ທ່ານ ທຣຳ ສັ່ງ CIA ສືບຈີນ-ອະນາໄມໂລກ ກັງວົນປົກປິດຂໍ້ມູນໂຄວິດລະບາດ

ທ່ານ ທຣຳ ສັ່ງ cia ສືບຈີນ-ອະນາໄມໂລກ ກັງວົນປົກປິດຂໍ້ມູນໂຄວິດລະບາດ - 304 - ທ່ານ ທຣຳ ສັ່ງ CIA ສືບຈີນ-ອະນາໄມໂລກ ກັງວົນປົກປິດຂໍ້ມູນໂຄວິດລະບາດ
ທ່ານ ທຣຳ ສັ່ງ cia ສືບຈີນ-ອະນາໄມໂລກ ກັງວົນປົກປິດຂໍ້ມູນໂຄວິດລະບາດ - Untitled design - ທ່ານ ທຣຳ ສັ່ງ CIA ສືບຈີນ-ອະນາໄມໂລກ ກັງວົນປົກປິດຂໍ້ມູນໂຄວິດລະບາດ

     ປະທານາທິບໍດີ ທຣຳ ສັ່ງທຸກໜ່ວຍຂ່າວລັບ ຊອກຫາຂໍ້ມູນຈີນ-ອະນາໄມໂລກ ມີສ່ວນກ່ຽວຂ້ອງປິດບັງເລື່ອງໂຄວິດແຕ່ທຳອິດ ຫລື ບໍ່.

ສຳນັກຂ່າວ NBC ຂອງອາເມລິກາ ລາຍງານໂດຍອ້າງແຫລ່ງຂ່າວພາຍໃນທຳນຽບຂາວວ່າ: ປະທານາທິບໍດີ ໂດນັລ ທຣຳ ໄດ້ມອບໝາຍໃຫ້ໜ່ວຍຂ່າວລັບ ແລະ ໜ່ວຍສືບລາຊະການລັບຢູ່ອາເມລິກາທຸກແຫ່ງ ນັບແຕ່ສຳນັກສອບສວນກາງ (CIA), ສຳນັກງານຄວາມໝັ້ນຄົງແຫ່ງຊາດ (NSA), ສຳນັກຂ່າວລັບທະຫານ (DIA) ລວມທັງສູນຂ່າວລັບການແພດແຫ່ງຊາດ ເລັ່ງກວດສອບ ແລະ ລວບລວມຂໍ້ມູນຢ້ອນຫລັງທີ່ສາມາດຫາໄດ້ໃນທຸກວິທີທາງ ລວມທັງການດັກຟັງຂໍ້ມູນ ແລະ ຮູບຖ່າຍດາວທຽມ ເພື່ອກວດສອບວ່າ: ທາງການຈີນ ແລະ ອົງການອະນາໄມໂລກ ມີສ່ວນກ່ຽວຂ້ອງຕັ້ງໃຈປົກປິດຂໍ້ມູນການລະບາດຂອງເຊື້ອໄວຣັສໂຄໂຣນາໃນໄລຍະທຳອິດ ຫລື ບໍ່.

ລາຍງານລະບຸວ່າ: ປະຕິບັດການ “tasking” ຂອງບັນດາໜ່ວຍຂ່າວລັບອາເມລິກາຄັ້ງນີ້ ແຕ່ລະໜ່ວຍງານໄດ້ຮັບມອບໝາຍແຕກຕ່າງກັນ ໂດຍ NSA ແລະ DIA ໄດ້ຮັບມອບໝາຍພາລະກິດໃຫ້ຫາຄຳຕອບວ່າອະນາໄມໂລກ ຮູ້ຫຍັງກ່ຽວກັບຫ້ອງປະຕິບັດການໄວຣັສໃນອູ່ຮັ່ນ ເຊິ່ງສຶກສາກ່ຽວກັບເຊື້ອໄວຣັສຫລາຍຊະນິດ ຫລື ບໍ່ ລວມທັງຈີນໄດ້ຕັ້ງໃຈປົກປິດຂໍ້ມູນການລະບາດຂອງໄວຣັສໃນໄລຍະທຳອິດ ຫລື ບໍ່ ຜ່ານການລະດົມຂໍ້ມູນທາງລັບໃນຫລາກຫລາຍວິທີ.

ເຊັ່ນດຽວກັບ CIA ທີ່ໄດ້ຮັບຄຳສັ່ງລັກສະນະດຽວກັນ ໂດຍແຫລ່ງຂ່າວພາຍໃນລະບຸວ່າ: ທ່ານ ທຣຳ ໄດ້ສັ່ງໃຫ້ CIA ລວບລວມຂໍ້ມູນທີ່ຫລາກຫລາຍ ລວມທັງຮູບຖ່າຍດາວທຽມ ແລະ ການດັກຟັງການສື່ສານທີ່ກ່ຽວຂ້ອງກັບສະຖານະການໄວຣັສລະບາດຢູ່ຈີນ.

ທ່ານ ທຣຳ ສັ່ງ cia ສືບຈີນ-ອະນາໄມໂລກ ກັງວົນປົກປິດຂໍ້ມູນໂຄວິດລະບາດ - Wave100S AD to Website 2020 0 - ທ່ານ ທຣຳ ສັ່ງ CIA ສືບຈີນ-ອະນາໄມໂລກ ກັງວົນປົກປິດຂໍ້ມູນໂຄວິດລະບາດ

ລາຍງານດັ່ງກ່າວສອດຄ່ອງກັບຄຳຖະແຫລງຂອງປະທານາທິບໍດີ ທຣຳ ທີ່ກ່າວຜ່ານສື່ໃນວັນທີ 29 ເມສາວ່າ: ອາເມລິກາຈະສືບສວນຫາຂໍ້ມູນຄວາມຈິງເລື່ອງການຕອບສະໜອງຕໍ່ການລະບາດຂອງໄວຣັສໂຄວິດໃນຈີນ ໂດຍກ່າວວ່າ: ຈີນຄວນຢຸດການລະບາດໄດ້ນັບແຕ່ທຳອິດ ບໍ່ໃຫ້ມັນລະບາດທົ່ວໂລກ.

ເຊັ່ນດຽວກັບໄລຍະຕົນເດືອນຜ່ານມາ, ທ່ານ ທຣຳ ໄດ້ກ່າວໂຈມຕີການເຮັດວຽກຂອງອົງການອະນາໄມໂລກວ່າ: ໃຫ້ຄຳແນະນຳທີ່ສັບສົນ ແລະ ເຮັດວຽກຕອບສະໜອງການລະບາດຊັກຊ້າ ໂດຍສະເພາະໄລຍະເດືອນມັງກອນທີ່ອະນາໄມໂລກເຄີຍກ່າວວ່າ: ເຊື້ອນີ້ບໍ່ສາມາດຕິດຕໍ່ຈາກຄົນເຖິງຄົນດ້ ລວມທັງອະນາໄມໂລກເປັນອົງການທີ່ເຮັດວຽກພາຍໃຕ້ອິດທະພົນຈີນ.

ເຖິງຢ່າງໃດກໍດີ, ສຳນັກຂ່າວວໍຊິງຕັນໂພສ ລາຍງານໂດຍອ້າງແຫລ່ງຂ່າວໃນ CIA ເຊັ່ນກັນວ່າ: ສຳນັກສອບສວນກາງ ຫລື CIA ເຄີຍສົ່ງຄຳເຕືອນເຖິງ 12 ສະບັບ ກ່ຽວກັບສະຖານະການໄວຣັສຊະນິດໃໝ່ລະບາດຢູ່ຈີນ ໄປໃຫ້ທຳນຽບຂາວນັບແຕ່ເດືອນມັງກອນ ແລະ ກຸມພາແລ້ວ ແຕ່ທຳນຽບຂາວພັດບໍ່ສົນໃຈ.

ທ່ານ ທຣຳ ສັ່ງ cia ສືບຈີນ-ອະນາໄມໂລກ ກັງວົນປົກປິດຂໍ້ມູນໂຄວິດລະບາດ - WhatsApp Image 2020 05 27 at 5 - ທ່ານ ທຣຳ ສັ່ງ CIA ສືບຈີນ-ອະນາໄມໂລກ ກັງວົນປົກປິດຂໍ້ມູນໂຄວິດລະບາດ
ທ່ານ ທຣຳ ສັ່ງ cia ສືບຈີນ-ອະນາໄມໂລກ ກັງວົນປົກປິດຂໍ້ມູນໂຄວິດລະບາດ - WhatsApp Image 2020 05 27 at 5 - ທ່ານ ທຣຳ ສັ່ງ CIA ສືບຈີນ-ອະນາໄມໂລກ ກັງວົນປົກປິດຂໍ້ມູນໂຄວິດລະບາດ
error: Alert: ເນື້ອຫາຂ່າວມີລິຂະສິດ !!