4 ຂໍ້ຜິດພາດອັນຍິ່ງໃຫຍ່ທີ່ທ່ານຄວນຈະຫລີກເວັ້ນ.

4 ຂໍ້ຜິດພາດອັນຍິ່ງໃຫຍ່ທີ່ທ່ານຄວນຈະຫລີກເວັ້ນ. - 112 2 -      4 ຂໍ້ຜິດພາດອັນຍິ່ງໃຫຍ່ທີ່ທ່ານຄວນຈະຫລີກເວັ້ນ.
4 ຂໍ້ຜິດພາດອັນຍິ່ງໃຫຍ່ທີ່ທ່ານຄວນຈະຫລີກເວັ້ນ. - Untitled design -      4 ຂໍ້ຜິດພາດອັນຍິ່ງໃຫຍ່ທີ່ທ່ານຄວນຈະຫລີກເວັ້ນ.

ການເຮັດຜິດພາດເປັນເລື່ອງທີ່ຍາກຈະຫລີກເວັ້ນ ແລະ ການເຮັດຜິດພາດກໍບໍ່ແມ່ນເລື່ອງໃຫຍ່ທີ່ຈະເຮັດໃຫ້ຊີວິດຂອງທ່ານພັງທະລາຍ ໃຜໆກໍເຄີຍເຮັດຜິດພາດກັນທັງໝົດ ແລະ ການຮຽນຮູ້ຈາກຄວາມຜິດພາດກໍເຮັດໃຫ້ເຮົາແຂງແກ່ນຍິ່ງຂຶ້ນ, ແຕ່ບາງສິ່ງບາງຢ່າງກໍບໍ່ຄວນທີ່ຈະຜິດພາດ ເພາະສິ່ງເຫລົ່ານັ້ນອາດຈະເຮັດໃຫ້ທ່ານເຈັບໜັກໄດ້ງ່າຍໆ. ມື້ນີ້ພວກເຮົາມີຄວາມຮູ້ກ່ຽວກັບຄວາມຜິດພາດທີ່ທ່ານຄວນລະວັງ ແລະ ຫລີກເວັ້ນບໍ່ໃຫ້ມັນເກີດຂຶ້ນຈະເປັນການດີທີ່ສຸດ.

  1. ໃຊ້ເວລາຮ່ວມກັບຄົນເກັ່ງໆໜ້ອຍເກີນໄປ : ການໃຊ້ເວລາຮ່ວມກັບຄົນນິໄສບໍ່ດີ ນັ້ນເປັນສິ່ງທີ່ຄວນຫລີກເວັ້ນຢູ່ແລ້ວ ເພາະພວກເຂົາຈະຖ່ວງດຶງທ່ານລົງໄປ ບໍ່ຍອມໃຫ້ທ່ານເຕີບໃຫຍ່ກ້າວໜ້າ ແລະ ເຮັດໃຫ້ທ່ານຄິດແຕ່ເລື່ອງລາວບໍ່ດີ. ໃນທາງກົງກັນຂ້າມ, ການໃຊ້ເວລາຮ່ວມກັບຄົນທີ່ເໝາະສົມ ຫລື ຄົນທີ່ຊ່ວຍພັດທະນາທ່ານ ຈຶ່ງເປັນສິ່ງຈຳເປັນ. ສະນັ້ນແລ້ວ ຖ້າທ່ານພົບຄົນທີ່ເໝາະສົມ ທີ່ຈະຊ່ວຍໃຫ້ທ່ານພັດທະນາໂຕເອງແລ້ວ ກໍຈົ່ງໃຊ້ເວລາຮ່ວມກັບເຂົາໃຫ້ຫລາຍໆ ຢ່າເຮັດຜິດພາດໂດຍການຖືເບົາບໍ່ສົນໃຈຄົນເຫລົ່ານີ້.

ໂຕຢ່າງເຊັ່ນ :

  • ຄົນທີ່ເຫັນຄຸນຄ່າຂອງທ່ານຢ່າງແທ້ຈິງ, ເຄົາລົບໃນຄວາມເປັນໂຕທ່ານ, ຍອມຮັບຄວາມຜິດພາດຂອງທ່ານ ແລະ ເຂົ້າໃຈທ່ານ.
  • ເຂົາເຮັດໃຫ້ທ່ານພັດທະນາຕົນເອງ, ສອນໃຫ້ທ່ານເປັນຄົນທີ່ດີຂຶ້ນດ້ວຍປະສົບການຂອງພວກເຂົາ.
  • ຄົນທີ່ເຕີບໃຫຍ່ກ້າວໜ້າຢູ່ຕະຫລອດເວລາ ເພາະມັນຈະສົ່ງຜົນດີຕໍ່ທ່ານນຳ.
  • ຄົນທີ່ຍ່າງຄຽງຂ້າງທ່ານ, ຊ່ວຍເຫລືອທ່ານ ແລະ ຍິນດີກັບຄວາມສຳເລັດຂອງທ່ານ.
  • ຄົນທີ່ເບິ່ງໂລກໃນແງ່ດີ, ຫ້າວຫັນ ແລະ ມີຈິດໃຈທີ່ມຸ່ງໝັ້ນ.

ລອງແນມໄປອ້ອມໆເບິ່ງວ່າທ່ານມີຄົນແບບນີ້ຢູ່ໃກ້ໆແນ່ຫລືບໍ່ ?

4 ຂໍ້ຜິດພາດອັນຍິ່ງໃຫຍ່ທີ່ທ່ານຄວນຈະຫລີກເວັ້ນ. - Wave100S AD to Website 2020 0 -      4 ຂໍ້ຜິດພາດອັນຍິ່ງໃຫຍ່ທີ່ທ່ານຄວນຈະຫລີກເວັ້ນ.
  1. ບໍ່ຍອມເວົ້າໃນສິ່ງທີ່ທ່ານຢາກຈະເວົ້າ : ເປັນເລື່ອງປົກກະຕິທີ່ທ່ານຢາກຈະເວົ້າຫຍັງບາງຢ່າງ, ແຕ່ຄົນອື່ນບໍ່ຢາກຈະໄດ້ຍິນມັນ ເຊິ່ງຖ້າມັນເປັນເລື່ອງສຳຄັນສຳລັບທ່ານແລ້ວ ມັນຄົງຈະພາດຫລາຍຖ້າທ່ານບໍ່ຍອມເວົ້າມັນອອກມາ, ຢ່າຢ້ານທີ່ຈະສະແດງອອກໃນສິ່ງທີ່ທ່ານເຊື່ອ, ສິ່ງທີ່ທ່ານຕ້ອງການ ບໍ່ດັ່ງນັ້ນອາດຈະຕ້ອງເສຍໃຈໄປອີກດົນ.
  2. ບໍ່ຍອມເຮັດຕາມເປົ້າໝາຍທີ່ມັນມີຄຸນຄ່າສຳລັບທ່ານ : ນີ້ອາດຈະເປັນຄວາມຜິດພາດທີ່ຍິ່ງໃຫຍ່ທີ່ສຸດ ທ່ານຮູ້ວ່າທ່ານຄວນຈະເຮັດຫຍັງບາງຢ່າງ, ແຕ່ທ່ານຊຳ້ພັດບໍ່ຍອມເຮັດ. ທ່ານຕັ້ງໃຈຈະເຮັດ, ວາງແຜນມັນໄວ້ຢ່າງດີ, ທ່ານມີຄວາມຕັ້ງໃຈ, ມຸ່ງໝັ້ນ, ແຕ່ສຸດທ້າຍທ່ານກໍບໍ່ເຮັດມັນ. ຢ່າເຮັດຜິດພາດແບບນີ້ເລີຍ ເພາະມັນຈະເຮັດໃຫ້ທ່ານຕ້ອງເສຍໃຈໃນພາຍຫລັງ,​ ແຕ່ມັນກໍມີວິທີຊ່ວຍຢູ່ ທ່ານອາດຈະລອງຂຽນເປົ້າໝາຍຂອງທ່ານໄວ້ກ່ອນໃນຕອນກາງຄືນ ເມື່ອຕື່ນເຊົ້າມາທ່ານກໍເຮັດສິ່ງເຫລົ່ານັ້ນເລີຍ, ຢ່າລໍຖ້າຈົນບໍ່ໄດ້ເຮັດຫຍັງ, ແຕ່ວິທີນີ້ກໍອາດຈະບໍ່ໄດ້ຜົນກັບທຸກຄົນ ທ່ານສາມາດຫາວິທີທີ່ມັນຊ່ວຍທ່ານໄດ້ແທ້ ແລະ ມີປະສິດທິພາບຫລາຍທີ່ສຸດ ຈົ່ງຈື່ໄວ້ວ່າບໍ່ມີຫຍັງຮ້າຍແຮງໄປກ່ວາຄວາມຝັນທີ່ບໍ່ມີມື້ເປັນຈິງ ຍ້ອນທ່ານບໍ່ຍອມເຮັດຫຍັງເລີຍ.
  3. ຍອມໃຫ້ຄົນອື່ນມາກຳນົດໂຊກຊະຕາຂອງທ່ານ : ເຮົາມັກຈະພະເຊີນໜ້າກັບຄວາມຄາດຫວັງຂອງຄົນອື່ນຢູ່ສະເໝີ ມັນເຮັດໃຫ້ເຮົາກົດດັນ ແລະ ຖືກຊີ້ນຳຈາກຄົນອື່ນຫລາຍເກີນໄປ. ທ່ານຕ້ອງກ້າທີ່ຈະພະເຊີນໜ້າກັບຄວາມຢ້ານ, ຄວາມຢ້ານທີ່ວ່າຄົນອື່ນຈະບໍ່ເຫັນດີກັບທ່ານ, ຄວາມຢ້ານວ່າທ່ານຈະບໍ່ໄດ້ຮັບອະນຸຍາດໃນສິ່ງທີ່ທ່ານຢາກຈະເຮັດ, ທ່ານຕ້ອງກຳນົດຊີວິດ ແລະ ເສັ້ນທາງເດີນຂອງໂຕເອງໃຫ້ໄດ້.

ສຸດທ້າຍນີ້ ຢາກໃຫ້ທ່ານໄດ້ຮູ້ວ່າ ການຍອມຮັບໃນຄວາມຜິດພາດນັ້ນເປັນສິ່ງສຳຄັນ, ແຕ່ການຫລີກເວັ້ນມັນຕັ້ງແຕ່ຫົວທີຕ່າງຫາກທີ່ເຮັດໃຫ້ທ່ານເຕີບໃຫຍ່ໄດ້ ຄ້າຍຄືກັບຄຳວ່າ “ກັນດີກ່ວາແກ້” ນັ້ນເອງ.

4 ຂໍ້ຜິດພາດອັນຍິ່ງໃຫຍ່ທີ່ທ່ານຄວນຈະຫລີກເວັ້ນ. - WhatsApp Image 2020 05 27 at 5 -      4 ຂໍ້ຜິດພາດອັນຍິ່ງໃຫຍ່ທີ່ທ່ານຄວນຈະຫລີກເວັ້ນ.
4 ຂໍ້ຜິດພາດອັນຍິ່ງໃຫຍ່ທີ່ທ່ານຄວນຈະຫລີກເວັ້ນ. - WhatsApp Image 2020 05 27 at 5 -      4 ຂໍ້ຜິດພາດອັນຍິ່ງໃຫຍ່ທີ່ທ່ານຄວນຈະຫລີກເວັ້ນ.
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!