ຍຸດທະສາດຕ້ານໂຄວິດຂອງລັດຖະບານລາວສ່ອງໃສທີ່ສຸດ

ຍຸດທະສາດຕ້ານໂຄວິດຂອງລັດຖະບານລາວສ່ອງໃສທີ່ສຸດ - 44 5 - ຍຸດທະສາດຕ້ານໂຄວິດຂອງລັດຖະບານລາວສ່ອງໃສທີ່ສຸດ
ຍຸດທະສາດຕ້ານໂຄວິດຂອງລັດຖະບານລາວສ່ອງໃສທີ່ສຸດ - Untitled design - ຍຸດທະສາດຕ້ານໂຄວິດຂອງລັດຖະບານລາວສ່ອງໃສທີ່ສຸດ

ໂດຍ: ລູກເມືອງພວນ

ເປັນຫຍັງຈຶ່ງສາມາດເວົ້າໄດ້ວ່າ ຍຸດທະສາດຕ້ານໂຄວິດຂອງລັດຖະບານລາວຖືກຕ້ອງສ່ອງໃສທີ່ສຸດ? ພວກເຮົາມາໄລ່ລຽງເຫດການນຳກັນດັ່ງນີ້:

ຍຸດທະສາດຕ້ານໂຄວິດຂອງລັດຖະບານລາວສ່ອງໃສທີ່ສຸດ - Wave100S AD to Website 2020 0 - ຍຸດທະສາດຕ້ານໂຄວິດຂອງລັດຖະບານລາວສ່ອງໃສທີ່ສຸດ
  1. ເມື່ອລາວເຮົາບໍ່ທັນພົບກໍລະນີຜູ້ຕິດເຊື້ອ, ລັດຖະບານກໍທັງເບິ່ງທັງ ຟັງສະຖານະການລະບາດຂອງພະຍາດໃນໂລກ ແລະ ພາກພື້ນຢ່າງໃກ້ສິດ ແລະ ຍັງໃຫ້ສັງຄົມເຄື່ອນໄຫວໄດ້ເປັນປົກກະຕິ ເຖິງແມ່ນເວລານັ້ນ ບັນດາປະເທດໃກ້ຄຽງຈະມີການລະບາດແລ້ວກໍຕາມ.
  2. ພາຍຫຼັງພົບເຫັນກໍລະນີຜູ້ຕິດເຊືອລາຍທຳອິດ ໃນວັນທີ 24 ມີນາ, ລັດຖະບານກໍຮີບຟ້າວຄົ້ນຄ້ວາປືກສາມາດຕະການສະກັດກັ້ນ, ຕ້ານ ແລະ ຄວບຄຸມພະຍາດດັ່ງກ່າວຢ່າງທັນທີ ດ້ວຍຄຳສັ່ງເລກທີ 06 ອັນເຂັ້ມງວດ ຂອງນາຍົກລັດຖະມົນຕີ, ລົງວັນທີ 29 ມີນາ. ໃນນັ້ນ: ໄດ້ສັ່ງປິດສະຖາບັນການສຶກສາທຸກລະດັບຊັ້ນ ທັງພາກລັດ ແລະ ເອກະຊົນໃນທົ່ວປະເທດ; ສັ່ງປິດສະຖານທີ່ການບໍລິການທີ່ບໍ່ຈຳເປັນຈຳນວນໜຶ່ງ; ຫ້າມເຕົ້າລວມຊຸມນຸມຫຼາຍຄົນ ນັບທັງການຄົມມະນາຄົມຂົນສົ່ງສາທາລະນະ, ຢຸດເຄື່ອນໄຫວທາງລັດຖະການ ປຸກລະດົມໃຫ້ເຮັດວຽກຢູ່ເຮືອນ ແລະ ແຕ່ງຕັ້ງປະຈຳການ; ປິດປະເທດ(Lockdown) ປຸກລະດົມປະຊາຊົນໃຫ້ປະຕິບັດໄລຍະຫ່າງທາງສັງຄົມ(ຢູ່ເຮືອນ) ເຖິງວັນທີ 19 ເມສາ. ແຕ່ພໍມາເຖິງວັນທີ 15 ເມສາ ລັດຖະບານ ແລະ ຄະນະສພເພາະກິດ ໄດ້ປະເມີນ ຕີລາຄາສະພາບການລະບາດຂອງພະຍາດຢູ່ໃນພາກພື້ນ ແລະ ໃນໂລກ ເຫັນວ່າຍັງມີຄວາມຮຸນແຮງຂຶ້ນ ເລື້ອຍໆ, ມີຜູ້ຕິດເຊື້ອ ແລະ ເສຍຊີວິດເປັນຈຳນວນຫຼວງຫຼາຍ. ລັດຖະບານລາວຈື່ງໄດ້ເລື່ອນ(ຍືດ)ເວລາອອກໄປຕື່ມອີກຈົນເຖິງວັນທີ 3 ພຶດສະພາ.
  3. ໃນຊ່ວງໄລຍະລໍຖ້າເຖິງວັນທີ 3 ພຶດສະພານັ້ນ, ລັດຖະບານກໍໄດ້ເລັ່ງຄົ້ນຄ້ວາມາດຕະການ ນະໂຍບາຍ ແກ້ໄຂໃຫ້ປະຊາຊົນ, ຊາວຜູ້ອອກແຮງງານ(ນັບທັງຢູ່ໃນລະບົບ ແລະ ບໍ່ຢູ່ໃນລະບົບ), ພາກທຸລະກິດນ້ອຍໃຫ່ຍທັງພາກລັດ ແລະ ເອກະຊົນທີ່ໄດ້ຮັບຜົນກະທົບຈາກ ການລະບາດຂອງພະຍາດ ໂຄວິດ-19 ຢ່າງເປັນຮູບປະທຳ ທັນການທາງດ້ານທິດສະດີ ແລະ ຈະສືບຕໍ່ຈັດຕັ້ງປະຕິບັດໄລຍະຕໍ່ໄປຢ່າງແນ່ນອນ.
  4. ກະກຽມຄວາມພ້ອມທຸກຢ່າງໃຫ້ແກ່ການຜ່ອນຜັນມາດຕະການເປີດປະເທດຄືນໃໝ່ພາຍຫຼັງວັນທີ 3 ພິດສະພານີ້ ໃຫ້ກັບມາເຄື່ອນໄຫວເປັນປົກະຕິ ຖ້າສະຖານະນະການລະບາດຂອງພະຍາດຫາກຜ່ອນຄາຍລົງ ອາດຈະເປັນການຜ່ອນຜັນເປັນບາງສ່ວນ ຫຼື ອາດຈະປົດລ໊ອກດາວ ທັງໝົດກໍເປັນໄດ້(ລໍຖ້າການປະກາດຂອງລັດຖະບານໃນວັນທີ 3 ພືດສະພານີ້).

ເມື່ອມາລຳດັບເບິ່ງເຫດການດັ່ງກ່າວຂອງລັດຖະບານແລ້ວເຫັນວ່າ ມີຄວາມສອດຄ່ອງເໝາະສົມກັບສະຖານະການແຕ່ລະໄລຍະ, ມີການວາງແຜນລ່ວງໜ້າທຸກບັນຫາ ແລະ ທັນການທີ່ສຸດ. ພວກເຮົາປະຊາຊົນລາວທຸກຖ້ວນໜ້າ ຈົ່ງເຊື່ອໝັ້ໜການນຳພາຂອງພັກ ແລະ ລັດຖະບານ. ແຕ່ອັນທີ່ສຳຄັນທີ່ສຸດກໍຄື ເມື່ອມີເຫດການໃດເກີດຂື້ນກໍຕາມ ຄວາມສາມັກຄີຂອງປະຊາຊົນທັງຊາດ ບວກກັບແນວທາງທີ່ຖືກຕ້ອງ ແມ່ນປັດໃຈທີ່ສຳຄັນທີ່ຈະ ເອົາຊະນະໄດ້ທຸກຢ່າງໄດ້.

ຍຸດທະສາດຕ້ານໂຄວິດຂອງລັດຖະບານລາວສ່ອງໃສທີ່ສຸດ - WhatsApp Image 2020 05 27 at 5 - ຍຸດທະສາດຕ້ານໂຄວິດຂອງລັດຖະບານລາວສ່ອງໃສທີ່ສຸດ
ຍຸດທະສາດຕ້ານໂຄວິດຂອງລັດຖະບານລາວສ່ອງໃສທີ່ສຸດ - WhatsApp Image 2020 05 27 at 5 - ຍຸດທະສາດຕ້ານໂຄວິດຂອງລັດຖະບານລາວສ່ອງໃສທີ່ສຸດ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!