ຜູ້ຕິດເຊື້ອໂຄວິດທົ່ວໂລກທະລຸ 3 ລ້ານຄົນ WHO ເຕືອນການລະບາດຍັງບໍ່ຈົບ

ຜູ້ຕິດເຊື້ອໂຄວິດທົ່ວໂລກທະລຸ 3 ລ້ານຄົນ who ເຕືອນການລະບາດຍັງບໍ່ຈົບ - 280 - ຜູ້ຕິດເຊື້ອໂຄວິດທົ່ວໂລກທະລຸ 3 ລ້ານຄົນ WHO ເຕືອນການລະບາດຍັງບໍ່ຈົບ
ຜູ້ຕິດເຊື້ອໂຄວິດທົ່ວໂລກທະລຸ 3 ລ້ານຄົນ who ເຕືອນການລະບາດຍັງບໍ່ຈົບ - Untitled design - ຜູ້ຕິດເຊື້ອໂຄວິດທົ່ວໂລກທະລຸ 3 ລ້ານຄົນ WHO ເຕືອນການລະບາດຍັງບໍ່ຈົບ

ຈຳນວນຜູ້ຕິດເຊື້ອໂຄວິດ-19 ທົ່ວໂລກທະລຸ 3 ລ້ານຄົນແລ້ວ ໂດຍເກືອບ 1 ໃນ 3 ຢູ່ອາເມລິກາ, ສ່ວນອົງການອະນາໄມໂລກເຕືອນວ່າ: ການລະບາດຍັງບໍ່ຢຸດ.

ເວັບໄຊ ສູນຂໍ້ມູນໄວຣັສໂຄໂຣນາ ຂອງມະຫາວິທະຍາໄລຈອນ ຮອບກິນ ລະບຸວ່າ: ຈຳນວນຜູ້ຕິດເຊື້ອໂຄວິດ-19 ທົ່ວໂລກ ເພີ່ມຂຶ້ນເປັນ 3.012.484 ຄົນແລ້ວ ໃນຄືນວັນທີ 27 ເມສາ 2020 ໂດຍໃນຈຳນວນນີ້ເສຍຊີວິດແລ້ວເຖິງ 208.517 ຄົນ. ຂະນະທີ່ມີຜູ້ທີ່ຫາຍດີແລ້ວ 884.323 ຄົນ.

ອາເມລິກາເປັນປະເທດທີ່ມີຜູ້ຕິດເຊື້ອ ແລະ ຜູ້ເສຍຊີວິດຫລາຍທີ່ສຸດໃນໂລກ ໂດຍຈຳນວນຜູ້ຕິດເຊື້ອຫລ້າສຸດມີ 978.680 ຄົນ ໃນຈຳນວນນີ້ເສຍຊີວິດແລ້ວ 55.118 ຄົນ ແລະ ປິ່ນປົວຫາຍດີແລ້ວ 107.517 ຄົນ. ຂະນະທີ່ສະເປນມີຜູ້ຕິດເຊື້ອສູງເປັນອັນດັບ 2 ມີ 229.424 ຄົນ, ຕໍ່ມາແມ່ນອິຕາລີ 199.414 ຄົນ.

ເຖິງຢ່າງໃດກໍຕາມ, ຫລັງຈາກການລະບາດດຳເນີນມາຫລາຍເດືອນ ຫລາຍປະເທດເລີ່ມຫລຸດຜ່ອນມາດຕະການລັອກດາວທີ່ໃຊ້ ເພື່ອຄວບຄຸມການແຜ່ກະຈາຍຂອງໄວຣັສມໍລະນະນີ້ແລ້ວ ໂດຍໃນທ້າຍອາທິດຜ່ານມາ ສະເປນເຊິ່ງມີມາດຕະການລັອກດາວທີ່ເຂັ້ມງວດທີ່ສຸດໃນໂລກ ອະນຸຍາດໃຫ້ເດັກອາຍຸຕໍ່າກວ່າ 14 ປີ ອອກນອກເຮືອນໄດ້ເປັນຄັ້ງທຳອິດໃນຮອບ 6 ເດືອນ.

ຜູ້ຕິດເຊື້ອໂຄວິດທົ່ວໂລກທະລຸ 3 ລ້ານຄົນ who ເຕືອນການລະບາດຍັງບໍ່ຈົບ - Wave100S AD to Website 2020 0 - ຜູ້ຕິດເຊື້ອໂຄວິດທົ່ວໂລກທະລຸ 3 ລ້ານຄົນ WHO ເຕືອນການລະບາດຍັງບໍ່ຈົບ

ອິຕາລີປະກາດແນວທາງຫລຸດຜ່ອນລັອກດາວອອກມາແລ້ວໃນວັນທີ 26 ເມສາ, ຂະນະທີ່ຢູ່ອາເມລິກາ ຫລາຍລັດເລີ່ມຫລຸດຜ່ອນຂໍ້ຈຳກັດໃຫ້ຮ້ານຄ້າເປີດກິດຈະການໄດ້ແດ່ແລ້ວ ຫລັງຈາກອັດຕາຜູ້ຕິດເຊື້ອໃນພື້ນທີ່ສ່ຽງຫລາຍຈຸດ ລວມທັງລັດນິວຢອກ ເຊິ່ງເປັນສູນກາງການລະບາດ ຫລຸດລົງ, ສ່ວນປະເທດໃກ້ຄຽງ ຄືການາດາ ເລີ່ມພິຈາລະນາຫລຸດຜ່ອນລັອກດາວແລ້ວເຊັ່ນກັນ.

ເຖິງຢ່າງໃດກໍຕາມ, ທ່ານ ດຣ. ເທດຣອສ ອາດານອມ ເກເບຣເຍຊຸສ ຜູ້ອຳນວຍການໃຫຍ່ອົງການອະນາໄມໂລກ (WHO) ເຕືອນໃນການຖະແຫລງຂ່າວວັນທີ 27 ເມສາວ່າ: ການລະບາດທົ່ວໂລກຂອງໄວຣັສໂຄວິດ-19 ຄັ້ງນີ້ ຍັງຫ່າງໄກຈາກຄຳວ່າ: ຢຸດຕິ ໂດຍພວກທ່ານຍັງກັງວົນເລື່ອງທິດທາງການລະບາດຢູ່ອາຟຣິກາ, ເອີຣົບຕາເວັນຕົກ, ອາເມລິກາລາຕິນ ແລະ ໃນບາງປະເທດຂອງທະວີບອາຊີ.

ຜູ້ຕິດເຊື້ອໂຄວິດທົ່ວໂລກທະລຸ 3 ລ້ານຄົນ who ເຕືອນການລະບາດຍັງບໍ່ຈົບ - WhatsApp Image 2020 05 27 at 5 - ຜູ້ຕິດເຊື້ອໂຄວິດທົ່ວໂລກທະລຸ 3 ລ້ານຄົນ WHO ເຕືອນການລະບາດຍັງບໍ່ຈົບ
ຜູ້ຕິດເຊື້ອໂຄວິດທົ່ວໂລກທະລຸ 3 ລ້ານຄົນ who ເຕືອນການລະບາດຍັງບໍ່ຈົບ - WhatsApp Image 2020 05 27 at 5 - ຜູ້ຕິດເຊື້ອໂຄວິດທົ່ວໂລກທະລຸ 3 ລ້ານຄົນ WHO ເຕືອນການລະບາດຍັງບໍ່ຈົບ
error: Alert: ເນື້ອຫາຂ່າວມີລິຂະສິດ !!