ກະຊວງພະລັງງານແລະບໍ່ແຮ່ ຄົ້ນຄວ້າສະເໜີນະໂຍບາຍຫຼຸດລາຄາໄຟຟ້າ ໃນໄລຍະ COVID-19

- 54 1 - ກະຊວງພະລັງງານແລະບໍ່ແຮ່ ຄົ້ນຄວ້າສະເໜີນະໂຍບາຍຫຼຸດລາຄາໄຟຟ້າ ໃນໄລຍະ COVID-19
- Untitled design - ກະຊວງພະລັງງານແລະບໍ່ແຮ່ ຄົ້ນຄວ້າສະເໜີນະໂຍບາຍຫຼຸດລາຄາໄຟຟ້າ ໃນໄລຍະ COVID-19

ເພື່ອປະຕິບັດຕາມ ຂໍ້ຕົກລົງ ຂອງ ນາຍົກລັດຖະມົນຕີ ສະບັບເລກທີ 31/ນຍ, ລົງວັນທີ 02/04/2020 ວ່າດ້ວຍການກໍານົດນະໂຍບາຍ ແລະ ມາດຕະການ ເພື່ອຫຼຸດຜ່ອນຜົນກະທົບຈາກການລະບາດ ຂອງ ພະຍາດ COVID-19 ຕໍ່ເສດຖະກິດ ຂອງ ລາວ ໃນຂໍ້ທີ 7 ລະບຸວ່າ: “ໃຫ້ຄົ້ນຄວ້າຜ່ອນຜັນລາຄາ ແລະ ຕໍ່ເວລາ ໃນການຊໍາລະຄ່າໄຟຟ້າ ແລະ ນໍ້າປະປາຂອງຜູ້ຊົມໃຊ້ຄົວເຮືອນ ແລະ ພາກທຸລະກິດ” ຈາກນັ້ນກະຊວງພະລັງງານແລະບໍ່ແຮ່ ກໍ່ໄດ້ຮີບຮ້ອນສົບທົບກັບ ໜ່ວຍງານສະເພາະກິດຂອງລັດຖະບານຄົ້ນຄວ້ານະໂຍບາຍດັ່ງກ່າວ ເພື່ອເປັນສ່ວນໜຶ່ງໃນການຊ່ວຍເຫຼືອປະຊາຊົນ, ພະນັກງານ-ລັດຖະກອນ ທະຫານ, ຕໍາຫຼວດ ແລະ ພາກທຸລະກິດ ທີ່ໄດ້ຮັບຜົນກະທົບຈາກພະຍາດ COVID-19 ແລະ ໄດ້ຕົກລົງເຫັນດີ ດັ່ງນີ້: ກະຊວງພະລັງງານແລະບໍ່ແຮ່ ໄດ້ອອກແຈ້ງການ ສະບັບ ເລກທີ 438/ພບ, ລົງວັນທີ 08/04/2020 ເຖິງລັດວິສາຫະກິດໄຟຟ້າລາວ ໃນການປະຕິບັດໂຄງສ້າງລາຄາໄຟຟ້າໃໝ່ ແລະ ຈະເລີ່ມ ປະຕິບັດແຕ່ເດືອນພຶດສະພາ 2020 ເປັນຕົ້ນໄປ ໃນໂຄງສ້າງລາຄາໃໝ່ນີ້, ພາກທີ່ຢູ່ອາໄສໄດ້ຫຼຸດຈາກອັດຕາຄິດໄລ່ 6 ຂັ້ນ ມາເປັນ 2 ຂັ້ນຈາກເມື່ອກ່ອນຂັ້ນທີ 1 ແລະ 2 ມີລາຄາ 348 ແລະ 414 ມາເປັນລາຄາດຽວ 355 ກີບ/ກິໂລວັດໂມງ. ສໍາລັບຂັ້ນ 3,4,5 ແລະ 6 ລາຄາເດີມ 799, 880, 965 ແລະ 999 ກີບ/ກິໂລວັດໂມງ ມາເປັນຂັ້ນດຽວ 710 ກີບ/ກິໂລວັດໂມງ. ພາກອື່ນໆທີ່ບໍ່ແມ່ນທີ່ຢູ່ອາໄສກໍໄດ້ ຮັບສ່ວນຫລຸດເຊັ່ນກັນ, ແຕ່ 2-35%, ພ້ອມນັ້ນ, ກໍ່ເລື່ອນເວລາຊໍາລະຄ່າໄຟຟ້າອອກ 7-30 ວັນ ມາເປັນ 7-45 ວັນ.

ພິເສດການປະຕິບັດນະໂຍບາຍຕໍ່ກັບພະນັກງານແພດໝໍທີ່ເຮັດວຽກ ປະຈັນບານໃນການຕ້ານພະຍາດ COVID-19, ໂດຍມີການຢັ້ງຢືນຈາກໂຮງໝໍກ່ຽວຂ້ອງ ໃນບັນດາແຂວງທົ່ວປະເທດ ຈະໄດ້ຮັບສ່ວນຫລຸດຄ່າຊົມໃຊ້ກະແສໄຟຟ້າ 15% ຂອງພະລັງງານ ທີ່ນໍາໃຊ້ໃນເດືອນເມສາ, ພຶດສະພາ ແລະ ມິຖຸນາ ປີ2020 ກ່ອນຫັກອາກອນ.

- Wave100S AD to Website 2020 0 - ກະຊວງພະລັງງານແລະບໍ່ແຮ່ ຄົ້ນຄວ້າສະເໜີນະໂຍບາຍຫຼຸດລາຄາໄຟຟ້າ ໃນໄລຍະ COVID-19
- WhatsApp Image 2020 05 27 at 5 - ກະຊວງພະລັງງານແລະບໍ່ແຮ່ ຄົ້ນຄວ້າສະເໜີນະໂຍບາຍຫຼຸດລາຄາໄຟຟ້າ ໃນໄລຍະ COVID-19
- WhatsApp Image 2020 05 27 at 5 - ກະຊວງພະລັງງານແລະບໍ່ແຮ່ ຄົ້ນຄວ້າສະເໜີນະໂຍບາຍຫຼຸດລາຄາໄຟຟ້າ ໃນໄລຍະ COVID-19
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!