ໂຄວິດ-19 ເຮັດໃຫ້ກໍາມະກອນທົ່ວໂລກຫວ່າງງານຫລາຍກ່ວາ 25 ລ້ານຄົນ

ໂຄວິດ-19 ເຮັດໃຫ້ກໍາມະກອນທົ່ວໂລກຫວ່າງງານຫລາຍກ່ວາ 25 ລ້ານຄົນ - unnamed file - ໂຄວິດ-19 ເຮັດໃຫ້ກໍາມະກອນທົ່ວໂລກຫວ່າງງານຫລາຍກ່ວາ 25 ລ້ານຄົນ
ໂຄວິດ-19 ເຮັດໃຫ້ກໍາມະກອນທົ່ວໂລກຫວ່າງງານຫລາຍກ່ວາ 25 ລ້ານຄົນ - Untitled design - ໂຄວິດ-19 ເຮັດໃຫ້ກໍາມະກອນທົ່ວໂລກຫວ່າງງານຫລາຍກ່ວາ 25 ລ້ານຄົນ

ລະນຶກວັນກຳມະກອນສາກົນ 1 ພຶດສະພາຄົບຮອບ 134 ປີ
ກໍາມະກອນກໍຄືຜູ້ອອກແຮງງານທັງຫລາຍແມ່ນຫນຶ່ງໃນກຳລັງການຜະລິດ ແລະ ກໍແມ່ນຜູ້ໄດ້ຮັບຜົນກະທົບຫນັກຈາກ ການລະບາດຂອງພະຍາດອັກເສບປອດຈາກເຊື້ອຈຸລະໂລກສາຍພັນໃຫມ່ໂຄວິດ -19 ໂດຍສະເພາະດ້ານລາຍຮັບແລະຊີ ວິດການເປັນຢູ່ຂອງເຂົາເຈົ້າພົບຄວາມຫຍຸ້ງຍາກເປັນທີ່ສຸດ, ເນື່ອງຈາກການປິດ ໂຮງຈັກໂຮງງານ ແລະ ກິດຈະການຕ່າງໆ, ປິດການເຄື່ອນໄຫວຂອງບັນດາວິສາຫະກິດແລະ ກໍບໍ່ມີການຈ້າງແຮງງານ ແລະ ຮ້າຍແຮງໄປກ່ວານັ້ນບາງວິສາຫະກິດກໍລົ້ມລະລາຍ, ເຊິ່ງເຮັດໃຫ້ກໍາມະກອນແລະຜູ້ອອກແຮງງານຫລາຍນັບຫລາຍລ້ານຄົນໃນທົ່ວໂລກຕ້ອງຫວ່າງງານ ແລະ ຄາດວ່າຈະມີການ ສູນເສຍລາຍຮັບປະມານ 3,4 ແສນລ້ານໂດລາສະຫະລັດ
ໃນວັນທີ 30 ເມສານີ້ ທ່ານວັນນາ ດວງພະຈັນ ຮອງປະທານຄະນະບໍລິຫານງານສູນກາງສະຫະພັນກໍາມະບານລາວໄດ້ໃຫ້ສໍາພາດຕໍ່ສື່ມວນຊົນໃນວັນໂອກາດວັນກຳມະກອນສາກົນ 1 ພຶດສະພາ ຄົບຮອບ 134 ປີນີ້້ວ່າ: ໃນທ້າຍປີ 2019 ຫາຕົ້ນປີ 2020 ທົ່ວໂລກໄດ້ປະສົບກັບບັນຫາການແຜ່ລະບາດຂອງພະຍາດໂຄວິດ -19 ,ເຊິ່ງການແຜ່ລະບາດຂອງພະຍາດດັ່ງກ່າວໄດ້ສົ່ງຜົນກະທົບຢ່າງຫນັກຫນ່ວງໃນທຸກດ້ານເຊັ່ນ: ເສດຖະກິດ- ສັງຄົມ, ການພັດທະນາ, ຊີວິດການ ປັນຢູ່ຂອງປະຊາຊົນໃນທົ່ວໂລກ, ສໍາລັບລາວເຮົາກໍເຊັ່ນກັນກໍາມະກອນແລະຜູ້ອອກແຮງງານກວມປະມານ 60% ຂອງພົນລະເມືອງນັ້ນ,ກໍໄດ້ຮັບຜົນກະທົບຢ່າງຫນັກຫນ່ວງຍ້ອນການສູນເສຍລາຍຮັບ, ຊີວິດການເປັນຢູ່ຝືດເຄືອງ,ລວມເຖິງຄວາມບໍ່ແນ່ນອນໃນການມີວຽກເຮັດງານທໍາໃນຕໍ່ໄປນັບທັງຢູ່ ພາຍໃນກໍຄືຕ່າງປະເທດກໍເນື່ອງຈາກໄດ້ຮັບຜົນກະທົບຮ້າຍແຮງຈາກພະບາດນີ້, ເນື່ອງຈາກວິສາຫະກິດ ແລະ ໂຮງຈັກໂຮງງານຈຳນວນຫລາຍໄດ້ຍົກເລີກການຈ້າງງານແລະບັນຫາອື່ນໆຕາມມາ.
ທ່ານວັນນາດວງພະຈັນກ່າວຕື່ມວ່າ: ການສະເຫລີມສະຫລອງວັນກໍາມະກອນສາກົນປີນີ້, ເຊິ່ງຢູ່ໃນໄລຍະເວລາການເພີ່ມທະວີມາດຕະການປ້ອງກັນ ແລະ ສະກັດກັ້ນພະຍາດໂຄວິດ -19 ສະນັ້ນ, ຈຶ່ງມີຄວາມຈໍາເປັນຕ້ອງໄດ້ໂຈະການຈັດກິດຈະກໍາເຄື່ອນໄຫວແລະການໂຮມຊຸມນຸມທີ່ມີການເຕົ້າໂຮມຄົນເປັນຈຳນວນຫລາຍດັ່ງທີ່ເຄີຍປະຕິບັດໃນຊຸມປີຜ່ານມາ ທັງນີ້ກໍເພື່ອຕ້ານການແຜ່ລະບາດຂອງພະຍາດັ່ງກ່າວໃນຂອບເຂດທົ່ວປະເທດ . ດັ່ງນັ້ນໃນນາມຄະນະບໍລິຫານງານສູນກາງສະຫະພັນກໍາມະບານລາວຈິ່ງຂໍຮຽກຮ້ອງມາຍັງສະມາຊິກກໍາມະບານ, ກໍາມະກອນແລະຜູ້ອອກແຮງງານລາວຈົ່ງສືບຕໍ່ສາມັກຄີກັນເປັນຈິດຫນຶ່ງໃຈດຽວຍິ່ງກວ່າເວລາໃດຫມົດເພື່ອອົດທົນຜ່ານຜ່າວິກິດການໂຄວິດ -19 ທີ່ໂຫດຮ້າຍນີ້ ແລະພ້ອມກັນເຊື່ອຫມັ້ນຕໍ່ການນໍາພາຂອງພັກແລະລັດຖະບານ, ຍົກສູງສະຕິລະວັງຕົວຕໍ່ກົນອຸບາຍຕົວະຍົວະຫລອກລວງຂອງກຸ່ມຄົນບໍ່ຫວັງດີ, ສ້າງຄວາມສັບສົນ, ກະຈາຍຂໍ້ມູນທີ່ບໍ່ມີຄວາມຈິງ, ພ້ອມກັນສືບຕໍ່ເສີມຂະຫຍາຍທາດແທ້ມູນເຊື້ອອັນດີງາມ, ຄຸນລັກສະນະອັນດີເລີດຂອງຊົນຊັ້ນກໍາມະກອນລາວທີ່ເປັນກໍາລັງແຮງອັນໃຫຍ່ຫລວງໃນຂະບວນການຜະລິດ, ປະກອບສ່ວນປົກປັກຮັກສາແລະສ້າງສາພັດທະນາປະເທດຊາດໃຫ້ຈະເລີນຮຸ່ງເຮືອງ.

ໂຄວິດ-19 ເຮັດໃຫ້ກໍາມະກອນທົ່ວໂລກຫວ່າງງານຫລາຍກ່ວາ 25 ລ້ານຄົນ - Wave100S AD to Website 2020 0 - ໂຄວິດ-19 ເຮັດໃຫ້ກໍາມະກອນທົ່ວໂລກຫວ່າງງານຫລາຍກ່ວາ 25 ລ້ານຄົນ
ໂຄວິດ-19 ເຮັດໃຫ້ກໍາມະກອນທົ່ວໂລກຫວ່າງງານຫລາຍກ່ວາ 25 ລ້ານຄົນ - WhatsApp Image 2020 05 27 at 5 - ໂຄວິດ-19 ເຮັດໃຫ້ກໍາມະກອນທົ່ວໂລກຫວ່າງງານຫລາຍກ່ວາ 25 ລ້ານຄົນ
ໂຄວິດ-19 ເຮັດໃຫ້ກໍາມະກອນທົ່ວໂລກຫວ່າງງານຫລາຍກ່ວາ 25 ລ້ານຄົນ - WhatsApp Image 2020 05 27 at 5 - ໂຄວິດ-19 ເຮັດໃຫ້ກໍາມະກອນທົ່ວໂລກຫວ່າງງານຫລາຍກ່ວາ 25 ລ້ານຄົນ
error: Alert: ເນື້ອຫາຂ່າວມີລິຂະສິດ !!