ເຄັດລັບອາຍຸຍືນຮ້ອຍກ່ວາປີຂອງທ່ານໝໍຍີ່ປຸ່ນ “ທ່ານຕ້ອງບໍ່ຢຸດເຮັດວຽກ”

- rrr6 -      ເຄັດລັບອາຍຸຍືນຮ້ອຍກ່ວາປີຂອງທ່ານໝໍຍີ່ປຸ່ນ “ທ່ານຕ້ອງບໍ່ຢຸດເຮັດວຽກ”
- Untitled design -      ເຄັດລັບອາຍຸຍືນຮ້ອຍກ່ວາປີຂອງທ່ານໝໍຍີ່ປຸ່ນ “ທ່ານຕ້ອງບໍ່ຢຸດເຮັດວຽກ”

  “ຢ່າຢຸດເຮັດວຽກ ຫາກຢາກມີຊີວິດທີ່ຍືນຍາວ”.  ເຄັດລັບການມີອາຍຸຍືນຍາວ ຈາກໜຶ່ງໃນແພດລະດັບແຖວໜ້າຂອງປະເທດຍີ່ປຸ່ນ ແລະ ລາວເປັນຜູ້ພິສູດມັນດ້ວຍໂຕເອງ. ກ່ອນທີ່ລາວຈະເສຍຊີວິດໃນວັນທີ 18 ກໍລະກົດ ດຣ. ຊິເກະຊິ ຮິໂນະຣາຣະ ດ້ວຍອາຍຸ 105 ປີ ທ່ານໝໍ ແລະ ປະທານມະຫາວິທະຍາໄລນານາຊາດ St. Luke’s ແລະ ເປັນປະທານກິດຕິມາສັກຂອງໂຮງໝໍນານາຊາດ St. Luke’s ຈົນກະທັ້ງເມື່ອບໍ່ເທົ່າໃດເດືອນກ່ອນທີ່ລາວຈະເສຍຊີວິດ ດຣ. ຊິເກະຊິ ເຂົ້າຮ່ວມການປິ່ນປົວຜູ້ປ່ວຍໃນຊຸມຊົນ, ດູແລຄົນເຈັບ ແລະ ນັດໝາຍກັບຄົນເຈັບ ລວມໆແລ້ວ ດຣ. ຊິເກະຊິ ເຮັດວຽກໄດ້ເຖິງ 18 ຊົ່ວໂມງຕໍ່ມື້.

ລາວໄດ້ຮັບການຍ້ອງຍໍວ່າເປັນສ່ວນສຳຄັນໃນການພັດທະນາວົງການແພດຂອງຍີ່ປຸ່ນ ແລະ ເຮັດໃຫ້ຍີ່ປຸ່ນເປັນຜູ້ນຳດ້ານການມີອາຍຸຍືນ. ດຣ. ຊິເກະຊິ ມີຄວາມເຊື່ອໝັ້ນໃນການມີຊີວິດທີ່ມີສຸຂະພາບດີ ແລະ ຍືນຍາວ ແລະ ໜຶ່ງໃນເຄັດລັບສຳຄັນຂອງລາວກໍແມ່ນ “ຢ່າຢຸດເຮັດວຽກ ແຕ່ຫາກຈຳເປັນແທ້ໆ ຕ້ອງເປັນເມື່ອອາຍຸຫລັງ 65 ປີ” ລາວກ່າວກັບ Japan Times.

ອາຍຸສະເລ່ຍຂອງຄົນຍີ່ປຸ່ນໃນປີ 2015 ແມ່ນ 84 ປີ ດັ່ງນັ້ນ ອາຍຸກະສຽນອາດຈະຕ້ອງຖືກເພີ່ມຂຶ້ນຄືກັນ.

ບາງເທື່ອເຄັດລັບຂອງ ດຣ. ຊິເກະຊິ ອາດຈະເປັນເລື່ອງທີ່ໜ້າສົນໃຈກໍໄດ້ ເພາະວຽກແມ່ນສິ່ງທີ່ຊ່ວຍໃຫ້ຜູ້ຄົນຮູ້ສຶກວ່າໄດ້ໃຊ້ຊີວິດ. ຢ່າງໜ້ອຍ ກໍລະນີຂອງ ດຣ. ຊິເກະຊິ ກໍເປັນໂຕຢ່າງທີ່ດີຫລາຍ ເຊິ່ງອາຊີບຂອງລາວເຮັດໃຫ້ລາວມີຊີວິດຢູ່ໄດ້ຢ່າງຍາວນານ.

- Wave100S AD to Website 2020 0 -      ເຄັດລັບອາຍຸຍືນຮ້ອຍກ່ວາປີຂອງທ່ານໝໍຍີ່ປຸ່ນ “ທ່ານຕ້ອງບໍ່ຢຸດເຮັດວຽກ”

Janit Kawaguchi ນັກຂ່າວ Japan Times ຜູ້ໃຫ້ຄຳປຶກສາກັບ ດຣ. ຊິເກະຊິ ກ່າວວ່າ : “ລາວເຊື່ອວ່າຊີວິດມະນຸດທີ່ເກີດມາລ້ວນແລ້ວແຕ່ກ່ຽວຂ້ອງກັນ ນັ້ນເປັນເຫດຜົນວ່າເປັນຫຍັງລາວຈຶ່ງຍອມຕື່ນແຕ່ເຊົ້າເພື່ອອອກມາຊ່ວຍເຫລືອຜູ້ຄົນ ແລະ ເຮັດໃຫ້ພວກເຂົາກັບມາມີຊີວິດທີ່ສຸຂະພາບດີອີກຄັ້ງ ນີ້ແມ່ນສິ່ງທີ່ຊຸກຍູ້ລາວ ແລະ ເຮັດໃຫ້ລາວມີຊີວິດຢູ່”.

ການເຮັດວຽກໃຫ້ດົນທີ່ສຸດເທົ່າທີ່ຈະເປັນໄປໄດ້ ດຣ. ຊິເກະຊິ ຍັງສັ່ງສອນແນວທາງອື່ນໆສຳລັບການໃຊ້ຊີວິດທີ່ຍາວຍານ ທັງການໃຊ້ຊີວິດໃຫ້ມ່ວນຊື່ນເຮຮາ, ໃຊ້ຂັ້ນໄດເລື້ອຍໆແທນການໃຊ້ລິຟ ຫລື ຂັ້ນໄດເລື່ອນ, ຖາມຄຳຖາມຈາກແພດຂອງທ່ານ ແລະ ຂໍ້ສຸດທ້າຍ ຄວບຄຸມນຳ້ໜັກໃຫ້ດີ ຢ່າປ່ອຍໃຫ້ຕຸ້ຍລົງພຸງ.

- WhatsApp Image 2020 05 27 at 5 -      ເຄັດລັບອາຍຸຍືນຮ້ອຍກ່ວາປີຂອງທ່ານໝໍຍີ່ປຸ່ນ “ທ່ານຕ້ອງບໍ່ຢຸດເຮັດວຽກ”
- WhatsApp Image 2020 05 27 at 5 -      ເຄັດລັບອາຍຸຍືນຮ້ອຍກ່ວາປີຂອງທ່ານໝໍຍີ່ປຸ່ນ “ທ່ານຕ້ອງບໍ່ຢຸດເຮັດວຽກ”
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!