ຈີນເຜີຍເຊື້ອໂຄວິດຢູ່ໃນ “ອຸຈາລະ” ດົນກວ່າເນື້ອເຫຍື່ອທາງເດີນຫາຍໃຈ

ຈີນເຜີຍເຊື້ອໂຄວິດຢູ່ໃນ “ອຸຈາລະ” ດົນກວ່າເນື້ອເຫຍື່ອທາງເດີນຫາຍໃຈ - 275 - ຈີນເຜີຍເຊື້ອໂຄວິດຢູ່ໃນ “ອຸຈາລະ” ດົນກວ່າເນື້ອເຫຍື່ອທາງເດີນຫາຍໃຈ
ຈີນເຜີຍເຊື້ອໂຄວິດຢູ່ໃນ “ອຸຈາລະ” ດົນກວ່າເນື້ອເຫຍື່ອທາງເດີນຫາຍໃຈ - Untitled design - ຈີນເຜີຍເຊື້ອໂຄວິດຢູ່ໃນ “ອຸຈາລະ” ດົນກວ່າເນື້ອເຫຍື່ອທາງເດີນຫາຍໃຈ

     ຜົນການວິໄຈຜູ້ຕິດເຊື້ອໄວຣັສໂຄໂຣນາສາຍພັນໃໝ່ (ໂຄວິດ-19) ຢູ່ຈີນສະບັບໃໝ່ ຄົ້ນພົບໄວຣັສໂຄໂຣນາຍັງຄົງຝັງຕົວຢູ່ໃນອຸຈາລະໄດ້ດົນກວ່າຢູ່ເນື້ອເຫຍື່ອລະບົບທາງເດີນຫາຍໃຈຂອງຜູ້ຕິດເຊື້ອ ດົນເຖິງ 22 ວັນ.

ສຳນັກຂ່າວຕ່າງປະເທດລາຍງານວ່າ: ຄະນະນັກວິໄຈຈາກມະຫາວິທະຍາໄລເຈີ້ຈຽງໄດ້ມີການປະເມີນປະລິມານໄວຣັສໃນຕົວຢ່າງຈາກລະບົບທາງເດີນຫາຍໃຈ, ອຸຈາລະ, ນ້ຳເຫລືອງ ແລະ ປັດສະວະຂອງຜູ້ຕິດເຊື້ອໂຄວິດ-19 ຈຳນວນ 96 ຄົນ ລະຫວ່າງວັນທີ 19 ມັງກອນ ເຖິງ 20 ມີນາ 2020 ຜູ້ຕິດເຊື້ອທັງໝົດໄດ້ຮັບການຢືນຢັນຜົນວ່າປ່ວຍເປັນໂຄວິດ-19 ຫລັງຜ່ານການທົດລອງຕົວຢ່າງຂີ້ກະເທີ ແລະ ນ້ຳລາຍ ໂດຍແບ່ງເປັນຜູ້ປ່ວຍອາການບໍ່ຮຸນແຮງ 22 ຄົນ ແລະ ຜູ້ປ່ວຍອາການຮຸນແຮງອີກ 74 ຄົນ.

ຜົນການວິໄຈທີ່ເຜີຍແຜ່ຜ່ານວາລະສານບຣິຕິ ມີດີຄໍ (British Medical) ລະບຸການກວດພົບໄວຣັສໃນອຸຈາລະ 55 ຄົນ, ໃນນ້ຳເຫລືອງ 39 ຄົນ ແລະ ໃນປັດສະວະພຽງ 1 ຄົນເທົ່ານັ້ນ ຄ່າກາງຂອງໄລຍະເວລາທີ່ໄວຣັສຢູ່ໃນອຸຈາລະຄື 22 ວັນ ເຊິ່ງດົນກວ່າຄ່າກາງຂອງໄລຍະເວລາດຽວກັນໃນເນື້ອເຫຍື່ອລະບົບທາງເດີນຫາຍໃຈ (18 ວັນ) ແລະ ໃນນ້ຳເຫລືອງ (16 ວັນ). ປະລິມານໄວຣັສແຕກຕ່າງຕາມປະເພດຂອງຕົວຢ່າງ ໂດຍເນື້ອເຫຍື່ອລະບົບທາງເດີນຫາຍໃຈມີປະລິມານໄວຣັສສູງສຸດ, ຮອງລົງມາແມ່ນຕົວຢ່າງອຸຈາລະ, ສ່ວນຕົວຢ່າງນ້ຳເຫລືອງມີປະລິມານໄວຣັສຕໍ່າທີ່ສຸດ.

ຄະນະນັກວິໄຈຍັງພົບຄ່າກາງຂອງໄລຍະເວລາທີ່ໄວຣັສຢູ່ໃນຕົວຢ່າງຈາກລະບົບທາງເດີນຫາຍໃຈຂອງຜູ້ປ່ວຍອາການຮຸນແຮງຢູ່ທີ່ 21 ວັນ ເຊິ່ງດົນກວ່າຄ່າກາງຂອງໄລຍະເວລາດຽວກັນໃນຜູ້ປ່ວຍອາການບໍ່ຮຸນແຮງ (14 ວັນ). ເຖິງຢ່າງໃດກໍຕາມ, ຄະນະນັກວິໄຈບໍ່ພົບຄວາມແຕກຕ່າງອັນມີໄນສຳຄັນຂອງປະລິມານໄວຣັສ ໃນຕົວຢ່າງອຸຈາລະ ແລະ ນ້ຳເຫລືອງ ທີ່ເກັບຈາກຜູ້ປ່ວຍອາການບໍ່ຮຸນແຮງ ແລະ ອາການຮຸນແຮງ.

ຈີນເຜີຍເຊື້ອໂຄວິດຢູ່ໃນ “ອຸຈາລະ” ດົນກວ່າເນື້ອເຫຍື່ອທາງເດີນຫາຍໃຈ - Wave100S AD to Website 2020 0 - ຈີນເຜີຍເຊື້ອໂຄວິດຢູ່ໃນ “ອຸຈາລະ” ດົນກວ່າເນື້ອເຫຍື່ອທາງເດີນຫາຍໃຈ

ປະລິມານໄວຣັສໃນຜູ້ປ່ວຍອາການບໍ່ຮຸນແຮງແຕະຈຸດສູງສຸດໃນເນື້ອເຫຍື່ອລະບົບທາງເດີນຫາຍໃຈໃນອາທິດທີ 2 ໄລ່ຈາກຕອນເລີ່ມຕົ້ນເຈັບປ່ວຍ. ຂະນະທີ່ປະລິມານໄວຣັສໃນຜູ້ປ່ວຍອາການຮຸນແຮງຍັງຢູ່ໃນລະດັບສູງລະຫວ່າງອາທິດທີ 3 ຂອງການເຈັບປ່ວຍ. ນອກຈາກນີ້ ຜູ້ປ່ວຍທີ່ມີອາຍຸ 60 ປີຂຶ້ນໄປ ແລະ ເປັນເພດຊາຍ ຈະມີໄລຍະເວລາທີ່ໄວຣັສຢູ່ໃນຮ່າງກາຍດົນກວ່ານຳອີກ.

ຄະນະນັກວິໄຈບົ່ງຊີ້ຂໍ້ຈຳກັດຂອງການວິໄຈຄັ້ງນີ້ເຊັ່ນ: ຜູ້ປ່ວຍກຸ່ມສຳຫລວດຂະໜາດນ້ອຍ ແລະ ຄຸນນະພາບຂອງຕົວຢ່າງທີ່ເກັບມາອາດສົ່ງຜົນກະທົບຕໍ່ຜົນການວິໄຈ. ທັງນີ້ ຄະນະນັກວິໄຈສະຫລຸບວ່າ: ການວິໄຈຄັ້ງນີ້ເນັ້ນເຖິງຄວາມຈຳເປັນຂອງການຮັດແໜ້ນການຈັດການຕົວຢ່າງອຸຈາລະທີ່ມີໄວຣັສ ແລະ ການຈັດການຜູ້ປ່ວຍອາການຮຸນແຮງລະດັບຕ່າງໆຢ່າງເຂັ້ມງວດ.

ຈີນເຜີຍເຊື້ອໂຄວິດຢູ່ໃນ “ອຸຈາລະ” ດົນກວ່າເນື້ອເຫຍື່ອທາງເດີນຫາຍໃຈ - WhatsApp Image 2020 05 27 at 5 - ຈີນເຜີຍເຊື້ອໂຄວິດຢູ່ໃນ “ອຸຈາລະ” ດົນກວ່າເນື້ອເຫຍື່ອທາງເດີນຫາຍໃຈ
ຈີນເຜີຍເຊື້ອໂຄວິດຢູ່ໃນ “ອຸຈາລະ” ດົນກວ່າເນື້ອເຫຍື່ອທາງເດີນຫາຍໃຈ - WhatsApp Image 2020 05 27 at 5 - ຈີນເຜີຍເຊື້ອໂຄວິດຢູ່ໃນ “ອຸຈາລະ” ດົນກວ່າເນື້ອເຫຍື່ອທາງເດີນຫາຍໃຈ
error: Alert: ເນື້ອຫາຂ່າວມີລິຂະສິດ !!