ປທສ ມອບເວັບໄຊ www.covid19.gov.la ແລະ ໂປຣແກຣມມືຖື ໃຫ້ຄະນະສະເພາະກິດ

ປທສ ມອບເວັບໄຊ www.covid19.gov.la ແລະ ໂປຣແກຣມມືຖື ໃຫ້ຄະນະສະເພາະກິດ - 45 6 - ປທສ ມອບເວັບໄຊ www.covid19.gov.la ແລະ ໂປຣແກຣມມືຖື ໃຫ້ຄະນະສະເພາະກິດ
ປທສ ມອບເວັບໄຊ www.covid19.gov.la ແລະ ໂປຣແກຣມມືຖື ໃຫ້ຄະນະສະເພາະກິດ - Untitled design - ປທສ ມອບເວັບໄຊ www.covid19.gov.la ແລະ ໂປຣແກຣມມືຖື ໃຫ້ຄະນະສະເພາະກິດ

ເຊົ້າວັນທີ 29 ເມສານີ້, ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ມອບເວັບໄຊ ໃຫ້ຄະນະສະເພາະກິດເພື່ອປ້ອງກັນ, ຄວບຄຸ້ມ ແລະ ແກ້ໄຂການແຜ່ລະບາດຂອງພະຍາດ Covid-19 (www.covid19.gov.la) ແລະ ໂປຣແກຣມເທິງມືຖື LaoKYC (LaoKYC Mobile application). ຊຶ່ງພິທີມອບ-ຮັບ ໄດ້ຈັດຂຶ້ນທີ່ກະຊວງສາທາລະນາສຸກລະຫ່ວາງ ທ່ານ ທັນສະໄໝ ກົມມະສິດ, ລັດຖະມັນຕີ ກະຊວງດັ່ງກ່າວ ແລະ ທ່ານ ພູທອນ ເມືອງປາກ ຮອງລັດຖະມັນຕີ ກະຊວງ ສາທາລະນະສຸກ, ຫົວໜ້າກອງເລຂາຄະນະສະເພາະກິດ ພ້ອມດ້ວຍຄະນະ.

ເວັບໄຊ Covid-19 ແລະ ໂປຣແກຣມມືຖື LaoKYC ແມ່ນໜຶ່ງໃນການຮ່ວມມື ດ້ານວຽກງານການປ້ອງກັນ, ຄວບຄຸມ ແລະ ແກ້ໄຂການລະບາດ ຂອງພະຍາດອັກເສບປອດ ຈາກເຊື້ອຈຸລະໂລກສາຍພັນໃໝ່ (Covid-19) ຂອງກະຊວງ ປທສ, ກະຊວງ ສາທາລະນະສຸກ, ບໍລິສັດ ໄຊເບີເຣຍ, ບໍລິສັດ LaiLaoLab ແລະ ບໍລິສັດ SB Lab 856 ຈໍາກັດ ເຊິ່ງໄດ້ເປີດນຳໃຊ້ຢ່າງເປັນທາງການໃນຕົ້ນເດືອນ ເມສາ ທີ່ຜ່ານມານີ້.

ປທສ ມອບເວັບໄຊ www.covid19.gov.la ແລະ ໂປຣແກຣມມືຖື ໃຫ້ຄະນະສະເພາະກິດ - w3 1 300x162 - ປທສ ມອບເວັບໄຊ www.covid19.gov.la ແລະ ໂປຣແກຣມມືຖື ໃຫ້ຄະນະສະເພາະກິດ

ເວັບໄຊ Covid-19 ໄດ້ກາຍເປັນເຄື່ອງມືໃຫ້ແກ່ຄະນະສະເພາະກິດ ແລະ ກະຊວງກ່ຽວຂ້ອງ ໃນການເຜີຍແຜ່ ແລະ ສະໜອງຂໍ້ມູນຂ່າວສານ, ເອກະສານທາງການຂອງລັດຖະບານເວົ້າລວມ, ເວົ້າສະເພາະກໍ່ຄືມະຕິ, ຄໍາສັ່ງ, ແຈ້ງການ, ບົດແນະນຳ, ວິດີໂອຖະແຫຼງຂ່າວປະຈຳວັນ, ບັນດາຂໍ້ມູນຂ່າວສານ ການເຄື່ອນໄຫວຂອງຄະນະສະເພາະກິດ ແລະ ລັດຖະບານ ທີ່ຕິດພັນກັບການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ Covid 19. ນອກນັ້ນ, ເວັບໄຊນີ້ຍັງໄດ້ເຊື່ອມໂຍ່ງກັບລະບົບບໍລິການ, ການເຜີຍແຜ່ຂໍ້ມູນຂ່າວສານທີ່ຕິດພັນກັບວຽກງານດັ່ງກ່າວ. ພ້ອມຍັງມີລະບົບໂປຣແກຣມທີ່ທາງ ກະຊວງ ປທສ ຮ່ວມກັບບໍລິສັດພັດທະນາຊອບແວຂອງລາວ ພັດທະນາຂື້ນມາເຊັ່ນ: ລະບົບ Dashboard ລາຍງານຂໍ້ມູນການແຜ່ລະບາດຂອງເຊື້ອພະຍາດ Covid-19 ຂອງ ສປປ ລາວ, ອາຊຽນ ແລະ ສາກົນ, ເຊິ່ງສາມາດສະແດງຂໍ້ມູນແບບ Real-time, ລະບົບສົນທະນາ ແລະ ສອບຖາມຂໍ້ມູນ (Chatbot) ທີ່ສາມາດນໍາໃຊ້ໃນການສອບຖາມຂໍ້ມູນຂ່າວສານ ທີ່ຕິດພັນກັບພະຍາດ Covid-19, ລະບົບຕິດຕາມ-ເຝົ້າລະວັງການລະບາດຂອງ Covid-19 ເທິງລະບົບມືຖື (LaoKYC Mobile application) ເຊິ່ງຜູ້ໃຊ້ສາມາດເຂົ້າຫາ ແລະ ນໍາໃຊ້ບັນດາລະບົບຕ່າງໆ ເທິງເວັບໄຊດັ່ງກ່າວໄດ້.

ປທສ ມອບເວັບໄຊ www.covid19.gov.la ແລະ ໂປຣແກຣມມືຖື ໃຫ້ຄະນະສະເພາະກິດ - 0i 300x162 - ປທສ ມອບເວັບໄຊ www.covid19.gov.la ແລະ ໂປຣແກຣມມືຖື ໃຫ້ຄະນະສະເພາະກິດ

ປທສ ມອບເວັບໄຊ www.covid19.gov.la ແລະ ໂປຣແກຣມມືຖື ໃຫ້ຄະນະສະເພາະກິດ - Wave100S AD to Website 2020 0 - ປທສ ມອບເວັບໄຊ www.covid19.gov.la ແລະ ໂປຣແກຣມມືຖື ໃຫ້ຄະນະສະເພາະກິດ

ຄຽງຄູ່ກັນນັ້ນ, ຍັງໄດ້ມີການພັດທະນາ ໂປຣແກຣມມືຖື LaoKYC ເພື່ອອຳນວຍຄວາມສະດວກ ແລະ ສ້າງຜົນປະໂຫຍດໃຫ້ແກ່ ຄະນະສະເພາະກິດເປັນຕົ້ນ ແມ່ນການຊ່ວຍຕິດຕາມຂໍ້ມູນການເດີນທາງ ຂອງຜູ້ຕິດເຊື້ອຕັ້ງແຕ່ມື້ລົງທະບຽນ, ຕິດຕາມເສັ້ນທາງການເຄື່ອນໄຫວຂອງຜູ້ໃຊ້ທີ່ລົງທະບຽນ ແລະ ສ້າງລາຍຊື່ຜູ້ທີ່ມີຄວາມສ່ຽງໃນວົງລັດສະໝີ 10 ແມັດ (ຜູ້ສຳຜັດໃກ້ຊິດ) ຂອງຜູ້ຖືກບົ່ງມະຕິຕິດເຊື້ອ Covid-19, ເຊິ່ງບັນດາຂໍ້ມູນດັ່ງກ່າວຈະສາມາດນຳໃຊ້ເປັນບ່ອນອີງໃນການແຈ້ງໃຫ້ຜູ້ທີ່ມີຄວາມສ່ຽງ ໃນການຕິດເຊື້ອ ໃຫ້ປະຕິບັດຕາມຫຼັກການ ການຈໍາກັດບໍລິເວນໄດ້ຢ່າງມີປະສິດທິພາບ, ທັນການ ແລະ ສາມາດແຈ້ງເບີໂທ ຫຼື ຊື່ຂອງຜູ້ຕິດເຊື້ອໃຫ້ ກະຊວງປທສ ເພື່ອທຳການວິເຄາະປະກອບລາຍຊື່ຜູ້ຕົກຢູ່ໃນເຂດສຸ່ມສ່ຽງໃນການແຈ້ງເຕືອນລ່ວງໜ້າເພື່ອຈໍາກັດບໍລິເວນ14 ວັນ.

ທ່ານລັດຖະມົນຕີ ທັນສະໄໝ ກົມມະສິດ ກ່າວວ່າ: ການສ້າງເວັບໄຊ Covid-19 ແລະ ໂປຣແກມເທິງລະບົບມືຖື LaoKYC ກໍ່ເພື່ອຊ່ວຍໃຫ້ການເຜີຍແຜ່, ການສະແດງຂໍ້ມູນສະຖິຕິ ຂອງຜູ້ຕິດເຊື້ອ, ຜູ້ຕ້ອງສົງໃສຕິດເຊື້ອພະຍາດໂຄວິດ ໃຫ້ພະນັກງານ, ນັກຮຽນ, ນັກສຶກສາ ລວມໄປເຖິງປະຊາຊົນໄດ້ຮັບຮູ້ເຖິງຂ່າວສານກ່ຽວກັບພະຍາດໂຄວິດ ທີ່ເປັນຂໍ້ມູນຈິງຈາກຄະນະສະເພາະກິດ. ຊຶ່ງເວັບໄຊ Covid-19 ແມ່ນສ້າງຂຶ້ນ ເພື່ອຮັບໃຊ້ສະເພາະການປ້ອງກັນ, ຄວບຄຸ້ມ ແລະ ແກ້ໄຂການແຜ່ລະບາດຂອງພະຍາດດັ່ງກ່າວໂດຍສະເພາະ ແລະ ໂປຣແກຣມລະບົບມືຖື LaoKYC ກໍ່ຊ່ວຍໃນການຕິດຕາມການເຄື່ອນໄຫວຂອງຜູ້ລົງທະບຽນ (ຜູ້ຕິດເຊື້ອ) ແລະ ຜູ້ສໍາຜັດໃກ້ຊິດ ເພື່ອແຈ້ງໃຫ້ຜູ້ມີຄວາມສ່ຽງ ປະຕິບັດຕາມຫຼັກການ ທີ່ທາງລັດຖະບານວາງອອກຢ່າງເຂັ້ມງວດ.

ປທສ ມອບເວັບໄຊ www.covid19.gov.la ແລະ ໂປຣແກຣມມືຖື ໃຫ້ຄະນະສະເພາະກິດ - WhatsApp Image 2020 05 27 at 5 - ປທສ ມອບເວັບໄຊ www.covid19.gov.la ແລະ ໂປຣແກຣມມືຖື ໃຫ້ຄະນະສະເພາະກິດ
ປທສ ມອບເວັບໄຊ www.covid19.gov.la ແລະ ໂປຣແກຣມມືຖື ໃຫ້ຄະນະສະເພາະກິດ - WhatsApp Image 2020 05 27 at 5 - ປທສ ມອບເວັບໄຊ www.covid19.gov.la ແລະ ໂປຣແກຣມມືຖື ໃຫ້ຄະນະສະເພາະກິດ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!