ລາວບໍ່ພົບຜູ້ຕິດເຊື້ອໂຄວິດ-19 ເປັນມື້ທີ່ 18 ແລ້ວ

ລາວບໍ່ພົບຜູ້ຕິດເຊື້ອໂຄວິດ-19 ເປັນມື້ທີ່ 18 ແລ້ວ - aaaaaa - ລາວບໍ່ພົບຜູ້ຕິດເຊື້ອໂຄວິດ-19 ເປັນມື້ທີ່ 18 ແລ້ວ
ລາວບໍ່ພົບຜູ້ຕິດເຊື້ອໂຄວິດ-19 ເປັນມື້ທີ່ 18 ແລ້ວ - AGL banner - ລາວບໍ່ພົບຜູ້ຕິດເຊື້ອໂຄວິດ-19 ເປັນມື້ທີ່ 18 ແລ້ວ

ຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ COVID-19, ຖະແຫລງໃຫ້ຮູ້ໃນວັນທີ30 ເມສານີ້ວ່າ: ມາຮອດມື້ນີ້ເປັນມື້ທີ່ 18 ແລ້ວ,ທີ່ລາວເຮົາບໍ່ມີຜູ້ຕິດເຊື້ອໂຄວິດ-19 ເພີ່ມໃຫມ່ອີກ, ຊຶ່ງມີພຽງຜູ້ຕິເຊື້ອສະໂສມເກົ່າຈຳນວນ 19 ຄົນເທົານັ້ນ ແລະ ໃນນັ້ນກໍສາມາດປິ່ນປົວຫາຍດີ ແລະ ອອກໂຮງຫມໍແລ້ວ 8 ຄົນ, ຍັງພຽງ 11 ຄົນທີ່ກຳລັງຮັກສາປິ່ນປົວຢູ່ໂຮງຫມໍມິດຕະພາບນັ້ນກໍມີອາການດີຂຶ້ນເປັນປົກກະຕິ, ນີ້ແມ່ນຜົນສຳເລັດທີ່ພັກ ແລະ ລັດຖະບານເຮົາໄດ້ມີມາດຕະການອັນຖືກຕ້ອງໃນການສະກັດກັ້ນ, ປ້ອງກັນ ແລະ ຄວບຄຸມພະຍາດດັ່ງກ່າວ, ໂດຍສະເພາະແມ່ນຄຳສັ່ງແນະນຳເລກທີ 06 ຂອງທ່ານນາຍົກລັດຖະມົນຕີ ແລະ ມາດຕະການຕ່າງໆຂອງຄະນະສະເພາະກິດວາງອອກຢ່າງມີປະສິດທິຜົນ. ແຕ່ເຖິງຢ່າງໃດພວກເຮົາກໍບໍ່ໄດ້ລົດລະໃນການເຝົ້າລະວັງ ແລະ ສະກັດກັ້ນພະຍາດດັ່ງກ່າວ, ດ້ວຍການລືບຕໍ່ຈັດຕັ້ງປະຕິບັດບັນດາຄຳສັ່ງ ແລະ ມາດຕະການຕ່າງໆດັ່ງກ່າວໃຫ້ມີປະສິດທິຜົນຍິ່ງຂຶ້ນ, ໂດຍສະເພາະແມ່ນມາດຕະການກວດກາຄັດກອງຜູ້ເດີນທາງເຂົ້າມາປະເທດໃຫ້ເຂັ້ມງວດ, ເພື່ອການກັກກັນຢູ່ສູນໃຫ້ຄົບ 14 ມື້ຕາມຫລັກການການແພດຄືໃນວັນທີ 29 ຜ່ານມານີ້,ມີຈໍານວນຜູ້ເດີນທາງເຂົ້າມາປະເທດເຮົາທັງໝົດ 1.797 ຄົນ, ໃນນັ້ນຜ່ານດ່ານລາວ-ໄທ ມີ 971 ຄົນ, ທັງໝົດ ແມ່ນຜູ້ຂັບລົດຂົນສົ່ງສິນຄ້າ, ຜ່ານດ່ານລາວ-ຈີນມີ 186 ຄົນ ແລະ ຜ່ານດ່ານລາວ-ຫວຽດ 640 ຄົນ, ທັງໝົດແມ່ນຜູ້ຂັບລົດຂົນສົ່ງສິນຄ້າຊຶ່ງໃນທຸກດ່ານ ແມ່ນໄດ້ກວດວັດອຸນຫະພູມຮ່າງກາຍ ແລະ ບໍ່ມີຄົນສົງໃສຫລືເປັນໄຂ້ໃດໆ ແລະ ໃນວັນທີ 29 ເມສານີ້, ໄດ້ເກັບຕົວຢ່າງມາກວດທັງໝົດ 10 ຄົນ, ໃນນັ້ນ ຜູ້ມີອາ
ການສົງໄສມາກວດຢູ່ໂຮງໝໍ 8 ຄົນ, ຊຶ່ງຜົນກວດທັງໝົດບໍ່ພົບເຊື້ອ. ໝາຍຄວາມວ່າໃນວັນທີ 29 ເມສາບໍ່ມີກໍລະນີໃໝ່ເປັນມື້ທີ 18 ແລ້ວ. ສ່ວນຜູ້ຕິດເຊື້ອ ປິ່ນປົວຢູ່ໂຮງໝໍ 11 ຄົນນັ້ນແມ່ນມີອາການເບົາບາງດີຂຶ້ນ.
ສຳລັບສະພາບການລະບາດຂອງປະເທດໃກ້ຄຽງ ແລະ ຢູ່ໃນທົ່ວໂລກ ເຫັນວ່າ:ມາຮອດເວລາ 6:00 ໂມງເຊົ້າ ຂອງວັນທີ 30 ເມສານີ້, ທົ່ວໂລກມີລາຍງານການລະບາດ ທັງໝົດ 210 (ປະເທດ/ເຂດ). ມີຜູ້ຕິດເຊື້ອພະຍາດ COVID-19 ຫລາຍກ່ວາ 3,20 ລ້ານຄົນ ໃຫມ່72.000 ກ່ວາຄົນ ແລະ ມີຜູ້ເສຍຊິວິດ 227.549 (ໃຫມ່6.082 ຄົນ), ປີ່ນປົວຫາຍດີ 997.178 (ໃຫມ່45,745 ຄົນ), ມີບາງປະເທດພຽງມື້ດຽວມີຈຳນວນຜູ້ຕິດເຊື້ອເຖິງ 21.758 ຄົນ ແລະ ເສຍຊີວິດ 2,083 ຄົນ ຕໍ່ມື້. ອັດຕາຄວາມຮ້າຍແຮງຂອງມື້ນີ້ແມ່ນເພິ່ມຂຶ້ນ 7.09 % (ຈາກມື້ວານ 6.93 %).ສະເພາະບັນດາປະເທດອາຊຽນໃນວັນທີ 30 ເມສາ 2ນີ້ມີຜູ້ຕິດເຊື້ອໃໝ່ ເຖິງ 690 ຄົນ ແລະ ເສຍຊີວິດໃນມື້ດຽວ ຢູ່ກຸ່ມປະເທດອາຊຽນ ເຖິງ 40 ຄົນ.ເຖິງສະພາບການລະບາດຜ່ອນຄາຍລົງຄືແນວນີ້ ແຕ່ພວກເຮົາກໍ່ບໍ່ໄດ້ປະໝາດ ແລະ ມີການເຝົ້າລະວັງຢ່າງໃກ້ຊິດ ເພື່ອສະກັດກັ້ນ ບໍ່ໃຫ້ມີການລະບາດຄືນຄັ້ງທີ 2. ພວກເຮົາຍັງຈະໄດ້ສືບຕໍ່ປະຕິບັດຄຳສັ່ງເລກທີ 06/ນຍ ນີ້ ໄປຈົນກວ່າຈະຮອດວັນທີ 3 ພຶດສະພາທີ່ຈະມາເຖິງ, ດັ່ງນັ້ນ ຈຶ່ງຂໍຮຽກຮ້ອງໃຫ້ປະຊາຊົນບັນດາເຜົ່າ, ອົງການຈັດຕັ້ງທຸກພາກສ່ວນ ຈົ່ງຮ່ວມໄມ້ຮ່ວມມືກັນຈັດຕັ້ງປະຕິບັດ ໃຫ້ຖຶກຕ້ອງ ແລະ ເຂັ້ມງວດ ແລະ ເຖິງວ່າຈະມີຄວາມຫຍຸງຍາກໃນການຈຳກັດ ການເຄື່ອໄຫວ ຊີວິດປະຈຳວັນຂອງປະຊາຊົນ ແລະ ມີຫຼາຍຂໍ້ກຳນົດທີ່ໄດ້ຈຳກັດການເຄື່ອນໄຫວ ທາງດ້ານພາກທຸລະກິດ. ແຕ່ໃນປະຈຸບັນ ຄະນະສະເພາະກິດ ພາຍໃຕ້ການຊີ້ນຳຂອງສູນກາງພັກ ກໍ່ຄືລັດຖະບານ ກຳ
ລັງຄົ້ນຄວ້າບາງມາດຕະການທີ່ຈະຜ່ອນຜັນລົງ ແຕ່ວ່າພວກເຮົາຈະຕ້ອງສືບຕໍ່ປະຕິບັດ ມາດຕະການປ້ອງກັນ ການຕິດເຊື້ອຢ່າງເຂັ້ມງວດ ເປັນຕົ້ນ ແມ່ນການປະຕິບັດໄລຍະຫ່າງ, ການໃສ່ຜ້າປິດປາກ-ດັງ, ການລ້າງມື, ການໃຊ້ເຈວຂ້າເຊື້ອ ແລະຫຼັກການອະນາໄມໃຫ້ເຂັ້ມງວດ,ຖ້າບັນດາທ່ານ ຫຼື ຄົນໃນຄອບຄົວຫາກມີອາການໄຂ້, ໄອ, ເຈັບຫົວ, ເຈັບທ້ອງ ຫຼື ມີອາການອື່ນໆ ກໍ່ຂໍໃຫ້ບັນດາທ່ານ ເຂົ້າໄປພົບແພດຢູ່ໂຮງໝໍ ເພື່ອຈະໄດ້ຄັດແຍກ ວ່າມີອາການສົງໃສ ກ່ຽວກັບພະຍາດ COVID-19 ຫຼືບໍ່ ພ້ອມທັງຈະໄດ້ເກັບຕົວຢ່າງໄປກວດວິເຄາະຊອກຫາເຊື້ອ ຫຼືວ່າ ບັນດາທ່ານທີ່ມີພະຍາດອື່ນກໍ່ຈະ
ໄດ້ຄັດແຍກໄປບ່ອນໜຶ່ງສະເພາະ ເພື່ອທຳການປິ່ນປົວ ເພາະວ່າໄລຍະນີ້ ກໍ່ແມ່ນລະດູຝົນ ພະຍາດຕາມລະດູການ ກໍ່ສາມາດເກີດຂຶ້ນໄດ້ ໂດຍສະເພາະແມ່ນພະຍາດໄຂ້ເລືອດອອກ ກໍ່ເປັນພະຍາດໜຶ່ງທີ່ພວກເຮົາ ເຝົ້າລະວັງແຕ່ລະປີ ຂໍໃຫ້ປະຊາຊົນ ຈົ່ງເອົາໃຈໃສ່ ເພື່ອຫຼີກເວັ້ນຈາກ ພະຍາດທັງໝົດທີ່ສາມາດປ້ອງກັນໄດ້.

ລາວບໍ່ພົບຜູ້ຕິດເຊື້ອໂຄວິດ-19 ເປັນມື້ທີ່ 18 ແລ້ວ - Wave100S AD to Website 2020 0 - ລາວບໍ່ພົບຜູ້ຕິດເຊື້ອໂຄວິດ-19 ເປັນມື້ທີ່ 18 ແລ້ວ
ລາວບໍ່ພົບຜູ້ຕິດເຊື້ອໂຄວິດ-19 ເປັນມື້ທີ່ 18 ແລ້ວ - WhatsApp Image 2020 05 27 at 5 - ລາວບໍ່ພົບຜູ້ຕິດເຊື້ອໂຄວິດ-19 ເປັນມື້ທີ່ 18 ແລ້ວ
ລາວບໍ່ພົບຜູ້ຕິດເຊື້ອໂຄວິດ-19 ເປັນມື້ທີ່ 18 ແລ້ວ - WhatsApp Image 2020 05 27 at 5 - ລາວບໍ່ພົບຜູ້ຕິດເຊື້ອໂຄວິດ-19 ເປັນມື້ທີ່ 18 ແລ້ວ
ລາວບໍ່ພົບຜູ້ຕິດເຊື້ອໂຄວິດ-19 ເປັນມື້ທີ່ 18 ແລ້ວ - WhatsApp Image 2020 05 27 at 5 - ລາວບໍ່ພົບຜູ້ຕິດເຊື້ອໂຄວິດ-19 ເປັນມື້ທີ່ 18 ແລ້ວ
ລາວບໍ່ພົບຜູ້ຕິດເຊື້ອໂຄວິດ-19 ເປັນມື້ທີ່ 18 ແລ້ວ - WhatsApp Image 2020 05 27 at 5 - ລາວບໍ່ພົບຜູ້ຕິດເຊື້ອໂຄວິດ-19 ເປັນມື້ທີ່ 18 ແລ້ວ
error: Alert: Content is protected !!