ມາເລເຊຍຍົກລະດັບເຕືອນໄພໄຂ້ຫວັດສັດປີກ

     ທາງການມາເລເຊຍຍົກລະດັບການເຕືອນໄພໃນລັດກຣັນຕັນ ທາງພາກຕາເວັນອອກສຽງເໜືອ ພາຍຫລັງພົບເຊື້ອ ໄວຣັສໄຂ້ຫວັດສັດປີກ H5N1 ແຜ່ລະບາດນໍາສັດປີກໃນຫລາຍບ້ານ.

ເຈົ້າໜ້າທີ່ລັດກຣັນຕັນກ່າວວ່າ: ສັດປີກປະມານ 24.000 ໂຕ ຖືກຂ້າຖິ້ມໃນລັດກຣັນຕັນ ນັບແຕ່ມີລາຍງານພົບ ເຊື້ອໄວຣັສ H5N1 ເມື່ອວັນທີ 6 ມີນາ ພາຍຫລັງສັດປີກຕາຍຫລາຍໂຕ, ປັດຈຸບັນນີ້ພົບບ້ານ 20 ແຫ່ງໄດ້ຮັບຜົນກະ ທົບ ແລະ ພວມກະຈາຍກຳລັງຕິດຕາມກວດສອບໃນພື້ນທີ່ອື່ນເພີ່ມຕື່ມ ເພື່ອຄວບຄຸມການແຜ່ລະບາດຂອງໄວຣັສ. ເຈົ້າ ໜ້າທີ່ກ່າວຢືນຢັນໃນວັນທີ 16 ມີນານີ້ວ່າ: ສະຖານະການຍັງບໍ່ເຖິງຂັ້ນສຸກເສີນ ເນື່ອງຈາກຍັງບໍ່ພົບເຊື້ອແຜ່ລະບາດໄປສູ່ຄົນ. ໄວຣັສ H5N1 ເປັນເຊື້ອທີ່ມີອັດຕາການ ແຜ່ລະບາດໄດ້ງ່າຍ. ອົງການອະນາໄມໂລກລາຍງານວ່າ: ເປັນ ສາ ເຫດໃຫ້ມີຜູ້ເສຍຊີວິດຫລາຍຮ້ອຍຄົນທົ່ວໂລກເມື່ອທົດສະວັດຜ່ານມາ.

error: Alert: Content is protected !!