ເຕັກນິກຝຶກລູກຂັບຖ່າຍໃຫ້ເປັນເວລາ

ການຝຶກໃຫ້ເດັກນ້ອຍຂັບຖ່າຍເປັນເວລານັ້ນ ບັນຫາບໍ່ໄດ້ຢູ່ບ່ອນວ່າຄວນເລີ່ມອາຍຸເທົ່າໃດ, ແຕ່ສຳຄັນຢູ່ບ່ອນວ່າເຮົາຈະສະໜັບສະໜູນໃຫ້ເດັກຮູ້ຈັກບອກໄດ້ແນວໃດ.

• ຫລັກການຝຶກ :

1. ຄ່ອຍໆເລີ່ມຝຶກເທື່ອລະໜ້ອຍຈົນເດັກເຮັດໄດ້ ໂດຍພໍ່ແມ່ບໍ່ຄາດຫວັງເກີນໄປ.
2. ເລີ່ມຈາກໃຫ້ເດັກນັ່ງຊັກໂຄກຢາງສຳລັບເດັກທຸກເທື່ອກ່ອນຈະປ່ຽນຜ້າອ້ອມສຳເລັດຮູບ ຫລື ໂສ້ງ ເພື່ອໃຫ້ເດັກເກີດຄວາມລຶ້ງເຄີຍໃນການນັ່ງຊັກໂຄກຢາງ.
3. ເດັກແຕ່ລະຄົນມີຊ່ວງເວລາຄວາມພ້ອມບໍ່ຄືກັນ ພໍ່ແມ່ຈຶ່ງບໍ່ຄວນຂັດຈັງຫວະໃນຂະນະທີ່ເດັກພະຍາຍາມຂັບຖ່າຍ, ກຳລັງຂັບຖ່າຍ ຫລື ອາລົມບໍ່ດີໃສ່ເດັກເມື່ອເດັກບໍ່ຂັບຖ່າຍ.
4. ເມື່ອພໍ່ແມ່ຄາດເດົາວ່າໃກ້ຮອດເວລາທີ່ເດັກຈະຂັບຖ່າຍແລ້ວ ພໍ່ແມ່ຈຶ່ງແກ້ໂສ້ງ ຫລື ຜ້າອ້ອມສຳເລັດຮູບຂອງເດັກອອກ ແລ້ວເລື່ອນຊັກໂຄກຢາງມາໃກ້ໂຕເດັກ.
5. ເດັກຄວນມີຄວາມຮູ້ສຶກສະດວກສະບາຍ ແລະ ມີຄວມສຸກໃນການນັ່ງຊັກໂຄກຢາງ ຫລື ໂຖວິດ.
6. ການວາງຂອງຫລິ້ນ ຫລື ໜັງສືນິທານໄວ້ໃຫ້ເດັກຫລິ້ນ ອາດເຮັດໃຫ້ເດັກເສຍສະມາທິ ຫລື ເພີດເພີນຈົນລືມຂັບຖ່າຍ.
7. ເມື່ອເດັກຂັບຖ່າຍໄດ້ແລ້ວ ເຊັ່ນ : ນັ່ງຊັກໂຄກຢາງໄດ້ຕາມເວລາທີ່ກຳນົດ, ຂັບຖ່າຍອອກມາໄດ້ ພໍ່ແມ່ຄວນໃຫ້ຄຳຍ້ອງຍໍໍຊົມເຊີຍ, ສົ່ງຍີ້ມ, ສະແດງທ່າທາງດີໃຈ ຫລື ໃຫ້ລາງວັນ ເພື່ອໃຫ້ເດັກເກີດແຮງຈູງໃຈໃນການຂັບຖ່າຍຄັ້ງຕໍ່ໄປ ແລະ ມີຄວາມພາກພູມໃຈໃນຕົນເອງທີ່ສາມາດຂັບຖ່າຍໄດ້ຢ່າງເປັນເວລາ ເຊິ່ງຈະສົ່ງຜົນໃຫ້ລະບົບຂັບຖ່າຍ ແລະ ລະບົບລຳໄສ້ຂອງເດັກມີປະສິດທິພາບດີ ເຮັດໃຫ້ເດັກມີສຸຂະພາບແຂງແຮງຂຶ້ນ.