5 ວິທີໃນການຝຶກສະມາທິ ເພື່ອປະສິດທິພາບໃນການເຮັດວຽກທີ່ດີກ່ວາເກົ່າ

5 ວິທີໃນການຝຶກສະມາທິ ເພື່ອປະສິດທິພາບໃນການເຮັດວຽກທີ່ດີກ່ວາເກົ່າ - 35 3 - 5 ວິທີໃນການຝຶກສະມາທິ ເພື່ອປະສິດທິພາບໃນການເຮັດວຽກທີ່ດີກ່ວາເກົ່າ
5 ວິທີໃນການຝຶກສະມາທິ ເພື່ອປະສິດທິພາບໃນການເຮັດວຽກທີ່ດີກ່ວາເກົ່າ - Untitled design - 5 ວິທີໃນການຝຶກສະມາທິ ເພື່ອປະສິດທິພາບໃນການເຮັດວຽກທີ່ດີກ່ວາເກົ່າ

     ຍ້ອນວ່າການຝຶກສະຕິຈະຊ່ວຍໃຫ້ທ່ານເຮັດວຽກໄດ້ມີປະສິດທິພາບຫລາຍຂຶ້ນ ແລະ ຕໍ່ໄປນີ້ແມ່ນ 5 ວິທີທີ່ທ່ານຄວນລອງປະຕິບັດ :

5 ວິທີໃນການຝຶກສະມາທິ ເພື່ອປະສິດທິພາບໃນການເຮັດວຽກທີ່ດີກ່ວາເກົ່າ - Wave100S AD to Website 2020 0 - 5 ວິທີໃນການຝຶກສະມາທິ ເພື່ອປະສິດທິພາບໃນການເຮັດວຽກທີ່ດີກ່ວາເກົ່າ
  1. ຈັດລຽງລຳດັບຄວາມສຳຄັນຂອງສິ່ງທີ່ຕ້ອງເຮັດໃນມື້ອື່ນ : ເຖິງວ່າທ່ານຈະເລີກວຽກ ແລະ ກັບເຮືອນເພື່ອພັກຜ່ອນ, ແຕ່ຢາກໃຫ້ທ່ານໃຊ້ເວລາຫລັງເລີກວຽກຈັກໜ້ອຍໃນການຈັດຕາຕະລາງສິ່ງທີ່ຕ້ອງເຮັດໃນມື້ອື່ນ, ຈັດລຽງລຳດັບຄວາມສຳຄັນຂອງວຽກຕ່າງໆ ເຊັ່ນ : ມັນຮີບດ່ວນຫລາຍໜ້ອຍປານໃດ, ໃຊ້ເວລາເຮັດເທົ່າໃດ, ຕ້ອງຈົດຈໍ່ຫລາຍປານໃດ ແລະ ເມື່ອທ່ານຈັດລຽງລຳດັບ ແລະ ເບິ່ງພາບລວມອອກແລ້ວ ທ່ານກໍຈະເລີ່ມເຮັດມັນໄດ້ທັນທີເມື່ອມື້ອື່ນມາຮອດ ແລະ ທ່ານຄວນຈະເລີ່ມເຮັດສິ່ງທີ່ສຳຄັນທີ່ສຸດກ່ອນ ເພາະຢ່າງໜ້ອຍຈະໄດ້ໝັ້ນໃຈວ່າທ່ານໄດ້ບັນລຸວຽກທີ່ສຳຄັນໄປຮຽບຮ້ອຍແລ້ວ.
  2. ເລີ່ມຕົ້ນມື້ໃໝ່ດ້ວຍການນັ່ງສະມາທິ : ເມື່ອທ່ານໄປຮອດບ່ອນເຮັດວຽກ ມີໂອກາດສູງຫລາຍທີ່ທ່ານຍັງບໍ່ສາມາດເຮັດວຽກໄດ້ ເຫດຜົນກໍຄື ກ່ອນໜ້ານັ້ນທ່ານອາດຈະພົບກັບເຫດການທີ່ເຮັດໃຫ້ປະສາດເສຍມາຫລວງຫລາຍ ເຊັ່ນ : ການຈະລາຈອນຕິດຂັດ, ຜິດກັບແຟນ ແລະ ອື່ນໆ ນັ້ນໝາຍຄວາມວ່າ ທ່ານຈະຄິດນັ້ນຄິດນີ້ໄປເລື້ອຍໆຈົນບໍ່ມີສະມາທິເຮັດວຽກເລີຍ.
  • ວິທີແກ້ໄຂກໍຄື : ການນັ່ງສະມາທິໃນຕອນເຊົ້າ ເລືອກສະຖານທີ່ມິດງຽບສະຫງົບ ອາດຈະເປີດເພງເບົາໆຟັງໄປນຳ, ເຮັດຈິດໃຈໃຫ້ປອດໂປ່ງ ອາດຈະໃຊ້ເວລາພຽງເລັກນ້ອຍ ປະມານ 10 ນາທີ, ແຕ່ຜົນທີ່ໄດ້ນັ້ນມີຫລາຍກ່ວາທີ່ທ່ານຄິດ ທ່ານຈະຈົດຈໍ່ກັບວຽກໄດ້ດີຂຶ້ນ ແລະ ເຊົາຄິດຫລາຍ ເຖິງວ່າທ່ານຈະພົບເລື່ອງທີ່ເຮັດໃຫ້ເສຍອາລົມຫລາຍປານໃດກໍຕາມ.
  1. ຈົດຈໍ່ກັບວຽກພຽງຢ່າງດຽວ : ຫລາຍຄົນຄິດວ່າການເຮັດວຽກຫລາຍຢ່າງພ້ອມກັນໄດ້ນັ້ນເປັນຈຸດແຂງ ຫລື ແມ່ນແຕ່ເປັນຄຸນສົມບັດທີ່ອົງກອນຕ່າງໆຕ້ອງການ, ແຕ່ຄວາມຈິງກໍຄື ການເຮັດຫລາຍຢ່າງພ້ອມກັນນັ້ນເປັນເລື່ອງທີ່ເວົ້າກັນເກີນຈິງ ເພາະຄົນເຮົານັ້ນບໍ່ສາມາດຈົດຈໍ່ກັບຫຍັງຫລາຍຢ່າງພ້ອມກັນໄດ້ ມັນເປັນພຽງແຕ່ການສະຫລັບວຽກໄປໆມາໆໂດຍທີ່ເຮັດຫຍັງບໍ່ສຳເລັດຈັກຢ່າງ ນັ້ນໝາຍຄວາມວ່າທ່ານຈະເສຍເວລາຫລາຍກ່ວາເກົ່າ ຜົນການສຶກສາພົບວ່າ ການສຳຫລັບວຽກທີ່ເຮັດໄປເລື້ອຍໆນັ້ນໃຊ້ເວລາຫລາຍກ່ວາການຈົດຈໍ່ກັບວຽກພຽງຢ່າງດຽວເຖິງ 40%. ດັ່ງນັ້ນ, ທ່ານຄວນຈົດຈໍ່ກັບວຽກເທື່ອລະຢ່າງ ເຮັດມັນໃຫ້ແລ້ວກ່ອນຈຶ່ງຄ່ອຍໄປເຮັດວຽກຕໍ່ໄປຈະດີກ່ວາ.
  2. ສ້າງສະພາບແວດລ້ອມທີ່ບໍ່ມີສິ່ງລົບກວນ : ປິດການແຈ້ງເຕືອນທຸກຢ່າງຈາກໂທລະສັບ (ແລ້ວໃຊ້ເວລາໃນການອ່ານການແຈ້ງເຕືອນເຫລົ່ານັ້ນໃນເທື່ອດຽວ), ພະຍາຍາມຢ່າໃຊ້ໂລກອອນລາຍເວລາເຮັດວຽກ ເພາະມັນລົບກວນສະມາທິຂອງທ່ານຫລາຍ. ນອກຈາກນີ້, ທ່ານອາດຈະເປີດເພງທີ່ຊ່ວຍຜ່ອນຄາຍລະຫ່ວາງການເຮັດວຽກ, ແຕ່ຢ່າເປີດເພງທີ່ອຶກກະທຶກຈົນທຳລາຍສະມາທິຂອງທ່ານໄປໂດຍບໍ່ເກີດປະໂຫຍດ.
  3. ຖ້າເສຍສະມາທິ ຈົ່ງຢຸດພັກກ່ອນ ແລ້ວລົງມືຂຽນ : ທ່ານອາດຈະເກີດຄຳຖາມວ່າເປັນຫຍັງຕ້ອງຂຽນ ? ສິ່ງທີ່ເຮົາແນະນຳແມ່ນການຂຽນວ່າຕອນນັ້ນທ່ານຮູ້ສຶກແນວໃດ ? ຄິດຫຍັງຢູ່ ? ທັງນີ້ເພື່ອເປັນການເອີ້ນສະຕິກັບມາ ຢ່າລືມວ່າສະຕິແມ່ນການຄຳນຶງຮູ້ເວລາໃນປັດຈຸບັນ ທ່ານຕ້ອງພິຈາລະນາເລື່ອງລາວໃນຂະນະນັ້ນ, ຜ່ອນຄາຍໃຫ້ໃຈເຢັນລົງສາກ່ອນ ແລ້ວຄ່ອຍລຸຍງຽກຕໍ່ ມັນດີກ່ວາການທີ່ທ່ານຕ້ອງນັ່ງເຮັດວຽກໂດຍທີ່ຍັງວຸ້ນວາຍໃຈຢູ່ຫລາຍ.
  • ການຝຶກສະຕິນັ້ນບໍ່ພຽງແຕ່ຈະຊ່ວຍໃຫ້ທ່ານມີສະມາທິ ແລະ ຮູ້ສຶກດີ, ແຕ່ມັນຍັງຊ່ວຍເຮັດໃຫ້ການເຮັດວຽກຂອງທ່ານມີປະສິດທິພາບຫລາຍຂຶ້ນ ຈະເຫັນໄດ້ວ່າສິ່ງທີ່ເຮົາແນະນຳໄປທັງໝົດນັ້ນລ້ວນເຮັດໄດ້ງ່າຍ, ບໍ່ຕ້ອງເພິ່ງພາອຸປະກອນຫຍັງເລີຍ, ຢາກໃຫ້ທ່ານລອງຝຶກສະຕິເປັນປະຈຳ ແລ້ວທ່ານຈະພົບວ່າຜົນຕອບແທນທີ່ດີຂອງມັນມີຫລາຍກ່ວາທີ່ທ່ານຄິດ.
5 ວິທີໃນການຝຶກສະມາທິ ເພື່ອປະສິດທິພາບໃນການເຮັດວຽກທີ່ດີກ່ວາເກົ່າ - WhatsApp Image 2020 05 27 at 5 - 5 ວິທີໃນການຝຶກສະມາທິ ເພື່ອປະສິດທິພາບໃນການເຮັດວຽກທີ່ດີກ່ວາເກົ່າ
5 ວິທີໃນການຝຶກສະມາທິ ເພື່ອປະສິດທິພາບໃນການເຮັດວຽກທີ່ດີກ່ວາເກົ່າ - WhatsApp Image 2020 05 27 at 5 - 5 ວິທີໃນການຝຶກສະມາທິ ເພື່ອປະສິດທິພາບໃນການເຮັດວຽກທີ່ດີກ່ວາເກົ່າ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!