ມື້ທີ16ແລ້ວລາວບໍ່ພົບຜູ້ຕິດເຊື້ອໂຄວິດ-19 ເພີ່ມ

ມື້ທີ16ແລ້ວລາວບໍ່ພົບຜູ້ຕິດເຊື້ອໂຄວິດ-19 ເພີ່ມ - 88128611 - ມື້ທີ16ແລ້ວລາວບໍ່ພົບຜູ້ຕິດເຊື້ອໂຄວິດ-19 ເພີ່ມ
ມື້ທີ16ແລ້ວລາວບໍ່ພົບຜູ້ຕິດເຊື້ອໂຄວິດ-19 ເພີ່ມ - Untitled design - ມື້ທີ16ແລ້ວລາວບໍ່ພົບຜູ້ຕິດເຊື້ອໂຄວິດ-19 ເພີ່ມ

ຮອງລັດຖະມົນຕີ ກະຊວງ ສາທາລະນະສຸກ ໄດ້ຖະແຫລງຂ່າວຕໍ່ສື່ມວນຊົນໃນວັນທີ 28 ເມສາ ນີ້ວ່າ: ມາຮອດມື້ນີ້ເປັນມື້ທີ 16 ແລ້ວ ທີ່ລາວ ບໍ່ພົບຜູ້ຕິດເຊື້ອໂຄວິດ-19 ໃຫມ່ ແລະ ຄາດວ່າຮອດວັນທີ 3 ພຶດສະພານີ້, ລາວຈະສາມາດຄວບຄຸມການລະບາດຂອງພະຍາດດັ່ງກ່າວໃຫ້ຢຸດນີ້ງລົງໄດ້ໄດ້, ແລະກຽມພ້ອມຜ່ອນຜັນມາດຕະການຄວບຄຸມຫລາຍດ້ານ ເພື່ອໃຫ້ສັງຄົມກັບສູ່ສະພາບປົກກະຕິໂດຍໄວ.
ທ່ານ ຮອງລັດຖະມົນຕີ ໃຫ້ຮູ້ວ່າ: ນັບແຕ່ເດືອນມັງກອນ ມາຮອດ ວັນທີ 27 ເມສານີ້, ໄດ້ເກັບຕົວຢ່າງມາກວດທັງໝົດມີ1.815ຕົວຢ່າງ, ພົບເຊື້ອສະສົມພຽງ19ຄົນ ແລະ ສາມາດປົວດີ 7 ຄົນ, ສ່ວນ12 ຄົນ ຍັງສືບຕໍ່ຕິດຕາມ ປິ່ນປົວຢູ່ໂຮງໝໍ, ໃນນັ້ນຢູ່ໂຮງໝໍແຂວງຫຼວງພະບາງ ມີ 1 ຄົນເປັນເພດຊາຍ ແລະ ຢູ່ໂຮງໝໍມິດຕະພາບ ມີ 11 ຄົນ ທັງໝົດເຫັນວ່າ ມີອາການເບົາບາງດີຂຶ້ນ. ອາດເວົ້າໄດ້ວ່າ: ມາຮອດປັດຈຸບັນສະພາບການລະບາດຂອງພະຍາດດັ່ງກ່າວຢູ່ລາວເຮົາເຫັນວ່າຜ່ອນຄາຍລົງ ແລະ ຜົນສຳເລັດນີ້ ກໍ່ຍ້ອນວ່າ ປະຊາຊົນບັນດາເຜົ່າ ໄດ້ມີຄວາມຕື່ນຕົວ, ເປັນເຈົ້າການຈັດຕັ້ງປະຕິບັດ ຄໍາສັ່ງ ເລກທີ 06/ນຍ ໄດ້ຢ່າງເຂັ້ມງວດ, ແຕ່ເຖິງແນວໃດພວກເຮົາກໍບໍ່ໄດ້ລົດລະມາດຕະການເຝົ້າລະວັງ ຕິດຕາມຄົ້ນຫາ ຜູ້ສົງໄສທີ່ຈະຕິດເຊື້ອ,ໂດຍສະເພາະຜູ້ທີ່ຍັງຈຳກັດບໍລິເວນຕົນເອງຢູ່ສູນ ແລະ ຢູ່ເຮືອນ. ສໍາລັບຜູ້ທີ່ຈະເດີນທາງຜ່ານແດນເຂົ້າມາໃໝ່ ຈະຕ້ອງໄດ້ປະຕິບັດມາດຕະການກວດກາຄັດຕອງ ເລີ່ມແຕ່ປະເທດຕົ້ນທາງເຂົ້າມາຜ່ານຊາຍແດນຈົນມາເຖິງປະເທດເຮົາຢ່າງຖືກຕ້ອງ ແລະ ເຂັ້ມງວດ ເພື່ອສະກັດກັ້ນ ບໍ່ໃຫ້ມີການລະບາດຄືນຄັ້ງທີ2.
ຄະນະສະເພາະກິດ ເພື່ອສະກັດກັ້ນ ແລະ ຄວບຄຸມ ເຊື້ອໂຄວິດ-19 ຍັງໃຫ້ຮູ້ວ່າ: ຖ້າສະພາບການລະບາດຂອງພະຍາດນີ້ຫາກມີການຜ່ອນຜັນ ແລະ ສາມາດຄວບຄຸມໄດ້ ເປັນປົກກະຕິ, ລັດຖະບານອາດຈະມີການກຳນົດໄລຍະເວລາຜ່ອນຜັນອອກເປັນສອງ ໄລຍະຄື: ໄລຍະທີ 1 ແຕ່ວັນທີ 4 ຫາ 31 ພຶດສະພາ ແລະ ໄລຍະທີ 2 ແຕ່ວັນທີ 1 ຫາ 30 ມິຖຸນາ 2020. ຊຶ່ງມາດຕະການຜ່ອນຜັນໄລຍະທີ 1 ຖ້າບໍ່ມີລາຍງານກໍລະນີຕິດເຊື້ອໃໝ່ຈົນຮອດວັນທີ 3 ພຶດສະພາແມ່ນຈະອະນຸຍາດໃຫ້ ພະນັກງານ-ລັດຖະກອນມາເຮັດວຽກປົກກະຕິ, ອະນຸຍາດໃຫ້ປະຊາຊົນພົນລະເມືອງລາວທຸກຄົນ ສາມາດອອກຈາກເຮືອນ ແລະ ເດີນທາງໄປມາໄດ້ຢູ່ໃນຂອບເຂດທ້ອງຖິ່ນ,ເຂດແຂວງຂອງຕົນໃນກໍລະນີຈຳເປັນ, ຈະອະນຸຍາດໃຫ້ມີການຈັດຝຶກອົບຮົມ, ຈັດກອງປະຊຸມທາງການ ແລະ ກິດຈະກໍາທາງສາສະໜາ, ອະນຸຍາດໃຫ້້ອອກກຳລັງກາຍ ຫຼື ຫຼີ້ນກິລາກາງແຈ້ງ, ອະນຸຍາດໃຫ້ສືບຕໍ່ເປີດໂຮງຮຽນ, ໂຮງຈັກໂຮງງານ ແລະ ໂຄງການຂະຫນາດໃຫຍ່ຕ່າງໆໄດ້, ສ່ວນໄລຍະທີ 2 ຖ້າບໍ່ມີລາຍງານກໍລະນີຜູ້ຕິດເຊື້ອໃໝ່ຮອດວັນທີ 31 ພຶດສະພາ ແລະ ສະພາບການລະບາດພະຍາດນີ້ຢູ່ບັນດາ ປະເທດໃກ້ຄຽງມີທ່າອ່ຽງຫຼຸດລົງ, ແມ່ນຈະໄດ້ຍົກເລີກທັງໝົດ ບັນດາມາດຕະການ ໃນຄໍາສັ່ງເລກທີ 06/ນຍ, ຍົກເວັ້ນບາງມາດຕະການທີ່ຈຳເປັນໃນການຈຳກັດຜູ້ໂດຍສານເດີນທາງເຂົ້າປະເທດ.

ມື້ທີ16ແລ້ວລາວບໍ່ພົບຜູ້ຕິດເຊື້ອໂຄວິດ-19 ເພີ່ມ - Wave100S AD to Website 2020 0 - ມື້ທີ16ແລ້ວລາວບໍ່ພົບຜູ້ຕິດເຊື້ອໂຄວິດ-19 ເພີ່ມ
ມື້ທີ16ແລ້ວລາວບໍ່ພົບຜູ້ຕິດເຊື້ອໂຄວິດ-19 ເພີ່ມ - WhatsApp Image 2020 05 27 at 5 - ມື້ທີ16ແລ້ວລາວບໍ່ພົບຜູ້ຕິດເຊື້ອໂຄວິດ-19 ເພີ່ມ
ມື້ທີ16ແລ້ວລາວບໍ່ພົບຜູ້ຕິດເຊື້ອໂຄວິດ-19 ເພີ່ມ - WhatsApp Image 2020 05 27 at 5 - ມື້ທີ16ແລ້ວລາວບໍ່ພົບຜູ້ຕິດເຊື້ອໂຄວິດ-19 ເພີ່ມ
error: Alert: ເນື້ອຫາຂ່າວມີລິຂະສິດ !!