8 ເຄັດລັບດີໆຊີວິດມີຄວາມສຸກໄດ້ທຸກມື້

8 ເຄັດລັບດີໆຊີວິດມີຄວາມສຸກໄດ້ທຸກມື້ - 3r -  8 ເຄັດລັບດີໆຊີວິດມີຄວາມສຸກໄດ້ທຸກມື້
8 ເຄັດລັບດີໆຊີວິດມີຄວາມສຸກໄດ້ທຸກມື້ - Untitled design -  8 ເຄັດລັບດີໆຊີວິດມີຄວາມສຸກໄດ້ທຸກມື້

ແມ່ນຢູ່ວ່າຊີວິດຈະຕ້ອງມີທັງຄວາມຫວານ ແລະ ຂົມປົນກັນໄປ, ແຕ່ຮູ້ຫລືບໍ່ວ່າເຮົາເອງກໍສາມາດບັງຄັບໃຫ້ໂຕເຮົາມີຄວາມສຸກເປັນເປີເຊັນຫລັກໄດ້ ຖ້າລອງຝຶກ. ທຸກຢ່າງເກີດຂຶ້ນໄດ້ຖ້າເຮົາຕັ້ງໃຈທີ່ຈະມີຄວາມສຸກກັບຊີວິດ ແລະ ແນ່ນອນວ່າ ວິຊານີ້ຖ້າຝຶກແລ້ວຈະມີຄ່າຍິ່ງກ່ວາໄດ້ຄຳ ຈາກເຄັດລັບເຕັກນິກທາງຈິດຕະວິທະຍາ ແລະ ກົນໄກຂອງຮ່າງກາຍທາງວິທະຍາສາດທີ່ຊ່ວຍໃຫ້ເຮົາມີຄວາມສຸກໄດ້ ດັ່ງນີ້ :

  • ເຕັກນິກທີ 1 : ຮຽນຮູ້ທີ່ຈະເວົ້າຄຳວ່າ “ ຂອບໃຈ ” : ເມື່ອເຮົາຂອບໃຈໃຜຈັກຄົນ ຫລື ແມ່ນແຕ່ຂອບໃຈໂຊກຊະຕາສຳລັບບາງສິ່ງ ຈະເຮັດໃຫ້ເຮົາຈົດຈໍ່ໃນດ້ານບວກຂອງຊີວິດຫລາຍຂຶ້ນ, ຄວາມຊົງຈຳທີ່ໜ້າພໍໃຈນີ້ຈະເຮັດໃຫ້ມີການຜະລິດເຊໂຣໂທນິນຢູ່ພາກສ່ວນທາງໜ້າຂອງສະໝອງ CINGULATE CORTEX ໂດຍເຕັກນິກນີ້ກໍມັກໃຊ້ສຳລັບການປິ່ນປົວອາການຊຶມເສົ້ານຳ.
  • ເຕັກນິກທີ 2 : ແກ້ໄຂບັນຫາເທື່ອລະຢ່າງ : ເມື່ອເຮົາກັງວົນຍາມໃດ ກໍຕ້ອງຕາມມາດ້ວຍການຄົ້ນຫາຄຳຕອບແມ່ນບໍ່ ? ນັ້ນລະເປັນອີກໜຶ່ງວຽກໜັກຂອງສະໝອງທີ່ກິນພະລັງງານເປັນຈຳນວນຫລາຍ. ດັ່ງນັ້ນ, ເມື່ອໃດກໍຕາມທີ່ສະໝອງເມື່ອຍ ແລະ ບັນຫາຍັງບໍ່ໄດ້ຮັບການແກ້ໄຂ ເຮົາຈະຮູ້ສຶກວິຕົກກັງວົນ ແລະ ບໍ່ສະບາຍໃຈ. ໃນທາງກົງກັນຂ້າມ, ເມື່ອເຮົາມີການຕັດສິນໃຈທີ່ປະສົບຄວາມສຳເລັດ ສະໝອງຂອງເຮົາຈະໃຫ້ລາງວັນໂຕເອງດ້ວຍສານສົ່ງຜ່ານປະສາດ (NEUROTRANSMITTERS) ທີ່ຊ່ວຍໃຫ້ລະບົບລິບບິກສະຫງົບລົງ ແລະ ຊ່ວຍໃຫ້ເຮົາກັບມາເບິ່ງໂລກຢ່າງສົດໃສອີກຄັ້ງ ດັ່ງນັ້ນ, ເຮົາຈຶ່ງຄວນພະຍາຍາມຈັດການກັບບັນຫາເທື່ອລະຢ່າງໃນແຕ່ລະເທື່ອ.
  • ເຕັກນິກທີ 3 : ຢ່າເກັບບັນຫາໄວ້ຄົນດຽວ, ຂຽນລະບາຍມັນອອກມາ : ເມື່ອພົບກັບບັນຫາທີ່ເຮັດໃຫ້ເຮົາບໍ່ສະບາຍໃຈ, ລອງໃຊ້ວິທີຂຽນແທນການເວົ້າ. ການຂຽນລະບາຍອອກມາຈະເຮັດໃຫ້ເຮົາໄດ້ໃຊ້ສະໝອງຫລາຍໆພາກສ່ວນ, ເຮັດໃຫ້ອາລົມທີ່ບໍ່ດີຂອງເຮົາຫລຸດລົງ. ດັ່ງນັ້ນ, ຢ່າເກັບບັນຫາເອົາໄວ້ຂ້າງໃນ ເມື່ອໃດກໍຕາມທີ່ເຮົາລະບາຍບັນຫາອອກມາ ສະໝອງຂອງເຮົາຈະຜະລິດເຊໂຣໂທນິນ ແລະ ຍັງຊ່ວຍໃຫ້ເຮົາພົບດ້ານດີໆຂອງສະຖານະການນຳອີກ.
  • ເຕັກນິກທີ 4 : ການສຳຜັດ ແລະ ໂອບກອດ : ສຳລັບມະນຸດນັ້ນ ການປະຕິສຳພັນທາງສັງຄົມເປັນສິ່ງສຳຄັນຫລາຍ ເຊິ່ງເຮົາກໍເຮັດໄດ້ຫລາຍຮູບແບບ ໂດຍສະເພາະຢ່າງຍິ່ງກັບການສຳຜັດ ແລະ ໂອບກອດ ເຊິ່ງສາມາດຊ່ວຍເລັ່ງການຟື້ນໂຕຂອງເຮົາຫລັງຈາກການເຊົາເຈັບປ່ວຍໄດ້, ແຕ່ຫາກເຮົາບໍ່ໄດ້ປະຕິສຳພັນກັບໃຜຈາກການສຳຜັດເລີຍ ສະໝອງຈະຮັບຮູ້ເຖິງການຂາດໃນຮູບແບບດຽວກັບທີ່ຮັບຄວາມຮູ້ສຶກເຈັບປວດທາງກາຍ ເຮັດໃຫ້ສະໝອງຖືກກະຕຸ້ນໃນບໍລິເວນດຽວກັບເມື່ອໄດ້ຮັບຄວາມເຈັບປວດ ມີຜົນຕໍ່ອາລົມຂອງເຮົາ ແລະ ຍັງນຳໄປສູ່ການພັດທະນາອາການຊຶມເສົ້ານຳອີກ.
  • ເຕັກນິກທີ 5 : ມາເລີ່ມຕົ້ນຮຽນຮູ້ສິ່ງໃໝ່ໆອີກຄັ້ງ : ສຳລັບສະໝອງນັ້ນ ການໄດ້ຮັບຄວາມຮູ້ໃໝ່ໆໝາຍເຖິງການປັບໂຕໃຫ້ເຂົ້າກັບສະພາບແວດລ້ອມທີ່ປ່ຽນແປງໄປ, ຂະບວນການນີ້ສະໝອງຂອງເຮົາຈະຖືກພັດທະນາ ແລະ ຍັງມີລາງວັນໃຫ້ກັບຄວາມພະຍາຍາມຂອງໂຕເອງດ້ວຍສິ່ງທີ່ເອີ້ນວ່າ “ຮໍໂມນແຫ່ງຄວາມສຸກ” ຫລື ໂດພາມີນ. ຮູ້ແນວນີ້ແລ້ວຖ້າທ່ານຢາກຈະມີຄວາມສຸກຢ່າຢ້ານທີ່ຈະລອງຫຍັງໃໝ່ໆ, ລອງປ່ຽນສະພາບແວດລ້ອມເພື່ອຮຽນຮູ້ສິ່ງໃໝ່ໆເບິ່ງ.
  • ເຕັກນິກທີ 6 : ຫລິ້ນກິລາ : ການອອກກຳລັງກາຍບໍ່ພຽງແຕ່ດີຕໍ່ສຸຂະພາບ ຍັງສົ່ງຜົນທີ່ຍິ່ງໃຫຍ່ຕໍ່ອາລົມຂອງເຮົານຳ. ສັງເກດໄດ້ວ່າເຮົາຈະອາລົມດີຂຶ້ນຫລັງໄດ້ອອກເຫື່ອ ນັ້ນເປັນຍ້ອນລາງວັນທີ່ໄດ້ຈາກການອອກກຳລັງກາຍ ຄື ສານເອັນໂດຟິນ ທີ່ຖືກປ່ອຍອອກມາຈາກຕ່ອມໃຕ້ສະໝອງ ມີຜົນຄ້າຍກັບຢາທີ່ປະກອບດ້ວຍຝິ່ນ (ເຊັ່ນ : ມໍຟິນ) ຊ່ວຍຫລຸດອາການປວດ ແລະ ເຮັດໃຫ້ອາລົມດີຂຶ້ນ, ແຕ່ກໍອາດບໍ່ເຖິງຂັ້ນຕ້ອງແລ່ນມາຣາທອນເພື່ອທີ່ຈະໄດ້ຜົນນີ້ ພຽງແຕ່ການຍ່າງທຳມະດາກໍເຮັດໃຫ້ເກີດຜົນດີໆໄດ້ແລ້ວ. ຮັບປະກັນວ່າເຄັດລັບນີ້ຈາກນັກຂຽນ ແລະ ນັກແຕ່ງເພງຫລາຍໆຄົນ ກໍບອກວ່າການຍ່າງເປັນສ່ວນສຳຄັນໃນຂະບວນການຄວາມຄິດສ້າງສັນຂອງພວກເຂົາ.
  • ເຕັກນິກທີ 7 : ນອນຫລັບໃຫ້ພຽງພໍ : ໃນຂະນະທີ່ເຮົານອນຫລັບຢູ່ໃນຄວາມມືດນັ້ນ ຮ່າງກາຍຂອງເຮົາຈະຫລັ່ງຮໍໂມນເມລາໂທນິນ ຮໍໂມນນີ້ເຮັດໃຫ້ທຸກລະບົບໃນຮ່າງກາຍເຮັດວຽກຊ້າລົງ, ຊ່ວຍໃນການຟື້ນຟູຮ່າງກາຍ ແລະ ເພີ່ມລະດັບຂອງເຊຣາໂທນິນໃນສະໝອງພາກສ່ວນໄຮໂປທາລາມັສ ເຊິ່ງຫາກສະໝອງກວດພົບການປ່ຽນແປງຂອງແສງຈະເຮັດໃຫ້ສະໝອງປ່ອຍຮໍໂມນຄວາມເຄັ່ງຄຽດເພື່ອກະຕຸ້ນຮ່າງກາຍໃຫ້ຕື່ນຢ່າງວ່ອງໄວ. ດັ່ງນັ້ນ, ຈຶ່ງເປັນສິ່ງສຳຄັນທີ່ຕ້ອງນອນຫລັບ 6 – 8 ຊົ່ວໂມງຕໍ່ມື້ ແລະ ໂດຍສະເພາະໃນຫ້ອງທີ່ມືດພຽງພໍ.
  • ເຕັກນິກທີ 8 : ຄວາມສຸກຈາກທຳມະຊາດ : ເຄີຍມີຄວາມສຸກກັບການລໍຖ້າຫຍັງຈັກຢ່າງທີ່ມັກ, ຕ້ອງການ ຫລື ໜ້າຕື່ນເຕັ້ນຫລືບໍ່ ເຊັ່ນ : ລໍຖ້າທີ່ຈະໄດ້ກິນອາຫານແຊບໆ ນີ້ກໍເປັນອີກຂະບວນການທີ່ສະໝອງຂອງເຮົາຈະໄດ້ສຳຜັດກັບຄວາມສຸກເມື່ອເຮົາຄາດຫວັງທີ່ຈະໄດ້ມາຕອບແທນ ເປັນເຫດຜົນທີ່ເຮົາມັກນັບເວລາແລ້ວຕັ້ງໜ້າລໍຖ້າຊ່ວງເວລາພິເສດບາງຢ່າງ ບໍ່ວ່າຈະເປັນວັນເກີດ ຫລື ງານແຕ່ງດອງ, ການພົບປະກັບໝູ່ເພື່ອນ ຫລື ພຽງແຕ່ສິ້ນສຸດມື້ເຮັດວຽກອັນຍາວນານ.
8 ເຄັດລັບດີໆຊີວິດມີຄວາມສຸກໄດ້ທຸກມື້ - Wave100S AD to Website 2020 0 -  8 ເຄັດລັບດີໆຊີວິດມີຄວາມສຸກໄດ້ທຸກມື້
8 ເຄັດລັບດີໆຊີວິດມີຄວາມສຸກໄດ້ທຸກມື້ - WhatsApp Image 2020 05 27 at 5 -  8 ເຄັດລັບດີໆຊີວິດມີຄວາມສຸກໄດ້ທຸກມື້
8 ເຄັດລັບດີໆຊີວິດມີຄວາມສຸກໄດ້ທຸກມື້ - WhatsApp Image 2020 05 27 at 5 -  8 ເຄັດລັບດີໆຊີວິດມີຄວາມສຸກໄດ້ທຸກມື້
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!