ຜູ້ແທນສະພາແຫ່ງຊາດລາວ ເຂົ້າຮ່ວມກອງປະຊຸມທາງໄກກ່ຽວກັບ Covid-19 ແລະ ເວທີປຶກສາຫາລືລັດຖະສະພາອາຊີ-ປາຊີຟິກ ກ່ຽວກັບສຸຂະພາບໂລກ

ຜູ້ແທນສະພາແຫ່ງຊາດລາວ ເຂົ້າຮ່ວມກອງປະຊຸມທາງໄກກ່ຽວກັບ covid-19 ແລະ ເວທີປຶກສາຫາລືລັດຖະສະພາອາຊີ-ປາຊີຟິກ ກ່ຽວກັບສຸຂະພາບໂລກ - 4t - ຜູ້ແທນສະພາແຫ່ງຊາດລາວ ເຂົ້າຮ່ວມກອງປະຊຸມທາງໄກກ່ຽວກັບ Covid-19 ແລະ ເວທີປຶກສາຫາລືລັດຖະສະພາອາຊີ-ປາຊີຟິກ ກ່ຽວກັບສຸຂະພາບໂລກ
ຜູ້ແທນສະພາແຫ່ງຊາດລາວ ເຂົ້າຮ່ວມກອງປະຊຸມທາງໄກກ່ຽວກັບ covid-19 ແລະ ເວທີປຶກສາຫາລືລັດຖະສະພາອາຊີ-ປາຊີຟິກ ກ່ຽວກັບສຸຂະພາບໂລກ - Untitled design - ຜູ້ແທນສະພາແຫ່ງຊາດລາວ ເຂົ້າຮ່ວມກອງປະຊຸມທາງໄກກ່ຽວກັບ Covid-19 ແລະ ເວທີປຶກສາຫາລືລັດຖະສະພາອາຊີ-ປາຊີຟິກ ກ່ຽວກັບສຸຂະພາບໂລກ

ຜູ້ແທນສະພາແຫ່ງຊາດລາວ ທ່ານ ນາງ ພອນເພັດ ບຸບຜາ ຮອງປະທານກຳມາທິການວັດທະນະທຳ-ສັງ ຄົມ ໄດ້ສຳເລັດການເຂົ້າຮ່ວມກອງປະຊຸມສະເພາະກິດ ກ່ຽວກັບກ່ຽວກັບການແຜ່ລະບາດຂອງພະຍາດ Covid-19 ຂອງເວທີປຶກສາຫາລືລັດຖະສະພາອາຊີ-ປາຊີຟິກ ກ່ຽວກັບສຸຂະພາບໂລກ ຜ່ານລະບົບ(Video Conference), ໃນວັນທີ 23 ເມສາຜ່ານມາ ໂດຍການເປັນປະທານຂອງທ່ານ Keizo Takemi ປະທານເວທີລັດຖະສະພາອາຊີ-ປາຊີຟິກ ກ່ຽວກັບສຸຂະພາບໂລກ ແລະ ມີ ຫົວໜ້າ ຝ່າຍຄຸ້ມຄອງໂຄງການອົງການອະນາໄມໂລກປະຈຳພາກພື້ນແລະ ບັນດາລັດຖະມົນຕີ, ຮອງລັດຖະມົນຕີກະຊວງສາທາລະນະສຸກ ແລະ ສະມາຊິກສະພາແຫ່ງຊາດຈາກ30 ປະເທດເຂົ້າຮ່ວມ.

ປະທານເວທີລັດຖະສະພາອາຊີ-ປາຊີຟິກ ໄດ້ມີຄຳເຫັນກ່າວເປີດວ່າ: ການແຜ່ລະບາດຂອງພະຍາດ Covid-19 ໄດ້ເປັນວົງກວ້າງ ແລະ ຮ້າຍແຮງ ຊຶ່ງສົ່ງຜົນກະທົບບໍ່ສະເພາະຕໍ່ ສຸຂະພາບ ແຕ່ຍັງສົ່ງຜົນກະທົບຕໍ່ດ້ານເສດຖະກິດ-ສັງຄົມ ອີກດ້ວຍ. ບັນດາປະເທດໃນພາກພື້ນໄດ້ສຸມທຸກຄວາມພະຍາຍາມ ແລະ ມີການຮ່ວມມືກັນຂອງຫລາຍປະເທດໃນໂລກ ເພື່ອຕໍ່ສູ້ກັບພະຍາດດັ່ງກ່າວ, ເພື່ອ ຄວາມປອດໄພ ແລະ ໝັ້ນຄົງ ຂອງປະຊາຄົມໂລກ ແລະ ສະມາຊິກລັດຖະສະພາ ຊຶ່ງເປັນຕົວແທນຂອງໝົດທຸກຄົນ ຈະຕ້ອງໄດ້ຊຸກຍູ້ ແລະ ເຕົ້າໂຮມຄວາມສາມັກຄີຂອງທຸກພາກສ່ວນທັງພາກລັດ ແລະ ສັງຄົມ ເພື່ອຢັບຢັ້ງການແຜ່ລະບາດຂອງພະຍາດຄັ້ງນີ້.

ກອງປະຊຸມຍັງໄດ້ຮັບຟັງການລາຍງານສະພາບການ ແຜ່ລະບາດຂອງພະຍາດ Covid-19 ຢູ່ພາກພື້ນອາຊີ-ປາຊີຟິກ, ສະພາບການຮັບມືກັບ ການແຜ່ລະບາດຂອງພະຍາດນີ້ໂດຍອົງການອະນາໄມໂລກເປັນຜູ້ສະເຫນີ ແລະ ໄດ້ມີການແລກປ່ຽນ ແລະ ສົນທະນາບັນຫາຕ່າງໆກ່ຽວກັບສະພາບການ ແຜ່ລະບາດ ແລະ ການຮັບມືຕໍ່ພະຍາດດັ່ງກ່າວເປັນຕົ້ນ ສ.ເກົາຫຼີ, ຍີ່ປຸ່ນ, ຟີລິບປິນ, ຟີຈິ, ມົງໂກລີ ແລະ ຄຸກໄອແລນ. ໃນກອງປະຊຸມ ທ່ານ ນ. ພອນເພັດ ບຸບຜາ ໄດ້ລາຍງານກ່ຽວກັບສະພາບການຮັບມື ຂອງ ສປປ ລາວ ໃນສະເພາະໜ້າ, ໄລຍະກາງ ແລະ ໄລຍະຍາວ ຊຶ່ງລັດຖະບານລາວ ໄດ້ກໍານົດບັນດາມາດຕະການໃນການປ້ອງກັນມາແຕ່ໄລຍະຕົ້ນ, ຊຶ່ງລວມມີມາດຕະການປິດການເຂົ້າ-ອອກ ປະເທດແລະ ຄຳແນະນຳຂອງອົງການອະນາໄມໂລກກ່ຽວກັບການເວັ້ນໄລຍະຫ່າງທາງສັງຄົມ ຢ່າງເຄັ່ງຄັດ.ພ້ອມນີ້ ລາວ ໄດ້ມີການຈັດສັນງົບປະມານເພື່ອຕອບໂຕ້ການແຜ່ລະບາດຂອງພະຍາດ ແລະ ໄດ້ຖືບັນຫາສຸຂະພາບເປັນວຽກງານບູລິມະສິດທີ່ສຳຄັນ.

ຜູ້ແທນສະພາແຫ່ງຊາດລາວ ເຂົ້າຮ່ວມກອງປະຊຸມທາງໄກກ່ຽວກັບ covid-19 ແລະ ເວທີປຶກສາຫາລືລັດຖະສະພາອາຊີ-ປາຊີຟິກ ກ່ຽວກັບສຸຂະພາບໂລກ - Wave100S AD to Website 2020 0 - ຜູ້ແທນສະພາແຫ່ງຊາດລາວ ເຂົ້າຮ່ວມກອງປະຊຸມທາງໄກກ່ຽວກັບ Covid-19 ແລະ ເວທີປຶກສາຫາລືລັດຖະສະພາອາຊີ-ປາຊີຟິກ ກ່ຽວກັບສຸຂະພາບໂລກ

ສະເພາະສະພາແຫ່ງຊາດແຫ່ງ ລາວ ໄດ້ມີການແຕ່ງຕັ້ງໜ່ວຍງານສະເພາະກິດພາຍໃນສະພາເພື່ອຕິດຕາມຂ່າວສານຢ່າງໃກ້ສິດກັບຄະນະສະເພາະກິດລະດັບຊາດ ເພື່ອປ້ອງກັນ ແລະ ຄວມຄຸມການແຜ່ລະບາດຂອງພະຍາດ Covid-19, ເພື່ອການຕິດຕາມກວດກາ ແລະ ປະເມີນຜົນການຈັດຕັ້ງປະຕິບັດບັນດາມາດຕະການປ້ອງກັນ ແລະ ຄວບຄຸມການແຜ່ລະບາດມີປະສິດທິຜົນ ແລະໄດ້ມີການຕິດຕາມກວດກາການຈັດຕັ້ງປະຕິບັດກົດ ໝາຍວ່າດ້ວຍການກັນ ແລະ ຄວບຄຸມພະຍາດຕິດຕໍ່ ຊຶ່ງໄດ້ປະກາດໃຊ້ໃນປີ 2017 ແລະ ກົດໝາຍອື່ນທີ່ກ່ຽວຂ້ອງລວມທັງນິຕິກໍາລຸ່ມກົດໝາຍ ແລະ ໄດ້ອອກຄໍາແນະນໍາຈໍານວນໜຶ່ງກ່ຽວຂ້ອງກັບພະຍາດ Covid-19 ເພື່ອເປັນບ່ອນອີງໃຫ້ແກ່ບັນດາ ສສຊ ປະຈໍາຢູ່ແຕລະເຂດເລືອກຕັ້ງໃນທົ່ວປະເທດ ໄດ້ປະຕິບັດພາລະບົດບາດຂອງຕົນ ໃນການຕິດຕາມກວດກາການຈັດຕັ້ງປະຕິບັດບັນດາມາດຕະການ ແລະ ການຄວບຄຸມການແຜ່ລະບາດພະຍາດດັ່ງກ່າວໄດ້ຢ່າງເຂັ້ມງວດ. ພ້ອມນີ້, ຍັງໄດ້ສະເໜີໃຫ້ມີການເສີມຂະຫຍາຍຄວາມສາມັກຄີຮ່ວມກັນ, ສ້າງຂີດຄວາມສາມາດ, ແລກປ່ຽນບົດຮຽນ ແລະ ປະສົບການໃນການຕ້ານ ແລະ ສະກັດກັ້ນພະຍາດ Covid-19 ທີ່ເຫັນວ່າມີຄວາມຈໍາເປັນໃຫ້ໃນການຮ່ວມມືກັນຢ່າງກວ້າງຂວາງ ແລະ ສະໜິດແໜ້ນ ໃນການເຂົ້າຮ່ວມຄົ້ນຄວ້າວິໄຈ ແລະ ການມີສ່ວນຮ່ວມຂອງພາກສ່ວນທີ່ກ່ຽວຂ້ອງໃນດ້ານຄວາມຮູ້, ຄວາມສາມາດ, ດ້ານຄວາມຊ່ຽວຊານ ແລະ ດ້ານງົບປະມານ ເພື່ອຄົ້ນຄວ້າວັກຊີນທີ່ຖືກຕ້ອງ ເພື່ອກໍາຈັດໄວຣັດຊະນິດນີ້ ເພື່ອສາມາດປົກປ້ອງສຸຂະພາບ ແລະ ການດໍາລົງຊີວິດຂອງປະຊາຊົນໃນທົ່ວໂລກ.

ຜູ້ແທນສະພາແຫ່ງຊາດລາວ ເຂົ້າຮ່ວມກອງປະຊຸມທາງໄກກ່ຽວກັບ covid-19 ແລະ ເວທີປຶກສາຫາລືລັດຖະສະພາອາຊີ-ປາຊີຟິກ ກ່ຽວກັບສຸຂະພາບໂລກ - WhatsApp Image 2020 05 27 at 5 - ຜູ້ແທນສະພາແຫ່ງຊາດລາວ ເຂົ້າຮ່ວມກອງປະຊຸມທາງໄກກ່ຽວກັບ Covid-19 ແລະ ເວທີປຶກສາຫາລືລັດຖະສະພາອາຊີ-ປາຊີຟິກ ກ່ຽວກັບສຸຂະພາບໂລກ
ຜູ້ແທນສະພາແຫ່ງຊາດລາວ ເຂົ້າຮ່ວມກອງປະຊຸມທາງໄກກ່ຽວກັບ covid-19 ແລະ ເວທີປຶກສາຫາລືລັດຖະສະພາອາຊີ-ປາຊີຟິກ ກ່ຽວກັບສຸຂະພາບໂລກ - WhatsApp Image 2020 05 27 at 5 - ຜູ້ແທນສະພາແຫ່ງຊາດລາວ ເຂົ້າຮ່ວມກອງປະຊຸມທາງໄກກ່ຽວກັບ Covid-19 ແລະ ເວທີປຶກສາຫາລືລັດຖະສະພາອາຊີ-ປາຊີຟິກ ກ່ຽວກັບສຸຂະພາບໂລກ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!