ຜົນຕອບແທນທີ່ດີ ເລີ່ມຕົ້ນຈາກທັດສະນະຄະຕິທີ່ດີ

ຜົນຕອບແທນທີ່ດີ ເລີ່ມຕົ້ນຈາກທັດສະນະຄະຕິທີ່ດີ - 6t - ຜົນຕອບແທນທີ່ດີ ເລີ່ມຕົ້ນຈາກທັດສະນະຄະຕິທີ່ດີ
ຜົນຕອບແທນທີ່ດີ ເລີ່ມຕົ້ນຈາກທັດສະນະຄະຕິທີ່ດີ - Untitled design - ຜົນຕອບແທນທີ່ດີ ເລີ່ມຕົ້ນຈາກທັດສະນະຄະຕິທີ່ດີ

ທັດສະນະຄະຕິ ປຽບດັ່ງແວ່ນຕາທີ່ທ່ານໃສ່ໄວ້ເບິ່ງໂລກອ້ອມໂຕ, ເປັນຮາກຖານຂອງທັງຄວາມສຳເລັດ ແລະ ຄວາມລົ້ມເຫລວໃນຊີວິດ,  ມັນສາມາດສ້າງ ແລະ ທຳລາຍທ່ານໄດ້ໃນເວລາດຽວກັນ ເຖິງວ່າທັດສະນະຄະຕິຈະເປັນສິ່ງທີ່ຄອຍຄວບຄຸມທິດທາງຊີວິດຂອງທ່ານ, ແຕ່ຂ່າວດີກໍຄື ທ່ານເອງນັ້ນລະ ແມ່ນຜູ້ທີ່ຄວບຄຸມທັດສະນະຄະຕິຂອງຕົນເອງ.

     ທັດສະນະຄະຕິ ແມ່ນໂຕກຳນົດຄວາມຮູ້ສຶກຂອງທ່ານທີ່ມີຕໍ່ຄົນ ແລະ ສະຖານະການອ້ອມຂ້າງ ເປັນເຫດໃຫ້ທ່ານກະທຳໃນສິ່ງທີ່ຕ່າງກັນອອກໄປ ເຊິ່ງແນ່ນອນວ່າຍ່ອມຈະໄດ້ຮັບປະຕິກິລິຍາຕອບກັບມາຈາກຄົນອ້ອມຂ້າງນຳ. ທັດສະນະຄະຕິທີ່ທ່ານມີຕໍ່ສິ່ງອ້ອມໂຕເປັນໂຕກຳນົດວ່າທ່ານຈະຖືກເບິ່ງດ້ວຍທັດສະນະຄະຕິແບບໃດຕອບແທນ. ດັ່ງນັ້ນ, ຈົ່ງຄິດບວກໄວ້ ແລ້ວທ່ານກໍຈະໄດ້ຮັບຜົນຕອບແທນທີ່ດີກັບຄືນມາ ແລະ ໃນທາງກົງກັນຂ້າມ ພຽງແຕ່ທ່ານຄິດລົບກໍເຮັດໃຫ້ທ່ານລົ້ມເຫລວກ່ອນຈະເລີ່ມລົງມືເຮັດແລ້ວ. ສະຫລຸບງ່າຍໆກໍຄື ຄິດແນວໃດກໍຈະໄດ້ຮັບຜົນຕາມມາແນວນັ້ນ.

     ທັດສະນະຄະຕິດ້ານລົບມາຈາກໃສ ?

     ທັດສະນະຄະຕິດ້ານລົບ ເກີດຈາກການທີ່ເຮົາມີຄວາມຄິດລົບຢູ່ຫລາຍເທື່ອ ຈົນມັນເຂົ້າໄປຢູ່ໃນຈິດໃຕ້ສຳນຶກ ກາຍເປັນສ່ວນໜຶ່ງຂອງໂຕຕົນຂອງເຮົາ ແລະ ຕິດເປັນນິໄສຖາວອນ ທ່ານອາດບໍ່ເຄີຍຮູ້ມາກ່ອນເລີຍວ່າທ່ານມີທັດສະນະຄະຕິດ້ານລົບ ເພາະມັນຢູ່ກັບທ່ານມາໂດຍຕະຫລອດເປັນໄລຍະເວລາດົນນານ. ການມີທັດສະນະຄະຕິດ້ານລົບຈະກະຕຸ້ນໃຫ້ທ່ານຄາດຫວັງແຕ່ຄວາມລົ້ມເຫລວ ແລະ ໄພພິບັດໃນຊີວິດ ແລະ ຄວາມຄາດຫວັງດັ່ງກ່າວນີ້ເອງທີ່ດຶງດູດຄວາມລົ້ມເຫລວ ແລະ ໄພພິບັດເຂົ້າມາ ຈົນທ່ານບໍ່ອາດໜີພົ້ນ.

ມັນຈະກາຍເປັນວົງຈອນທີ່ບໍ່ຈົບສິ້ນ ທ່ານຄິດເຖິງແຕ່ສິ່ງບໍ່ດີ – ເຮັດໃຫ້ໄດ້ຮັບແຕ່ສິ່ງບໍ່ດີ ເຊິ່ງນັ້ນກໍຍິ່ງໄປເສີມຄວາມຄິດລົບທີ່ມີຢູ່ກ່ອນແລ້ວ ເຮັດໃຫ້ທ່ານຍັງຄົງຄິດເຖິງແຕ່ສິ່ງບໍ່ດີ ແລະ ໄດ້ຮັບແຕ່ສິ່ງບໍ່ດີຕໍ່ໄປອີກ. ແລ້ວທ່ານຈະປ່ຽນແປງຄວາມຄິດ  ແລະ ສ້າງທັດສະນະຄະຕິດ້ານບວກໄດ້ແນວໃດ ?

     ແລ້ວເຮົາຈະແກ້ໄຂມັນໄດ້ແນວໃດ ?

ບໍ່ມີສິ່ງມີຄ່າໃດຈະໄດ້ມາງ່າຍໆໂດຍປາສະຈາກຄວາມພະຍາຍາມ, ທ່ານຈະຕ້ອງປ່ຽນແປງໄປຈົນເຖິງຈິດໃຕ້ສຳນຶກເພື່ອຈະສ້າງທັດສະນະຄະຕິໃໝ່  ວິທີການກໍຄື : ໃຫ້ທ່ານວິເຄາະຄວາມຄິດທຸກຢ່າງທີ່ທ່ານມີ, ໄຈ້ແຍກເອົາຄວາມຄິດໃນດ້ານບວກອອກມາ ຈົນການຄິດບວກກາຍເປັນນິໄສຕິດໂຕຂອງທ່ານ ມັນແມ່ນການແທນບ່ອນນິໄສເກົ່າດ້ວຍນິໄສໃໝ່ທີ່ດີກ່ວາເກົ່າ ຄືກັບການເຊົາສູບຢາດ້ວຍການອອກກຳລັງກາຍນັ້ນເອງ. ທ່ານບໍ່ສາມາດເຊົາຄິດໃນດ້ານລົບໄດ້ໃນທັນທີທັນໃດ, ແຕ່ຈະຕ້ອງຄ່ອຍໆແທນບ່ອນຄວາມຄິດເຫລົ່ານັ້ນດ້ວຍຄວາມຄິດບວກ.

ຜົນຕອບແທນທີ່ດີ ເລີ່ມຕົ້ນຈາກທັດສະນະຄະຕິທີ່ດີ - Wave100S AD to Website 2020 0 - ຜົນຕອບແທນທີ່ດີ ເລີ່ມຕົ້ນຈາກທັດສະນະຄະຕິທີ່ດີ

ຫລາຍຄົນອາດຄິດຕ່າງວ່າ “ແຕ່ສະຖານະການບໍ່ດີ ມັນແມ່ນຄວາມເປັນຈິງທີ່ເຮົາຕ້ອງພົບພໍ້ຢູ່ທຸກມື້” ຖ້າທ່ານຄິດແບບນັ້ນ ທ່ານຄິດຜິດແລ້ວ ແມ່ນຢູ່ວ່າສະຖານະການຕ່າງໆແມ່ນຄວາມເປັນຈິງທີ່ເກີດຂຶ້ນຈິງໃນຊີວິດ ແຕ່ໂຕວັດແທກສະຖານະການເຫລົ່ານັ້ນກໍແມ່ນທັດສະນະຄະຕິຂອງທ່ານນັ້ນເອງ, ຊີວິດຈະດີ ຫລື ຮ້າຍ ກໍຂຶ້ນຢູ່ກັບວ່າທ່ານຄິດກັບມັນແນວໃດ ?

ເຖິງເວລາແລ້ວທີ່ທ່ານຄວນຈະຮູ້ວ່າ ທ່ານມີພະລັງໃນການຄວບຄຸມຄວາມຄິດ ແລະ ຄວາມຮູ້ສຶກຂອງໂຕເອງ, ບໍ່ມີໃຜໃນໂລກທີ່ຈະມາຄວບຄຸມຄວາມຄິດຂອງທ່ານໄດ້ ນອກຈາກວ່າທ່ານປ່ອຍໃຫ້ເຂົາມາມີອິດທິພົນເໜືອທ່ານ.

ຈົ່ງອອກແບບທັດສະນະຄະຕິ ແລະ ຄວາມຄິດດ້ວຍຕົນເອງ ແລ້ວຜົນຕອບແທນທີ່ຕາມມາກໍຍ່ອມຈະເປັນດັ່ງທີ່ທ່ານປາຖະໜາເຊັ່ນກັນ.

ຜົນຕອບແທນທີ່ດີ ເລີ່ມຕົ້ນຈາກທັດສະນະຄະຕິທີ່ດີ - WhatsApp Image 2020 05 27 at 5 - ຜົນຕອບແທນທີ່ດີ ເລີ່ມຕົ້ນຈາກທັດສະນະຄະຕິທີ່ດີ
ຜົນຕອບແທນທີ່ດີ ເລີ່ມຕົ້ນຈາກທັດສະນະຄະຕິທີ່ດີ - WhatsApp Image 2020 05 27 at 5 - ຜົນຕອບແທນທີ່ດີ ເລີ່ມຕົ້ນຈາກທັດສະນະຄະຕິທີ່ດີ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!