ລາວຫາລືກໍານົດມາດຕະການຜ່ອນຜັນ ຖ້າບໍ່ມີກໍລະນີຕິດເຊື້ອໂຄວິດ-19 ເພີ່ມໃໝ່

ລາວຫາລືກໍານົດມາດຕະການຜ່ອນຜັນ ຖ້າບໍ່ມີກໍລະນີຕິດເຊື້ອໂຄວິດ-19 ເພີ່ມໃໝ່ - AGL banner - ລາວຫາລືກໍານົດມາດຕະການຜ່ອນຜັນ ຖ້າບໍ່ມີກໍລະນີຕິດເຊື້ອໂຄວິດ-19 ເພີ່ມໃໝ່

ຄະນະສະເພາະກິດ ໄດ້ຫາລືກ່ຽວກັບມາດຕະການຜ່ອນຜັນ, ຖາ້ບໍ່ມີກໍລະນີ ຕິດເຊື້ອເພີ່ມໃໝ່ ຈົນຮອດວັນທີ 3 ພຶດສະພາທີ່ຈະມາເຖິງນີ້ ເພື່ອເປັນການຫຼຸດຜ່ອນຜົນກະທົບຕໍ່ການດຳລົງຊີວິດຂອງປະຊາຊົນບັນດາເຜົ່າ ແລະ ຜົນກະທົບຕໍ່ເສດຖະກິດຂອງປະເທດ.
ມາດຕະການດັ່ງກ່າວໄດ້ຫາລືກັນຢູ່ທີ່ກອງປະຊຸມຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ-19 ໃນວັນທີ 27 ເມສານີ້ໂດຍການເປັນປະທານ ຂອງ ທ່ານ ສົມດີ ດວງດີ ຮອງນາຍົກລັດຖະ ມົນຕີ, ປະທານຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ-19.
ຕາມການຕົກລົງກັນວ່າ: ການກຳນົດໄລຍະເວລາຜ່ອນຜັນ ແມ່ນຈະແບ່ງເປັນສອງ ໄລຍະຄື: ໄລຍະທີ 1 ແຕ່ວັນທີ 4 ຫາ 31 ພຶດສະພາ 2020 ແລະ ໄລຍະທີ 2 ແຕ່ວັນທີ 1 ຫາ 30 ມິຖຸນາ 2020.ຊຶ່ງມາດຕະການຜ່ອນຜັນໄລຍະທີ 1 ຖ້າບໍ່ມີລາຍງານກໍລະນີຕິດເຊື້ອໃໝ່ຈົນຮອດວັນທີ 3 ພຶດສະພາປະກອບມີ: ການອະນຸຍາດໃຫ້ສຳນັກງານ-ອົງການ ເປີດໃຫ້ພະນັກງານ-ລັດຖະກອນມາເຮັດວຽກປົກກະຕິ, ອະນຸຍາດໃຫ້ປະຊາຊົນ, ພະນັັກງານ-ລັດຖະກອນ, ທະຫານ, ຕຳຫຼວດ ສາມາດອອກຈາກເຮືອນສາມາດ ເດີນທາງໄປມາໄດ້ພຽງຢູ່ໃນແຂວງຂອງຕົນໃນກໍລະນີຈຳເປັນ, ອະນຸຍາດໃຫ້ມີການຈັດຝຶກອົບຮົມ, ຈັດກອງປະຊຸມທາງການ ແລະ ກິດຈະກໍາທາງສາສະໜາ, ອະນຸຍາດໃຫ້ອອກກຳລັງກາຍ ຫຼື ຫຼີ້ນກິລາກາງແຈ້ງ, ອະນຸຍາດເປີດ ໂຮງຮຽນ, ໂຮງງານ ແລະ ໂຄງການໃຫຍ່ຕ່າງໆ, ສ່ວນໄລຍະທີ 2 ຖ້າບໍ່ມີລາຍງານກໍລະນີຜູ້ຕິດເຊື້ອໃໝ່ຮອດວັນທີ 31 ພຶດສະພາ 2020 ແລະ ສະພາບການລະບາດພະຍາດນີ້ຢູ່ໃນບັນດາ ປະເທດໃກ້ຄຽງມີທ່າອ່ຽງຫຼຸດລົງ, ແມ່ນຈະໄດ້ຍົກເລີກບັນດາມາດຕະການທັງໝົດ ໃນຄໍາສັ່ງເລກທີ 06/ນຍ, ຍົກເວັ້ນມາດຕະການຫ້າມການເດີນທາງເຂົ້າປະເທດຂອງຜູ້ເດີນທາງທົ່ວໄປ. ຊຶ່ງທັງສອງມາດຕະການທີ່ກ່າວມານັ້ນ ຈະໄດ້ສະເໜີຕໍ່ກອງປະຊຸມ ນາຍົກລັດຖະມົນຕີທີ່ຈະຈັດຂຶ້ນໃນວັນທີ 28 ເມສາ ນີ້, ເພື່ອພິຈາລະນາວ່າ ອັນໃດຄວນຜ່ອນຜັນໄດ້ ແລະ ອັນໃດຍັງຕ້ອງສືບຕໍ່ປະຕິບັດຕື່ມອີກ.

ລາວຫາລືກໍານົດມາດຕະການຜ່ອນຜັນ ຖ້າບໍ່ມີກໍລະນີຕິດເຊື້ອໂຄວິດ-19 ເພີ່ມໃໝ່ - WhatsApp Image 2020 05 27 at 5 - ລາວຫາລືກໍານົດມາດຕະການຜ່ອນຜັນ ຖ້າບໍ່ມີກໍລະນີຕິດເຊື້ອໂຄວິດ-19 ເພີ່ມໃໝ່
ລາວຫາລືກໍານົດມາດຕະການຜ່ອນຜັນ ຖ້າບໍ່ມີກໍລະນີຕິດເຊື້ອໂຄວິດ-19 ເພີ່ມໃໝ່ - WhatsApp Image 2020 05 27 at 5 - ລາວຫາລືກໍານົດມາດຕະການຜ່ອນຜັນ ຖ້າບໍ່ມີກໍລະນີຕິດເຊື້ອໂຄວິດ-19 ເພີ່ມໃໝ່
ລາວຫາລືກໍານົດມາດຕະການຜ່ອນຜັນ ຖ້າບໍ່ມີກໍລະນີຕິດເຊື້ອໂຄວິດ-19 ເພີ່ມໃໝ່ - WhatsApp Image 2020 05 27 at 5 - ລາວຫາລືກໍານົດມາດຕະການຜ່ອນຜັນ ຖ້າບໍ່ມີກໍລະນີຕິດເຊື້ອໂຄວິດ-19 ເພີ່ມໃໝ່
ລາວຫາລືກໍານົດມາດຕະການຜ່ອນຜັນ ຖ້າບໍ່ມີກໍລະນີຕິດເຊື້ອໂຄວິດ-19 ເພີ່ມໃໝ່ - WhatsApp Image 2020 05 27 at 5 - ລາວຫາລືກໍານົດມາດຕະການຜ່ອນຜັນ ຖ້າບໍ່ມີກໍລະນີຕິດເຊື້ອໂຄວິດ-19 ເພີ່ມໃໝ່
ລາວຫາລືກໍານົດມາດຕະການຜ່ອນຜັນ ຖ້າບໍ່ມີກໍລະນີຕິດເຊື້ອໂຄວິດ-19 ເພີ່ມໃໝ່ - Wave100S AD to Website 2020 0 - ລາວຫາລືກໍານົດມາດຕະການຜ່ອນຜັນ ຖ້າບໍ່ມີກໍລະນີຕິດເຊື້ອໂຄວິດ-19 ເພີ່ມໃໝ່
error: Alert: Content is protected !!