດຕະການຂອງລັດຖະບານ ປະເທດຕ່າງໆທົ່ວໂລກ ໃນການປ້ອງ ແລະ ຄວບຄຸມການແຜ່ລະບາດ ຂອງພະຍາດໂຄວິດ 19​ ຈຶ່ງໃຫ້ຄະແນນ ສປປລາວລາວເຕັມຮ້ອຍ ອີງຕາມຕົວຊີ້ວັດຕ່າງໆ ຮວມທັງ ການປິດໂຮງຮຽນ, ການຂົນສົ່ງສາທາລະນະ, ການຍຸຕິດການທ່ອງທ່ຽວ ແລະ ອື່ນໆ.

ຈາກມາດຕະການເຄັ່ງຄັດ ແລະຮັດກຸມຂອງລັດຖະບານ ຄຽງຄູ່ການປະຕິບັດວຽກງານທີ່ຫ້າວຫັນຕາມ ຄຳສັ່ງເລກທີ 06​ ຂອງນາຍົກ ແລະການຮ່ວມມືຂອງປະຊາຊົນລາວທັງປະເທດ ຈຶ່ງເຮັດໃຫ້ ສປປລາວ ມີຈຳນວນຜູ້ຕິດເຊື້ອພຽງ 19 ຄົນ ເທົ່າກັບ ປະມານ 0.0002% ຂອງປະຊາກອນທັງໝົດ (ປະມານ 7 ລ້ານຄົນ ໃນປັດຈຸບັນ) ເຊິ່ງໜ້ອຍທີ່ສຸດໃນພາກພື້ນໃນປັດຈຸບັນ ແລະ ມາຮອດວັນທີ 21 ເມສາ 2020 ສປປລາວ ບໍ່ພົບຜູ້ຕິດເຊື້ອເພີ່ມ 9 ມື້ລຽນຕິດ.

“ຄວາມປະໝາດ ຄືຄວາມຕາຍ” ເມື່ອໃດ ການລະບາດໃນພາກພື້ນ ແລະໃນໂລກຍັງບໍ່ເບົາບາງລົງ ພວກເຮົາຈົ່ງສືບຕໍ່ ປະຕິບັດຕາມມາດຕະການຕ່າງໆທີ່ລັດຖະບານເຮົາວາງອອກຢ່າງເຄັ່ງຄັດ ຢ່າລະເຫຼີງ ເພື່ອຮັບປະກັນໄດ້ວ່າ ຄົນລາວທີ່ຈະຕິດເຊື້ອບໍ່ເພີ່ມຂຶ້ນອີກ, ພວກເຮົາຮູ້ດີວ່າ ເສດຖະກິດກຳລັງຟືດເຄືອງ ແຕ່ອົດທົນນຳກັນ ເພື່ອເອົາຊີວິດຄົນລາວຕະຫຼອດປອດໄພກ່ອນ.

- WhatsApp Image 2020 05 27 at 5 - ສປປລາວ ຮັບມື ໂຄວິດ 19 ໄດ້ດີ
- WhatsApp Image 2020 05 27 at 5 - ສປປລາວ ຮັບມື ໂຄວິດ 19 ໄດ້ດີ
error: Alert: ເນື້ອຫາຂ່າວມີລິຂະສິດ !!