ນັກວິທະຍາສາດຊີ້ ຄົນທົ່ວໄປຈະຕັດສິນເຈົ້າຈາກ 11 ສິ່ງນີ້ເມື່ອເຫັນກັນທຳອິດ

- advert banner 728 90 728x90 - ນັກວິທະຍາສາດຊີ້ ຄົນທົ່ວໄປຈະຕັດສິນເຈົ້າຈາກ 11 ສິ່ງນີ້ເມື່ອເຫັນກັນທຳອິດ

“ນັບແຕ່ນາທີທໍາອິດທີ່ເຂົາເຫັນໜ້າເຈົ້າ ເຂົາກໍຕັດສິນເຈົ້າໄປທົ່ວແລ້ວ”

- new3 - ນັກວິທະຍາສາດຊີ້ ຄົນທົ່ວໄປຈະຕັດສິນເຈົ້າຈາກ 11 ສິ່ງນີ້ເມື່ອເຫັນກັນທຳອິດ

ການຕັດສິນຄົນອື່ນເປັນເລື່ອງປົກກະຕິທີ່ເຮົົາມັກຈະເຜີເຮັດ ໃນເວລາພົບເຈີຄົນໃຫມ່ໆ ເຖິງວ່າມັນຈະເປັນສິ່ງທີ່ບໍ່ເໝາະສົມກໍຕາມ ທີ່ເຈົ້າຈະຕັດສິນໃຜຕໍ່ໃຜພຽງບໍ່​ເທົ່າ​ໃດວິນາທີ. ແຕ່ເຖິງແນວໃດກໍຕາມ ຈິດໃຕ້ສໍານຶກຂອງເຮົາຢູ່ແລ້ວ ແລ້ວເຈົ້າຢາກຮູ້ບໍວ່າ ເວລາມີຄົນພົບເຈົ້ານັບແຕ່ທໍາອິດ ພວກເຂົາຕັດສິນເຈົ້າແນວໃດກັນແດ່ ຖ້າຢາກຮູ້ລອງມາອ່ານຂໍ້ມູນເຫລົ່ານີ້ ທີ່ີມີການວິໄຈຮອງຮັບ.

- 1 1 - ນັກວິທະຍາສາດຊີ້ ຄົນທົ່ວໄປຈະຕັດສິນເຈົ້າຈາກ 11 ສິ່ງນີ້ເມື່ອເຫັນກັນທຳອິດ

- lattana 1 - ນັກວິທະຍາສາດຊີ້ ຄົນທົ່ວໄປຈະຕັດສິນເຈົ້າຈາກ 11 ສິ່ງນີ້ເມື່ອເຫັນກັນທຳອິດ
  1. ຖານະທາງສັງຄົມ: ການວິໄຈໜຶ່ງໄດ້ບົ່ງບອກວ່າ ເຈົ້ານຸ່ງເສື້ອຜ້າລາຄາແພງ ເຈົ້າກໍຈະຖືກເບິ່ງວ່າ ເຈົ້າເປັນຄົນຖານະສັງຄົມສູງ, ແຕ່ວິທີການພິຈາລະນາຖານະນັ້ນ ຄົນມັັກຈະແຍກອອກມາຈາກເລື່ອງຂອງໜ້າຕາ, ຄວາມດີ, ຄວາມໜ້າເຊື້ອຖື ແລະ ອື່ນໆເຊັ່ນ: ເມື່ອເຈົ້າເຫັນຄົນທີ່ໃສ່ເສື້ອ Lacost ເຈົ້າອາດຈະຮູ້ສຶກວ່າພວກເຂົາລວຍ ແຕ່ເຈົ້າບໍ່ໄດ້ຄິດວ່າພວກເຂົາເປັນຄົນລວຍແລ້ວໜ້າເຊື່ອຖື ຫຼື ເປັນຄົນໃຈດີດັ່ງນີ້ເປັນຕົ້ນ.
  2. ຜູ້ຍິງ ຫຼື ຜູ້ຊາຍ ຫຼື ​​ເພດ​ທີ​ສາມ: ການວິໄຈໄດ້ທົດລອງໃຫ້ກຸ່ມອາສາສະໝັກເບິ່ງພາບຖ່າຍຜູ້ຊາຍຈໍານວນ 90 ຄົນ (ເຄິ່ງໜຶ່ງເປັນຊາຍແທ້ ແລະ ອີກເຄິ່ງໜຶ່ງເປັນກະເທີຍ) ພົບວ່າໂດຍສະ​ເລ່ຍກຸ່ມອາສາສະໝັກຈະຕັດສິນວ່າຜູ້ຊາຍເຫຼົ່ານີ້ແທ້ ຫຼື ທຽມ ພາຍໃນເວລາບໍ່​ເທົ່າ​ໃດວິນາທີເທົ່ານັ້ນ.- 3 1 - ນັກວິທະຍາສາດຊີ້ ຄົນທົ່ວໄປຈະຕັດສິນເຈົ້າຈາກ 11 ສິ່ງນີ້ເມື່ອເຫັນກັນທຳອິດ
  3. ຄວາມສະຫຼາດ: ການວິໄຈໄດ້ເຮັດການທົດສອບຫຼັງຈາກທີ່ອາສາສະໝັກໄດ້ລົມກັນ ໂດຍໃຫ້ເຮັດແບບສອບຖາມ ແລະ ສິ່ງໜຶ່ງທີ່ຄົນມັກຈະສົນໃຈຄື: ເຂົາໂງ່ ຫຼື ເຂົາສະຫຼາດ ຫຼັງຈາກລົມກັນມາ 5 ນາທີ ອາສາສະໝັກຈະຮູ້ສຶກວ່າ ໃຜຄົນໜຶ່ງເບິ່ງສະຫຼາດ ເມື່ອຕອນເວົ້າລົມກັນ ມີການເບິ່ງຕາດົນໆ ຫຼືຕະຫຼອດເວລາ. ການເບິ່ງຕາຄືຫົນທາງສູ່ຄວາມສະຫຼາດ.
  4. ຄວາມມີອໍານາດ: ການວິໄຈໄດ້ເຮັດການທົດລອງ ໂດຍໃຫ້ອາສາສະໝັກເບິ່ງຮູບຜູ້ຊາຍໄວຕ່າງໆ ທີ່ມີລັກສະນະແຕກຕ່າງກັນ 25 ຮູບ ໂດຍການສຶກສາຄັ້ງນີ້ໄດ້ມີການສະຫຼຸບຜົນວິໄຈວ່າ: ຜູ້ຊາຍທີ່ແຖຜົມ ຫຼື ຫົວໂລ້ນ ຜູ້ຄົນຈະຮູ້ສຶກວ່າພວກເຂົາມີອໍານາດ ແລະ ໜ້າເກງໃຈຫຼາຍກວ່າຜູ້ຊາຍທີ່ຈົ່ງຜົມຊົງອື່ນໆ.
  5. ການປະສົບຜົນສໍາເລັດ: ຖ້າຢາກເປັນຄົນທີ່ເບິ່ງວ່າປະສົບຜົນສໍາເລັດ ແຕ່ງຕົວໃຫ້ສະອາດເອົາໄວ້. ມີການວິໄຈທີ່ໄດ້ເຮັດການປຽບທຽບລະຫວ່າງຜູ້ຊາຍໃນຊຸດຕ່າງໆ ໂດຍປິດບັງໃບໜ້າຂອງຄົນໃນຮູບທັງໝົດ ໂດຍກຸ່ມອາສາສະໝັກຈໍານວນ 274 ຄົນ ໄດ້ບອກວ່າກຸ່ມຕົວຢ່າງທີ່ໃສ່ສູດເບິ່ງເປັນຄົນທີ່ປະສົບຜົຍສໍາເລັດຫຼາຍກວ່າ.
  6. ຄວາມກ້າວໜ້າ: ການວິໄຈໄດ້ສະແດງໃຫ້ເຫັນວ່າ ຄົນທົ່ວໄປຈະຕັດສິນວ່າໃຜຄວນໄດ້ເລື່ອນຕໍາແໜ່ງ ຈາກການແຕ່ງຕົວຂອງພວກເຂົາ ວ່າມີຄວາມລະອຽດຫຼາຍປານໃດ ຫາກມີຄວາມລະອຽດຫຼາຍ ກໍບົ່ງບອກວ່າເຂົາມີຖານະການເງິນທີ່ດີ ແລະ ກໍາລັງຈະໄດ້ຮັບການເລື່ອນຕໍາແໜ່ງໃນໄວໆນີ້.- 4 1 - ນັກວິທະຍາສາດຊີ້ ຄົນທົ່ວໄປຈະຕັດສິນເຈົ້າຈາກ 11 ສິ່ງນີ້ເມື່ອເຫັນກັນທຳອິດ
  7. ຄວາມທ້າທາຍ: ຄົນທົ່ວໆໄປບໍ່ໄດ້ຕັດສິນວ່າເຈົ້າມັກຄວາມທ້າທາຍ ຫຼືບໍ່ ຈາກຮູບ​ຮ່າງພາຍນອກ ປະ​ເພດເຄື່ອງນຸງ ຫຼື ວິທີການເວົ້າຈາ ແຕ່ພວກເຂົາຈະຕັດສິນວ່າເຈົ້າມັກຄວາມທ້າທາຍ ຫຼື ເປັນຄົນສູ້ ຫຼື ບໍ່ ຈາກວິທີການ​ເໜັງ​ຕີງຂອງເຈົ້າ. ຄົນທີ່ຍ່າງໄວມີຮອຍຍີ້ມທີ່ເປີດເຜີຍ ແລະ ເວົ້າຈາດ້ວຍນໍ້າສຽງທີ່ໝັ້ນໃຈ ຈະເຮັດໃຫ້ຄົນອື່ນໆຄິດວ່າເຈົ້າເປັນຄົນລຸຍໆ ແລະ ມັກຄວາມທ້າທາຍ ​ເຖິງ​ວ່າຄວາມຈິງແລ້ວຂໍ້ສັນນິຖານເຫຼົ່ານີ້ຈະກົງກັນຂ້າມທັງໝົດກໍຕາມ.
  8. ດຸດັນ: ຫຼາຍໆຄັ້ງເຈົ້າຈະ​ປະ​ທັບ​ໃຈ​​ເທື່ອ​ທຳ​ອິດ​ຈະຕັດສິນໃຈຄົນແບບຮ້າຍກາດເກີນໄປເຊັ່ນ: ຂໍ້ນີ້ເຈົ້າອາດຫລົງ​ຕັດສິນໃຜໆ ໂດຍອັດຕະໂນມັດ ຖ້າພວກເຂົາມີຮອຍສັກ ຫຼື ເປັນຄົນທີ່ເວົ້າສຽງດັງ ລວມເຖິງຮູບທີ່ຜູ້ຊາຍກໍາລັງຫຼິ້ນວິດີໂອເກມ ມັກຈະຖືກເບິ່ງວ່າພວກເຂົາມັກໃຊ້ຄວາມຮຸນແຮງ. ນອກຈາກນີ້ລັກສະນະໃບໜ້າທີ່ກວ້າງ ແລະ ຍາວຫຼາຍເກີນໄປ ກໍຈະເຮັດໃຫ້ພວກເຂົາເບິ່ງວ່າເປັນຄົນຮ້າຍ (ເພາະຄິ້ວຈະເບິ່ງຕໍ່າ ຈົນຄືຂະມວດຄິ້ວຕະຫຼອດເວລານັ້ນເອງ).- 5 1 - ນັກວິທະຍາສາດຊີ້ ຄົນທົ່ວໄປຈະຕັດສິນເຈົ້າຈາກ 11 ສິ່ງນີ້ເມື່ອເຫັນກັນທຳອິດ
  9. ທໍາມະທໍາໂມ: ມີການວິໄຈໄດ້ເຮັດການທົດລອງ ໂດຍໃຫ້ອາສາສະໝັກເບິ່ງຮູບຖ່າຍຂອງຄົນແບບເຕັມຕົວ ແລະ ພົບວ່າເຮົາມັກຕັດສິນວ່າການແຕ່ງກາຍຂອງຄົນທີ່ຮຽບຮ້ອຍ ເບິ່ງສະອາດ, ມີຮອຍຍິ້ມກວ້າງທີ່ເບິ່ງເປັນມິດ ຄົນມັກຄິດວ່າພວກເຂົາເປັນພວກທໍາມະທໍາໂມ ຫຼາຍກວ່າບຸກຄະລິກ ຫຼື ທ່າທາງອື່ນໆ.
  10. ການເປີດເຜີຍ: ລັກສະນະເປີດເຜີຍກົງໄປກົງມາ ເປັນສິ່ງທີ່ຄົນສ່ວນຫລາຍຕັດສິນກັນໄວຫຼາຍ ໂດຍໃຊ້ເວລາພຽງ 1 ວິນາທີເທົ່ານັ້ນ ຄົນກໍສາມາດຕັດສິນໄດ້ເລີຍວ່າເຈົ້າເປັນຄົນມັກເຂົ້າສັງຄົມ ຫຼື ບໍ່ ໂດຍມີການວິໄຈໄດ້ເຮັດການທົດລອງໃຫ້ກຸ່ມອາສາສະໝັກ​ເບິ່ງ​ຮູບຈໍານວນ 100 ຮູບ ແລະ ພົບວ່າຄົນທີ່ພວກເຂົາຄິດວ່າເປັນຄົນເປີດເຜີຍມັກຈະມີຮອຍຍິ້ມທີ່ສົດໃສເວລາຖ່າຍຮູບ. ໃນຂະນະທີ່ຄົນທີ່ມັກເກັບຕົວ ມັກຈະບໍ່ຄ່ອຍກ້າຍິ້ມຢ່າງໝັ້ນໃຈເວລາຖ່າຍຮູບ.- 2 1 - ນັກວິທະຍາສາດຊີ້ ຄົນທົ່ວໄປຈະຕັດສິນເຈົ້າຈາກ 11 ສິ່ງນີ້ເມື່ອເຫັນກັນທຳອິດ
  11. ການເປັນຜູ້ນໍາ: ຄົນຈະເບິ່ງວ່າເຈົ້າສາມາດເປັນຫົວໜ້າຄົນອື່ນໆໄດ້ ຫຼື ບໍ່ ໂດຍເຂົາຈະຕັດສິນຈາກວຸດທິພາວະຂອງສີໜ້າ, ຄວາມເປັນມິດ ແລະ ໜ້າເຊື່ອຖື. ການທົດລອງໄດ້ນໍາເອົາຮູບຖ່າຍຂອງຜູ້ນໍາສະ ​ ໄໝໄຮສຄູລມາ ແລະ ພົບວ່າກຸ່ມອາສາສະໝັກສ່ວນຫລາຍ ມັກບອກວ່າຄົນໃນຮູບພາບນັ້ນຈະເປັນຜູ້ນໍາ ຫຼື ຈະເປັນຜູ້ທີ່ມີຊື່ສຽງໄດ້ ຫຼື ບໍ່.

 

 

error: Content is protected !!